1. Σόσκε ισί γκοντιαβέρ τι προετοιμάνας-αμέν για το καταστροφές;

 Η ΠΡΟΕΤΟΙΜΑΣΙΑ σώνελα ζωές. Για παράδειγμας, κάνα κα αβέλ εκ καταστροφή, ο τζενέ σο ισί προετοιμασμέ ισί πο σίγουρος ότι κα τζουβντιόν ντα κα μπορίνεν τι βοηθίνεν γιαβερέν-ντα. Εκ οργανισμός κι Ευρώπη σο βοηθίνελα τζενέν βακερέλα ακαβά: «Η λατσσί προετοιμασία μπορίνελα τι σώνελ ζωές».

2. Σόσκε πρέπει τι προετοιμάνας-αμέν για την μπαρί στεναχώρια; (Ματθαίος 24:44)

² Η «μπαρί στεναχώρια» κα αρχίνελ ξαφνικά. (Ματθ. 24:​21) Η μπαρί στεναχώρια όμως νανέ σαρ ο γιαβερά καταστροφές, σο να μπεκλεντίνασα λένγκε. Τζανάσα ότι αβέλα. Περίπου πριν από 2.000 μπρεσά, ο Ιησούς βακερντάας πι μαθητένγκε τι προετοιμάντιβεν ανταλέ ντιβεσέσκε. (Διαβάνεν Ματθαίος 24:​44) Άμα ισινάμ προετοιμασμέ, κα αβέλ πο εύκολος αμένγκε τι νταϊντίνας ανταβά δύσκολος βακίτι ντα τι βοηθίνας γιαβερέν-ντα τι κερέν ο ίδιος.​—Λουκ. 21:36.

3. Σαρ κα αβάς έτοιμοι για την μπαρί στεναχώρια άμα κα κεράς υπομονή, κα πφαμπάς ι γιαβερένγκε ντα κα σικαβάς αγάπη;

³ Ντικχέν τριν ιδιότητες σο μπορίνενα τι βοηθίνεν-αμέν τι αβάς έτοιμοι για την μπαρί στεναχώρια. Σο κα κεράς άμα κα βακερέν αμένγκε τι μουτθαβάς ο πφαρέ αμπέρια ι τιμωριάκε ντα ο τζενέ σο να τθερένα ι ίδια πίστη αμέντζαρ κα τζαν αμέντζαρ κόντρα; (Αποκ. 16:​21) Κα χρειαζίντιβελ τι κεράς υπομονή για τι ντας καν κο Ιεχωβά, σίγουροι ότι κα αρακχαβέλ-αμέν. Σο κα κεράς άμα αμαρέ πφραλά κα χασαρέν μερικά ή σαρέ πουμαρέ υλικά πράγματα; (Αββακ. 3:​17, 18) Κα χρειαζίντιβελ τι πφαμπάς ι γιαβερένγκε για τι βοηθίνας-λεν. Σο κα κεράς άμα κα κερέν αμένγκε επίθεση ο τθεμά σο κα γκιντίντιβεν σαρέ γιεκ, ντα αμέν κα χρειαζίντιβελ τι μπεσάς κο ίδιος τθαν μπουτέ πφραλέντζαρ ντα πφενίντζαρ για χάνικ βακίτι; (Ιεζ. 38:​10-12) Κα χρειαζίντιβελ τι σικαβάς μπαρί αγάπη λένγκε για τι βοηθίνας-λεν τι νταϊντίνεν ανταβά δύσκολος βακίτι.

4. Σαρ σικαβέλα η Γραφή ότι πρέπει τι συνεχίνας τι κεράς υπομονή, τι πφαμπάς ι γιαβερένγκε ντα τι σικαβάς αγάπη;

 ⁴ Ο Λάφι ι Ντεβλέσκο βακερέλα αμένγκε τι συνεχίνας τι κεράς υπομονή, τι πφαμπάς ι γιαβερένγκε ντα τι σικαβάς αγάπη. Ο εδάφιος Λουκάς 21:​19 βακερέλα: «Άμα κα νταϊντίνεν, κα ατσσικιαρέν τουμαρί ζωή». Ο εδάφιος Κολοσσαείς 3:​12 βακερέλα: «Ιρίν ι συμπόνια». Ντα ο εδάφια 1 Θεσσαλονικείς 4:9, 10 βακερένα: «Τουμέν ο ίδιοι σικλιλέν κατά Ντεβέλ τι μανγκέν ο εκ ι γιαβερές. . . . Αλλά βακεράσα τουμένγκε, πφραλάλεν, τι συνεχίνεν τι κερέν-λες ανταβά ατζέ πο μπουτ». Σαρέ ανταλά λάφια γραφίντιλε ι μαθητένγκε σο κερένας υπομονή, πφαμπόνας ι γιαβερένγκε ντα σικαβένας αγάπη. Όμως, έπρεπε τι συνεχίνεν τι σικλιόν σαρ τι σικαβέν ανταλά ιδιότητες. Αμέν-ντα πρέπει τι κεράς-λες ανταβά. Για τι βοηθίντιβας, κα ντικχάς σαρ ο πρώτοι Χριστιανοί σικαβένας ανταλά τριν ιδιότητες. Σοράν, κα ντικχάς σαρ μπορίνασα αμέν τι μοιάζας ανταλέ μαθητέντε, ντα αντικάς τι αβάς έτοιμοι για την μπαρί στεναχώρια.

5. Σαρ νταϊντίνενας ο πρώτοι Χριστιανοί πουμαρέ δοκιμασίες;

⁵ Ο πρώτοι Χριστιανοί χρειαζίντιβενας υπομονή. (Εβρ. 10:​36) Βον να τθερένας σάντε ο προβλήματα σο τθερένας ο τζενέ αζομάν, αλλά τθερένας προβλήματα-ντα επειδή ισινέ Χριστιανοί. Μπουτέ Χριστιανόντζαρ τζάνας κόντρα, όχι σάντε ο Ιουδαίοι αρχηγοί ι θρησκειάκε ντα η ρωμαϊκή κυβέρνηση, αλλά εμ λένγκι φαμιλί-ντα. (Ματθ. 10:​21) Ντα έπρεπε τι αβέν σίγουροι ότι ο ψεύτικα λάφια ι αποστατόνγκε, σο προσπαθίνενας τι χωρίνεν ι κχανγκιρί, να κα επηρεάνενας-λεν. (Πράξ. 20:​29, 30) Ανταλά Χριστιανοί όμως κερένας μπαρί υπομονή. (Αποκ. 2:3) Σαρ; Σκεφτίνενας παραδείγματα τζενένγκε κατά Αγία Γραφή σο σικαντέ υπομονή, σαρ ισί ο Ιώβ. (Ιακ. 5:​10, 11) Προσευχίντιβενας ζοριάκε. (Πράξ. 4:​29-31) Ντα τθερένας πουμαρέ γκοντιάτε ο ευλογίες σο κα λένας άμα κα κερένας υπομονή.​—Πράξ. 5:41.

6. Σο σικλιόνα οντουλένταρ σο κερντάς η Μερίτα για τι νταϊντίνελ ι βία πι φαμιλιάταρ;

⁶ Αμέν-ντα μπορίνασα τι νταϊντίνας άμα διαβάνασα συνέχεια παραδείγματα τζενένγκε κι Γραφή ντα κο έντυπα σο σικαντέ υπομονή, ντα σοράν σκεφτίνασα-λεν λατσσές. Επειδή κερέλας-λες ανταβά, η Μερίτα, εκ πφεν κι Αλβανία, μπορισάλι τι νταϊντίνελ ι νταπ σο χάλας πι φαμιλιάταρ επειδή ισινέ Μάρτυρας. Βόι βακερέλα: «Κάνα ροντιντόμ πο λατσσές ι ιστορία του Ιώβ κι Γραφή, λιντόμ μπουτ ζορ. Βοβ τσσιντιντάς μπουτ, ντα παρόλο σο να τζανέλας κον ισινέ υπεύθυνος λέσκε βασανένγκε, βακερντάς: “Μέχρι τι μεράβ, κα ατσσικιαράβ σαστό μο γκι κο Ντεβέλ!” (Ιώβ 27:5) Σκεφτίναβας ότι μο δοκιμασίες να ισινέ τίποτα ανγκλάλ κο δοκιμασίες του Ιώβ. Με μπάριμα τζανάβας κον ισινέ παλάλ μι προβληματένταρ».

7. Ατζέ-ντα άμα ανταγιά στιγμή να νακχάσα εκ μπαρί δοκιμασία, σο πρέπει τι σικλιάς τι κεράς ακανά;

⁷ Μπορίνασα επίσης τι μπαριαράς αμαρί υπομονή κάνα κεράσα συνέχεια προσευχή κο Ιεχωβά ντα βακεράσα λέσκε σαρέ αμαρέ ανησυχίες. (Φιλιπ. 4:6· 1 Θεσ. 5:​17) Μπορεί μα τι νακχένα εκ μπαρί δοκιμασία ανταγιά στιγμή. Κερένα όμως προσευχή κο Ιεχωβά ντα μανγκένα λέσκι βοήθεια κάνα τθερένα άγχος, ισινέν μπερδεμέ ή να τζανένα σο τι κερέν; Άμα προσευχίντιβενα συνέχεια κο Ντεβέλ για τι βοηθίνελ-τουμέν κο χουρντέ προβλήματα σο τθερένα ακανά, να κα σακιντίνεν τι κερέν-λες ανταβά κάνα κα νακχέν μπαρέ προβλήματα κο μέλλον. Αζομάν, κα αβέν ντιπ σίγουροι ότι ο Ιεχωβά τζανέλα ακριβώς κάνα ντα σαρ τι βοηθίνελ-τουμέν.​—Ψαλμ. 27:1, 3.

8. Σόσκε άμα νταϊντίνασα δοκιμασίες αντιβές, ανταβά κα βοηθίνελ-αμέν κο δοκιμασίες σο ισί ανγκλ’ αμέντε, σαρ σικαβέλα αμένγκε ο παράδειγμας της Μίρα; (Ιακώβου 1:​2-4) (Ντικχέν ι φωτογραφία-ντα)

⁸ Ισί πο σίγουρος ότι κα νταϊντίνας ι μπαρί στεναχώρια σο ισί ανγκλ’ αμέντε άμα ατσσάσα  πιστοί κο Ιεχωβά κάνα νακχάσα δοκιμασίες αντιβές. (Ρωμ. 5:3) Σόσκε βακεράσα-λες ανταβά; Μπουτ πφραλά βακερντέ ότι κάθε φαρ σο νακχένας εκ δοκιμασία ντα κερένας υπομονή, ανταβά βοηθίνελας-λεν τι νταϊντίνεν ι γιαβέρ δυσκολία. Η υπομονή κερντάς-λεν πο λατσσέ τζενέ, ντα μπαριαρντάς λένγκι πίστη ότι ο Ιεχωβά ισί έτοιμος τι βοηθίνελ-λεν αντράλ πι γκίσταρ. Ντα η πίστη βοηθιντάς-λεν τι νταϊντίνεν ι γιαβέρ δοκιμασία. (Διαβάνεν Ιακώβου 1:​2-4) Η Μίρα, εκ σκαπάνισσα κι Αλβανία, αγαντάς ότι, επειδή νταϊντίνελας προβλήματα ανγκλέ, ανταβά βοηθιντάς-λα τι συνεχίνελ τι νταϊντίνελ ο προβλήματα σο τθερέλα ακανά. Βακερέλα ότι μπάζιμα νιωθίνελα ότι σάντε βόι τθερέλα αζόμ μπουτ προβλήματα. Αλλά σοράν ανέλα πι γκοντιάτε καζόμ μπουτ πράγματα κερντάς λάκε ο Ιεχωβά ο τελευταία 20 μπρεσά για τι στηρίνελ-λα, ντα βακερέλα πι νεαυτόσκε: “Άτσσουβ πιστή. Μα μουκχ σαρέ ανταλά μπρεσά ντα σαρέ ανταλά σο κερντάν ι Ιεχωβάσκε βοηθειάσαρ τι τζαν χαμέ”. Τουμέν-ντα μπορίνενα τι ανέν τουμαρέ γκοντιάτε σαρ βοηθιντάς-τουμέν ο Ιεχωβά τι κερέν υπομονή. Τι αβέν σίγουροι ότι βοβ τθερέλα πο γιακχά οπρά-τουμέντε κάθε φαρ σο νταϊντίνενα εκ δοκιμασία ντα κα ευλογίνελ-τουμέν. (Ματθ. 5:​10-12) Οτθάρ, κάνα κα αρχίνελ η μπαρί στεναχώρια, τουμέν κα τζανέν σαρ τι κερέν υπομονή ντα κα αβέν αποφασισμέ τι συνεχίνεν τι νταϊντίνεν.

9. Σαρ σικαντάς η κχανγκιρί κι Αντιόχεια κι Συρία ότι πφαμπόλας ι γιαβερένγκε;

⁹ Σκεφτίνεν σο αβιλό-πες κάνα ο Χριστιανοί κι Ιουδαία νακχλέ μπαρί μποκχ. Κάνα ο πφραλά κι κχανγκιρί κι Αντιόχεια κι Συρία σικλιλέ για την μποκχ, σίγουρα πφαμπιλέ πουμαρέ πφραλένγκε κι Ιουδαία. Αλλά σοράν, κερντέ κάτι για τι βοηθίνεν-λεν. «Λιντέ ι απόφαση τι μπουτσσαβέν βοήθεια κο πφραλά κι Ιουδαία, ο κάθε εκ οντουβά σο μπορίνελας». (Πράξ. 11:​27-30) Παρόλο σο ο πφραλά σο επηρεασάλε κατά μποκχ τζουβντιόνας ντουρ κατά Αντιόχεια, ο Χριστιανοί κι Αντιόχεια ισινέ αποφασισμέ τι βοηθίνεν-λεν.​—1 Ιωάν. 3:​17, 18.

10. Καλέ τροπόντζαρ μπορίνασα τι πφαμπάς αμαρέ πφραλένγκε κάνα επηρεάντιβενα από εκ καταστροφή; (Ντικχέν ι φωτογραφία-ντα)

¹⁰ Μπορίνασα αμέν-ντα αντιβές τι πφαμπάς ι γιαβερένγκε κάνα σικλιάσα ότι μερικά πφραλά επηρεασάλε από εκ καταστροφή. Μανγκάσα τι βοηθίνας-λεν αμέσως​—μπέκιμ πουτσάσα αμαρέ πρεσβυτερόν άμα μπορίνασα τι βοηθίνας σε εκ πρόγραμμα παροχής βοήθειας, κεράσα συνεισφορές ι εργόσκε σο αβέλα-πες σαρό κο ντουνιάς ή προσευχίντιβασα οντουλένγκε σο επηρεασάλε κατά καταστροφή. b (Παρ. 17:​17) Για παράδειγμας, κο 2020, σαρό κο ντουνιάς, διορισάλε πο μπουτ από 950 Επιτροπές Παροχής Βοήθειας σε Καταστροφές για τι βοηθίνεν οντουλέν σο επηρεασάλε κατά Κορωνοϊός. Μανγκάσα τι ισαράς αντράλ αμαρέ γκίσταρ οντουλέν σο υπηρετίνενα κο επιτροπές παροχής βοήθειας. Επειδή πφαμπόνα πουμαρέ πφραλένγκε ντα πφενίνγκε, ντένα-λεν ο αναγκαία, βοηθίνενα-λεν πνευματικά ντα, μερικέ περιπτωσιέντε, λατσσαρένα ή ξαναχτίνενα κχερά ντα τθανά σο ντάσα λατρεία.​—Ντικχέν 2 Κορινθίους 8:​1-4.

11. Σόσκε ντάσα δόξα αμαρέ Νταντέστε σο ισί κο ουρανός κάνα πφαμπάσα ι γιαβερένγκε;

¹¹ Κάνα πφαμπάσα ι γιαβερένγκε σοράν από εκ καταστροφή ντα βοηθίνασα-λεν, ο γιαβερά ντικχένα αμαρέ θυσίες. Για παράδειγμας, κο 2019, ο Τυφώνας Ντόριαν καταστραφιντάς εκ Αίθουσα Βασιλείας κο Μπαχάμες. Κάνα αμαρέ πφραλά ξαναχτίνενας ι αίθουσα, μανγκλέ από εκ εργολάβος σο νανέ Μάρτυρας τι βακερέλ λένγκε καζόμ λοβέ μανγκέλας για τι κερέλ  λένγκε μερικά μπουτιά. Βοβ βακερντάς λένγκε: «Κα νταβ-τουμέν δωρεάν . . . ο εργαλεία ντα ο υλικά, ντα να κα λαβ τουμένταρ λοβέ μι μπουτιάκε. . . . Μανγκάβα τι κεράβ-λες τουμαρέ οργανωσιάκε. Αβέλα μο γκι κάνα ντικχάβα καζόμ μπουτ μανγκένα τουμαρέ αμαλέν». Ο πο μπουτ τζενέ κο ντουνιάς να τζανένα ι Ιεχωβάς. Αλλά μπουτ λένταρ ντικχένα ι Ιεχωβάσκε Μαρτυρέν. Σο μπαρό προνόμιος ισί τι τζανάς ότι, κάνα αμέν πφαμπάσα ι γιαβερένγκε, ο τζενέ μπορεί τι ταρτίντιβεν κο Ιεχωβά, σο «σικαβέλα μπουτ έλεος»!​—Εφεσ. 2:4.

12. Σαρ προετοιμάντιβασα για την μπαρί στεναχώρια άμα πφαμπάσα ι γιαβερένγκε αντιβές; (Αποκάλυψη 13:​16, 17)

¹² Σόσκε κα χρειαζίντιβελ τι πφαμπάς ι γιαβερένγκε κι μπαρί στεναχώρια; Η Γραφή σικαβέλα ότι, οντουλά σο να κα στηρίνεν ο κυβερνήσεις, κα νακχέν δυσκολίες​—εμ ακανά εμ κι μπαρί στεναχώρια. (Διαβάνεν Αποκάλυψη 13:​16, 17) Αμαρέ πφραλά ντα πφενιά μπέκιμ κα χρειαζίντιβεν βοήθεια για τι τθερέν ο αναγκαία. Κάνα αμαρό Βασιλιάς, ο Χριστός Ιησούς, κα αβέλ για τι κρίνελ ι τζενέν, μακάρι τι αρακχέλ-αμέν τι πφαμπάς ι γιαβερένγκε, ντα τι καλίνελ-αμέν τι “λας ι Βασιλεία”.​—Ματθ. 25:​34-40.

13. Σαρ κερένας ο πρώτοι Χριστιανοί πο ζουρανί πουμαρί αγάπη, σαρ σικαβέλα ο εδάφιος Ρωμαίους 15:7;

¹³ Σαρέ τζανένας ότι ο πρώτοι Χριστιανοί σικαβένας αγάπη ο εκ κο γιαβέρ. Αλλά ισινέ λένγκε εύκολος τι σικαβέν αγάπη; Σκεφτίνεν καζόμ διαφορετική ισινέ η κχανγκιρί κι Ρώμη. Να υπαρχίντιβενας οτθέ σάντε Ιουδαίοι, σο σικλιλέας χουρντιαρέλα τι ντεν καν κο Μωσαϊκός Νόμος, αλλά Εθνικοί-ντα, σο μπαριλέας με γιαβερά έθιμα. Ντικχίντιβελα ότι μερικοί Χριστιανοί ισινέ δούλοι, ενώ γιαβερά να ισινέ δούλοι. Ντα μπέκιμ μερικοί Χριστιανοί τι τθερένας βον δουλόν. Σαρ κα μπορίνενας οντουλά Χριστιανοί τι νασκιαρέν ασακέ διαφορές ντα τι κερέν πο ζουρανί πουμαρί αγάπη; Ο απόστολος Παύλος βακερντάς λένγκε: «Δεχτίνεν λατσσιμάσαρ ο εκ ι γιαβερές». (Διαβάνεν Ρωμαίους 15:7) Σο μανγκέλας τι βακερέλ; Ο πουρανό μπαλαμανό λάφι προσλαμβάνομαι, σο χρησιμοποιήντιβελα οτθέ, μανγκέλα τι βακερέλ ότι δεχτίναβα εκχές λατσσιμάσαρ ή φιλόξενα, φιρειπείν μι κχερέστε ή για τι αβέλ μο αμάλ. Για παράδειγμας, ο Παύλος βακερντάς κο Φιλήμονας σαρ τι δεχτίνελ ι δουλός Ονήσιμος σο ισινέ δραπέτης: «Δέχτινε-λες λατσσιμάσαρ». (Φιλήμ. 17) Η Πρίσκιλλα ντα ο Ακύλας δεχτιντέ λατσσιμάσαρ τον Απολλώ, σο τζανέλας πο χάνικ πράγματα λένταρ για τη Χριστιανική πίστη, ντα «λιντέ-λες πουμέντζαρ». (Πράξ. 18:​26) Οντουλά Χριστιανοί να μουκχένας κι διαφορετική κουλτούρα ή θέση κι κοινωνία τι ανέλ λένγκε διχόνοια, ντα δεχτίνενας λατσσιμάσαρ ο εκ ι γιαβερές.

14. Σαρ σικαντέ αγάπη η Άννα ντα λάκο ρομ;

¹⁴ Μπορίνασα αμέν-ντα τι σικαβάς αγάπη αμαρέ πφραλένγκε ντα πφενίνγκε κάνα αβάσα αμαλά λέντζαρ ντα νακχάσα σαάτι λέντζαρ. Μπουτ φαρ, ανταβά κα τσσίντελ-λεν τι σικαβέν αγάπη αμένγκε-ντα. (2 Κορ. 6:​11-13) Ντικχέν σο αβιλό-πες κι Άννα ντα λάκε ρομέστε. Γκιλέ εκχέ γιαβερέ τθεμέστε σαρ ιεραπόστολοι κι Δυτική Αφρική. Χάνικ βακίτι πο σοράν, αρχισάλο ο Κορωνοϊός. Ιτιρί κατά Κορωνοϊός όμως, να μπορίνενας τι γνωρίνεν πασάλ ι πφραλέν κατά κχανγκιρί. Σαρ κα σικαβένας πουμαρί αγάπη; Κερένας λάφι πουμαρέ πφραλέντζαρ με βιντεοκλήση ντα βακερένας λένγκε καζόμ μπουτ μανγκένας τι γνωρίνεν-λεν πο λατσσές. Ο φαμιλιά κατά κχανγκιρί εκτιμιντέ-λες ανταβά, ντα λένας-λεν βον-ντα συχνά τηλέφωνος ντα μπουτσσαβένας λένγκε μηνύματα. Σόσκε κερντάς ανταβά ζευγάρι ανταγιά προσπάθεια; Η Άννα βακερέλα: «Η αγάπη σο σικαντέας ο γιαβερά μάνγκε ντα μι φαμιλιάκε, εμ λατσσέ εμ δύσκολε βακιτίντε, ατσσιλί μι καρδιάτε ντα μι γκοντιάτε. Λένγκο παράδειγμας τσσίντελα μαν-ντα τι σικαβάβ αγάπη».

15. Σο σικλιόνα κατά Βανέσα για την αγάπη σο πρέπει τι τθεράς σαρέ ι πφραλένγκε ντα ι πφενίνγκε; (Ντικχέν ι φωτογραφία-ντα)

 ¹⁵ Μπουτ αμένταρ ισινάμ κχανγκιρίντε πφραλέντζαρ ντα πφενίντζαρ σο μπαριλέ γιαβέρτουλους ντα τθερένα διαφορετικός χαρακτήρας. Μπορίνασα τι κεράς πο ζουρανί αμαρί αγάπη σαριλένγκε κάνα ντικχάσα λένγκε λατσσέ ιδιότητες. Εκ πφεν, η Βανέσα, σο υπηρετίνελα κι Νέα Ζηλανδία, δυσκολίντιβελας τι τζαλ-λεν λατσσές μερικέ τζενέντζαρ κι κχανγκιρί. Σοράν όμως, αποφασιντάς ότι, αντίς τι τσσίντελ-πες ντουρ κατά τζενέ σο λένγκο χαρακτήρας νευριάνελας-λα, κα νακχέλας πο μπουτ σαάτι λέντζαρ. Ανταβά βοηθιντάς-λα τι αγαβέλ καλά πράγματα μπεϊντίνελα ο Ιεχωβά οντουλέ τζενέντε. Η Βανέσα βακερέλα: «Από αζομάν σο μο ρομ αβιλό επίσκοπος περιοχής, νακχάσα σαάτι πο μπουτ πφραλέντζαρ ντα πφενίντζαρ σο τθερένα διαφορετικός χαρακτήρας, ντα ισί μάνγκε πο εύκολος τι τζαβ-λεν λατσσές λέντζαρ. Ακανά μπεϊντίναβα ο διαφορετικοί χαρακτήρες. Μάλλον, μπεϊντίνελα-λεν ο Ιεχωβά-ντα, αφού ο τζενέ σο μουκχέλα τι ντεν-λες λατρεία ισί μπουτ διαφορετικά ο εκ κατά γιαβέρ». Κάνα σικλιάσα τι ντικχάς ι γιαβερέν σαρ ντικχέλα-λεν ο Ιεχωβά, σικαβάσα ότι μανγκάσα-λεν.​—2 Κορ. 8:24.

16. Σόσκε η αγάπη κα αβέλ μπουτ σημαντική κι μπαρί στεναχώρια; (Ντικχέν ι φωτογραφία-ντα)

¹⁶ Η αγάπη κα αβέλ μπουτ σημαντική κι μπαρί στεναχώρια. Κάνα κα αρχίνελ ανταγιά στεναχώρια, κάι κα αρακχάς αρακχαϊπέ; Σκεφτίνεν σο βακερντάς ο Ιεχωβά πι λαόσκε τι κερέλ κάνα ο ντουσμάνια κα τσσουβένας-πες κι πουρανί Βαβυλώνα: «Τζα, τούι σο ισινάν μο λαός, τσσουβ-τουτ τι αντραϊνέ δωματιόντε ντα πφάντε το πόρτες παλά-τούταρ. Γκέραβ-τουτ σάντε για χάνικ, μέχρι τι νασέλ η χολί». (Ησ. 26:​20) Ντικχίντιβελα ότι ανταλά λάφια ισί αμένγκε-ντα σο κα νακχάς ι μπαρί στεναχώρια. Ο “αντραϊνέ δωμάτια” μπέκιμ μανγκένα τι σικαβέν αμαρέ κχανγκιριά. Κι μπαρί στεναχώρια, κα αρακχάς ο αρακχαϊπέ σο ντέλα πο λάφι ο Ιεχωβά άμα κα ατσσάς πασέ αμαρέ πφραλέντε ντα πφενίντε. Οτθάρ, πρέπει ακανά τι μαράς-αμέν, όχι σάντε τι νταϊντίνας αμαρέ πφραλέν ντα πφενίν, αλλά τι μανγκάς-λεν ντα. Μπέκιμ άμα κα κεράς-λες ανταβά, κα σώντιβας!

17. Σο κα μπορίνας τι κεράς κι μπαρί στεναχώρια άμα κα προετοιμάντιβας από ακανά;

¹⁷ «Ο μπαρό ντιβές ι Ιεχωβάσκο» κα ανέλ στεναχώρια κο τζενέ. (Σοφ. 1:​14, 15) Ο λαός ι Ιεχωβάσκο-ντα κα νακχέλ δυσκολίες. Αλλά άμα προετοιμάντιβασα ακανά, κα μπορίνας τι ατσσάς ήρεμοι ντα κα βοηθίνας γιαβερέν-ντα. Κα κεράς υπομονή σο-ντα δυσκολία τι νακχάς. Κάνα αμαρέ πφραλά τσσίντενα μπουτ, κα κεράς ο πο λατσσό για τι βοηθίνας-λεν, καζόμ πφαμπάσα λένγκε ντα ντάσα-λεν ο αναγκαία. Επίσης, κα ατσσάς πασέ αμαρέ πφραλέντε ντα πφενίντε, σο σικλιλάμ τι σικαβάς λένγκε αγάπη. Αζομάν, ο Ιεχωβά κα ντελ-αμέν ζωή για πάντα εκχέ ντουνιάστε σο σαρέ ο καταστροφές ντα ο στεναχώριες κα μπιστάρντιβεν.​—Ησ. 65:17.