1, 2. Καλέ πραγμάσκε πρέπει τι αβέλ σίγουρος ο κάθε εκ αμένταρ; (Ντικχ ι φωτογραφία σο ισί κι αρχή.)

ΣΑΡ ντικχλάμ κο γιαβέρ μάθημας, ο Διάβολος βακερέλα ότι ο Ιεχωβά νανέ άξιος τι κυβερνίνελ ι τζενέν. Βακερέλα ότι ο Ιεχωβά να κυβερνίνελα δίκαια ντα ότι ο τζενέ κα αβένας πιο ευτυχισμέ άμα κα κυβερνίνενας-πες κορκορέ. Τθερέλα δίκιος ο Σατανάς; Βακερέν ότι ο τζενέ μπορίνενας τι κυβερνίνεν-πες κορκορέ ντα τι τζουβντιόν για πάντα. Κα αβένας πιο ευτυχισμέ άμα να κα κυβερνίνελας-λεν ο Ντεβέλ; Τουμέν κα αβένας πιο ευτυχισμέ άμα κα μπορίνενας τι τζουβντιόν για πάντα ντα τι αβέν τελείως ελεύθεροι κατά Ντεβέλ;

² Σάντε τουμέν μπορίνενα τι απαντίνεν ανταλέ ερωτησιέντε, καέκ γιαβέρ. Ο κάθε εκ αμένταρ πρέπει τι σκεφτίνελ-λεν με προσοχή. Αζομάν, κα ντικχίντιβελ ξεκάθαρα ότι ο τρόπος σο κυβερνίνελα ο Ιεχωβά ισί ο πιο λατσσό ντα ότι αξίνελα τι υποστηρίνας-λες αντράλ αμαρέ γκίσταρ. Μπορίνασα τι αβάς σίγουροι ανταλέσκε οντουλένταρ σο διαβάνασα κι Αγία Γραφή. Για τι ντικχάς σο βακερέλα η Γραφή για  το δικαίωμας σο τθερέλα ο Ιεχωβά τι κυβερνίνελ ο σύμπαν.

3. Σόσκε τθερέλα ο Ιεχωβά ο δικαίωμας τι αβέλ ο Κυρίαρχος;

³ Ο Ιεχωβά ισί ο Κυρίαρχος σαρό κο σύμπαν επειδή ισί ο πιο Ζουρανό Ντεβέλ ντα ο Δημιουργός. (1 Χρονικών 29:11· Πράξεις 4:24) Σε εκ φαντασία σο σικαβέλας τον ουρανό, ο 144.000 σο κα αβέν βασιλιάδες γιεκ ι Ιησούσαρ βακερντέ: «Άξιος ισινάν, Ιεχωβά, βα, αμαρό Ντεβέλ, τι λες ι δόξα ντα ι τιμή ντα ι ζορ, σόσκε τούι κερντάν-λεν σαρέ, ντα επειδή μανγκλάν-λες κερντιλέ ντα υπαρχίντιβενα». (Αποκάλυψη 4:11) Επειδή ο Ιεχωβά κερντάς-λεν σαρέ, τθερέλα ο δικαίωμας τι κυβερνίνελ-λεν σαριλέν, εμ οντουλέν σο ισί κο ουρανός εμ οντουλέν σο ισί κι πφουβ.

4. Σόσκε η ελευθερία σο τθεράσα τι τραμπίνας να ντέλα-αμέν ο δικαίωμας τι τζας κόντρα κο Ντεβέλ;

⁴ Ο Σατανάς να δημιουργιντάς τίποτα. Άρα να τθερέλα καέκ δικαίωμας τι κυβερνίνελ ο σύμπαν. Εμ ο Σατανάς εμ ο πρώτος αντρόγυνος ισινέ μπαρικανέ όταν γκιλέ κόντρα κι κυριαρχία κι Ιεχωβάσκι. (Ιερεμίας 10:23) Μήπως η ελευθερία σο τθερένας τι τραμπίνεν ντέλας-λεν ο δικαίωμας τι μουκχέν ι κυβέρνηση ι Ιεχωβάσκι; Όχι. Ανταγιά ελευθερία ντέλα σε κάποιον ο δικαίωμας τι τραμπίνελ ντα τι αποφασίνελ, αλλά να ντέλα-λες ο δικαίωμας τι τζαλ κόντρα οντουλέστε σο κερντάς-λες, κο Ιεχωβά. Ισί ξεκάθαρος ότι, όταν τζάσα κόντρα κο Ντεβέλ, χρησιμοποιήνασα με λάθος τρόπος ι ελευθερία τι τραμπίνας. Σαρ τζενέ, τθεράσα ανάγκη τι κυβερνίνελ-αμέν ντα τι οδηγίνελ-αμέν ο Ιεχωβά.

5. Σόσκε ο αποφάσεις ι Ντεβλέσκε ισί πάντα δίκαιες;

⁵ Σκεφτίνεν εκ γιαβέρ λόγος σο σικαβέλα ότι ο Ιεχωβά τθερέλα ο δικαίωμας τι κυβερνίνελ. Χρησιμοποιήνελα πι εξουσία με τέλεια δικαιοσύνη. Ο ίδιος βακερέλα αμένγκε: «Με ισινόμ ο Ιεχωβά, Οντουβά σο σικαβέλα λατσσιπέ αντράλ πι γκίσταρ, σο κρίνελα ντα σο σικαβέλα δικαιοσύνη κι πφουβ· επειδή ανταλέ πραγματέντε αρακχάβα χαρά». (Ιερεμίας 9:24) Ο Ιεχωβά να τθερέλα ανάγκη ι τζενένγκε νόμους για τι βοηθίνεν-λες τι αποφασίνελ οντουβά σο ισί σωστός. Βοβ βακερέλα καβά ισί ο σωστός. Ντα επειδή βασίντιβελα κι τέλεια δικαιοσύνη σο τθερέλα, ο Ιεχωβά ντινάς νόμους κο τζενέ. Ο ψαλμωδός βακερντάς: «Κι δικαιοσύνη ντα κι κρίση βασίντιβελα το θρόνος». Άρα, σαρέ ο νόμοι, ο κανόνες ντα ο αποφάσεις ι Ιεχωβάσκε ισί δίκαιοι. (Ψαλμός 89:14· 119:128) Ο Σατανάς βακερέλα ότι ο Ιεχωβά να κυβερνίνελα δίκαια. Όμως, ο ίδιος ο Σατανάς να μπορίνελα τι ανέλ δικαιοσύνη κο ντουνιάς.

6. Καβά ισί εκ λόγος σο σικαβέλα ότι ο Ιεχωβά τθερέλα ο δικαίωμας τι κυβερνίνελ;

⁶ Εκ γιαβέρ λόγος σο σικαβέλα ότι ο Ιεχωβά τθερέλα ο δικαίωμας τι κυβερνίνελ ισί ότι τθερέλα ι γνώση ντα ι σοφία σο χρειαζίντιβελα για τι φροντίνελ ο σύμπαν. Ντικχάσα-λες ανταβά κι ζορ σο ντινάς πι Τσσαβέστε τι κερέλ λατσσές ο νασφαλίματα σο να μπορίνενας τι κερέν λατσσές ο γιατροί. (Ματθαίος 4:23, 24· Μάρκος 5:25-29) Παρόλο σο ανταλά ισί θαύματα αμένγκε, να ισινέ θαύματα ι Ιεχωβάσκε. Βοβ μπορίνελα τι διορθώνελ σο-ντα πρόβλημας τθερέλα ο σώμας επειδή αγαβέλα σαρ λειτουργίνελα.  Μπορίνελα επίσης τι τζουβντιαρέλ ι μουλέν ντα τι σταματίνελ ο καταστροφές σο αβένα κι φύση.

7. Σαρ ισί ο Ιεχωβά πιο σοφός σαρέ οντουλένταρ σο ισί κι Μπενγκέσκο ντουνιάς;

⁷ Ο ντουνιάς σο κυβερνίντιβελα κατά Μπενγκ ναστί ανέλα ειρήνη, είτε εκχέ τθεμέστε είτε σαρί κι πφουβ. Σάντε ο Ιεχωβά τθερέλα ι σοφία τι ανέλ ειρήνη σαρί κι πφουβ. (Ησαΐας 2:3, 4· 54:13) Νιωθίνασα σαρ ο απόστολος Παύλος, σο βακερντάς: «Ω! καζόμ μπαρέ ισί ο ευλογίες σο ντέλα ντα καζόμ αχόρτ ισί λέσκι σοφία ντα σαρέ οντουλά σο τζανέλα ο Ντεβέλ! Ναστί αρακχάσα λέσκε αποφάσεις ούτε λέσκε ντρομά!»—Ρωμαίους 11:33.

8. Σαρ νιωθίνενα για το τρόπος σο κυβερνίνελα ο Ιεχωβά;

⁸ Σαρ ντικχλάμ, η Γραφή σικαβέλα ξεκάθαρα ότι ο Ιεχωβά τθερέλα ο δικαίωμας τι κυβερνίνελ. Σικαβέλα επίσης σόσκε ισί ο πιο λατσσό Κυβερνήτης. Εκ λόγος ισί ότι κυβερνίνελα με αγάπη. Νιωθίνασα-λες πασέ αμέντε όταν σκεφτίνασα ότι «σικαβέλα έλεος ντα τζιτζίνελα ι τζενένγκε, . . . τθερέλα υπομονή ντα σικαβέλα μπουτ λατσσιπέ ντα αλήθεια αντράλ πι γκίσταρ». (Έξοδος 34:6) Ο Ντεβέλ ντέλα-αμέν τιμή ντα σικαβέλα αμένγκε σεβασμός. Φροντίνελα-αμέν πιο λατσσές από ό,τι κα μπορίναας τι φροντίνας αμέν αμαρό νεαυτός. Ο Διάβολος βακερέλα ότι ο Ιεχωβά να ντέλα ο πιο λατσσό πι υπηρετόντε, αλλά ανταβά ισί ψέμας. Ο Ντεβέλ ντινάς ατζέ-ντα πι πολύτιμε Τσσαβές για τι μπορίνας αμέν τι τθεράς ι ελπίδα ότι κα τζουβντιάς για πάντα.—Διαβάνεν Ψαλμός 84:11· Ρωμαίους 8:32.

9. Σαρ τζανάσα ότι ο Ντεβέλ πφαμπόλα ι κάθε εκχέσκε αμένταρ ξεχωριστά;

⁹ Ο Ιεχωβά μανγκέλα σαρέ πι λαός σαρ ομάδα. Αλλά πφαμπόλα μπουτ ι κάθε εκχέσκε-ντα ξεχωριστά. Σκεφτίνεν σο αβιλό κο πουρανέ μπρεσά. Για περίπου 300 μπρεσά, ο Ιεχωβά χρησιμοποιήνελας κριτέν για τι οδηγίνελ ντα για τι βοηθίνελ πι λαός τι νικίνελ ι ντουσμανίν. Όμως, σαρέ οντουλέ μπρεσέντε, ο Ιεχωβά ντέλας προσοχή κο τζενέ ξεχωριστά-ντα. Εκ λένταρ ισινέ εκ τζουβέλ σο βακερένας λάκε Ρουθ. Βόι να ισινέ Ισραηλίτισσα, ντα για τι υπηρετίνελ ι Ιεχωβάς μουκχλάας παλά-πέστε μπουτ πράγματα. Ο Ντεβέλ ευλογιντάς-λα ντα ντινάς-λα εκχέ ρομές ντα εκχέ τσσαβές. Αλλά εκ πιο μπαρί ευλογία ισί ότι λάκε τσσαβέσταρ αστάρντιβελας ο Χριστός. Επίσης, ο Ιεχωβά τσσουντάς ι ιστορία της Ρουθ αντρέ κι Γραφή εκχέ βιβλιόστε σο τθερέλα λάκο ναβ. Σαρ πακιάνα ότι κα νιωθίνελ η Ρουθ όταν κα αβέλ πάλι κι ζωή ντα κα σικλιόλ σαρέ ανταλά πράγματα;—Ρουθ 4:13· Ματθαίος 1:5, 16.

10. Σόσκε μπορίνασα τι βακεράς ότι ο τρόπος σο κυβερνίνελα ο Ιεχωβά νανέ σκληρός;

¹⁰ Ο τρόπος σο κυβερνίνελα ο Ιεχωβά νανέ σκληρός. Αντίθετα, οντουλά σο ντένα-λες καν νιωθίνενα ελεύθεροι ντα χαρούμενοι. (2 Κορινθίους 3:17) Ο Δαβίδ βακερντάς κο γιαβερά ι Ιεχωβάσκε: «Οπρά-λέστε υπαρχίντιβελα τιμή ντα λάμψη· δύναμη ντα χαρά υπαρχίντιβενα οτθέ σο μπεσέλα». (1 Χρονικών 16:7, 27) Ο ψαλμωδός Εθάν γραφιντάς: «Ευτυχισμέ  ισί ο λαός σο τζανέλα σαρ ισί τι ντελ βίκος από χαρά. Ιεχωβά, με το φως σο αβέλα τι μόσταρ πφιρένα. Χαιρίνενα τι ναβέσκε σαρό ο ντιβές ντα τι δικαιοσύνη κερέλα-λεν ευτυχισμέ».—Ψαλμός 89:15, 16.

11. Σαρ μπορίνασα τι αβάς ατζέ πιο σίγουροι ότι η κυριαρχία ι Ιεχωβάσκι ισί η πιο λατσσί;

¹¹ Καζόμ πιο μπουτ σκεφτίνασα ο λατσσιπέ ι Ιεχωβάσκο, αζόμ πιο σίγουροι κα αβάς ότι η κυβέρνηση ι Ιεχωβάσκι ισί η πιο λατσσί. Κα νιωθίνας σαρ ο ψαλμωδός σο βακερντάς κο Ντεβέλ: «Εκ ντιβές τι αυλιάτε ισί πιο λατσσό από χίλια γιαβερτθέ». (Ψαλμός 84:10) Ο Ιεχωβά σχεδιαντάς-αμέν ντα κερντάς-αμέν, άρα τζανέλα σο ακριβώς κα κερέλ-αμέν μπαγιά ευτυχισμέ. Ντέλα-αμέν αντράλ πι γκίσταρ πιο μπουτ οντουλένταρ σο τθεράσα ανάγκη. Σο-ντα μανγκέλα αμένταρ ο Ιεχωβά ισί αμαρέ λατσσιμάσκε. Ατζέ-ντα άμα πρέπει τι κεράς θυσίες, κα αβάς πάντα ευτυχισμέ άμα ασουνάσα ι Ιεχωβάς.—Διαβάνεν Ησαΐας 48:17.

12. Καβά ισί ο πιο σημαντικός λόγος για τι υποστηρίνας ι κυριαρχία ι Ιεχωβάσκι;

¹² Σικλιάσα κατά Γραφή ότι, αφού κα τελειώνεν ο χίλια μπρεσά σο κα κυβερνίνελ ο Χριστός, μερικά τζενέ κα τζαν κόντρα κι κυριαρχία κι Ιεχωβάσκι. (Αποκάλυψη 20:7, 8) Σόσκε κα κερέν-λες ανταβά; Αζομάν, ο Διάβολος κα προσπαθίνελ τι κερέλ ι τζενέν τι αβέν εγωιστές. Βοβ πάντα κερέλας-λες ανταβά. Μπορεί τι προσπαθίνελ τι κερέλ ι τζενέν τι πακιάν ότι μπορίνενα τι τζουβντιόν για πάντα χωρίς τι ντεν καν ι Ιεχωβάς. Ανταβά να κα μπορίνελας ποτές τι αβέλ μπαγιά. Πρέπει, όμως, τι πουτσάς αμαρό νεαυτός: “Κα πακιάβας με εκ ασακό ψέμας;” Άμα μανγκάσα μπαγιά ι Ιεχωβάς ντα ισινάμ σίγουροι ότι ισί λατσσό ντα ότι τθερέλα ο δικαίωμας τι κυβερνίνελ ο σύμπαν, αζομάν εκ ασακό ψέμας κα αβέλ μπουτ μπέτι αμένγκε. Κα μανγκάς τι κερέλ κουμάντος αμαρέ ζωγιάτε σάντε ο Ιεχωβά, σόσκε λέσκι κυριαρχία βασίντιβελα κι αγάπη.

13. Σαρ υποστηρίνασα ι κυριαρχία ι Ντεβλέσκι όταν μοιάζασα λέστε;

¹³ Σαρ ντικχλάμ, ο Ιεχωβά τθερέλα ο δικαίωμας τι κυβερνίνελ ντα ο τρόπος σο κυβερνίνελα ισί ο πιο λατσσό. Αξίνελα τι υποστηρίνας λέσκι κυριαρχία αντράλ αμαρέ γκίσταρ. Υποστηρίνασα-λα όταν ισινάμ πιστοί κο Ιεχωβά ντα όταν μοιάζασα λέστε. Όταν κεράσα ο πιο λατσσό σο μπορίνασα για τι κεράς ο πράγματα σαρ κα κερέλας-λεν ο Ιεχωβά, σικαβάσα ότι μανγκάσα ντα υποστηρίνασα ο τρόπος σο κυβερνίνελα.—Διαβάνεν Εφεσίους 5:1, 2.

14. Σαρ μπορίνελα ο κάθε πρεσβύτερος ντα ο σορό ι κάθε φαμιλιάκο τι μοιάζελ κο Ιεχωβά;

¹⁴ Σικλιάσα κατά Γραφή ότι ο Ιεχωβά πάντα χρησιμοποιήνελα πι εξουσία με αγάπη. Ο σορό ι κάθε φαμιλιάκο ντα ο πρεσβύτεροι σο μανγκένα ι κυριαρχία ι Ιεχωβάσκι κα μοιάζεν λέστε ντα να κα αβέν σκληροί ούτε κα μανγκέν τι κερέν κουμάντος ι γιαβερέν. Ο απόστολος Παύλος προσπαθίνελας μπουτ τι μοιάζελ κο Ντεβέλ ντα λέσκε Τσσαβέστε. (1 Κορινθίους 11:1) Να ανέλας σε δύσκολη θέση ι γιαβερέν ούτε πιένελας-λεν τι κερέν ο σωστός. Αντίθετα, βοηθίνελας-λεν λατσσιμάσαρ τι κερέν ο σωστός. (Ρωμαίους 12:1· Εφεσίους 4:1· Φιλήμονα 8-10) Οντουλέντζαρ σο κερέλας ο Παύλος μοιάζελας κο Ιεχωβά. Όταν σικαβάσα αγάπη κο γιαβερά, υποστηρίνασα ι κυριαρχία ι Ιεχωβάσκι.

15. Σαρ υποστηρίνασα ι κυβέρνηση ι Ιεχωβάσκι όταν σικαβάσα σεβασμός οντουλένγκε σο τθερένα εξουσία;

¹⁵ Υποστηρίνασα επίσης ι κυβέρνηση ι Ιεχωβάσκι όταν σεβάνασα ντα συνεργαζίντιβασα οντουλέντζαρ σο ντινάς-λεν εξουσία.  Ατζέ-ντα όταν να αγαβάσα λατσσές εκ απόφαση σο λένα ή να συμφωνίνασα λάσαρ, συνεχίνασα τι υποστηρίνας-λεν. Ο τζενέ κο ντουνιάς να κερένα-λες ανταβά, αλλά αμέν κεράσα-λες επειδή δεχτίνασα τι κυβερνίνελ-αμέν ο Ιεχωβά. (Εφεσίους 5:22, 23· 6:1-3· Εβραίους 13:17) Ντα σοράν ισινάμ χαρούμενοι, επειδή ο Ντεβέλ μανγκέλα ο πιο λατσσό αμένγκε.

16. Σαρ μπορίνενα τι σικαβέν αμαρέ αποφάσεις ότι υποστηρίνασα ι κυριαρχία ι Ντεβλέσκι;

¹⁶ Μπορίνασα επίσης τι υποστηρίνας ι κυριαρχία ι Ντεβλέσκι με το αποφάσεις σο λάσα. Ο Ιεχωβά να ντέλα-αμέν εκ συγκεκριμέ εντολή για κάθε πράγμας σο αβέλα-πες αμαρέ ζωγιάτε. Αντίθετα, βακερέλα αμένγκε σαρ σκεφτίνελα. Ανταβά βοηθίνελα-αμέν τι αγαβάς σο πρέπει τι κεράς. Για παράδειγμας, ο Ιεχωβά να ντέλα κο Χριστιανοί εκ κατάλογος σο βακερέλα σο σέα πρέπει ή δεν πρέπει τι ιρίν. Αλλά εξηγίνελα αμένγκε ότι πρέπει τι αβάς σεμνοί ντα τι ιριαβάς-αμέν σουκάρ σαρ Μάρτυρες λέσκε. (1 Τιμόθεο 2:9, 10) Μανγκέλα τι σκεφτίνας σαρ επηρεάνενα ι γιαβερέν αμαρέ αποφάσεις. (1 Κορινθίους 10:31-33) Όταν αμαρέ αποφάσεις βασίντιβενα κο τρόπος σο σκεφτίνελα ο Ιεχωβά, σικαβάσα ότι μανγκάσα ντα υποστηρίνασα ο τρόπος σο κυβερνίνελα.

17, 18. Σαρ μπορίνενα ο αντρόγυνα τι υποστηρίνεν ι κυριαρχία ι Ιεχωβάσκι;

¹⁷ Σκεφτίνεν σαρ μπορίνενα ο παντριμέ Χριστιανοί τι υποστηρίνεν ι κυριαρχία ι  Ιεχωβάσκι. Λένγκι παντριά μπορεί μα τι αβέλ ακριβώς σαρ τθερένας πουμαρέ γκοντιάτε ότι κα αβέλ ή μπορεί ατζέ-ντα τι τθερένα σοβαρά προβλήματα. Άμα αβέλα-πες ανταβά, κα βοηθίντιβεν άμα κα σκεφτίνεν ι συμπεριφορά σο τθερέλας ο Ιεχωβά κο λαός Ισραήλ κο πουρανέ μπρεσά. Ο Ιεχωβά βακερντάς ότι ισινέ σαρ ο ρομ οντουλέ λαόσκο. (Ησαΐας 54:5· 62:4) Ο λαός Ισραήλ μπουτ φαρ στεναχωρίνελας ι Ιεχωβάς. Οντιά σχέση ισινέ σαρ εκ δύσκολη παντριά. Όμως ο Ιεχωβά να σιγκιαρντάς τι νασέλ κατά Ισραήλ. Αντίθετα, συγχωρίνελας-λες μπουτ φαρ ντα ατσσικιαρντάς ο υποσχέσεις σο ντινάας-λες.—Διαβάνεν Ψαλμός 106:43-45.

¹⁸ Ο παντριμέ Χριστιανοί σο μανγκένα ι Ιεχωβάς προσπαθίνενα τι μοιάζεν λέστε. Ατζέ-ντα άμα τθερένα προβλήματα πουμαρέ παντριάτε, να προσπαθίνενα τι χωρίνεν με τρόπους σο τζάνα κόντρα οντουλέντε σο βακερέλα η Γραφή. Τζανένα ότι κο γιακχά κι Ιεχωβάσκε η υπόσχεση σο ντέλα εκ μουρς ντα εκ τζουβέλ όταν παντρίνενα ισί μπουτ σοβαρή, ντα ότι Βοβ μανγκέλα τι “αβέν γιεκ” ο εκ ι γιαβερέσαρ. Ο μόνος λόγος σο ισί κι Γραφή για τι λελ εκ τζενό διαζύγιος ντα τι μπορίνελ τι παντρίνελ πάλι ισί άμα ο εκ κατά ντούι κα τζαλ γιαβερέσαρ. (Ματθαίος 19:5, 6, 9) Όταν ο Χριστιανοί κερένα ο πιο λατσσό σο μπορίνενα για τι τθερέν εκ λατσσί παντριά, υποστηρίνενα ι κυριαρχία ι Ιεχωβάσκι.

19. Όταν κεράσα λάθη, σο πρέπει τι κεράς;

¹⁹ Σαρέ ισινάμ ατελείς, ντα μερικές φορές κεράσα πράγματα σο στεναχωρίνενα ι Ιεχωβάς. Βοβ τζανέλα-λες ανταβά, οντουλέσκε ντινάς-αμέν σαρ λύτρος ι Χριστός. Οτθάρ, όταν κεράσα εκ λάθος, πρέπει τι μανγκάς κατά Ιεχωβά τι συγχωρίνελ-αμέν. (1 Ιωάννη 2:1, 2) Αντί απλά τι στεναχωρίντιβας σο κερντάμ λάθος, λατσσό ισί τι προσπαθίνας τι σικλιάς οντουλέσταρ σο κερντάμ. Μανγκάσα τι ατσσάς πασέ κο Ιεχωβά, σο κα συγχωρίνελ-αμέν ντα κα βοηθίνελ τι πφαντιόν αμαρέ πληγές ντα τι συνεχίνας τι υπηρετίνας-λες.—Ψαλμός 103:3.

20. Σόσκε πρέπει τι υποστηρίνας ι κυριαρχία ι Ιεχωβάσκι ακανά;

²⁰ Κο νεβό ντουνιάς, σαρέ κα δεχτίνεν ι κυβέρνηση ι Ιεχωβάσκι ντα κα σικλιόν λέσκε δίκαια ντρομά. (Ησαΐας 11:9) Αλλά ατζέ-ντα ακανά μπορίνασα τι σικλιάς μπουτ πράγματα για το τρόπος σο σκεφτίνελα ντα για το τρόπος σο μανγκέλα τι συμπεριφερίντιβας. Ατζεχάνικ, καέκ να κα τθερέλ αμφιβολίες για το δικαίωμας σο τθερέλα ο Ντεβέλ τι κυβερνίνελ. Μακάρι τι κεράς ο πιο λατσσό σο μπορίνασα ακανά για τι ασουνάς ι Ιεχωβάς, τι υπηρετίνας-λες πιστά ντα τι μοιάζας λέστε σαρέ κο πράγματα σο κεράσα, ντα αντικάς τι υποστηρίνας λέσκι κυριαρχία.