ΚΟ 1970, αρχαιολόγοι αρακχλέ εκ πφαμπαρντό ρόλος κο Εν-Γκεντί κο Ισραήλ, πασέ κι Νεκρά Θάλασσα. Αρακχλέ ο ρόλος κάνα χαντζουβένας οτθέ σο ισινέ εκ συναγωγή σο πφαμπιλί κάνα καταστραφισάλο εκ γκαβ, μάλλον χάνικ πιο σοράν κατά 500 Κ.Χ. Επειδή ο ρόλος ισινέ πφαμπαρντό, ναστί διαβάνενας-λες. Ντα ναστί πουτρένας-λες σόσκε κα καταστραφίντιβελας. Όμως, χάρη σε εκ τεχνική σο βακέρντιβελα τρισδιάστατη τομογραφία ντα σε εκ λογισμικός, ο ρόλος πουτάρντιλο κο κομπιούτερ ντα ο τζενέ διαβαντέ σο ισί γραμμέ λέστε.

Σο αρακχλέ κάνα διαβαντέ-λες; Ότι ο ρόλος ισί κείμενος ι Γραφιάκο. Οντουβά σο ατσσιλό λέσταρ ισί μερικά εδάφια σο ισί κι αρχή κο βιβλίος Λευιτικό. Ο συγκεκριμέ εδάφια τθερένα ο ναβ ι Ντεβλέσκο κο εβραϊκά σο γραφίντιβελα σταρέ γραμματέντζαρ. Ο ρόλος ντικχίντιβελα ότι γραφισάλο κάποια στιγμή κο μπρεσά κατά 50 Κ.Χ. μέχρι κο 400 Κ.Χ., κάτι σο σικαβέλα ότι ισί ο πιο πουρανό ρόλος κατά Εβραϊκές Γραφές σοράν κατά χειρόγραφα σο αρακχλέ κο Κουμράν. «Πριν τι διαβάντιβελ ο κομμάτι κατά Λευιτικός σο αρακχλέ κο Εν-Γκεντί», γραφίνελα ο Γκιλ Ζόχαρ κι εφημερίδα Δε Τζερούσαλεμ Ποστ (The Jerusalem Post), «να ισινέ καέκ γιαβέρ κείμενος ι Γραφιάκο κο χίλια μπρεσά σο νακχλέ κατά Ρόλοι της Νεκράς Θαλάσσης, σο γραφισάλε 2.000 μπρεσά πιο τζανγκλέ, μέχρι κο μεσαιωνικός Κώδικας του Χαλεπίου, σο γραφισάλο κάποια στιγμή κο μπρεσά κατά 901 Κ.Χ. μέχρι κο 1.000 Κ.Χ.» Σαρ βακερένα ο ειδικοί, ανταβά ρόλος, σο πουτάρντιλο κο κομπιούτερ, σικαβέλα ότι ο μασοριτικός κείμενος κατά παντς πρώτα βιβλία ι Γραφιάκε «να αλλαξάλο ανταλά χιλιετίες ντα ο λάθη ι τζενένγκε σο κερένας αντιγραφή να αλλαντέ ο κείμενος».