ΜΑΘΗΜΑΣ 23
«Τι Αγιάντιβελ το Ναβ»
«Ιεχωβά, το ναβ ατσσόλα για πάντα».—ΨΑΛΜ. 135:13.
ΥΜΝΟΣ 9 Ντεν Τιμή ι Ιεχωβάς, Αμαρέ Ντεβλές!
ΣΟ ΚΑ ΝΤΙΚΧΑΣ *
1, 2. Καλέ πραγματένγκε μπεϊντίνενα τι κερέν λάφι ο Μάρτυρες ι Ιεχωβάσκε;
ΣΑΡΕ ο τζενέ πρέπει τι σικλιόν ότι σάντε ο Ιεχωβά Ντεβέλ τθερέλα ο δικαίωμας τι κερέλ κουμάντος ντα μπεσάσα σαρ σαρ τι αγιάντιβελ λέσκο ναβ. Αμέν ο Μάρτυρες ι Ιεχωβάσκε, μπεϊντίνασα τι κεράς λάφι ανταλέ σημαντικέ πραγματένγκε. Αλλά μήπως ανταλά ντούι σημαντικά πράγματα να τθερένα καέκ σχέση ο εκ ι γιαβερέσαρ; Νάα.
2 Σαρέ τθεράσα αγαντό ότι ι Ντεβλέσκο ναβ πρέπει τι αβέλ πάκι ντα τι νασέλ η λατζ οπρά-λέσταρ. Επίσης, σικλιλάμ ότι η κυριαρχία ι Ιεχωβάσκι, δηλαδή ο τρόπος σο βοβ κερέλα κουμάντος, πρέπει τι σικάντιβελ ότι ισί η πιο λατσσί. Ανταλά ντούι πράγματα ισί μπουτ σημαντικά.
3. Σο ισί αντρέ κο ναβ κι Ιεχωβάσκο;
3 Κι πραγματικότητα, αντρέ κο ναβ κι Ιεχωβάσκο ισί σαρέ ο πράγματα σο τθερένα τι κερέν αμαρέ Ντεβλέσαρ, εμ ο τρόπος σο κερέλα κουμάντος. Οτθάρ, κάνα βακεράσα ότι ο πιο σημαντικός πράγμας ισί τι αβέλ πάκι ι Ιεχωβάσκο ναβ ντα τι νασέλ σαρί η λατζ οπρά-λέσταρ, βακεράσα ότι ο τρόπος-ντα σο κερέλα κουμάντος πρέπει τι σικάντιβελ ότι ισί ο πιο λατσσό. Ο ναβ ι Ιεχωβάσκο τθερέλα σχέση με το τρόπος σο κερέλα κουμάντος βοβ, σαρ ο πιο Ζουρανό ντα ο πιο Μπαρό.—Ντικχέν ο πλαίσιος « Εκ Μπαρό Ζήτημας σο Τθερέλα τι Κερέλ Γιαβερέ-ντα Μπαρέ Πραγματέντζαρ».
4. Σο βακερέλα ι Ντεβλέσκε ναβέσκε ο εδάφιος Ψαλμός 135:13, ντα καλέ ερωτησιέντε κα απαντίνελ ανταβά μάθημας;
4 Ο ναβ ι Ιεχωβάσκο ισί ξεχωριστός. (Διαβάνεν Ψαλμός 135:13) Σόσκε ισί ο ναβ ι Ντεβλέσκο αζόμ σημαντικός; Σαρ βακέρντιλε πρώτη φαρ ψέματα για τι χαλαβέν ι Ντεβλέσκο ναβ; Σαρ αγιάνελα-λες ο Ντεβέλ; Ντα σαρ μπορίνασα αμέν τι βοηθίνας τι αγιάντιβελ λέσκο ναβ; Για τι ντικχάς.
ΚΑΖΟΜ ΣΗΜΑΝΤΙΚΟΣ ΙΣΙ ΕΚ ΝΑΒ
5. Σο μπορεί τι πουτσάς κάνα ασουνάσα ότι πρέπει τι αγιάντιβελ ι Ντεβλέσκο ναβ;
5 «Τι αγιάντιβελ το ναβ». (Ματθ. 6:9) Ο Ιησούς βακερντάς ότι ανταβά πρέπει τι αβέλ εκ κατά πιο σημαντικά πράγματα κι προσευχή. Αλλά σο μανγκένα τι βακερέν λέσκε λάφια; Τι αγιάνας κάτι μανγκέλα τι βακερέλ τι κεράς-λες άγιος ή πάκι. Μερικοί όμως μπορεί τι πουτσέν: “Νανέ ο ναβ ι Ιεχωβάσκο άγιος ντα πάκι;” Για τι απαντίνας, πρέπει τι σκεφτίνας σο ισί αντρέ εκχέ ναβέστε.
6. Σο ντέλα αξία εκχέ ναβέστε;
6 Εκ ναβ νανέ απλά γράμματα σο γραφίντιβενα ή βακέρντιβενα γιεκ. Ντικχέν σο βακερέλα η Αγία Γραφή: «Ο λατσσό ναβ ισί πιο λατσσό κατά μπαρό χουλανιπέ». (Παρ. 22:1· Εκκλ. 7:1) Σόσκε τθερέλα αζόμ αξία εκ ναβ; Επειδή σικαβέλα σο τζενό ισί οντουβά σο τθερέλα ο ναβ, σο σκεφτίνενα ο γιαβερά οντουλέ τζενέσκε. Άρα, ο πιο σημαντικός νανέ σαρ γραφίντιβελα εκ ναβ ούτε σαρ βακέρντιβελα. Οντουβά σο τθερέλα πραγματικά σημασία ισί σο αβέλα κι γιαβερένγκι γκοντί κάνα ντικχένα ή ασουνένα ανταβά ναβ.
7. Σαρ τζάνα κόντρα ο τζενέ κι Ντεβλέσκο ναβ;
7 Κάνα ο τζενέ βακερένα ψέματα κο γιαβερά ι Ιεχωβάσκε, τζάνα κόντρα λέσκε λατσσέ ναβέστε. Αντικάς, προσπαθίνενα τι κατηγορίνεν ι Ντεβλές για τι μελιαρέν λέσκο ναβ. Η πρώτη φαρ σο βακέρντιλε ψέματα για τι χαλάντιβελ ι Ντεβλέσκο ναβ ισινέ κο κήπος της Εδέμ. Ντικχέν σο σικλιάσα ανταλέσταρ.
Η ΠΡΩΤΗ ΦΑΡ ΣΟ ΒΑΚΕΡΝΤΙΛΕ ΨΕΜΑΤΑ ΓΙΑ ΤΙ ΧΑΛΑΒΕΝ Ι ΝΤΕΒΛΕΣΚΟ ΝΑΒ
8. Σο τζανένας ο Αδάμ ντα η Εύα, ντα σο γιαβέρ μπορεί τι πουτσάς;
8 Ο Αδάμ ντα η Εύα τζανένας ι Ιεχωβάσκο ναβ, ντα τζανένας μπουτ γιαβερά-ντα σημαντικά πράγματα Οντουλέσκε σο τθερέλα ανταβά ναβ. Τζανένας ότι βοβ ισινέ Οντουβά σο κερντάς-λεν, Οντουβά σο ντινάς-λεν λένγκι ζωή, ο μπουτ σουκάρ Παράδεισος ντα εκ τέλειος μπιαβ. (Γέν. 1:26-28· 2:18) Κα ατσσικιαρένας όμως πουμαρέ τέλειε γκοντιάτε σαρέ οντουλά σο κερντάας ο Ιεχωβά λένγκε; Κα μπαριαρένας πουμαρί αγάπη ντα πουμαρί εκτίμηση ι Ιεχωβάσκε; Ο απαντήσεις σικάντιλε ξεκάθαρα κάνα ο ντουσμάνι ι Ντεβλέσκο κερντάς λάφι ι Ευάσαρ.
9. Σο βακερντάς ο Ιεχωβά κο Αδάμ ντα κι Εύα, σαρ βακερένα ο εδάφια Γένεση 2:16, 17 ντα 3:1-5, ντα σαρ κερντάς-λεν τι σκεφτίνεν μπέτι πράγματα ι Ιεχωβάσκε;
9 Διαβάνεν Γένεση 2:16, 17 ντα 3:1-5. Ο Μπενγκ πουτσλάς ι Ευά αντράλ εκχέ σαπέσταρ σο ντικχίντιβελας ότι κερέλας λάφι: «Μπαγιά βακερντάς ο Ντεβέλ ότι δεν πρέπει τι χαν από κάθε δέντρος σο ισί κο κήπος;» Ανταλέ ερωτησιάτε ισινέ γκεραντό εκ ψέμας σο μοιάζελας με δηλητήριος. Οντουβά σο βακερντάας ο Ντεβέλ ισινέ ότι μπορίνενας τι χαν σαρέ κατά δέντρα, εκτός εκχέσταρ. Ο Αδάμ ντα η Εύα μπορίνενας τι χάνας μπουτέ ντα σαβέ τι μανγκές δεντρόνταρ. (Γέν. 2:9) Ο Ιεχωβά σίγουρα ντέλα αντράλ πι γκίσταρ. Αλλά βακερντάας λένγκε μα τι χαν σάντε εκχέ δεντρόσταρ. Ανταλέ ερωτησιάσαρ, ο Μπενγκ κερντάς-λεν τι σκεφτίνεν μπέτι πράγματα ι Ιεχωβάσκε. Ο Μπενγκ μανγκέλας τι πακιάν ο τζενέ ότι ο Ντεβέλ να ντέλας αντράλ πι γκίσταρ. Η Εύα μπορεί τι πουτσλάς: “Μήπως ο Ντεβέλ να μουκχέλα-αμέν τι τθεράς κάτι λατσσό;”
10. Σαρ βακερντάς ο Μπενγκ ξεκάθαρα λάφια για τι χαλαβέλ ι Ντεβλέσκο ναβ, ντα σο αβιλό-πες σοράν;
10 Μέχρι αζομάν, η Εύα να τσσιναντάας τι ντελ καν ι Ιεχωβάς. Βακερντάς ι Μπενγκέσκε οντουβά σο μανγκλάας λένταρ ξεκάθαρα ο Ντεβέλ. Ντα βακερντάς ότι δεν έπρεπε τι ασταρέν ο δέντρος. Τζανέλας ότι άμα να κα ντέλας καν κα μερέλας, σαρ βακερντάας ο Ντεβέλ. Αλλά ο Μπενγκ βακερντάς: «Σίγουρα να κα μερέν». (Γέν. 3:2-4) Ο Μπενγκ τσσιναντάς τι γκεραβέλ-πες. Χωρίς τι λατζάλ ιτς, βακερντάς λάφια για τι χαλαβέλ ι Ντεβλέσκο ναβ, γιαβερέ λαφίντζαρ βακερντάς ότι ο Ιεχωβά χουχαβέλα-λεν. Αντικάς, ο Μπενγκ αβιλό διάβολος, ή γιαβέρτουλους οντουβά σο βακερέλα ψέματα για τι χαλαβέλ ι γιαβερένγκο ναβ. Η Εύα χουχάντιλι ντιπ ντα πακιαντάς ι Μπενγκές. (1 Τιμ. 2:14) Η μπέσα σο ντινάς λέστε ισινέ πιο μπαρί οντουλάταρ σο ντινάς κο Ιεχωβά. Αντικάς λιντάς ι πιο μπέτι απόφαση: μα τι ντελ καν ι Ιεχωβάς. Χαλάς κατά φρούτος σο βακερντάς ο Ιεχωβά μα τι χαλ ντα σοράν ντινάς κο Αδάμ-ντα.—Γέν. 3:6.
11. Σο έπρεπε τι κερέλ ο Αδάμ ντα η Εύα κάνα ασουντέ ι Μπενγκέσκο ψέμας;
11 Σκεφτίνεν χάνικ σο έπρεπε τι βακερέλ η Εύα κο Μπενγκ. Ανέν τουμαρέ γκοντιάτε τι βακερέλας κάτι ασακό: «Να τζανάβα κον ισινάν τούι, αλλά τζανάβα μι Νταντές, ι Ιεχωβάς, σο μανγκάβα-λες ντα ντάβα λέσκε μπέσα. Βοβ ντινάς κο Αδάμ ντα μάντε σο-ντα τθεράσα. Να λατζάσα τι βακερές γκεραλό λάφι λέσκε; Νας ακατάρ!» Καζόμ κα χαιρίνελας ο Ιεχωβά άμα κα ασουνέλας ασακέ λάφια σο κα σικαβένας ότι λέσκι τσσάι μανγκέλας-λες ντα ισινέ αφοσιωμέ λέστε! (Παρ. 27:11) Αλλά η Εύα να τθερέλας αφοσιωμέ αγάπη ι Ιεχωβάσκε. Ούτε ο Αδάμ τθερέλας. Οντουλέσκε να τσσιντιντέ πουμαρέ Νταντέσταρ κάνα ο Μπενγκ βακερντάς ψέματα για τι χαλαβέλ λέσκο ναβ.
12. Σαρ κερντάς ο Μπενγκ ι Ευά μα τι αβέλ σίγουρη άμα ο Ιεχωβά ισί λατσσό Ντατ, ντα σο να κερντάς ο Αδάμ ντα η Εύα;
12 Σαρ ντικχλάμ, ο Μπενγκ πρώτα κερντάς ι Ευά μα τι αβέλ σίγουρη άμα ο Ιεχωβά ισί λατσσό Ντατ. Ο Αδάμ ντα η Εύα να τσσιντιντέ κατά Ιεχωβά ντα λέσκε ναβέσταρ. Ντινέ σημασία κι Μπενγκέσκε λάφια ντα γκιλέ κόντρα πουμαρέ Νταντέστε. Ο Μπενγκ κερέλα κάτι ασακό αμαρέ ντιβεσέντε-ντα. Τζάλα κόντρα κο ναβ κι Ιεχωβάσκο ντα προσπαθίνελα τι χαλαβέλ-λες. Ο τζενέ σο πακιάνα ο ψέματα ι Μπενγκέσκε ισί εύκολος τι επηρεάντιβεν ντα μα τι μανγκέν ι δίκαια κυβέρνηση ι Ιεχωβάσκι.
Ο ΙΕΧΩΒΑ ΑΓΙΑΝΕΛΑ ΠΟ ΝΑΒ
13. Σαρ σικαβέλα ο εδάφιος Ιεζεκιήλ 36:23 οντουβά σο βακερέλα σαρί η Γραφή;
13 Δεχτίνελα ο Ιεχωβά τι χαλαβέν λέσκο ναβ χωρίς τι κερέλ κάτι ανταλέσκε; Σίγουρα όχι! Σαρί η Γραφή βακερέλα σο κερντάς ο Ιεχωβά για τι αβέλ πάκι λέσκο ναβ ντα τι νασκιαρέλ ι λατζ σο αβιλί λέσκε ναβέστε κι Εδέμ. (Γέν. 3:15) Χάνικ λαφίντζαρ, οντουβά σο βακερέλα σαρί η Γραφή ισί ακαβά: Ο Ιεχωβά αγιάνελα πο ναβ αντράλ κατά Βασιλεία σο ισί βασιλιάς λέσκο Τσσαβό ντα ανέλα δικαιοσύνη ντα ειρήνη κι πφουβ. Η Γραφή βακερέλα πράγματα σο βοηθίνενα-αμέν τι αγαβάς σο κερέλα ο Ιεχωβά για τι αγιάνελ πο ναβ.—Διαβάνεν Ιεζεκιήλ 36:23.
14. Σαρ αγιαντάς ι Ιεχωβάσκο ναβ λέσκι αντίδραση κάνα γκιλέ λέσαρ κόντρα κι Εδέμ;
14 Ο Μπενγκ κερντάς σο νακχέλας λέσκε βαστένταρ για τι τσσιναβέλ ι Ιεχωβάς τι κερέλ οντουβά σο τθερέλα πι γκοντιάτε. Αλλά σικάντιλο ότι ναστί κερέλα-λες ανταβά. Η Γραφή βακερέλα οντουλά σο κερέλα ο Ιεχωβά ντα σικαβέλα ότι νανέ καέκ γιαβέρ σαρ λέστε. Ισί μπαγιά ότι η κόντρα σο γκιλό ο Μπενγκ ντα σαρέ οντουλά σο τσσίντενα λέσταρ, αντέ μπαρί ντουκχ ι Ιεχωβάσκε. (Ψαλμ. 78:40) Βοβ όμως κάνα αβιλό-πες ανταβά, σικαντάς ότι τθερέλας σοφία, υπομονή ντα δικαιοσύνη. Επίσης, σικαντάς μπουτέ τροπόντζαρ καζόμ ζουρανό ισί. Ο πιο σημαντικός ισί ότι σικαβέλα αγάπη σαρέ οντουλέντζαρ σο κερέλα. (1 Ιωάν. 4:8) Ο Ιεχωβά να τσσιναντάς τι κερέλ πράγματα για τι αγιάνελ πο ναβ.
15. Σαρ βακερέλα ο Μπενγκ ψέματα για τι χαλαβέλ ι Ιεχωβάσκο ναβ αντιβές, ντα σο αβιλό-πες ιτιρί ανταλέσταρ;
15 Ο Μπενγκ ατζέκ ατζέκ βακερέλα ψέματα για τι χαλαβέλ ι Ντεβλέσκο ναβ. Χουχαβέλα ι τζενέν για τι κερέλ-λεν μα τι αβέν σίγουροι ότι ο Ιεχωβά ισί ζουρανό, δίκαιος, τθερέλα σοφία ντα ότι μανγκέλα-αμέν. Για παράδειγμας, ο Μπενγκ μανγκέλα τι κερέλ-λεν τι πακιάν ότι ο Ιεχωβά νανέ Οντουβά σο κερντάς-λεν σαρέ. Οκιά μπάνταρ, άμα γιαβερά τζενέ πακιάνα κο Ντεβέλ, ο Μπενγκ μανγκέλα τι κερέλ-λεν τι πακιάν ότι οντουλά σο βακερέλα τι κεράς ισί μπουτ πφαρέ ντα άδικα. Σικλιαρέλα-λεν ατζέ-ντα ότι ο Ιεχωβά να πφαμπόλα ιτς ι τζενένγκε ντα ότι ισί εκ σκληρός Ντεβέλ σο πφαμπαρέλα-λεν γιακάσαρ κι
κόλαση. Άμα κα πακιάν ανταλά ψέματα, ισί εύκολος λένγκε μα τι μανγκέν ο δίκαιος τρόπος σο κερέλα κουμάντος ο Ιεχωβά. Μέχρι τι καταστραφίντιβελ ο Μπενγκ, να κα τσσιναβέλ τι βακερέλ ψέματα για τι χαλαβέλ ι Ιεχωβάσκο ναβ ντα κα τσσουβέλ τουμέν-ντα κι γιακχ. Τουμέν κα κερέν οντουβά σο μανγκέλα;ΣΟ ΚΑ ΚΕΡΕΝ ΤΟΥΜΕΝ ΓΙΑ ΤΙ ΑΓΙΑΝΤΙΒΕΛ Ι ΝΤΕΒΛΕΣΚΟ ΝΑΒ
16. Καβά πράγμας σο να κερντάς ο Αδάμ ντα η Εύα μπορίνενα τι κερέν τουμέν;
16 Ο Ιεχωβά μουκχέλα τζενέν σο ισί ατελείς τι βοηθίνεν βον-ντα για τι αγιάντιβελ λέσκο ναβ. Οντουλέσκε, τουμέν μπορίνενα τι κερέν οντουβά σο να κερντάς ο Αδάμ ντα η Εύα. Παρόλο σο ο ντουνιάς χαλαβέλα ντα κουσέλα ι Ιεχωβάσκο ναβ, τουμέν τθερένα ι ευκαιρία τι τσσίντεν κατά Ιεχωβά ντα τι βακερέν ότι ισί άγιος, δίκαιος, λατσσό ντα μανγκέλα-αμέν. (Ησ. 29:23) Τουμαρέ βαστέστε ισί τι σικαβέν ότι μανγκένα τι κερέλ-τουμέν κουμάντος ο Ντεβέλ ντα τι βακερέν κο τζενέ ότι σάντε λέσκι κυβέρνηση ισί μπαγιά δίκαιη ντα κα ανέλ ειρήνη ντα ευτυχία σαρί κι πφουβ.—Ψαλμ. 37:9, 37· 146:5, 6, 10.
17. Σαρ σικαντάς ο Ιησούς κο τζενέ πι Νταντέσκο ναβ;
17 Άμα τσσίντασα κατά Ιεχωβά κάνα βακέρντιβενα ψέματα σο χαλαβένα λέσκο ναβ, κεράσα οντουβά σο κερέλας ο Ιησούς-ντα. (Ιωάν. 17:26) Ο Ιησούς σικαντάς ι τζενένγκε ο ναβ ι Ντεβλέσκο, όχι σάντε κάνα βακερέλας ανταβά ναβ, αλλά κάνα σικλιαρέλας-λεν κον ισί μπαγιά ο Ιεχωβά. Για παράδειγμας, τζάλας κόντρα κο Φαρισαίοι, σο κερένας τι ντικχίντιβελ ότι ο Ιεχωβά ισί σκληρός, μανγκέλα κατά τζενέ μπουτ πράγματα, ισί ντουρ λένταρ ντα να πφαμπόλα λένγκε ιτς. Ο Ιησούς βοηθίνελας ι τζενέν τι αγαβέν ότι λέσκο Ντατ αγαβέλα ι τζενέν, να σιγκιαρέλα τι χολιάνελ, μανγκέλα-αμέν ντα συγχωρίνελα-αμέν. Ντα βοηθίνελας-λεν τι ντικχέν κον ισί ο Ιεχωβά σόσκε τθερέλας ο τέλειες ιδιότητες πι Νταντέσκε κάθε ντιβές.—Ιωάν. 14:9.
18. Σαρ μπορίνασα τι πουτσσαράς ο ψέματα σο βακερντάς ο Μπενγκ για τι χαλαβέλ ι Ιεχωβάσκο ναβ;
18 Σαρ ο Ιησούς, αντικάς αμέν-ντα μπορίνασα τι βακεράς κο γιαβερά οντουλά σο τζανάσα ι Ιεχωβάσκε, ντα τι σικλιαράς-λεν καζόμ λατσσό ντα πφερντό αγάπη Ντεβέλ ισί. Καζόμ κεράσα-λες ανταβά, πουτσσαράσα ο ψέματα σο βακερντάς ο Μπενγκ για τι χαλαβέλ ι Ιεχωβάσκο ναβ. Αγιάνασα ι Ιεχωβάσκο Εφεσ. 5:1, 2) Κάνα σικαβάσα κο τζενέ αμαρέ λαφίντζαρ ντα οντουλέντζαρ σο κεράσα κον ισί μπαγιά ο Ιεχωβά, βοηθίνασα τι αγιάντιβελ λέσκο ναβ. Κεράσα τι δικαιώντιβελ ανταβά ναβ κάνα βοηθίνασα ι τζενέν τι νασκιαρέν ο λάθος πράγματα σο μπορεί τι τθερένα πουμαρέ γκοντιάτε λέσκε. * Σικαβάσα επίσης ότι ατελείς τζενέ μπορίνενα τι ατσσικιαρέν σαστό πουμαρό γκι κο Ντεβέλ.—Ιώβ 27:5.
ναβ, κάνα βοηθίνασα ι τζενέν τι αγαβέν ότι λέσκο ναβ ισί άγιος. Ντα μπορίνασα τι μοιάζας κο Ιεχωβά. Ανταβά μπορίνελα τι αβέλ-πες παρόλο σο ισινάμ ατελείς. (19. Σαρ βοηθίνελα-αμέν ο εδάφιος Ησαΐας 63:7 τι αγαβάς κατέ πρέπει τι ντας πιο μπουτ σημασία κάνα σικλιαράσα ι τζενέν;
19 Μπορίνασα τι κεράς κάτι γιαβέρ-ντα για τι αγιάντιβελ ο ναβ ι Ιεχωβάσκο. Κάνα σικλιαράσα ο αλήθειες ι Γραφιάκε κο γιαβερά, μπουτ φαρ ντάσα σημασία κι κυριαρχία κι Ντεβλέσκι, ότι ο Ιεχωβά τθερέλα ο δικαίωμας τι κερέλ κουμάντος ο σύμπαν, ντα ανταβά ισί μπαγιά. Όμως, ενώ ισί σημαντικός τι ντας σημασία κο νόμοι κι Ντεβλέσκε, οντουβά σο μανγκάσα πιο μπουτ ισί τι βοηθίνας ι γιαβερέν τι μανγκέν ι Ιεχωβάς, αμαρέ Νταντές, ντα τι αβέν αφοσιωμέ λέστε. Πρέπει τι βακεράς ο σουκάρ ιδιότητες λέσκε, τι ντας σημασία Οντουλέστε σο τθερέλα ο ναβ Ιεχωβά. (Διαβάνεν Ησαΐας 63:7) Καζόμ σικλιαράσα ανταλέ τροπόσαρ, κα βοηθίνας γιαβερέν τι μανγκέν ι Ιεχωβάς ντα τι ντεν καν λέστε επειδή μανγκένα τι αβέν αφοσιωμέ λέστε.
20. Σο κα ντικχάς κο γιαβέρ μάθημας;
20 Σαρ μπορίνασα τι αβάς σίγουροι ότι οντουλά σο κεράσα ντα οντουλά σο σικλιαράσα κερένα λατσσιπέ κο ναβ κι Ιεχωβάσκο ντα ταρτίνενα γιαβερέν πασέ λέστε; Κα ντικχάς ι απάντηση κο γιαβέρ μάθημας.
ΥΜΝΟΣ 138 Ιεχωβά Ισί το Ναβ
^ παρ. 5 Καβά πράγμας ισί σημαντικός ι τζενένγκε ντα ι αγγελόνγκε; Σόσκε ισί αζόμ σημαντικός ανταβά, ντα σο μπουτί τθεράσα αμέν ανταλέσαρ; Ο απαντήσεις ανταλέ ντα γιαβερέ ερωτησιέντε κα βοηθίνεν-αμέν τι κεράς πιο ζουρανί αμαρί φιλία ι Ιεχωβάσαρ.
^ παρ. 18 Ανγκλέ αμαρέ έντυπα σικλιαρένας ότι ναστί βακεράσα ότι ο ναβ ι Ιεχωβάσκο χρειαζίντιβελα τι δικαιώντιβελ. Σόσκε; Επειδή καέκ να βακερντάς ότι ο Ντεβέλ να τθερέλα ο δικαίωμας τι τθερέλ ο ναβ Ιεχωβά. Όμως, κι μπρεσέσκι συνέλευση κο 2017 αβιλί εκ αλλαγή κο τρόπος σο αγαβάσα ο πράγματα. Ο εισηγητής βακερντάς: «Νανέ λάθος τι βακεράς ότι κεράσα προσευχή για τι δικαιώντιβελ ο ναβ ι Ιεχωβάσκο, σόσκε ανταβά σο πακιάνα ο τζενέ ι Ντεβλέσκε ναβέσκε σίγουρα πρέπει τι αλλάνελ».—Ντικχέν ο πρόγραμμας για το μάσεκ Ιανουάριος 2018 κο ιστότοπος jw.org®. Τραμπίνεν ΒΙΒΛΙΟΘΗΚΗ > JW BROADCASTING®.
^ παρ. 62 ΣΟ ΣΙΚΑΒΕΛΑ Η ΦΩΤΟΓΡΑΦΙΑ: Ο Μπενγκ χαλαντάς ι Ντεβλέσκο ναβ κάνα βακερντάς κι Εύα ότι ο Ντεβέλ ισί ψεύτης. Καζόμ νακχένα ο μπρεσά, ο Σατανάς βακερέλα λάθος πράγματα, σαρ ο σικλιαριπέ ότι ο Ντεβέλ ισί σκληρός ντα ότι να κερντάς ι τζενέν.
^ παρ. 64 ΣΟ ΣΙΚΑΒΕΛΑ Η ΦΩΤΟΓΡΑΦΙΑ: Καζόμ κερέλα εκ μελέτη, εκ πφραλ ντέλα πιο μπουτ σημασία κο ιδιότητες σο τθερέλα ο Ντεβέλ.