Η Γραφή να βακερέλα. Βακερέλα αμένγκε όμως χάνικ πράγματα σο σικαβένα σόσκε μπέκιμ τραμπιντέ μα τι βουρτίνεν παλάλ κι Ναζαρέτ.

Εκ άγγελος βακερντάς κι Μαρία ότι κα ατσσόλ κχαμνί ντα κα μπιανέλ. Κάνα ο άγγελος βακερντάς ανταβά αμπέρι, η Μαρία ντα ο Ιωσήφ τζουβντιόνας κι Ναζαρέτ σο ισινέ κι Γαλιλαία. Ο Ιωσήφ αστάρντιβελας οτθάρ. (Λουκ. 1:​26-31· 2:4) Πο σοράν, κάνα βουρτισάλε κατά Αίγυπτος, γκιλέ κι Ναζαρέτ. Ο Ιησούς μπαριλό οτθέ ντα αβιλό Ναζωραίος. (Ματθ. 2:​19-23) Άκ’ σόσκε κάνα βακεράσα ι Ιησούσκε, ι Ιωσηφίσκε ντα ι Μαριάκε αβέλα αμαρέ γκοντιάτε η Ναζαρέτ.

Η Μαρία ισινέ τζενέ εκχέ τζουβλιάσαρ σο μπεσέλας κο Ιούδας ντα βακερένας λάκε Ελισάβετ. Η Ελισάβετ ισινέ η ρομνί ι Ζαχαριάσκι σο ισινέ ιερέας ντα αβιλί η ντάι του Ιωάννη του Βαφτιστή. (Λουκ. 1:5, 9, 13, 36) Η Μαρία γκιλί κι Ελισάβετ ντα μπεσλί λάσαρ τριν μάσεκ κο Ιούδας. Σοράν, βουρτισάλι κι Ναζαρέτ. (Λουκ. 1:​39, 40, 56) Ανταβά ισί ο λόγος σο η Μαρία τζανέλας ανταβά τθεμ κο Ιούδας.

Πο σοράν, ο Ιωσήφ ντινάς καν κι εντολή σο βακερέλας ότι σαρέ έπρεπε «τι κερέν απογραφή». Οτθάρ, ο Ιωσήφ νασλό κατά Ναζαρέτ ντα γκιλό κι Βηθλεέμ, «κι πόλη κι Δαβιδίσκι», σο οτθέ βακέρντιλοας ότι κα μπιάντιβελας ο Μεσσίας. (Λουκ. 2:3, 4· 1 Σαμ. 17:​15· 20:6· Μιχ. 5:2) Κάνα η Μαρία μπιαντάς ι Ιησούς οτθέ, ο Ιωσήφ να μπεκλεντίνελας λάταρ τι κερέλ αζόμ μπαρό ταξίδι για τι βουρτίνελ κι Ναζαρέτ εκχέ λοχωνιάρικε μαξιμίσαρ. Μπεσλέ κι Βηθλεέμ, σο ισινέ πασέ εννιά χιλιόμετρα κατά Ιερουσαλήμ. Αντικάς κα αβέλας πο εύκολος τι γκερέν πουμαρέ λοχωνιάρικε μαξιμίς κο ναός ντα τι κερέν ι προσφορά σο βακερέλας ο Νόμος.​—Λευιτ. 12:2, 6-8· Λουκ. 2:​22-24.

Ο άγγελος ι Ντεβλέσκο βακερντάας πο τζανγκλέ κι Μαρία ότι λάκο τσσαβό κα λέλας «ο θρόνος ι Δαβιδίσκο» ντα κα “αβέλας Βασιλιάς”. Μήπως ο Ιωσήφ ντα η Μαρία σκεφτιντέ ότι ισινέ σημαντικός σο ο Ιησούς μπιάντιλο κι πόλη κι Δαβιδίσκι; (Λουκ. 1:​32, 33· 2:​11, 17) Μπέκιμ σκεφτιντέ ότι κα αβέλας γκοντιαβέρ τι ατσσόν οτθέ ντα τι μπεκλεντίνεν μέχρι τι αγαβέν σο μανγκέλας ο Ντεβέλ λένταρ.

Να τζανάσα καζόμ βακίτι ισινέ κι Βηθλεέμ κάνα αβιλέ μερικοί αστρολόγοι. Όμως, αζομάν η φαμιλί μπεσέλας εκχέ κχερέστε, ντα λένγκο τσσαβό ισινέ χουρντό, όχι λοχωνιάρικος. (Ματθ. 2:​11) Ντικχίντιβελα ότι, αντίς τι βουρτίνεν κι Ναζαρέτ, μπεσλέ κι Βηθλεέμ μπερεκέτι ντα η Βηθλεέμ αβιλί σαρ λένγκο κχερ.

Ο Ηρώδης ντινάς εντολή τι μουνταρέν «σαρέ ι χουρντέ τσσαβέν κι Βηθλεέμ . . . σο ισινέ ντουέ μπρεσένγκε ντα πο τελέ». (Ματθ. 2:​16) Εκ άγγελος βακερντάς-λες ανταβά κο Ιωσήφ, οτθάρ βοβ ντα η Μαρία νασλέ κι Αίγυπτος γιεκ ι Ιησούσαρ ντα μπεσλέ οτθέ μέχρι τι μερέλ ο Ηρώδης. Πο σοράν, ο Ιωσήφ γκερντάς πι φαμιλί κι Ναζαρέτ. Σόσκε να βουρτισάλε κι Βηθλεέμ; Εμ επειδή μανγκένας τι νασέν ντουρ κατά γκεραλό τσσαβό του Ηρώδη, τον Αρχέλαο, σο ισινέ κι Ιουδαία, εμ επειδή εκ άγγελος βακερντάς κο Ιωσήφ ότι κα αβέλας επικίνδυνος τι βουρτίνελ κι Βηθλεέμ. Κι Ναζαρέτ, ο Ιωσήφ κα μπορίνελας τι μπαριαρέλ ι Ιησούς πασέ κο Ιεχωβά, χωρίς τι νταρέλ.​—Ματθ. 2:​19-22· 13:​55· Λουκ. 2:​39, 52.

Μάλλον, ο Ιωσήφ μουλό πριν ο Ιησούς τι πουτρέλ ο ντρομ για τι τζουβντιόν κάποια τζενέ κο ουρανός. Άρα ο Ιωσήφ κα αναστίντιβελ κι πφουβ. Μπουτ τζενέ κα τθερέν ι ευκαιρία τι σικλιόν-λες ντα τι σικλιόν πο μπουτ πράγματα λέσταρ σο σικαβένα σόσκε βοβ ντα η Μαρία μπεσλέ κι Βηθλεέμ σοράν κατά μπιανιπέ ι Ιησούσκο.