1, 2. Αφού ισινέ σαστί ιράτ για ψάρεμας, σο μάθημας λιντάς ο Πέτρος;

ΕΦΤΑ μαθητές ι Ιησούσκε ισινέ σαστί ιράτ για ψάρεμας κι Ντεριάβ της Γαλιλαίας, αλλά να ασταρντέας τίποτα. Ακανά σο ντισιλό, ο αναστημέ Ιησούς μπεσέλας πασέ κι ντεριάβ ντα ντικχέλας-λεν. Σοράν βακερντάς λένγκε: «“Φουρτίνεν ο δίχτυ δεξιά κατά βάρκα ντα κα αρακχέν”. Φουρτιντέ-λες, αλλά να μπορίνενας τι βάντεν-λες επειδή πφερντιλόας ματσσέ».—Ιωάννης 21:1-6.

² Ο Ιησούς ντινάς πι μαθητέντε μαντρό ντα ματσσέ για πρωινός. Σοράν, ντικχλάς τον Σίμωνα Πέτρο ντα πουτσλάς-λες: «Σίμων, σο ισινάν ο τσσαβό του Ιωάννη, μανγκέσα-μαν πιο μπουτ ακαλένταρ;» Ο Ιησούς τζανέλας ότι ο Πέτρος τθερέλας μπαρί αγάπη για το ψάρεμας. Ντικχίντιβελα ότι ο Ιησούς πουτσλάς ι Πετρός αν μανγκέλας λες ντα οντουλά σο σικλιαρέλας πιο μπουτ πι μπουτιάταρ, κατά ψάρεμας. Ο Πέτρος απαντιντάς: «Κύριε, τούι τζανέσα ότι μανγκάβα-τουτ». (Ιωάννης 21:15) Οτθάρ μπερί, ο Πέτρος οντουλέντζαρ σο κερντάς σικαντάς ότι ισινέ μπαγιά ανταβά. Σικαντάς πι αγάπη ι Χριστόσκε ι μπουτέ πραγματέντζαρ σο κερέλας κο έργος κι Ντεβλέσκο, ντα αβιλό μπουτ σημαντικός κι Χριστιανική εκκλησία.

3. Σο πρέπει τι προσοχίνεν ο Χριστιανοί;

 ³ Σο μπορίνασα τι σικλιάς κατά λάφια σο βακερντάς ο Ιησούς κο Πέτρος; Πρέπει τι προσοχίνας μα τι μουκχάς αμαρί αγάπη ι Χριστόσκε τι σουρντιόλ. Ο Ιησούς τζανέλας ότι η ζωή ανταλέ ντουνιάστε κα ανέλας μπουτ άγχος ντα κα αβέλας πφερντί ανησυχίες ντα προβλήματα. Κι παραβολή για τον σπορέα, ο Ιησούς βακερντάς ότι κάποιοι κα δεχτίνενας «ο λάφια της βασιλείας» ντα κι αρχή κα κερένας πρόοδος. Αλλά σοράν, «ο ανησυχίες ανταλέ ντουνιάσκε ντα η ψεύτικη δύναμη ι χουλανιμάσκι» κα “τασαβένας ο λάφι” ντα βον κα σταματίνενας τι κερέν πρόοδος. (Ματθαίος 13:19-22· Μάρκος 4:19) Άμα να προσοχιντάμ, ο ανησυχίες ι κάθε ντιβεσέσκε κα μπορίνενας τι εμποδίνεν-αμέν τι υπηρετίνας ι Ιεχωβάς. Οτθάρ, ο Ιησούς βακερντάς πι μαθητένγκε: «Τι προσοχίνεν τουμαρό νεαυτός, για μα τι κχινιόλ τουμαρό γκι κατά μπουτ χαμπέ ντα κατά μπουτ μολ ντα κατά ανησυχίες ι ζωγιάκε».—Λουκάς 21:34.

4. Σο κα βοηθίνελ-αμέν τι αγαβάς άμα αμαρί αγάπη ι Χριστόσκε ισί ζουρανί; (Ντικχ ι φωτογραφία σο ισί κι αρχή.)

⁴ Σαρ κερντάς ο Πέτρος, αντικάς αμέν-ντα μπορίνασα τι σικαβάς ότι μανγκάσα ι Χριστός άμα τσσουβάσα κι πρώτη θέση αμαρέ ζωγιάτε ο έργος ι Ντεβλέσκο. Σαρ μπορίνασα τι αβάς σίγουροι ότι συνεχίνασα τι κεράς-λες ανταβά; Μπορίνασα τι πουτσάς αμαρό νεαυτός: “Σο μανγκάβα πιο μπουτ μι ζωγιάτε; Σο ντέλα-μαν πιο μπουτ χαρά; Η υπηρεσία ι Ιεχωβάσκι ή ο γιαβερέ πράγματα;” Για τι μπορίνας τι απαντίνας, κα ντικχάς τριν πράγματα σο κα μπορίνενας τι σουρντιαρέν αμαρί αγάπη ι Χριστόσκε: ι μπουτί, ι διασκέδαση ντα ο υλικά πράγματα.

5. Καγιά ευθύνη τθερέλα ι φαμιλιάκο σορό;

⁵ Ο Πέτρος να μπεϊντίνελας απλά ο ψάρεμας. Ο ψάρεμας ισινέ η μπουτί σο κερέλας για τι ανέλ ο απαραίτητα πι φαμιλιάτε. Αντιβές-ντα, ο Ιεχωβά ντινάς κι φαμιλιάκο σορό ι ευθύνη τι ανέλ ο απαραίτητα πι φαμιλιάτε. (1 Τιμόθεο 5:8) Ο σορό ι φαμιλιάκο πρέπει τι μαρέλ-πες για τι κερέλ-λες ανταβά. Όμως, ανταλέ τελευταίε ντιβεσέντε, η μπουτί μπορίνελα τι ανέλ μπαρί ανησυχία.

6. Σόσκε η μπουτί ανέλα άγχος;

⁶ Μπουτ φαρ, ο μπουτιά να ερεσένα σαρέ ι τζενένγκε σο ρόντενα μπουτιάκε. Οτθάρ, υπαρχίντιβελα μπαρό ανταγωνισμός για τι αρακχέν ο τζενέ μπουτί. Μπουτ τζενέ νιωθίνενα αναγκασμέ τι κερέν μπουτί πιο μπουτ σαάτια, ατζέ-ντα για πιο χάνικ λοβέ. Αντιβές πιο μπουτ από ποτές, ο επιχειρήσεις προσπαθίνενα τι κερέν πιο μπουτ πράγματα με πιο χάνικ εργάτες. Οντουλέσκε, ο εργάτες τθερένα μπουτ άγχος, να τθερένα δυνάμεις ντα μερικές φορές νασφάλιβενα. Μπουτ λένταρ νταρένα ότι κα χασαρέν πουμαρί μπουτί άμα να κερντέ σαρέ οντουλά σο μανγκέλα ο αφεντικός λένγκο.

7, 8. (α) Κάστε ισινάμ πιο πιστοί; (β) Καβά σημαντικός μάθημας σο τθερέλα τι κερέλ ι μπουτιάσαρ λιντάς εκ πφραλ κατά Ταϋλάνδη;

⁷ Σαρ Χριστιανοί, ισινάμ πιο πιστοί κο Ιεχωβά από ό,τι ισινάμ αμαρέ αφεντικόστε ντα σαρέ κο γιαβερά τζενέ. (Λουκάς 10:27) Αμαρί μπουτί ισί εκ τρόπος για τι μπορίνας τι τθεράς ο απαραίτητα ντα τι υποστηρίνας ο έργος ι Ντεβλέσκο. Όμως άμα να προσοχίνασα, αμαρέ ευθύνες κι μπουτί κα μπορίνενας  τι εμποδίνεν αμαρί λατρεία. Μπορίνασα τι σικλιάς κατά εμπειρία εκχέ πφραλέσκι κατά Ταϋλάνδη. Βοβ βακερντάς: «Μι μπουτί σο ισινέ τι λατσσαράβ υπολογιστές τθερέλας μπουτ ενδιαφέρον, αλλά έπρεπε τι κεράβ μπουτ σαάτια μπουτί. Οτθάρ, να τθεράβας μπουτ χρόνος για πνευματικά πράγματα. Τελικά αγαντόμ ότι, για τι τσσουβάβ πρώτα ι Βασιλεία, έπρεπε τι αλλάναβ μπουτί». Σο κερντάς ανταβά πφραλ;

⁸ «Αφού σκεφτίναβας σο κα κεράβ ντα τσσουβάβας κι άκρη λοβέ για περίπου εκ μπρες», βακερντάς οντουβά πφραλ, «αποφασιντόμ τι πφιράβ για τι μπικινάβ παγωτά. Κι αρχή, νικαβάβας χάνικ λοβέ ντα χασαρντόμας μο κουράγιος. Όταν αρακχάβας ι τζενέν σο κεράβας λέντζαρ μπουτί, πρασάνας-μαν ντα πουτσένας-μαν σαρ αβιλί μάνγκε η ιδέα ότι κα αβέλας πιο λατσσό τι μπικινάβ παγωτά παρά τι ασχολίντιβαβ με υπολογιστές αντρέ εκχέ τθανέστε με δροσιά. Κεράβας προσευχή κο Ιεχωβά, ντα μανγκάβας λέσταρ τι βοηθίνελ-μαν τι νταβ-λεν πέρα ντα τι πετυχίναβ μο στόχος για τι μπορίναβ τι τθεράβ πιο μπουτ χρόνος για πνευματικά πράγματα. Μπουτ σουγκό, ο πράγματα αρχισάλε τι αβέν πιο λατσσέ. Σικλιλόμ πιο λατσσές σο γεύσεις μπεϊντίνενας μο πελάτες ντα σαρ τι κεράβ πιο λατσσέ παγωτά. Μπουτ σουγκό, μπικινάβας-λεν σαρέ κάθε ντιβές. Μάλιστα, ο λοβέ σο νικαβάβας ισινέ πιο μπουτ οντουλένταρ σο νικαβάβας κάνα λατσσαράβας υπολογιστές. Ακανά ισινόμ πιο χαρούμενος επειδή να τθεράβα ο άγχος ντα ι ανησυχία σο τθεράβας κι πουρανί μπουτί. Ντα ο πιο σημαντικός ισί ότι ακανά νιωθίναβα πιο πασέ κο Ιεχωβά».—Διαβάνεν Ματθαίος 5:3, 6.

9. Σαρ μπορίνασα τι συνεχίνας τι τθεράς ισορροπημέ άποψη ι μπουτιάκε;

⁹ Ο Ιεχωβά μπεϊντίνελα μπουτ τι κεράς σκληρή μπουτί. Η σκληρή μπουτί ανέλα αμένγκε λατσσιπέ. (Παροιμίες 12:14) Πρέπει όμως τι προσοχίνας μα τι αβέλ αμαρί μπουτί πιο σημαντική κατά υπηρεσία σο ντάσα κο Ιεχωβά. Ο Ιησούς βακερντάς για το βασικές ανάγκες σο τθεράσα: «Οτθάρ, συνεχίνεν τι μανγκέν πρώτα ι βασιλεία ντα λέσκι δικαιοσύνη, ντα σαρέ ανταλά ο γιαβερά πράγματα κα τθερέν-λεν». (Ματθαίος 6:33) Σαρ κα αγαβάς, όμως, άμα τθεράσα ισορροπημέ άποψη ι μπουτιάκε; Ισί λατσσό τι σκεφτίνας: “Μήπως μι μπουτιάτε νακχάβα σουκάρ ντα μπεϊντίναβα-λα, ενώ όταν ασχολίντιβαβα με πνευματικά πράγματα κεράβα-λεν από συνήθεια ντα βαριόναβα;” Άμα κα σκεφτίνας λατσσές ανταγιά ερώτηση, κα μπορίνας τι αγαβάς σο μανγκάσα πραγματικά.

10. Καβά σημαντικός μάθημας σικλιαρντάς ο Ιησούς;

¹⁰ Ο Ιησούς σικλιαρντάς-αμέν καβά πρέπει τι αβέλ ο πρώτος πράγμας αμαρέ ζωγιάτε. Κάποτε γκιλό κο κχερ ντουέ πφενίνγκο, κι Μαριάκο ντα κι Μαρθάκο. Αμέσως η Μάρθα αρχισάλι τι ετοιμάνελ λέσκε χαμπέ, αλλά η Μαρία μπεσλί πασέ κο Ιησούς ντα ασουνέλας οντουλά σο σικλιαρέλας. Η Μάρθα κερντάς παράπονα ότι η Μαρία να βοηθίνελας-λα, αλλά ο Ιησούς βακερντάς κι Μάρθα: «Η Μαρία τραμπιντάς ι λατσσί μερίδα, ντα ανταγιά να κα λιντιόλ λάταρ». (Λουκάς 10:38-42) Ατθέ ο Ιησούς σικλιαρντάς εκ σημαντικός μάθημας. Για μα τι ταρτίνεν σαρί αμαρί προσοχή αμαρέ  ανάγκες ντα για τι σικαβάς αμαρί αγάπη ι Χριστόσκε, πρέπει τι τραμπίνας «ι λατσσί μερίδα». Ανταβά μανγκέλα τι βακερέλ ότι αμαρί φιλία ι Ιεχωβάσαρ πρέπει πάντα τι αβέλ ο πιο σημαντικός πράγμας αμαρέ ζωγιάτε.

11. Σο βακερέλα η Γραφή για την ξεκούραση ντα για τη χαλάρωση;

¹¹ Επειδή τθεράσα τι κεράς μπουτ πράγματα αμαρέ ζωγιάτε, χρειαζίντιβασα μερικές φορές χρόνος για τι ξεκουράντιβας ντα τι χαλαρώνας. Κι Γραφή διαβάνασα: «Ο πιο λατσσό πράγμας εκχέ τζενέσκε ισί τι χαλ ντα τι πιλ ντα τι αρακχέλ χαρά κι σκληρή μπουτί σο κερέλα». (Εκκλησιαστής 2:24) Ο Ιησούς τζανέλας ότι ισινέ σημαντικός τι ξεκουράντιβεν λέσκε μαθητές. Για παράδειγμας, αφού ισινέ μπουτ σαάτια κο έργος, ο Ιησούς βακερντάς λένγκε: «Ελάν κορκορέ εκχέ τθανέστε σο να υπαρχίντιβελα καέκ τζενό ντα ξεκουράντιβεν χάνικ».—Μάρκος 6:31, 32.

12. Σόσκε πρέπει τι αβάς προσεκτικοί με τη διασκέδαση; Βακερέν εκ παράδειγμας.

¹² Η διασκέδαση μπορίνελα τι βοηθίνελ-αμέν τι ξεκουράντιβας ντα τι χαλαρώνας. Πρέπει όμως τι προσοχίνας μα τι αβέλ η καλοπέραση ο πιο σημαντικός πράγμας αμαρέ ζωγιάτε. Κο πρώτος αιώνας, μπουτ τζενέ τθερένας ι άποψη: «Τι χας ντα τι πιάς, επειδή γιαβίν κα μεράς». (1 Κορινθίους 15:32) Ανταγιά άποψη ισί συνηθισμέ αντιβές-ντα. Για παράδειγμας, εκ τερνό κι Δυτική Ευρώπη αρχισάλο τι τζαλ κο Χριστιανικές συναθροίσεις. Αλλά μπεϊντίνελας αζόμ μπουτ ι διασκέδαση σο σταματιντάς τι κερέλ παρέα με Μάρτυρές του Ιεχωβά. Σοράν, όμως, αγαντάς ότι η προσοχή σο ντέλας κι διασκέδαση αντάας λέσκε μπαρέ προβλήματα. Αρχισάλο πάλι τι κερέλ μελέτη ντα τελικά αβιλό ευαγγελιζόμενος. Αφού μπολντιλό, βακερντάς: «Ο μόνος πράγμας σο μετανιώναβα ισί ότι χασαρντόμ μπουτ χρόνος μέχρι τι αγαβάβ ότι η χαρά σο ανέλα η διασκέδαση ανταλέ ντουνιάσκι νανέ τίποτα ανγκλάλ κι χαρά σο ανέλα η υπηρεσία ι Ιεχωβάσκι».

13. (α) Βακερέν εκ παράδειγμας σο σικαβέλα σόσκε νανέ λατσσό τι διασκεδάνας μπουτ. (β) Σο μπορίνελα τι βοηθίνελ-αμέν τι τθεράς ισορροπημέ άποψη για τη διασκέδαση;

¹³ Η διασκέδαση πρέπει τι βοηθίνελ-αμέν τι χαλαρώνας ντα τι τθεράς δυνάμεις. Άρα, καζόμ σαάτια πρέπει τι λελ αμένταρ; Σκεφτίνεν εκ παράδειγμας σο κα βοηθίνελ-αμέν τι ντας ι απάντηση. Μπουτ τζενέ μπεϊντίνενα ο γλυκά. Αλλά τζανάσα ότι άμα κα χας συνέχεια γλυκά, κα κερέλ αμένγκε κακός κι υγεία. Άμα μανγκάσα τι τθεράς λατσσί υγεία, πρέπει τι χας χαμπέ σο κερέλα αμένγκε λατσσιπέ. Ο ίδιος αβέλα-πες με τη διασκέδαση-ντα: Άμα ο πιο μπουτ σαάτια διασκεδάνασα, κα επηρεάντιβελ αμαρί σχέση ι Ιεχωβάσαρ. Σο κα βοηθίνελ-αμέν τι αγαβάς άμα τθεράσα ισορροπημέ άποψη για τη διασκέδαση; Κάτι σο μπορίνασα τι κεράς ισί τι γραφίνας για εκ εβδομάδα καζόμ σαάτια ασχολισάλαμ πραγματέντζαρ σο τθερένα τι κερέν ι Ιεχωβάσαρ, σαρ ισί ο συναθροίσεις, ο έργος ι Ντεβλέσκο ντα ο διάβασμας ι Γραφιάκο. Σοράν, μπορίνασα τι γραφίνας καζόμ σαάτια κι ίδια εβδομάδα ασχολισάλαμ με τη διασκέδαση, σαρ ισί ο αθλήματα, η τηλεόραση ή ο βιντεοπαιχνίδια. Όταν συγκρίνασα ανταλά ντούι αριθμοί, σο σικλιάσα; Μήπως πρέπει τι κεράς κάποια αλλαγή;—Διαβάνεν Εφεσίους 5:15, 16.

14. Σο μπορίνελα τι βοηθίνελ-αμέν τι τραμπίνας λατσσί διασκέδαση;

¹⁴ Ο Ιεχωβά μουκχέλα τι τραμπίνας αμέν αμαρί διασκέδαση. Επίσης, ι φαμιλιάκο  σορό-ντα μπορίνελα τι τραμπίνελ σο διασκέδαση ισί λατσσί λέσκε φαμιλιάκε. Κι Γραφή, ο Ιεχωβά ντέλα-αμέν συμβουλές σο σικαβένα σαρ σκεφτίνελα. Οντουλά συμβουλές βοηθίνενα-αμέν τι λας λατσσέ αποφάσεις. * (Ντικχ ι υποσημείωση.) Η λατσσί διασκέδαση ισί «δώρος σο ντινάς ο Ντεβέλ». (Εκκλησιαστής 3:12, 13) Η αλήθεια ισί ότι ο τζενέ διασκεδάνενα με μπουτ διαφορετικούς τρόπους. (Γαλάτες 6:4, 5) Αλλά καγιά-ντα διασκέδαση τι τραμπίνας, πρέπει πάντα τι αβάς προσεκτικοί. Ο Ιησούς βακερντάς: «Οτθέ σο ισί το θησαυρός, οτθέ κα αβέλ το γκι-ντα». (Ματθαίος 6:21) Επειδή μανγκάσα αμαρέ Βασιλιάς, ι Ιησούς, ο τρόπος σο σκεφτίνασα, σο κεράσα λάφι ντα σο κεράσα ο πράγματα σικαβέλα ότι η Βασιλεία ισί αμένγκε πιο σημαντική σαρέ κατά γιαβερά πράγματα.—Φιλιππησίους 1:9, 10.

15, 16. (α) Σαρ κα μπορίνελας τι αβέλ αμένγκε παγίδα ο υλικά πράγματα; (β) Καγιά σοφή συμβουλή ντινάς ο Ιησούς για το υλικά πράγματα;

¹⁵ Μπουτ τζενέ αντιβές πακιάνα ότι ο πράγματα σο τθερένα, σαρ ισί ο σέα, ο κινητά ντα ο υπολογιστές, πρέπει τι αβέν ο πιο νεβέ σο νικιόνα. Επηρεασάλε μπουτ κατά τρόπος ζωής σο σικαβέλα ότι ο πιο σημαντικός κι ζωή ισί ο υλικά πράγματα ντα ο λοβέ. Σο ισί πιο σημαντικός τουμένγκε, σο ισινέν Χριστιανοί; Πουτσέν τουμαρό νεαυτός: “Μήπως ισί πιο μπουτ ο σαάτια σο σκεφτίναβα ο αυτοκίνητα ή ο μόδες σο νικίστιλε κατά σαάτια σο προετοιμάναβα-μαν για το συναθροίσεις; Μήπως ισινόμ αζόμ απασχολημέ ι πραγματέντζαρ σο κεράβα  κάθε ντιβές ντα να τθεράβα μπουτ χρόνος για τι προσευχίντιβαβ ή για τι διαβάναβ ι Γραφή;” Άμα να ισινάμ προσεκτικοί, η αγάπη για το υλικά πράγματα μπορεί τι αβέλ πιο μπαρί κατά αγάπη σο τθεράσα ι Χριστόσκε. Πρέπει τι σκεφτίνας ο λάφια ι Ιησούσκε: «Τι προσοχίνεν για μα τι μανγκέν συνέχεια πιο μπουτ πράγματα τουμαρέ νεαυτόσκε». (Λουκάς 12:15) Σόσκε βακερντάς-λες ανταβά ο Ιησούς;

¹⁶ Ο Ιησούς βακερντάς ότι «καέκ ναστί υπηρετίνελα σαρ δούλος ντουέ κυριόν». Σοράν βακερντάς: «Ναστί υπηρετίνενα σαρ δούλοι ι Ντεβλές ντα ο Χουλανιπέ». Να αβέλα-πες τι ντας κο Ιεχωβά ο πιο λατσσό σο τθεράσα ντα κι ίδια στιγμή τι τθεράς αμαρί γκοντί κο υλικά πράγματα. Ο Ιησούς εξηγιντάς ότι ή “κα μισίνας ι εκχές ντα κα μανγκάς ι γιαβερές” ή “κα ατσσάς πασέ κο εκ ντα κα μουκχάς ι γιαβερές”. (Ματθαίος 6:24) Επειδή ισινάμ ατελείς, πρέπει τι συνεχίνας τι τζας κόντρα “οντουλέντε σο μανγκέλα αμαρό σώμας”, σαρ ισί ο υλικά πράγματα.—Εφεσίους 2:3.

17. (α) Σόσκε ισί δύσκολος μπουτέ τζενένγκε τι τθερέν ισορροπημέ άποψη για το υλικά πράγματα; (β) Σο βοηθίνελα-αμέν τι τζας κόντρα κο υλικά πράγματα;

¹⁷ Μπουτ τζενέ τθερένα αζόμ μπουτ πουμαρί γκοντί κο πράγματα σο μανγκένα ντα μπεϊντίνενα σο ισί λένγκε δύσκολος τι τθερέν ισορροπημέ άποψη για το υλικά πράγματα. (Διαβάνεν 1 Κορινθίους 2:14) Επειδή να σκεφτίνενα καθαρά, μπορεί τι αβέλ λένγκε δύσκολος τι αγαβέν καβά ισί ο σωστός ντα καβά ισί ο λάθος. (Εβραίους 5:11-14) Μπορεί τι μανγκέν ατζέ πιο μπουτ πράγματα. Ντα καζόμ πιο μπουτ πράγματα λένα, αζόμ πιο μπουτ μανγκένα. (Εκκλησιαστής 5:10) Όμως μπορίνασα τι κεράς κάτι για μα τι σκεφτίνας αμέν-ντα αντικάς. Ο διάβασμας ι Γραφιάκο κάθε ντιβές κα ντελ-αμέν δύναμη για μα τι μανγκάς ο υλικά πράγματα. (1 Πέτρου 2:2) Ο Ιησούς σκεφτίνελας ι σοφία σο τθερέλα ο Ιεχωβά, ντα ανταβά βοηθιντάς-λες μα τι περέλ κο πειρασμούς σο τσσουντάς λέσκε ο Διάβολος. (Ματθαίος 4:8-10) Αμέν-ντα αντιβές, άμα να μανγκάσα τι επηρεάντιβας κατά υλικά πράγματα, ισί σημαντικός τι τθεράς ι Ιεχωβάσκι σοφία αμαρέ ζωγιάτε. Ανταβά κα σικαβέλ κο Ιησούς ότι μανγκάσα-λες πιο μπουτ κατά υλικά πράγματα.

18. Σο ισινέν αποφασισμέ τι κερέν;

¹⁸ Όταν ο Ιησούς πουτσλάς ι Πετρός: «Μανγκέσα-μαν πιο μπουτ ακαλένταρ;» σικλιαρντάς-λες ότι η υπηρεσία ι Ιεχωβάσκι έπρεπε τι αβέλ ο πιο σημαντικός πράγμας λέσκε ζωγιάτε. Ισί ενδιαφέρον ότι η σημασία σο τθερέλα ι Πετρόσκο ναβ ισί «μπαρ». Ο λατσσέ ιδιότητες σο τθερέλας ο Πέτρος ισινέ σταθερές, σαρ εκ μπαρό μπαρ. (Πράξεις 4:5-20) Αντιβές, αμέν-ντα μανγκάσα τι αβέλ σταθερή αμαρί αγάπη ι Χριστόσκε. Οτθάρ, προσοχίνασα τι τθεράς ι μπουτί, ι διασκέδαση ντα ο υλικά πράγματα κι σωστή θέση αμαρέ ζωγιάτε. Άμα κα κεράς-λες ανταβά, ισί σαρ τι βακεράς αμέν-ντα οντουβά σο βακερντάς ο Πέτρος: «Κύριε, τούι τζανέσα ότι μανγκάβα-τουτ».