1, 2. (α) Καλέ τζενένγκε βακέρντιλε κι αρχή ο λάφια ι Ιησούσκε κο εδάφιος Ματθαίος 24:12; (β) Σαρ σικαβέλα ο βιβλίος Πράξεις ότι ο πιο μπουτ Χριστιανοί κο πρώτος αιώνας ατσσικιαρντέ ζουρανί πουμαρί αγάπη; (Ντικχ ι φωτογραφία σο ισί κι αρχή.)

ΟΤΑΝ ο Ιησούς ισινέ κι πφουβ, εξηγιντάς σαρ κα αγαβένας ο τζενέ ότι “ισί πασέ ο τέλος ανταλέ ντουνιάσκο”. Εκ κατά πράγματα σο βακερντάας ισινέ: «Η αγάπη ι πιο μπουτ τζενένγκι κα σουρντιόλ». (Ματθαίος 24:3, 12) Κο πρώτος αιώνας, ο Ιουδαίοι βακερένας ότι ισινέ ο λαός ι Ντεβλέσκο, αλλά μουκχλέας πουμαρί αγάπη ι Ντεβλέσκε τι σουρντιόλ.

² Όμως, ο πιο μπουτ Χριστιανοί οντουλέ μπρεσέντε να ισινέ αντικάς. Βακερένας αντράλ πουμαρέ γκίσταρ «ο λατσσέ αμπέρια για τον Ιησού Χριστό» ντα σικαβένας αγάπη ι Ντεβλέσκε, ι πφραλένγκε, ατζέ-ντα ι τζενένγκε σο να σικλιλέας ι αλήθεια. Οντουλά Χριστιανοί ατσσικιαρντέ ζουρανί πουμαρί αγάπη ι Ντεβλέσκε. (Πράξεις 2:44-47· 5:42) Δυστυχώς, όμως, μερικοί Χριστιανοί κο πρώτος αιώνας μουκχλέ πουμαρί αγάπη τι σουρντιόλ. Σαρ τζανάσα-λες ανταβά;

3. Σο μπορεί τι σουρντιαρντάας ι αγάπη μερικέ Χριστιανόνγκι;

³ Ο Ιησούς βακερντάς κο Χριστιανοί σο τζουβντιόνας κι Έφεσος: “Μουκχλέν ι αγάπη σο τθερένας κι αρχή”. (Αποκάλυψη  2:4) Οντουβά σο μπορεί τι αβιλόας ισί ότι ο Χριστιανοί κι Έφεσος μπορεί τι επηρεασάλεας κατά τζενέ σο ντικχένας πιο μπουτ πουμαρό νεαυτός. (Εφεσίους 2:2, 3) Η Έφεσος ισινέ εκ χουλανό τθεμ ντα ο τζενέ σο μπεσένας οτθέ ντικχένας πιο μπουτ σαρ τι τθερέν μπουτ πράγματα ντα εκ άνετη ζωή. Μπουτ τζενέ κι Έφεσος κερένας μπίλατζανε πράγματα ντα να σεβάνενας ο νόμοι ι Ντεβλέσκε. Ντικχένας πιο μπουτ σαρ τι νακχέν λατσσές ντα όχι σαρ τι σικαβέν αγάπη ι Ντεβλέσκε ντα ι γιαβερένγκε.

4. (α) Σαρ σουρντιλί η αγάπη αμαρέ ντιβεσέντε; (β) Καλέ τρινέ πραγματέντε πρέπει τι ατσσικιαράς ζουρανί αμαρί αγάπη;

⁴ Ο λάφια σο βακερντάς ο Ιησούς για την αγάπη σο σουρντιόλα ισί αμαρέ ντιβεσένγκε-ντα. Ο τζενέ αντιβές καζόμ τζάνα μανγκένα πιο χάνικ ι Ντεβλές. Αντί τι μπεκλεντίνεν κατά Ντεβέλ τι λύνελ ο προβλήματα σο ισί κο ντουνιάς, εκατομμύρια τζενέ μπεκλεντίνενα κατά τζενένγκε οργανώσεις τι κερέν-λες ανταβά. Λένγκι αγάπη συνεχίνελα τι σουρντιόλ. Ατζέ-ντα η αγάπη ι τζενένγκι σο υπηρετίνενα ι Ιεχωβάς κα μπορίνελας τι σουρντιόλ, σαρ αβιλό-πες κι εκκλησία σο ισινέ κι αρχαία Έφεσος. Οτθάρ, κα ντικχάς ακανά σο πρέπει τι κεράς για τι ατσσικιαράς ζουρανί αμαρί αγάπη (1) ι Ιεχωβάσκε, (2) για την αλήθεια σο ισί κι Αγία Γραφή ντα (3) αμαρέ πφραλένγκε.

5. Σόσκε πρέπει τι μανγκάς ι Ντεβλές;

⁵ Κας πρέπει τι μανγκάς πιο μπουτ; Ο Ιησούς βακερντάς: «“Πρέπει τι μανγκές ι Ιεχωβάς τι Ντεβλές σαρέ τι γκίσαρ ντα σαρέ τι ψυχιάσαρ ντα σαρέ τι γκοντιάσαρ”.  Ανταγιά ισί η πιο μπαρί ντα πρώτη εντολή». (Ματθαίος 22:37, 38) Αμαρί αγάπη ι Ντεβλέσκε βοηθίνελα-αμέν τι ντας καν κο εντολές σο ντέλα, τι κεράς υπομονή ντα τι μισίνας ο κακός. (Διαβάνεν Ψαλμός 97:10) Ο Σατανάς ντα λέσκο ντουνιάς, όμως, προσπαθίνενα τι σουρντιαρέν ντα τι καταστραφίνεν αμαρί αγάπη ι Ντεβλέσκε.

6. Σο αβέλα-πες όταν ο τζενέ χασαρένα πουμαρί αγάπη ι Ντεβλέσκε;

⁶ Ο ντουνιάς να τθερέλα ι σωστή άποψη για την αγάπη. Αντί τι μανγκέν ι Ντεβλές, μπουτ τζενέ “μανγκένα σάντε πουμαρό νεαυτός”. (2 Τιμόθεο 3:2) Ο πιο σημαντικός λένγκε ζωγιάτε ισί “οντουλά σο μανγκέλα ο σώμας ντα οντουλά σο μανγκένα ο γιακχά ντα τι σικαβέν μπαρικανές σαρ τζουβντιόνα”. (1 Ιωάννη 2:16) Ο απόστολος Παύλος προειδοποιηντάς οντουλέσκε σο μπορίνελα τι αβέλ-πες άμα τσσουβάσα πρώτα αμαρό νεαυτός. Βοβ βακερντάς: «Άμα κάποιος τθερέλα συνέχεια πι γκοντιάτε ο σώμας, ο αποτέλεσμας κα αβέλ ο μεριπέ». Σόσκε; Επειδή οντουλά σο κερένα-λες ανταβά αβένα ντουσμάνια ι Ντεβλέσκε. (Ρωμαίους 8:6, 7) Ο τζενέ σο προσπαθίνενα σαρέ πουμαρέ ζωγιάτε τι νικαβέν μπουτ λοβέ ή τι κερέν μπίλατζανε πράγματα κο τέλος ισί μπουτ απογοητευμέ.—1 Κορινθίους 6:18· 1 Τιμόθεο 6:9, 10.

7. Καλά επικίνδυνες απόψεις κα μπορίνενας τι επηρεάνεν ι Χριστιανόν αντιβές;

⁷ Μπουτ τζενέ σο να πακιάνα κο Ντεβέλ ή σο βακερένα ότι να αβέλα-πες τι τζανάς άμα υπαρχίντιβελα ο Ντεβέλ ή σο πακιάνα κι εξέλιξη προσπαθίνενα τι κερέν ι γιαβερέν μα τι μανγκέν ι Ντεβλές ή τι πακιάν ατζέ-ντα ότι να υπαρχίντιβελα. Πουμαρέ λαφίντζαρ σικαβένα ότι σάντε ο τζενέ σο χουχάντιβενα εύκολα ή σο να τθερένα γκοντί κα πακιάνας κο Δημιουργός. Επίσης, μπουτ τζενέ σεβάνενα πιο μπουτ τους επιστήμονες παρά ι Δημιουργός. (Ρωμαίους 1:25) Ασακέ απόψεις κα μπορίνενας τι επηρεάνεν ατζέ-ντα ι Χριστιανόν. Αμαρί σχέση ι Ιεχωβάσαρ κα μπορίνελας τι χαλάντιβελ σιγά σιγά ντα αμαρί αγάπη κα μπορίνελας τι σουρντιόλ.—Εβραίους 3:12.

8. (α) Καλά πράγματα κα μπορίνενας τι κερέν ι Ιεχωβάσκε λαός τι χασαρέλ πο κουράγιος; (β) Σαρ μπορίνελα ο Ψαλμός 136 τι ντελ-αμέν παρηγοριά;

 ⁸ Αφού τζουβντιάσα κο πφιρνό ντουνιάς κι Μπενγκέσκο, υπαρχίντιβενα μπουτ λόγοι σο κερένα-αμέν μα τι τθεράς μερικές φορές κουράγιος. (1 Ιωάννη 5:19) Άλλα άμα κα μουκχάς αμαρό νεαυτός τι χασαρέλ πο κουράγιος, αμαρί πίστη μπορεί τι χασάρντιβελ ντα αμαρί αγάπη ι Ντεβλέσκε κα μπορίνελας τι σουρντιόλ. Για παράδειγμας, μπορεί τι τθεράσα προβλήματα επειδή πφουρίλιβασα, να τθεράσα λατσσί υγεία ή νανέ-αμέν λοβέ. Ή μπορεί τι στεναχωρίντιβασα επειδή να μπορίνασα τι κεράς μερικά πράγματα σαρ κα μανγκάας τι κεράς-λεν. Μπορεί τι αβάς απογοητευμέ επειδή μερικά πράγματα αμαρέ ζωγιάτε να αβιλέ σαρ κα μανγκάας. Σο-ντα δυσκολίες τι τθεράς, δεν πρέπει ποτές τι νιωθίνας ότι ο Ιεχωβά μουκχλάς-αμέν. Σκεφτίνεν ο παρηγορητικά λάφια σο ισί κο εδάφιος Ψαλμός 136:23: «Όταν πελάμας τελέ να μπισταρντάς-αμέν, επειδή η αφοσιωμέ αγάπη λέσκι ατσσόλα για πάντα». Μπορίνασα τι αβάς σίγουροι ότι ο Ιεχωβά ασουνέλα “κάνα μολίνασα-λες τι βοηθίνελ-αμέν” ντα κα απαντίνελ.—Ψαλμός 116:1· 136:24-26.

9. Κατέ αρακχλάς ο Παύλος ι δύναμη τι ατσσικιαρέλ πι αγάπη ι Ντεβλέσκε ζουρανί;

⁹ Ο απόστολος Παύλος ισινέ εκ υπηρέτης ι Ντεβλέσκο σο σκεφτίνελας μπουτ σαρ υποστηρίνελας-λες ο Ιεχωβά, ντα ανταβά βοηθιντάς-λες τι ατσσόλ ζουρανό. Βοβ γραφιντάς: «Ο Ιεχωβά ισί μο βοηθός· να κα νταράβ. Σο μπορίνενα τι κερέν-μαν ο τζενέ;» (Εβραίους 13:6) Η εμπιστοσύνη σο τθερέλας ο Παύλος κο Ιεχωβά βοηθίνελας-λες τι αντιμετωπίνελ ο προβλήματα σο αβένας λέσκε ζωγιάτε. Όταν ο Παύλος τθερέλας δυσκολίες, να χασαρέλας πι εμπιστοσύνη κο Ιεχωβά. Ατζέ-ντα όταν ισινέ κι φυλακή, μπουτσσαβέλας επιστολές κο εκκλησίες για τι ενθαρρύνελ πι πφραλέν. (Εφεσίους 4:1· Φιλιππησίους 1:7· Φιλήμονα 1) Σαρέ κο προβλήματα σο τθερέλας ο Παύλος, ατσσικιαρέλας ζουρανί πι αγάπη ι Ιεχωβάσκε. Στηρίντιβελας κο «Ντεβέλ κάθε παρηγοριάς, σο ντέλα-αμέν κουράγιος σαρέ κο στεναχώριες σο τθεράσα». (2 Κορινθίους 1:3, 4) Σαρ μπορίνασα τι μοιάζας κο Παύλος;

10. Σαρ μπορίνασα τι ατσσικιαράς ζουρανί αμαρί αγάπη ι Ιεχωβάσκε;

 ¹⁰ Ο Παύλος βακερντάς εκ τρόπος για τι ατσσικιαράς αμαρί αγάπη ι Ντεβλέσκε ζουρανί κάνα γραφιντάς: «Τι προσευχίντιβεν συνέχεια». Πιο σοράν γραφιντάς: «Μα τι τσσιναβέν τι κερέν προσευχή». (1 Θεσσαλονικείς 5:17· Ρωμαίους 12:12) Σόσκε η προσευχή ανέλα-αμέν πιο πασέ κο Ντεβέλ; Όταν προσευχίντιβασα, κεράσα λάφι ι Ιεχωβάσαρ. Ανταβά βοηθίνελα-αμέν τι τθεράς εκ λατσσί σχέση λέσαρ. (Ψαλμός 86:3) Όταν βακεράσα αμαρέ Νταντέσκε, σο ισί κο ουρανός, σαρέ οντουλά σο σκεφτίνασα ντα νιωθίνασα, αβάσα πιο πασέ λέστε. (Ψαλμός 65:2) Επίσης, καζόμ ντικχάσα σαρ απαντίνελα ο Ιεχωβά αμαρέ προσευχιέντε, αμαρί αγάπη λέσκε μπαριόλα. Ισινάμ σίγουροι ότι «ο Ιεχωβά ισί πασέ σαρέ οντουλέντε σο ρόντενα λέσκε». (Ψαλμός 145:18) Αμαρί εμπιστοσύνη κι αγάπη ντα κι υποστήριξη κι Ιεχωβάσκι κα βοηθίνελ-αμέν τι ντας-λεν πέρα σαρέ ι προβληματέντζαρ σο τθεράσα ακανά ή κα τθεράς ανγκλ’ αμέντε.

11, 12. Σαρ μπορίνασα τι μπαριαράς αμαρί αγάπη για την αλήθεια σο ισί κι Γραφή;

¹¹ Σαρ Χριστιανοί, μανγκάσα ι αλήθεια. Αρακχάσα ι αλήθεια κο Λάφι κι Ντεβλέσκο. Ο Ιησούς βακερντάς πι Νταντέσκε: «Το λάφι ισί μπαγιά». (Ιωάννης 17:17) Για τι μανγκάς ι αλήθεια σο ισί κι Γραφή, πρέπει τι τζανάς σο ισί αντρέ κι Γραφή. (Κολοσσαείς 1:10) Όμως να ερεσέλα σάντε ανταβά. Ντικχέν σαρ βοηθίνελα-αμέν ο Ψαλμός 119 τι αγαβάς σο πρέπει τι κεράς. (Διαβάνεν Ψαλμός 119:97-100) Πρέπει τι αρακχάς χρόνος αντρέ κο ντιβές για τι σκεφτίνας με προσοχή οντουλά σο διαβάνασα κι Γραφή. Καζόμ σκεφτίνασα σαρ αβέλα πιο λατσσί αμαρί ζωή όταν ακολουθίνασα ι αλήθεια σο ισί κι Γραφή, αμαρί αγάπη λάκε κα μπαριόλ ατζέ πιο μπουτ.

¹² Ο ψαλμωδός επίσης βακερντάς: «Καζόμ γκουλντέ ισί το λάφια μι μόστε, ισί πιο γκουλντέ κατά αβγίν-ντα!» (Ψαλμός 119:103) Ο έντυπα σο ετοιμάνελα η οργάνωση ι Ντεβλέσκι αντράλ κατά Γραφή ισί σαρ εκ γκουλντό χαμπέ. Σαρ μανγκάσα τι τθεράς χρόνος για τι απολαμβάνας ο χαμπέ σο μπεϊντίνασα, αντικάς μανγκάσα τι τθεράς χρόνος όταν διαβάνασα-ντα. Όταν κα κεράς-λες ανταβά, κα απολαμβάνας ο «σουκάρ λάφια» της αλήθειας ντα κα αβέλ πιο εύκολος τι ντας-αμέν γκοντί οντουλά σο διαβάνασα ντα τι χρησιμοποιήνας-λεν για τι βοηθίνας ι γιαβερέν.—Εκκλησιαστής 12:10.

13. Σο βοηθιντάς τον Ιερεμία τι μανγκέλ ο λάφια ι Ντεβλέσκε; Σαρ επηρεαντάς-λες ανταβά;

¹³ Ο προφήτης Ιερεμίας μανγκέλας ο λάφια ι Ντεβλέσκε. Βοβ βακερντάς: «Αρακχλόμ το λάφια, ντα χαλόμ-λεν· ντα το λάφι αβιλό μάνγκε η ευχαρίστηση ντα η χαρά μι γκίσκι, επειδή τσσουντάν το ναβ οπρά-μάντε, Ντέβλα, Ιεχωβά των στρατευμάτων». (Ιερεμίας 15:16) Ο Ιερεμίας σκεφτίνελας με προσοχή ο πολύτιμα λάφια ι Ντεβλέσκε ντα μανγκέλας-λεν. Εκτιμίνελας ο προνόμιος τι τθερέλ οπρά-πέστε ι Ιεχωβάσκο ναβ ντα τι βακερέλ ο λάφια ι Ντεβλέσκε κο γιαβερά. Άμα μανγκάσα ι αλήθεια σο ισί κι Γραφή, κα αγαβάς καζόμ μπαρό προνόμιος τθεράσα τι αβάς Μάρτυρες του Ιεχωβά ντα τι βακεράς ο λατσσέ αμπέρια ι Βασιλειάκε ανταλέ τελευταίε ντιβεσέντε.

14. Σο γιαβέρ μπορίνασα τι κεράς για τι μπαριαράς αμαρί αγάπη για την αλήθεια σο ισί κι Γραφή;

¹⁴ Σο γιαβέρ κα βοηθίνελ-αμέν τι μπαριαράς αμαρί αγάπη για την αλήθεια σο ισί αντρέ κι Γραφή; Πρέπει τι τζας σαρέ κο συναθροίσεις, οτθέ σο σικλιαρέλα-αμέν ο Ιεχωβά. Η μελέτη της Γραφής σο κεράσα με τη βοήθεια της Σκοπιάς κάθε εβδομάδα ισί εκ κατά πιο σημαντικούς τρόπους σο  σικλιαρέλα-αμέν. Άμα μανγκάσα τι σικλιάς καζόμ πιο μπουτ πράγματα αβέλα-πες ανταλέ συναθροισιάταρ, πρέπει τι προετοιμάνας-αμέν λατσσές. Για παράδειγμας, μπορίνασα τι αρακχάς σαρέ ο εδάφια σο τθερέλα η Σκοπιά. Αντιβές, μπουτ τζενέ μπορίνενα εύκολα τι διαβάνεν ή τι γουλιαρέν ηλεκτρονικά ο περιοδικός Η Σκοπιά, επειδή υπαρχίντιβελα μπουτέ τσσιμπέντε κο ιστότοπος jw.org ή κι εφαρμογή JW Library. Υπαρχίντιβενα ηλεκτρονικά αρχεία-ντα σο βοηθίνενα-αμέν τι αρακχάς σουγκό ο εδάφια. Σαρ-ντα τι τραμπίνας τι διαβάνας ο κάθε μάθημας, όταν διαβάνασα με προσοχή ο εδάφια ντα σκεφτίνασα λατσσές οντουλά σο βακερένα, αμαρί αγάπη για την αλήθεια σο ισί κι Γραφή κα μπαριόλ.—Διαβάνεν Ψαλμός 1:2.

15, 16. (α) Σαρ βακερένα ο εδάφια Ιωάννης 13:34, 35, καγιά εντολή ντινάς-αμέν ο Ιησούς; (β) Σο σχέση τθερέλα η αγάπη σο τθεράσα ι Ντεβλέσκε ντα ι Γραφιάκε με την αγάπη σο τθεράσα αμαρέ πφραλένγκε;

¹⁵ Ο Ιησούς βακερντάς πι μαθητένγκε ι τελευταία ιράτ πριν τι μερέλ: «Ντάβα-τουμέν εκ νεβί εντολή, τι μανγκέν ο εκ ι γιαβερές· σαρ μανγκλόμ-τουμέν με, τι μανγκέν τουμέν-ντα ο εκ ι γιαβερές. Ανταλέσταρ κα αγαβέν σαρέ ότι ισινέν μο μαθητές, άμα τθερένα αγάπη ο εκ ι γιαβερέσκε».—Ιωάννης 13:34, 35.

¹⁶ Η αγάπη αμαρέ πφραλένγκε ντα αμαρέ πφενίνγκε τθερέλα τι κερέλ με την αγάπη σο τθεράσα ι Ιεχωβάσκε. Άμα να μανγκάσα ι Ντεβλές, να μπορίνασα τι μανγκάς αμαρέ πφραλέν. Ντα άμα να μανγκάσα αμαρέ πφραλέν, να μπορίνασα τι μανγκάς ι Ντεβλές. Ο απόστολος Ιωάννης γραφιντάς: «Οντουβά σο να μανγκέλα πι πφραλές, σο ντικχλάς-λες, ναστί μπορίνελα τι μανγκέλ ι Ντεβλές, σο να ντικχλάς-λες». (1 Ιωάννη 4:20) Αμαρί αγάπη ι Ιεχωβάσκε ντα αμαρέ πφραλένγκε τθερέλα τι κερέλ με την αγάπη σο τθεράσα ι Γραφιάκε-ντα. Σόσκε; Επειδή άμα μανγκάσα οντουλά σο σικλιάσα κατά Γραφή, κα μανγκάς τι ντας καν κο εντολές σο ντέλα-αμέν τι μανγκάς ι Ντεβλές ντα αμαρέ πφραλέν.—1 Πέτρου 1:22· 1 Ιωάννη 4:21.

17. Σαρ μπορίνασα τι σικαβάς αμαρί αγάπη;

¹⁷ Διαβάνεν 1 Θεσσαλονικείς 4:9, 10. Σαρ μπορίνασα τι σικαβάς αγάπη αμαρέ  πφραλένγκε κι εκκλησία; Εκ πφουρό πφραλ ή εκ πφουρί πφεν μπορεί τι χρειαζίντιβελ βοήθεια για τι τζαλ ντα τι νασέλ κατά συναθροίσεις. Εκ χήρα μπορεί τι χρειαζίντιβελ βοήθεια για τι λατσσαρέλ κάτι πι κχερέστε. (Ιακώβου 1:27) Πφραλά ντα πφενιά σο χασαρντέ πουμαρό κουράγιος, τθερένα κατάθλιψη ή γιαβερά προβλήματα τθερένα ανάγκη αμαρί προσοχή, ενθάρρυνση ντα παρηγοριά. (Παροιμίες 12:25· Κολοσσαείς 4:11) Αμαρέ λαφίντζαρ ντα οντουλέντζαρ σο κεράσα, σικαβάσα ότι μανγκάσα «οντουλέν σο ισινάμ λέντζαρ τζενέ κι πίστη».—Γαλάτες 6:10.

18. Σο κα βοηθίνελ-αμέν τι λύνας ο διαφορές αμαρέ πφραλέντζαρ;

¹⁸ Η Γραφή βακερντάς ότι κο «τελευταία ντιβεσά» ανταλέ πφιρνέ ντουνιάσκε μπουτ τζενέ κα αβένας εγωιστές ντα κα μανγκένας σαρέ ο πράγματα πουμαρέ νεαυτόσκε. (2 Τιμόθεο 3:1, 2) Σαρ Χριστιανοί, πρέπει τι προσπαθίνας μπουτ για τι μπαριαράς αμαρί αγάπη ι Ιεχωβάσκε, λέσκε Λαφίσκε ντα ο εκ ι γιαβερέσκε. Αφού ισινάμ ατελείς, μερικές φορές μπορεί μα τι συμφωνίνας αμαρέ πφραλέντζαρ. Αλλά επειδή μανγκάσα ο εκ ι γιαβερές, κα προσπαθίνας τι τακτοποιήνας ο διαφορές σο τθεράσα καζόμ πιο σουκάρ ντα καζόμ πιο σουγκό αβέλα-πες. (Εφεσίους 4:32· Κολοσσαείς 3:14) Μακάρι μα τι μουκχάς ποτές αμαρί αγάπη τι σουρντιόλ! Αντίθετα, τι συνεχίνας τι μανγκάς μπουτ ι Ιεχωβάς, λέσκο Λάφι ντα αμαρέ πφραλέν.