1. Σόσκε μερικά τζενέ μπορεί μα τι ντέλα λένγκο γκι τι σικλιαρέν πουμαρό νεαυτός;

ΑΝΤΙΒΕΣ, μπουτ τζενέ πρέπει τι μαρέν-πες για τι τθερέν λοβέ ντα τι τζουβντιόν. Μπουτ αμαρέ πφραλένταρ κερένα μπουτ σαάτια μπουτί για τι ντεν πουμαρέ φαμιλίντε ο αναγκαία. Ντα μπουτ γιαβερά χαλαβένα μπουτ σαάτια κάθε ντιβές για τι τζαν πουμαρέ μπουτιάτε ντα τι αβέν. Μπουτ τζενέ κερένα σκληρή μπουτί πουμαρέ βαστέντζαρ για τι τζουβντιόν. Κο τέλος κι ντιβεσέσκο ισί αζόμ κχινέ σο να ντέλα λένγκο γκι τι σικλιαρέν πουμαρό νεαυτός κατά Αγία Γραφή!

2. Κάνα αρακχένα σαάτι για τι σικλιαρέν τουμαρό νεαυτός;

² Ισί μπαγιά όμως ότι πρέπει τι αρακχάς σαάτι τι σικλιάς, βα τι σικλιάς, κατά Ντεβλέσκο Λάφι ντα κατά έντυπα. Άμα να κα κεράς-λες ανταβά να μπορίνασα τι αβάς αμαλά ι Ιεχωβάσκε ντα τι τζουβντιάς για πάντα! (1 Τιμ. 4:​15) Μερικά τζενέ ιστίνα νωρίς κάθε πρωί ντα σικλιαρένα πουμαρό νεαυτός κο κχερ κάνα ισί ησυχία ντα λένγκι γκοντί νανέ πφερντί γιαβερέ πραγματέντζαρ. Γιαβερά αρακχένα ηρεμία χάνικ λεπτά κο τέλος κι ντιβεσέσκο για τι διαβάνεν ντα τι σκεφτίνεν προσεκτικά.

3, 4. Σο αποφασιντάς ο Κυβερνών Σώμας, ντα σόσκε;

³ Σίγουρα κα βακερένας ότι ισί σημαντικός τι αρακχάς σαάτι για τι σικλιαράς αμαρό νεαυτός. Αλλά σο τι διαβάνας; Μπορεί τι βακερέν: “Τθεράσα αζόμ μπουτ πράγματα σο να ερεσαβάβα-λεν σαρέ”. Ισί πφραλά σο διαβάνενα σαρέ ο έντυπα ντα ντικχένα σαρέ ο βίντεα σο νικαβέλα η οργάνωση, αλλά μπουτ γιαβερά να αρακχένα σαάτι τι κερέν-λες ανταβά. Ο Κυβερνών Σώμας τζανέλα-λες ανταβά. Οτθάρ, ακανά σουγκό αποφασιντάς τι νικιόν πιο χάνικ εκδόσεις εμ τυπωμέ εμ κο Ίντερνετ.

 ⁴ Για παράδειγμας, ακανά να νικαβάσα ο Βιβλίο Έτους των Μαρτύρων του Ιεχωβά, επειδή αρακχάσα μπουτ εμπειρίες σο ντένα-αμέν ζορ κο ιστότοπος jw.org^® ντα κο JW Broadcasting^®. Η Σκοπιά σο ντάσα κο τζενέ ντα ο Ξύπνα! νικιόνα ακανά σάντε τριν φαρ κο μπρες. Ανταλά αλλαγές να αβιλέ-πες για τι τθεράς πιο μπουτ σαάτι γιαβερέ πραγματένγκε. Αβιλέ για τι ντας μπαρί προσοχή κο «πιο σημαντικά πράγματα». (Φιλιπ. 1:​10) Κα ντικχάς σαρ τι τραμπίνας σο τι διαβάνας πρώτα ντα σαρ τι βοηθίντιβας καζόμ πιο μπουτ αβέλα-πες κάνα σικλιαράσα αμαρό νεαυτός κατά Γραφή.

5, 6. Κατάρ πρέπει τι σικλιαράς προσεκτικά αμαρό νεαυτός;

⁵ Σο πρέπει τι διαβάνεν πρώτα; Σίγουρα πρέπει τι αρακχάς σαάτι κάθε ντιβές για τι σικλιαράς αμαρό νεαυτός κατά Λάφι ι Ντεβλέσκο. Ακανά τθεράσα πιο χάνικ εδάφια τι διαβάνας κάθε εβδομάδα για τη συνάθροιση, οτθάρ τθεράσα πιο μπουτ σαάτι τι σκεφτίνας λατσσές οντουλά σο διαβάνασα ντα τι ροντάς ατζέ πιο μπουτ. Μανγκάσα όχι σάντε τι διαβάνας ο λάφια ι Γραφιάκε, αλλά τι μουκχάς-λεν τι ερεσέν αμαρέ γκίστε ντα τι ανέν-αμέν πιο πασέ κο Ιεχωβά.​—Ψαλμ. 19:14.

⁶ Κατάρ γιαβερτθάρ πρέπει τι σικλιαράς αμαρό νεαυτός; Σίγουρα πρέπει τι ετοιμάνας-αμέν ι Σκοπιάκε ντα για την Εκκλησιαστική Γραφική Μελέτη, αλλά ι γιαβερέ πραγματένγκε-ντα σο κεράσα κι συνάθροιση αντρέ κι εβδομάδα. Ντα πρέπει τι διαβάνας κάθε Σκοπιά ντα Ξύπνα!

7. Πρέπει τι χασαράς αμαρό κουράγιος άμα να ερεσαβάσα τι διαβάνας ή τι ντικχάς σαρέ οντουλά σο ισί κο ιστότοπος ντα κο JW Broadcasting;

⁷ Μπορεί τι βακερέν: “Βα, αλλά σο αβέλα-πες σαρέ οντουλέντζαρ σο ισί κο ιστότοπος, jw.org, ντα οντουλέντζαρ σο ισί κο JW Broadcasting; Ισί μπουτ!” Σκεφτίνεν ακαβά παράδειγμας: Σε εκ εστιατόριος ισί μπερεκέτι λατσσέ χαμπίματα. Ο τζενέ σο τζάνα οτθέ ναστί χάνα-λεν σαρέ. Οτθάρ τραμπίνενα χάνικ λένταρ. Αντικάς, αν τουμέν-ντα να ερεσαβένα τι διαβάνεν ή τι ντικχέν σαρέ οντουλά σο ισί κο ιστότοπος ντα κο JW Broadcasting, μα χασαρέν τουμαρό κουράγιος. Τι διαβάνεν ή τι ντικχέν οντουλά σο ερεσαβένα. Ακανά κα ντικχάς σαρ τι σικλιαράς αμαρό νεαυτός ντα σαρ τι βοηθίντιβας καζόμ πιο μπουτ αβέλα-πες κάνα κεράσα-λες ανταβά.

8. Σο μπορίνασα τι κεράς κάνα ετοιμάνασα-αμέν ι Σκοπιάκε, ντα σαρ κα βοηθίνελ-αμέν ανταβά;

⁸ Κάνα σικλιαράσα αμαρό νεαυτός, τθεράσα αμαρί γκοντί οντουλέντε σο διαβάνασα για τι σικλιάς κάτι σημαντικός. Να ερεσέλα σάντε τι διαβάνας σουγκό ντα τι αρακχάς ο απαντήσεις. Για παράδειγμας, κάνα ετοιμάνενα-τουμέν ι Σκοπιάκε, διαβάνεν πρώτα ο «Σο κα Ντικχάς» σο ισί κι αρχή. Σοράν, ντικχέν ο τίτλος ι μαθημάσκο, ο υπότιτλοι ντα ο ερωτήσεις σο ισί κο τέλος. Διαβάνεν ο μάθημας πφαρές ντα προσεκτικά. Ντεν προσοχή κι πρόταση σο σικαβέλα σο μανγκέλα τι νακχαβέλ η παράγραφος. Μπουτ φαρ, ανταγιά ισί η πρώτη πρόταση κι παράγραφος. Καζόμ διαβάνενα ο μάθημας, σκεφτίνεν σαρ ταιριάνελα η κάθε παράγραφος με το υπότιτλος ντα με το θέμας ι μαθημάσκο. Σημειώνεν ο λέξεις σο να τζανένα ντα ο σημεία σο μανγκένα τι ρόντεν πιο μπουτ.

9. (α) Σόσκε πρέπει τι ντας μπουτ προσοχή κο εδάφια κι Σκοπιάκε, ντα σαρ κεράσα-λες ανταβά; (β) Κάνα διαβάνασα ο εδάφια, σο γιαβέρ πρέπει τι κεράς σαρ βακερέλα ο εδάφιος Ιησούς του Ναυή 1:8;

⁹ Κάνα κεράσα κι συνάθροιση ι Σκοπιά, βοηθίντιβασα τι αγαβάς ι Γραφή. Οτθάρ, τι  ντεν μπουτ προσοχή κο εδάφια, ειδικά οντουλέντε σο κα διαβάντιβεν κάνα κα κεράς ο μάθημας. Ντεν μπουτ προσοχή σαρ ο βασικές λέξεις ή φράσεις ι εδαφιόνγκε σικαβένα σο μανγκέλα τι νακχαβέλ η παράγραφος. Ντα αρακχέν σαάτι για τι σκεφτίνεν ο εδάφια σο διαβαντέν ντα σαρ τι κερέν-λεν τουμαρέ ζωγιάτε.​—Διαβάνεν Ιησούς του Ναυή 1:8.

10. Καζόμ τθερένα τουμαρέ γκοντιάτε ο εδάφιος Εβραίους 5:​14, βακερέν σόσκε πρέπει ο νταντά ντα ο νταγιά τι αρακχέν σαάτι κι φαμιλιάκι λατρεία για τι σικαβέν πουμαρέ τσσαβένγκε σαρ τι σικλιαρέν-πες ντα σαρ τι ρόντεν.

¹⁰ Αγαβάσα ότι ο νταντά ντα ο νταγιά μανγκένα λένγκε τσσαβέ τι μπεϊντίνεν ι Φαμιλιάκι Λατρεία σο αβέλα κάθε εβδομάδα. Όμως, παρόλο σο πρέπει πάντα τι τθερέν πουμαρέ γκοντιάτε σο κα κερέν κι φαμιλιάκι λατρεία, να χρειαζίντιβελα τι κερέν κάτι εντυπωσιακός κάθε εβδομάδα. Κα μπορίνενας τι ντικχέν ο JW Broadcasting σο νικιόλα κάθε μάσεκ ή τι κερέν καέκ φαρ κάτι ξεχωριστός, σαρ ισί η κιβωτός ι Νωέσκι. Ντα ισί μπουτ σημαντικός τι σικαβέν τουμαρέ τσσαβένγκε σαρ τι σικλιαρέν-πες κατά Γραφή. Για παράδειγμας, χρειαζίντιβελα τι σικλιόν σαρ τι προετοιμάντιβεν ι συναθροισιένγκε ή σαρ τι ρόντεν εκχέ πραγμάσκε σο πουτσλέ-λεν κο σχολείος. (Διαβάνεν Εβραίους 5:​14) Αν αρακχένα σαάτι για τι σικλιαρέν-πες κχερέ, κα αβέλ λένγκε πιο εύκολος τι ασουνέν κο συναθροίσεις ντα κο συνελεύσεις, ατζέ-ντα κάνα νανέ βίντεα. Ο νταντά ντα ο νταγιά πρέπει τι τθερέν πουμαρέ γκοντιάτε ι ηλικία ντα ο χαρακτήρας πουμαρέ τσσαβένγκο για τι αποφασίνεν καζόμ σαάτι κα σικλιαρέν-λεν.

11. Σόσκε ισί σημαντικός τι σικαβάς ι τζενένγκε σο κεράσα-λεν μελέτη σαρ τι σικλιαρέν-πες κορκορέ κατά Γραφή;

¹¹ Αλλά ο τζενέ-ντα σο κεράσα-λεν μελέτη πρέπει τι σικλιόν σαρ τι σικλιαρέν-πες κατά Γραφή. Κι αρχή, χαιρίνασα αν αρακχένα σάντε ο απαντήσεις κάνα ετοιμάνενα-πες πουμαρέ μελετιάκε ή ι συναθροισιένγκε. Πρέπει όμως τι σικαβάς λένγκε τι ρόντεν ντα τι σικλιαρέν-πες κορκορέ κατά Γραφή. Αντικάς, κάνα κα τθερέν προβλήματα, να κα μανγκέν αμέσως βοήθεια γιαβερένταρ κι κχανγκιρί αλλά κα τζανέν σαρ τι ρόντεν για τι αρακχέν κορκορέ λατσσέ συμβουλές κο έντυπα.

12. Σόσκε μπορεί τι μανγκάσα τι σικλιαράς αμαρό νεαυτός;

¹² Άμα νανέ τουμαρέ γκίστε ο διάβασμας, μπορεί τι πακιάνα ότι ποτές να κα μπεϊντίνεν τι σικλιαρέν τουμαρό νεαυτός. Αλλά νανέ αντικάς. Κι αρχή, τι σικλιαρέν-τουμέν  κατά Γραφή χάνικ σαάτι κάθε φαρ ντα σιγά σιγά αρακχέν πιο μπουτ σαάτι. Τι τζανέν σόσκε σικλιαρένα τουμαρό νεαυτός. Σίγουρα, ο πιο σημαντικός λόγος ισί τι αβάς πιο πασέ κο Ιεχωβά. Εκ γιαβέρ λόγος ισί τι απαντίνας εκχέ ερωτησιάτε σο κερντέ αμένγκε ή τι ρόντας σαρ τι νακχαβάς εκ πρόβλημας σο τθεράσα.

13. (α) Βακερέν σαρ μπορίνελα τι εξηγίνελ εκ τερνό οντουλά σο πακιάλα κο σχολείος. (β) Σαρ μπορίνενα τι κερέν ι συμβουλή σο ισί κο εδάφιος Κολοσσαείς 4:6;

¹³ Για παράδειγμας, άμα τζάσα σχολείος, μπορεί σαρέ το συμμαθητές τι πακιάνα κι εξέλιξη. Μανγκέσα τι βακερές σόσκε πακιάσα ότι κερντιλάμ αντικάς σαρ σικλιαρέλα η Γραφή, αλλά μπορεί τι νιωθίνεσα ότι ναστί κερέσα-λες. Ανταβά μανγκέλα ροντιπέ! Μπορεί τι μανγκές τι κερές ντούι πράγματα: (1) τι αβές πιο σίγουρος ότι ο Ντεβέλ κερντάς σαρέ ο πράγματα ντα (2) τι σικλιός σαρ τι εξηγίνες πιο λατσσές οντουλά σο πακιάσα. (Ρωμ. 1:​20· 1 Πέτρ. 3:​15) Κι αρχή, σκέφτινε: “Σόσκε μο συμμαθητές βακερένα ότι πακιάνα κι εξέλιξη;” Σοράν, ρόντε προσεκτικά αμαρέ έντυπα. Μπορεί μα τι αβέλ αζόμ δύσκολος καζόμ αμντίνεσα τι εξηγίνες οντουλά σο πακιάσα. Ο πιο μπουτ τζενέ πακιάνα κι εξέλιξη επειδή κάποιος σο σεβάνενα βακερντάς λένγκε ότι ισί μπαγιά ανταβά. Αν κα αρακχές εκ ή ντούι πράγματα τι βακερές, μπορεί τι ντες εκ μπουτ λατσσί απάντηση εκχέ τζενέστε σο μανγκέλα μπαγιά τι σικλιόλ.​—Διαβάνεν Κολοσσαείς 4:6.

14-16. (α) Σαρ κα σικλιόν πιο λατσσές εκ βιβλίος ι Γραφιάκο; (β) Εξηγίνεν σαρ βοηθίνενα-τουμέν ο εδάφια σο ισί ατθέ τι αγαβέν πιο λατσσές ο βιβλίος Αμώς. (Ντικχ ο πλαίσιος-ντα « Σικλιόν πιο Λατσσές ι Τζενέν σο Ισί κι Γραφή!»)

¹⁴ Βακερέν ότι κι συνάθροιση κα κεράς λάφι οντουλένγκε σο γραφιντάς εκ κατά χουρντέ προφήτες ντα τουμέν να τζανένα μπουτ πράγματα λέσκε. Ο πρώτος πράγμας ίσως ισί τι μανγκέν τι σικλιόν ατζέ πιο μπουτ οντουλένγκε σο γραφιντάς ο προφήτης. Σαρ κα κερέν-λες ανταβά;

¹⁵ Πρώτα, πουτσέν-τουμέν: “Σο τζανάβα λέσκε; Κον ισινέ; Κατέ τζουβντιόλας; Σο μπουτί κερέλας;” Αν τζανάσα πιο μπουτ λέσκε, κα αγαβάς πιο λατσσές σόσκε τραμπιντάς κάποια λάφια ή κάποια παραδείγματα. Καζόμ διαβάνενα ι Γραφή, ρόντεν τι αρακχέν λάφια σο σικαβένα σο τζενό ισινέ.

¹⁶ Σοράν, κα αβέλας λατσσό τι σικλιόν κάνα γραφίντιλο ο βιβλίος. Ανταλέστε κα βοηθίνελ-τουμέν ο «Πίνακας των Βιβλίων της Αγίας Γραφής» σο ισί κο παλαϊνέ σελίδες κι Μετάφραση Νέου Κόσμου. Επίσης, ντικχέν ο πίνακας σο τθερέλα ι προφητέν ντα ι βασιλιαδέν κο Παράρτημας Α6. Αν διαβάνενα εκ βιβλίος σο τθερέλα προφητείες, κα αβέλας λατσσό τι σικλιόν σαρ τζουβντιόνας ο τζενέ αζομάν σο γραφίντιλο. Καλά λάθος πράγματα σο πακιάνας ή κερένας ο τζενέ μανγκέλας ο προφήτης τι διορθώνελ; Κον γιαβέρ τζουβντιόλας λέσκε μπρεσέντε; Μπορεί τι χρειαζίντιβελ τι ρόντεν γιαβερέ βιβλιόντε-ντα κι Γραφή. Για παράδειγμας, για τι αγαβέν πιο λατσσές σο αβέλας-πες κάνα τζουβντιόλας ο προφήτης Αμώς, κα βοηθίντιβεν κάνα κα διαβάνεν εδάφια κατά βιβλίος 2 Βασιλέων ντα 2 Χρονικών σο σικαβένα τουμένγκε ο παραπομπές σο ισί κο εδάφιος Αμώς 1:1. Σοράν, κα αβέλας λατσσό τι ντικχέν ο βιβλίος σο γραφιντάς ο Ωσηέ, σο μάλλον τζουβντιόλας κο μπρεσά σο τζουβντιόλας ο Αμώς. Αν κα ντικχέν-λεν σαρέ ανταλά, κα αγαβέν πιο λατσσές σαρ ισινέ ο μπρεσά σο τζουβντιλό ο Αμώς.​—2 Βασ. 14:​25-28· 2 Χρον. 26:​1-15· Ωσηέ 1:​1-11· Αμώς 1:1.

17, 18. Βακερέν παραδείγματα είτε κατά παράγραφοι είτε τουμαρέ για τι σικαβέν σαρ ο χουρντέ πράγματα κερένα-αμέν τι μπεϊντίνας πιο μπουτ τι σικλιάς κατά Γραφή.

¹⁷ Κάνα διαβάνασα ι Γραφή, ισί λατσσό τι μανγκάς τι σικλιάς ατζέ πιο μπουτ. Βακερέν, για παράδειγμας, ότι διαβάνενα ο κεφάλαιος 12 κατά προφητεία ι Ζαχαριάσκι, σο βακερντάς ι μεριμάσκε σο κα τθερέλας ο Μεσσίας. (Ζαχ. 12:​10) Κάνα ερεσένα κο εδάφιος 12, διαβάνενα ότι «η φαμιλί οντουλένγκι σο αστάρντιβενα κατά Νάθαν» κα ροβέλας γκίσαρ σο κα μερέλας ο Μεσσίας. Αντίς τι νακχαβέν σουγκό ανταλά λάφια, μπεσένα ντα σκεφτίνενα: “Σο μπουτί τθερένα οντουλά σο αστάρντιβενα κατά Νάθαν ι Μεσσιάσαρ; Ισί τρόπος τι σικλιάβ πιο μπουτ ανταλέσκε;” Προσπαθίνενα τι αγαβέν πιο μπουτ. Εκ παραπομπή μπουτσσαβέλα-τουμέν κο εδάφια 2 Σαμουήλ 5:​13, 14, σο βακερένα ότι ο Νάθαν ισινέ εκ κατά τσσαβέ σο τθερέλας ο βασιλιάς Δαβίδ. Εκ γιαβέρ παραπομπή μπουτσσαβέλα-τουμέν κο εδάφια Λουκάς 3:​23, 31 σο σικαβένα ότι ο Ιησούς αστάρντιβελας κατά Νάθαν πι νταγιάκε φαμιλιάταρ. (Ντικχ Ενόραση στις Γραφές, Τόμος 1, σελίδα 1078, λέξη «Ηλί, 1») Ακανά, μανγκένα τι σικλιόν πιο μπουτ! Τζανένας ότι ο Ιησούς κα αστάρντιβελας κατά Δαβίδ. (Ματθ. 22:​42) Αλλά ο Δαβίδ τθερέλας πιο μπουτ από 20 τσσαβέν. Νανέ μπουτ σημαντικός σο ο Ζαχαρίας σικαβέλα ότι συγκεκριμέ οντουλά σο αστάρντιβενας κατά Νάθαν κα τθερένας λόγος τι ροβέν σο κα μερέλας ο Ιησούς;

¹⁸ Ντικχέν εκ γιαβέρ παράδειγμας. Κο πρώτος κεφάλαιος κο Λουκάς, διαβάνασα ότι ο άγγελος Γαβριήλ γκιλό κι Μαρία ντα βακερντάς λάκε: «[Ο τσσαβό σο κα μπιανές] κα αβέλ μπαρό ντα κα βακέρντιβελ  Τσσαβό ι πιο Μπαρέσκο, ντα ο Ιεχωβά Ντεβέλ κα ντελ-λες ο θρόνος ι Δαβιδίσκο, λέσκε Νταντέσκο, ντα κα αβέλ Βασιλιάς κι φαμιλί του Ιακώβ για πάντα». (Λουκ. 1:​32, 33) Ο πιο μπουτ φαρ ντικχάσα ο πρώτα λάφια σο βακερντάς ο Γαβριήλ, δηλαδή ότι ο Ιησούς κα βακέρντιβελας «Τσσαβό ι πιο Μπαρέσκο». Αλλά ο Γαβριήλ βακερντάς ότι ο Ιησούς κα αβέλας “Βασιλιάς-ντα”. Ανταβά κερέλα-αμέν τι πουτσάς σο μπορεί τι αγαντάς η Μαρία ανταλέ λαφίνταρ. Μήπως κα αμντίνελας ότι ο λάφια ι Γαβριηλίσκε μανγκένας τι βακερέν ότι ο Ιησούς κα κυβερνίνελας ι Ισραηλιτέν κι θέση σο τθερέλας ο βασιλιάς Ηρώδης ή οντουλά σο αβιλέ πιο σοράν λέσταρ; Αν ο Ιησούς κα αβέλας βασιλιάς, η Μαρία κα αβέλας ι βασιλιάσκι ντάι ντα λάκι φαμιλί κα τζουβντιόλας ι βασιλιάσαρ. Αλλά η Γραφή να βακερέλα ότι η Μαρία βακερντάς κάτι ασακό κο Γαβριήλ ή ότι μανγκλάς εκ λατσσί θέση κι Βασιλεία, σαρ μανγκλέ ντούι μαθητές ι Ιησούσκε. (Ματθ. 20:​20-23) Ανταβά κερέλα-αμέν τι αβάς ατζέ πιο σίγουροι ότι η Μαρία ισινέ μπουτ ταπεινή τζουβέλ!

19, 20. Καλά πράγματα μανγκάσα τι κεράς κάνα σικλιαράσα αμαρό νεαυτός σαρ βακερένα ο εδάφια Ιακώβου 1:​22-25 ντα 4:8;

¹⁹ Τι ντας-αμέν γκοντί ότι ο πιο σημαντικός πράγμας σο μανγκάσα τι κεράς κάνα σικλιαράσα αμαρό νεαυτός κατά Ντεβλέσκο Λάφι ντα κατά έντυπα ισί τι αβάς πιο πασέ κο Ιεχωβά. Ντα μανγκάσα τι ντικχάς πιο λατσσές “σο τζενέ ισινάμ” ντα σο πρέπει τι αλλάνας για τι κεράς ι Ντεβλέσκο γκι. (Διαβάνεν Ιακώβου 1:​22-25· 4:8) Οτθάρ, πριν τι σικλιαράς αμαρό νεαυτός κατά Γραφή πρέπει τι μανγκάς κατά Ιεχωβά τι ντελ-αμέν πο πνεύμας. Πρέπει τι μολίνας-λες για τι βοηθίντιβας καζόμ πιο μπουτ αβέλα-πες ανταλέσταρ ντα τι ντικχάς αμαρό νεαυτός σαρ ντικχέλα-λες βοβ.

²⁰ Τι αβάς σαρέ σαρ οντουβά τζενό ι Ντεβλέσκο σο βακερντάς ο ψαλμωδός: «Αρακχέλα χαρά κο νόμος κι Ιεχωβάσκο ντα λέσκο νόμος διαβάνελα ντα σκεφτίνελα ντισάρα ντα ιράτ. . . . Σο-ντα κερέλα βοβ κα τθερέλ επιτυχία».​—Ψαλμ. 1:2, 3.