1, 2. Καλά προβλήματα τθερένα μπουτ Μάρτυρες;

Ο ΑΠΟΣΤΟΛΟΣ ΠΑΥΛΟΣ βακερντάς κο Τιμόθεος ντα σαρέ ι Χριστιανόνγκε τι κερέν ο πιο λατσσό κι υπηρεσία κι Ντεβλέσκι. (2 Τιμ. 4:5) Σαρέ κεράσα ι συμβουλή ι Παυλόσκι. Όμως τθεράσα δυσκολίες-ντα. Μπουτ πφραλά ντα πφενιά πρέπει τι αβέν μπαγιά μπίνταρανε για τι νικιόν κο έργος. (2 Τιμ. 4:2) Ανέν τουμαρέ γκοντιάτε, για παράδειγμας, αμαρέ πφραλέν σο τζουβντιόνα τθεμέντε σο να μουκχένα-λεν τι κερέν κάποια πράγματα ή τσσιναβένα ντιπ ο έργος. Κερένα έργος παρόλο σο τζανένα ότι μπορεί τι τσσουβέν-λεν κι φυλακή!

² Ο υπηρέτες ι Ιεχωβάσκε τθερένα μπουτ προβλήματα σο κα μπορίνενας τι κερέν-λεν τι χασαρέν πουμαρί ζορ. Για παράδειγμας, μπουτ πφραλά ντα πφενιά πρέπει τι κερέν μπουτ σαάτια μπουτί για τι ανέν σάντε ο βασικά πράγματα πουμαρέ φαμιλιάκε. Κα μανγκένας τι κερέν πιο μπουτ πράγματα κο έργος, αλλά κο τέλος κι εβδομαδάκο νιωθίνενα ότι να τθερένα μπουτ ζορ. Γιαβερά ναστί κερένα μπουτ πράγματα επειδή τθερένα εκ νασφαλιπέ μπουτ μπρεσά ή επειδή ισί πφουρέ. Μπέκιμ ναστί νικιόνα πουμαρέ κχερένταρ. Ντα γιαβερά νιωθίνενα ότι νανέ σημαντικοί κο γιακχά κι Ιεχωβάσκε. Η Μαίρη, * εκ πφεν σο τζουβντιόλα κι Μέση Ανατολή, βακερέλα: «Μαράβα-μαν αζόμ μπουτ για μα τι νιωθίναβ ότι να ισινόμ σημαντική κο γιακχά κι Ιεχωβάσκε σο ανταβά λέλα σαρί μι ζορ. Σοράν, τθεράβα τύψεις σόσκε ανταβά λέλα κατά σαάτι ντα κατά ζορ σο κα μπορίναβας τι νταβ κο έργος».

3. Σο κα ντικχάς ανταλέ μαθημάστε;

³ Σο-ντα προβλήματα τι τθεράσα, ο Ιεχωβά ντέλα-αμέν ι ζορ τι νταϊντίνας-λεν ντα τι υπηρετίνας-λες καζόμ πιο λατσσές αβέλα-πες. Πριν τι ντικχάς σαρ βοηθίνελα-αμέν ο Ιεχωβά, κα ντικχάς σαρ ντινάς ζορ ι Παυλός ντα ι Τιμοθεός για  τι κερέν πουμαρό έργος παρόλο σο τθερένας δυσκολίες.

4. Καλά δυσκολίες νακχλάς ο Παύλος;

⁴ Ο Παύλος νακχλάς σαβέ τι μανγκές δοκιμασίες. Χρειαζίντιβελας πιο μπουτ ι βοήθεια ι Ιεχωβάσκι κάνα νταπλέ-λες, φουρτιντέ λέσκε μπαρά ντα τσσουντέ-λες κι φυλακή. (2 Κορ. 11:​23-25) Ο Παύλος να λατζασάλο τι βακερέλ ότι μπάζιμα νιωθίνελας ότι να τθερέλας αξία κι Ντεβλέσκε γιακχά. (Ρωμ. 7:​18, 19, 24) Επίσης, τθερέλας «εκ καντρό αντρέ κο σώμας», ντα μανγκέλας κατά Ντεβέλ τι νασέλ λέσταρ.​—2 Κορ. 12:7, 8.

5. Σο κερντάς ο Παύλος παρόλο σο νακχέλας δυσκολίες;

⁵ Ο Ιεχωβά ντινάς ζορ ι Παυλός για τι συνεχίνελ πο έργος παρόλο σο τθερέλας δυσκολίες. Ανέν τουμαρέ γκοντιάτε σο κερντάς ο Παύλος. Για παράδειγμας, καζόμ ισινέ πφαντό πι κχερέστε κι Ρώμη, κερέλας έργος αντράλ πι γκίσταρ μπουτέ τζενέντε, αντρέ ανταλέντε μπορεί τι ισινέ τζενέ-ντα σο τθερένας εξουσία. (Πράξ. 28:​17· Φιλιπ. 4:​21, 22) Επίσης, κερντάς λάφι μπουτέ τζενέντε κι Πραιτωριανή Φρουρά, ντα ντέλας μαρτυρία οντουλέντε σο τζάνας λέσκε κχερέστε. (Πράξ. 28:​30, 31· Φιλιπ. 1:​13) Κάτι γιαβέρ σο κερντάς αζομάν ισινέ ότι γραφιντάς επιστολές σο βοηθίνενα ι αληθινέ Χριστιανόν μέχρι αντιβές. Επίσης, οντουλά σο κερέλας ντα βακερέλας ντινέ ζορ ι πφραλέν κι κχανγκιρί κι Ρώμη, ντα βοηθιντέ-λεν “καζόμ τζάλα τι σικαβέν πιο μπουτ θάρρος για τι βακερέν ο λάφια ι Ντεβλέσκε μπίνταρανες”. (Φιλιπ. 1:​14) Παρόλο σο μπάζιμα ο Παύλος ναστί κερέλας σαρέ οντουλά σο κα μανγκέλας, κερέλας ο πιο λατσσό σο μπορίνελας, ντα ανταβά “βοηθιντάς τι ασούντιβεν ο λατσσέ αμπέρια”.​—Φιλιπ. 1:12.

6. Σο βοηθιντάς ι Παυλός τι κερέλ ο πιο λατσσό κο έργος σαρ βακερένα ο εδάφια 2 Κορινθίους 12:9, 10;

⁶ Ο Παύλος αγαβέλας ότι σαρέ οντουλά σο κερέλας κι υπηρεσία κι Ιεχωβάσκι κερέλας-λεν ι Ντεβλέσκε ζοριάσαρ, όχι πιρέ ζοριάσαρ. Βακερντάς ότι η ζορ ι Ντεβλέσκι “σικάντιβελας σαστί λέσκε κάνα ισινέ μπίζουρανο”. (Διαβάνεν 2 Κορινθίους 12:9, 10) Αντράλ πι άγιε πνευμάσταρ, ο Ιεχωβά ντινάς ι Παυλός ι ζορ τι κερέλ ο πιο λατσσό κο έργος παρόλο σο τζάνας λέσαρ κόντρα, τσσουβένας-λες κι φυλακή ντα νακχέλας γιαβερά-ντα δυσκολίες.

7. Καλά δυσκολίες έπρεπε τι νακχαβέλ ο Τιμόθεος για τι κερέλ πο έργος;

⁷ Ο Τιμόθεος, ο τερνό συνεργάτης ι Παυλόσκο, έπρεπε βοβ-ντα τι μανγκέλ βοήθεια  κατά Ντεβέλ για τι κερέλ πο έργος. Ο Τιμόθεος τζάλας γιεκ ι Παυλόσαρ κο μπαρέ ιεραποστολικά ταξίδια. Επίσης, ο Παύλος μπουτσσαβέλας-λες μερικέ κχανγκιρίντε για τι ντελ ζορ ι πφραλέν. (1 Κορ. 4:​17) Ο Τιμόθεος μπορεί τι νιωθίνελας ότι ναστί κα κερέλας σαρέ ανταλά πράγματα. Άκ’ σόσκε ο Παύλος μπορεί τι βακερντάς λέσκε: «Καέκ μα τι πακιάλ ότι να χρειαζίντιβελα τι σεβάνεν-τουτ επειδή ισινάν τερνό». (1 Τιμ. 4:​12) Ντα οντουβά βακίτι ο Τιμόθεος τθερέλας πιρό καντρό αντρέ κο σώμας​—“νασφαλίματα”. (1 Τιμ. 5:​23) Αλλά ο Τιμόθεος τζανέλας ότι ο ζουρανό άγιος πνεύμας ι Ιεχωβάσκο κα ντέλας-λες ι ζορ σο χρειαζίντιβελας για τι βακερέλ ο λατσσέ αμπέρια ντα τι υπηρετίνελ πι πφραλέν.​—2 Τιμ. 1:7.

8. Σαρ ντέλα ο Ιεχωβά ζορ πι υπηρετόντε αντιβές;

⁸ Αντιβές, ο Ιεχωβά ντέλα πι υπηρετόντε “ζορ σο ισί πιο μπαρί λένγκε ζοριάταρ” για τι συνεχίνεν τι υπηρετίνεν-λες πιστά. (2 Κορ. 4:7) Κα ντικχάς σταρ πράγματα σο ντινάς-αμέν ο Ιεχωβά για τι τθεράς ζορ ντα τι ατσσάς πιστοί λέστε: ι προσευχή, ι Αγία Γραφή, ι παρέα αμαρέ πφραλέντζαρ ντα πφενίντζαρ ντα αμαρό έργος.

9. Σαρ μπορίνελα τι βοηθίνελ-αμέν η προσευχή;

⁹ Ζορ αντράλ κατά προσευχή. Κο εδάφιος Εφεσίους 6:​18, ο Παύλος βακερέλα αμένγκε τι κεράς προσευχή κο Ντεβέλ «σε κάθε περίπτωση». Ο Ντεβέλ κα ντελ-αμέν ζορ κάνα κα κεράς προσευχή λέστε. Ο Τζόνι, σο τζουβντιόλα κι Βολιβία, αγαντάς ι βοήθεια ι Ιεχωβάσκι κάνα τθερέλας μπαρέ προβλήματα. Λέσκι ρομνί, λέσκο ντατ ντα λέσκι ντάι νασφάλιλε μπουτ κο ίδιος βακίτι. Ο Τζόνι μαρέλας-πες τι φροντίνελ ι τρινέν-ντα. Λέσκι ντάι μουλί, ενώ λέσκι ρομνί ντα λέσκο ντατ κερντέ μπουτ καιρός για τι αβέν πάλι λατσσές. Καζόμ ντέλα-πες γκοντί οντουλά σο αβιλέ-πες, ο Τζόνι βακερέλα: «Κάνα ισινόμας μπουτ πιεσμέ, οντουβά σο πάντα βοηθίνελας-μαν ισινέ τι κεράβ προσευχή κο Ιεχωβά ντα τι βακεράβ λέσκε σο τθεράβας αντρέ μι γκίστε». Ο Ιεχωβά ντινάς κο Τζόνι ι ζορ σο χρειαζίντιβελας για τι νταϊντίνελ. Ο Ρόναλντ, εκ πρεσβύτερος κι Βολιβία, σικλιλό ότι λέσκι ντάι τθερέλας καρκίνος. Μουλί εκ μάσεκ πιο σοράν. Σο βοηθιντάς-λες τι νταϊντίνελ; Βοβ βακερέλα: «Χάρη κι προσευχή, μπορίναβα τι πουτράβ μο γκι κο Ιεχωβά ντα τι βακεράβ λέσκε σαρ νιωθίναβα. Τζανάβα ότι αγαβέλα-μαν πιο λατσσές σαριλένταρ, πιο λατσσές μάνταρ-ντα». Μπάζιμα, μπορεί τι νιωθίνασα ότι ναστί νταϊντίνασα γιαβέρ ή μπορεί μα τι τζανάσα σο τι βακεράς αμαρέ προσευχιέντε. Αλλά ο Ιεχωβά βακερέλα αμένγκε τι κεράς προσευχή λέστε ατζέ-ντα άμα νανέ εύκολος τι βακεράς λαφίντζαρ οντουλά σο νιωθίνασα ντα σκεφτίνασα.​—Ρωμ. 8:​26, 27.

10. Σόσκε ισί αζόμ σημαντικός τι διαβάνας ντα τι σκεφτίνας λατσσές ι Γραφή σαρ σικαβέλα ο εδάφιος Εβραίους 4:12;

¹⁰ Ζορ αντράλ κατά Αγία Γραφή. Ο Παύλος λέλας ζορ ντα παρηγοριά αντράλ κατά Γραφή ντα ανταβά μπορίνασα τι κεράς αμέν-ντα. (Ρωμ. 15:4) Καζόμ διαβάνασα ντα σκεφτίνασα λατσσές ο Λάφι ι Ντεβλέσκο, ο Ιεχωβά μπορίνελα τι χρησιμοποιήνελ πο πνεύμας για τι βοηθίνελ-αμέν τι αγαβάς πιο λατσσές σαρ βοηθίνελα-αμέν η Γραφή. (Διαβάνεν Εβραίους 4:​12) Ο Ρόναλντ βακερέλα: «Ισινόμ μπουτ χαρούμενος σο σικλιαρντόμ-μαν τελικά τι διαβάναβ χάνικ κατά Γραφή κάθε ιράτ. Σκεφτίναβα μπουτ φαρ ο ιδιότητες ι Ιεχωβάσκε ντα καζόμ λατσσές φροντίνελα πι υπηρετόν. Ανταβά ντέλα-μαν μπουτ ζορ».

11. Σαρ βοηθιντάς η Γραφή εκχέ πφενιά σο ισί χήρα;

¹¹ Κάνα σκεφτίνασα λατσσές οντουλά σο διαβάνασα κο Λάφι κι Ντεβλέσκο, ανταβά βοηθίνελα-αμέν μα τι σκεφτίνας σάντε  αμαρέ προβλήματα. Ντικχέν σαρ βοηθιντάς η Γραφή εκχέ χηρά. Εκ πρεσβύτερος βακερντάς λάκε ότι κα βοηθίντιβελας μπουτ άμα κα διαβάνελας ο βιβλίος Ιώβ. Κάνα η πφεν κερντάς-λες ανταβά, ο πρώτος πράγμας σο κερντάς ισινέ τι σκεφτίνελ ότι οντουβά σο κερντάς ο Ιώβ να ισινέ σωστός. Βακερντάς αντρέ πέστε: «Ιώβ! Μα σκέφτινε σάντε το προβλήματα!» Αλλά σοράν αγαντάς ότι βόι-ντα σκεφτίνελας σαρ ο Ιώβ. Ανταβά βοηθιντάς-λα τι αλλάνελ ο τρόπος σο σκεφτίνελας ντα ντινάς-λα ι ζορ τι νταϊντίνελ ι ντουκχ σο αντάς λάκε ο μεριπέ λάκε ρομέσκο.

12. Σαρ ντέλα-αμέν ο Ιεχωβά ζορ αντράλ αμαρέ πφραλένταρ ντα πφενίνταρ;

¹² Ζορ αντράλ κατά παρέα αμαρέ πφραλέντζαρ ντα πφενίντζαρ. Εκ γιαβέρ τρόπος σο ο Ιεχωβά ντέλα ζορ ι Χριστιανόν ισί αντράλ κατά πφραλά ντα κατά πφενιά. Ο Παύλος γραφιντάς ότι μανγκέλας μπουτ “τι ενθαρρύντιβελ” πι πφραλένταρ ντα πι πφενίνταρ. (Ρωμ. 1:​11, 12) Η Μαίρη πακιάλα ότι ανταβά ισί μπουτ σημαντικός. Βακερέλα: «Ο Ιεχωβά χρησιμοποιηντάς πφραλέν ντα πφενίν σο ούτε τζανένας μο προβλήματα. Ισινέ φαρ σο βακερντέ κάτι σο ντινάς-μαν ζορ ή μπουτσσαντέ μάνγκε εκ κάρτα σο ισινέ ακριβώς οντουβά σο χρειαζίντιβαβας. Κάτι γιαβέρ σο βοηθίνελα-μαν, ισί τι πουτράβ μο γκι πφενίντε σο νακχλέ βον-ντα ασακέ προβλήματα ντα τι σικλιάβ οντουλένταρ σο κερντέ. Ντα ο πρεσβύτεροι κερένα-μαν πάντα τι νιωθίναβ ότι ισινόμ σημαντική ι κχανγκιριάκε».

13. Σαρ μπορίνασα τι ντας ζορ ο εκ ι γιαβερές κο συναθροίσεις;

¹³ Εκ λατσσί ευκαιρία σο τθεράσα τι ντας ζορ ο εκ ι γιαβερές ισί ο συναθροίσεις. Κάνα τζάνα κο συναθροίσεις, τι βακερέν κο γιαβερά ότι μανγκένα-λεν ντα εκτιμίνενα-λεν, ντα αντικάς κα ντελ-λεν ζορ. Για παράδειγμας, πριν τι αρχίνελ εκ συνάθροιση, εκ πρεσβύτερος, ο Πίτερ, βακερντάς εκχέ πφενιάκε σο λάκο ρομ να ισινέ κι αλήθεια: «Ναστί νακχέλα τι γκοντιάταρ καζόμ μπουτ ζορ λάσα σο ντικχάσα-τουτ ακατέ. Τθερέσα πάντα τι σιοβέ τσσαβέν περιποιημέ ντα προετοιμασμέ για τι ντεν απαντήσεις». Λάκε γιακχά πφερντιλέ δάκρυα ντα βακερντάς: «Να τζανέσα καζόμ μπαρί ανάγκη τθεράβας τι ασουνάβ-λες ανταβά αντιβές».

14. Σαρ βοηθίνελα-αμέν ο έργος;

¹⁴ Ζορ αντράλ κατά έργος. Κάνα βακεράσα κο γιαβερά ο αλήθειες ι Γραφιάκε, νιωθίνασα λατσσές, είτε ασουνένα-αμέν είτε να ασουνένα-αμέν. (Παρ. 11:​25) Εκ πφεν, η Στέισι, ντικχλάς πι γιακχίντζαρ καζόμ μπουτ ζορ ντέλα ο έργος. Κάνα εκ λάκε τζενένταρ χαλάς αποκοπή, ισινέ μπουτ στεναχωριμέ, ντα σκεφτίνελας συνέχεια: “Μήπως κα μπορίναβας τι βοηθίναβ πιο μπουτ;” Ισινέ φαρ σο η Στέισι ναστί σκεφτίνελας τίποτα γιαβέρ. Σο βοηθιντάς-λα τι νιωθίνελ πιο λατσσές; Ο έργος! Καζόμ νικιόλας κο έργος, αρχισάλι τι σκεφτίνελ ι τζενέν κο τομέας σο τθερένας ανάγκη λάκι βοήθεια. Βόι βακερέλα: «Οντουβά βακίτι, ο Ιεχωβά ντινάς-μαν εκχέ τζενιά για τι κεράβ-λα μελέτη σο αρχισάλι σουγκό τι κερέλ οντουλά σο σικλιόλας. Ανταβά ντινάς-μαν μπουτ ζορ. Οντουβά σο βοηθιντάς-μαν πιο μπουτ ισί ο έργος».

15. Σο σικλιόνα οντουλένταρ σο βακερέλα η Μαίρη;

¹⁵ Επειδή τθερένα δυσκολίες, μερικοί μπορεί τι νιωθίνενα ότι ναστί κερένα μπουτ πράγματα κο έργος. Άμα νιωθίνενα τουμέν-ντα αντικάς, τι ντεν-τουμέν γκοντί ότι ο Ιεχωβά χαιρίνελα άμα κερένα ο πιο λατσσό σο μπορίνενα. Ντικχέν σο αβιλό-πες κι Μαίρη. Κάνα γκιλί τι κερέλ έργος εκχέ τθανέστε σο ο τζενέ κερένα λάφι εκ γιαβέρ τσσιπ, νιωθίνελας ότι ναστί κερέλας μπουτ πράγματα. Βόι βακερέλα: «Κι αρχή, κο έργος μπορίναβας σάντε τι βακεράβ χάνικ λάφια, τι διαβάναβ εκ εδάφιος ή τι νταβ εκ φυλλάδιος».  Ανταβά κερέλας-λα τι νιωθίνελ ότι να ισινέ αζόμ λατσσί σαρ ο γιαβερά σο κερένας λατσσές λάφι ι τσσιπ. Όμως, αλλαντάς ο τρόπος σο σκεφτίνελας. Αρχισάλι τι αγαβέλ ότι ο Ιεχωβά μπορίνελας τι χρησιμοποιήνελ-λα παρόλο σο να κερέλας λατσσές λάφι ι τσσιπ. Η Μαίρη βακερέλα: «Ο αλήθειες σο ισί αντρέ κι Γραφή ισί απλές ντα μπορίνενα τι αλλάνεν ι ζωή ι τζενένγκι».

16. Σο μπορίνελα τι ντελ ζορ οντουλέν σο να μπορίνενα τι νικιόν πουμαρέ κχερέσταρ;

¹⁶ Ο Ιεχωβά τζανέλα ότι μερικοί αμένταρ μανγκάσα τι κεράς έργος, αλλά ναστί νικιάσα αμαρέ κχερέσταρ. Μπορίνελα τι βοηθίνελ-αμέν τι ντας μαρτυρία οντουλέντε σο φροντίνενα-αμέν ή κο γιατρούς. Άμα συγκρίνασα οντουλά σο κεράσα ακανά οντουλέντζαρ σο μπορίναας τι κεράς ανγκλέ, μπορεί τι χασαράς αμαρί ζορ. Αλλά άμα αγαβάσα σαρ βοηθίνελα-αμέν ο Ιεχωβά ακανά, κα τθεράς ι ζορ σο χρειαζίντιβασα για τι νταϊντίνας σαρέ ο δοκιμασίες χαράσαρ.

17. Σόσκε πρέπει τι συνεχίνας αμαρό έργος ατζέ-ντα άμα να ντικχάσα σουγκό αποτελέσματα κο έργος σαρ βακερέλα ο εδάφιος Εκκλησιαστής 11:6;

¹⁷ Να τζανάσα καλά κατά σπόροι ι αληθειάκε σο σπειρίνασα μπορεί τι ασταρέν ντα τι αρχίνεν τι μπαριόν. (Διαβάνεν Εκκλησιαστής 11:6) Για παράδειγμας, η Μπάρμπαρα, εκ πφεν σο ισί πιο μπουτ από 80 μπρεσένγκι, μπουτ φαρ κερέλα έργος αντράλ κατά τηλέφωνος ντα κατά επιστολές. Εκ φαρ αντρέ εκχέ φακελόστε, τσσουντάς εκ επιστολή ντα ι Σκοπιά 1 Μαρτίου 2014, σο τθερέλας ο θέμας «Τι Έχει Κάνει ο Θεός για Εσάς». Χωρίς τι τζανέλ-λες, μπουτσσαντάας ι επιστολή εκχέ αντρογυνόστε σο ισινέ αποκομμέ. Διαβαντέ οντουβά περιοδικός μπουτ φαρ. Ο ρομ νιωθίνελας σαρ τι κερέλας λέσαρ λάφι ο Ιεχωβά. Αρχισάλε ο ντούι-ντα τι τζαν κο συναθροίσεις ντα κο τέλος αβιλέ πάλι Μάρτυρες​—σοράν από 27 ντα πιο μπουτ μπρεσά. Σκεφτίνεν καζόμ μπουτ ζορ λιντάς η Μπάρμπαρα σο ντικχλάς ο λατσσέ αποτελέσματα σο αντάς οντιά επιστολή!

18. Σο πρέπει τι κεράς για τι λας ζορ κατά Ντεβέλ;

¹⁸ Ο Ιεχωβά ντέλα-τουμέν ζορ μπουτέ τροπόντζαρ. Κάνα χρησιμοποιήνασα ο πράγματα σο ντινάς-αμέν​—σαρ ισί η προσευχή, η Αγία Γραφή, η παρέα αμαρέ πφραλέντζαρ ντα πφενίντζαρ ντα ο έργος—​σικαβάσα ότι ισινάμ σίγουροι ότι κα βοηθίνελ-αμέν ντα ότι μανγκέλα τι κερέλ-λες ανταβά. Τι ντας πάντα μπέσα κο Ιεχωβά, σο χαιρίνελα «τι βοηθίνελ πι ζοριάσαρ οντουλέν σο υπηρετίνενα-λες σαρέ πουμαρέ γκίσαρ».​—2 Χρον. 16:9.