1-3. Σο μανγκέλα τι βακερέλ τι υπηρετίνας ι Ιεχωβάς “σαστέ αμαρέ γκίσαρ”; Βακερέν εκ παράδειγμας.

ΣΑΡΕ ισινάμ ατελείς ντα κεράσα λάθη. Ευτυχώς, όμως, ο Ιεχωβά ντινάς ο λύτρος ντα ισί έτοιμος τι συγχωρίνελ-αμέν. Οτθάρ, άμα ισινάμ ταπεινοί ντα μετανιώνασα, μπορίνασα τι μανγκάς λέσταρ τι συγχωρίνελ-αμέν. Μπορίνασα τι αβάς σίγουροι ότι ο Ιεχωβά να κα κερέλ αμένγκε «σύμφωνα με το αμαρτίες σο κερντάμ». (Ψαλμός 103:10) Αμέν όμως πρέπει τι “υπηρετίνας-λες σαστέ αμαρέ γκίσαρ”. (1 Χρονικών 28:9) Σαρ μπορίνασα τι κεράς-λες ανταβά παρόλο σο ισινάμ ατελείς;

² Για τι βοηθίντιβας, μπορίνασα τι συγκρίνας ι ζωή του Βασιλιά Ασά με τη ζωή του Βασιλιά Αμαζία. Ο ντούι-ντα βασιλιάδες κερντέ λατσσέ πράγματα, αλλά κερντέ λάθη-ντα επειδή ισινέ ατελείς. Όμως η Αγία Γραφή βακερέλα ότι «ο Ασά τθερέλας σαστό πο γκι σαρέ πι ζωγιάτε». (2 Χρονικών 15:16, 17· 25:1, 2· Παροιμίες 17:3) Πάντα προσπαθίνελας τι κερέλ χαρούμενος ι Ιεχωβάς ντα ισινέ «συνέχεια αφοσιωμέ» λέστε.  (1 Χρονικών 28:9, υποσημείωση ΜΝΚ, κι αγγλική) Ο Αμαζίας, όμως, να υπηρετίνελας ι Ιεχωβάς «σαστέ πι γκίσαρ». Αφού νικιντάς ι Ντεβλέσκε ντουσμανίν, λιντάς λένγκε είδωλα ντα αρχισάλο τι ντελ-λεν λατρεία.—2 Χρονικών 25:11-16.

³ Εκ τζενό σο υπηρετίνελα ι Ντεβλές “σαστέ πι γκίσαρ” μανγκέλα μπουτ ι Ιεχωβάς ντα μανγκέλα τι ντελ-λες λατρεία για πάντα. Κι Γραφή, η λέξη «γκι» σικαβέλα μπουτ φαρ σο τζενέ ισινάμ αντρ’ αμέντε. Σικαβέλα ο τρόπος σο σκεφτίνασα, ο πράγματα σο μανγκάσα, σο κα μανγκάας τι κεράς αμαρέ ζωγιάτε ντα σόσκε κεράσα ο πράγματα σο κεράσα. Παρόλο σο ισινάμ ατελείς, μπορίνασα τι ντας λατρεία κο Ιεχωβά σαστέ αμαρέ γκίσαρ. Υπηρετίνασα-λες επειδή μανγκάσα-λες μπαγιά, όχι επειδή πρέπει ή από συνήθεια.—2 Χρονικών 19:9.

4. Σο κα ντικχάς ακανά;

⁴ Μπορίνασα τι αγαβάς πιο λατσσές σο μανγκέλα τι βακερέλ τι υπηρετίνας ι Ντεβλές σαστέ αμαρέ γκίσαρ, άμα κα ντικχάς σο κερντάς πι ζωγιάτε ο Ασά ντα ατζέ τριν πιστοί βασιλιάδες του Ιούδα: ο Ιωσαφάτ, ο Εζεκίας ντα ο Ιωσίας. Ανταλά σταρ βασιλιάδες συνεχίνενας τι κερέν χαρούμενος ι Ιεχωβάς, παρόλο σο κερντέ λάθη. Ο Ιεχωβά ντικχλάς ότι υπηρετίνενας-λες σαστέ πουμαρέ γκίσαρ. Σόσκε ντικχέλας-λεν αντικάς ο Ντεβέλ, ντα σαρ μπορίνασα τι μοιάζας λέντε;

5. Σο κερντάς ο Ασά όταν αβιλό βασιλιάς;

⁵ Ο Ασά ισινέ ο τρίτος βασιλιάς του Ιούδα αφού ο λαός Ισραήλ χωρισάλο σε ντούι βασίλεια, κο βασίλειος του Ισραήλ ντα κο βασίλειος του Ιούδα. Όταν ο Ασά αβιλό βασιλιάς κο Ιούδας, ισινέ αποφασισμέ τι νασκιαρέλ πι βασιλειόσταρ ι ψεύτικη λατρεία ντα ο λουμνικανέ πράγματα σο κερένας ο τζενέ. Καταστραφιντάς ο είδωλα σο πακιάλας ο λαός ντα παλντιντάς ι λουμνέν κατά ναός. Ο Ασά παλντιντάς ατζέ-ντα πι μπαμπά κατά θέση σο τθερέλας σαρ «ντάι του βασιλιά, επειδή κερντάας εκ μπουτ μπέτι είδωλος». (1 Βασιλέων 15:11-13) Ο Ασά επίσης βακερέλας κο λαός τι «ρόντελ ι Ιεχωβάσκε» ντα τι ντελ καν «κο Νόμος ντα κο εντολές». Ο Ασά κερντάς σαρέ οντουλά σο μπορίνελας για τι βοηθίνελ ι γιαβερέν τι ντεν λατρεία κο Ιεχωβά.—2 Χρονικών 14:4.

6. Σο κερντάς ο Ασά όταν ο Αιθίοπες γκιλέ τι πολεμίνεν τον Ιούδα;

⁶ Ο πρώτα ντες μπρεσά σο ισινέ βασιλιάς ο Ασά, ο βασίλειος του Ιούδα να τθερέλας τζένγκια. Σοράν, ο Αιθίοπες γκιλέ τι πολεμίνεν τον Ιούδα με εκ εκατομμύριος στρατιωτέν ντα τριακόσιες άμαξες. (2 Χρονικών 14:1, 6, 9, 10) Σο κερντάς ο Ασά; Να τθερέλας καέκ αμφιβολία ότι ο Ιεχωβά μπορίνελας τι βοηθίνελ πι λαός. Οτθάρ, προσευχισάλο κο Ιεχωβά για τι βοηθίνελ-λεν τι νικίνεν κο τζένγκι. (Διαβάνεν 2 Χρονικών 14:11) Μερικές φορές, ο Ιεχωβά βοηθιντάς πι λαός τι νικίνελ πι ντουσμανίν ατζέ-ντα όταν ο βασιλιάδες να ισινέ πιστοί λέστε. Κερντάς-λες ανταβά για τι σικαβέλ ότι βοβ ισί ο αληθινός Ντεβέλ. (1 Βασιλέων 20:13, 26-30) Αλλά ανταγιά φαρ, ο Ιεχωβά βοηθιντάς  πι λαός επειδή ο Ασά στηριντάς-πες λέστε. Ο Ιεχωβά απαντιντάς κι προσευχή του Ασά, ντα νικιντέ κο τζένγκι. (2 Χρονικών 14:12, 13) Πιο σοράν, ο Ασά κερντάς εκ σοβαρός λάθος όταν μανγκλάς βοήθεια κατά βασιλιάς της Συρίας αντί τι μανγκέλ κατά Ιεχωβά. (1 Βασιλέων 15:16-22) Όμως, ο Ιεχωβά μπορίνελας τι ντικχέλ ότι ο Ασά μανγκέλας-λες. Βοβ «τθερέλας σαστό πο γκι ι Ιεχωβάσαρ σαρέ πι ζωγιάτε». Σαρ μπορίνασα τι μοιάζας κο λατσσό παράδειγμας του Ασά;—1 Βασιλέων 15:14.

7, 8. Σαρ μπορίνενα τι μοιάζεν κο Ασά;

⁷ Σαρ μπορίνασα τι ντικχάς άμα ισινάμ συνέχεια αφοσιωμέ κο Ιεχωβά; Μπορίνασα τι πουτσάς αμαρό νεαυτός: “Κα ασουνάβ ι Ιεχωβάς ατζέ-ντα όταν κα αβέλ δύσκολος ανταβά; Ισινόμ αποφασισμέ τι κεράβ σο-ντα χρειαζίντιβελα για τι ατσσόλ πάκι λέσκι εκκλησία;” Σκεφτίνεν καζόμ θάρρος χρειαζίντιβελας ο Ασά για τι μπορίνελ τι πάλντελ πι μπαμπά κατά βασιλική θέση σο τθερέλας! Μερικές φορές, μπορεί τι χρειαζίντιβεν θάρρος σαρ τθερέλας ο Ασά. Για παράδειγμας, σο κα κερένας άμα εκ τζενό τουμαρέ φαμιλιάταρ ή εκ λατσσό αμάλ αμαρτιντάας, να μετανιωσάλοας ντα χαλάας αποκοπή κατά εκκλησία; Κα αβένας αποφασισμέ μα τι κερέν παρέα λέσαρ; Σο κα μανγκέλας τουμένταρ τουμαρό γκι τι κερέν;

⁸ Σαρ ο Ασά, αμέν-ντα μπορεί τι νιωθίνας μερικές φορές ότι σαρέ τζάνα αμέντζαρ κόντρα. Μπορεί τουμαρέ συμμαθητές ή τουμαρέ δάσκαλοι τι πρασάν-τουμέν επειδή ισινέν Μάρτυρες του Ιεχωβά. Ή μπορεί ο τζενέ σο κερένα τουμέντζαρ μπουτί τι αμντίνεν ότι ισινέν ντινιλέ επειδή λένα άδεια για τι τζαν συνέλευση ή επειδή να κερένα μπουτί πιο μπουτ σαάτια για τι κερδίνεν μπερεκέτι λοβέ. Όταν αβέλα-πες κάτι ασακό, τι στηρίντιβεν κο Ντεβέλ, σαρ κερέλας ο Ασά. Κερέν προσευχή κο Ιεχωβά, τθερέν θάρρος ντα συνεχίνεν τι κερέν ο σωστός. Τι ντεν-τουμέν γκοντί ότι ο Ντεβέλ ντινάς ζορ κο Ασά, ντα κα ντελ ζορ τουμέντε-ντα.

9. Σαρ μπορίνασα τι κεράς χαρούμενος ι Ιεχωβάς όταν κεράσα λέσκο έργος;

⁹ Ο Ασά να σκεφτίνελας σάντε πο νεαυτός. Ενθαρρύνελας γιαβερέν-ντα τι “ρόντεν ι Ιεχωβάσκε”. Αμέν-ντα βοηθίνασα τζενέν τι ντεν λατρεία ι Ιεχωβάς. Ντικχέλα-αμέν όταν κεράσα λάφι λέσκε κο γιαβερά. Καζόμ χαρούμενος αβέλα όταν ντικχέλα ότι κεράσα-λες ανταβά επειδή μανγκάσα-λες ντα επειδή ενδιαφερίντιβασα ι τζενένγκε ντα λένγκε ζωγιάκε!

10, 11. Σαρ μπορίνασα τι μοιάζας κο Ιωσαφάτ;

¹⁰ Ο τσσαβό του Ασά, ο Ιωσαφάτ, «πφιρντάς πι νταντέσκε ντρομέστε». (2 Χρονικών 20:31, 32) Σαρ; Ο Ιωσαφάτ ενθαρρυντάς ι λαός τι συνεχίνελ τι ντελ λατρεία ι Ιεχωβάς, σαρ κερντάς λέσκο ντατ. Μπουτσσαντάς τζενέν κο πόλεις του Ιούδα για τι σικλιαρέν ι λαός κατά «βιβλίος σο τθερέλας αντρέ ο Νόμος ι Ιεχωβάσκο». (2 Χρονικών 17:7-10) Γκιλό ατζέ-ντα κο βόρειος βασίλειος του Ισραήλ, κο τζενέ σο μπεσένας κο βεσά του Εφραΐμ για τι «βοηθίνελ-λεν τι βουρτίνεν κο Ιεχωβά». (2 Χρονικών 19:4) Ο Ιωσαφάτ ισινέ εκ  βασιλιάς σο «ρόντελας ι Ιεχωβάσκε σαρέ πι γκίσαρ».—2 Χρονικών 22:9.

¹¹ Αντιβές, ο Ιεχωβά μανγκέλα τι σικλιόν λέσκε ο τζενέ σαρό κο ντουνιάς, ντα σαρέ μπορίνασα τι βοηθίνας τι αβέλ-πες ανταβά έργος. Τουμέν τθερένα στόχος τι κερέν ανταβά έργος κάθε μάσεκ; Κα μανγκένας τι σικλιαρέν γιαβερέν αντράλ κατά Γραφή για τι μπορίνεν βον-ντα τι αρχίνεν τι ντεν λατρεία κο Ιεχωβά; Κερένα προσευχή ανταλέσκε; Άμα κα προσπαθίνεν, ο Ιεχωβά μπορίνελα τι βοηθίνελ-τουμέν τι αρχίνεν εκ μελέτη κατά Γραφή. Κα μανγκένας τι κερέν μελέτη εκχέ τζενές ατζέ-ντα άμα πρέπει τι χασαρέν χάνικ κατά ελεύθερος χρόνος σο τθερένα; Ντα αντικάς σαρ προσπαθιντάς ο Ιωσαφάτ τι βοηθίνελ γιαβερέν τι αρχίνεν τι υπηρετίνεν πάλι ι Ιεχωβάς, μπορίνασα αμέν-ντα τι προσπαθίνας τι βοηθίνας οντουλέν σο αβιλέ αδρανείς. Επίσης, ο πρεσβύτεροι κι εκκλησία κανονίνενα τι τζαν ντα τι βοηθίνεν ι αποκομέ τζενέν σο τζουβντιόνα κι εκκλησιάκο τομέας ντα σο μπορεί τι τσσιναντέ ο μπαρέ αμαρτίες σο κερντέ.

12, 13. (α) Όταν ο Ιωσαφάτ νταρασάλο, σο κερντάς; (β) Σόσκε πρέπει τι ακολουθίνας ο παράδειγμας του Ιωσαφάτ;

¹² Σαρ κερντάς λέσκο ντατ, ο Ασά, αντικάς ο Ιωσαφάτ-ντα στηριντάς-πες κο Ιεχωβά όταν εκ μπαρό στρατός γκιλό τι πολεμίνελ τον Ιούδα. (Διαβάνεν 2 Χρονικών 20:2-4) Βοβ νταρασάλο ντα μανγκλάς κατά Ιεχωβά βοήθεια. Κι προσευχή σο κερντάς, βακερντάς ότι να μπορίνενας τι νικίνεν ι ντουσμανίν. Βακερντάς, επίσης, ότι βοβ ντα λέσκο λαός να τζανένας σο τι κερέν. Ο Ιωσαφάτ να τθερέλας καέκ αμφιβολία ότι ο Ιεχωβά κα βοηθίνελας-λεν. Βοβ βακερντάς: «Αμαρέ γιακχά ισί οπρά-τούτε».—2 Χρονικών 20:12.

¹³ Μερικές φορές, σαρ ο Ιωσαφάτ, αμέν-ντα μπορεί μα τι τζανάς σο τι κεράς όταν τθεράσα εκ πρόβλημας ντα μπορεί ατζέ-ντα τι νταράς. (2 Κορινθίους 4:8, 9) Όμως ντεν-τουμέν γκοντί σο κερντάς ο Ιωσαφάτ. Ανγκλάλ σαρό κο λαός, προσευχισάλο κο Ιεχωβά ντα βακερντάς λέσκε καζόμ αδύναμοι νιωθίνενας. (2 Χρονικών 20:5) Ο σορό ι κάθε φαμιλιάκο μπορίνελα τι ακολουθίνελ ο παράδειγμας του Ιωσαφάτ. Μανγκέν κατά Ιεχωβά τι βοηθίνελ εμ τουμέν εμ τουμαρί φαμιλί για τι αντιμετωπίνεν ο πρόβλημας ντα για τι τζανέν σο τι κερέν. Μα τι λατζάν τι κερέν ασακέ προσευχές ανγκλάλ τουμαρέ φαμιλιάτε. Βον κα αγαβέν καζόμ εμπιστοσύνη τθερένα κο Ιεχωβά. Αφού βοηθιντάς τον Ιωσαφάτ, κα βοηθίνελ τουμέν-ντα.

14, 15. Σαρ στηρίντιβελας ο Εζεκίας κο Ντεβέλ σαρέ κο πράγματα;

¹⁴ Ο Εζεκίας ισινέ ατζέκ εκ τανό βασιλιάς σο «ατσσιλό πασέ κο Ιεχωβά». Κερντάς-λες ανταβά παρόλο σο λέσκο ντατ ντέλας λατρεία κο είδωλα ντα ισινέ εκ μπέτι παράδειγμας. Ο Εζεκίας «χαλαντάς ο βουτσσέ τθανά, πφανγκλάς ο ιερές στήλες ντα τσσιντάς ι ιερή κολόνα. Επίσης, κερντάς κομμάτια ο χάλκινος σαπ σο κερντάας ο Μωυσής», ντα κερντάς-λες ανταβά επειδή ο Ισραηλίτες ντένας λατρεία οντουλέ σαπέστε. Ο Εζεκίας ισινέ συνέχεια αφοσιωμέ κο Ιεχωβά. «Συνεχίνελας τι κερέλ ο εντολές σο ντινάς ο Ιεχωβά κο Μωυσής».—2 Βασιλέων 18:1-6.

¹⁵ Ενώ ο Εζεκίας ισινέ βασιλιάς, ο ζουρανό στρατός της Ασσυρίας γκιλό κο Ιούδας ντα απειλίνελας τι καταστραφίνελ ι Ιερουσαλήμ. Ο βασιλιάς της Ασσυρίας, ο Σενναχειρείμ, πρασαντάς ι Ιεχωβάς ντα  προσπαθιντάς τι κερέλ τον Εζεκία τι παραδόνελ-πες. Οντουλά δύσκολα ντιβεσά, ο Εζεκίας τθερέλας εμπιστοσύνη κο Ιεχωβά σαρέ κο πράγματα ντα προσευχισάλο για τι βοηθίνελ-λες. Τζανέλας ότι ο Ντεβέλ ισινέ μπουτ πιο ζουρανό κατά Ασσύριους ντα μπορίνελας τι σώνελ πι λαός. (Διαβάνεν Ησαΐας 37:15-20) Ο Ντεβέλ απαντιντάς κι προσευχή ντα μπουτσσαντάς εκχέ αγγελός τι μουνταρέλ 185.000 Ασσύριους στρατιώτες.—Ησαΐας 37:36, 37.

16, 17. Σαρ μπορίνενα τι μοιάζεν κο Εζεκίας;

¹⁶ Σοράν, ο Εζεκίας νασφάλιλο ντα ισινέ μεριμάσκε. Οντουλέ δύσκολε ντιβεσέντε, μολιντάς ι Ιεχωβάς τι ντελ-πες γκοντί λέσκι πίστη ντα τι βοηθίνελ-λες. (Διαβάνεν 2 Βασιλέων 20:1-3) Ο Ιεχωβά ασουντάς ι προσευχή του Εζεκία ντα σαστιαρντάς-λες, δηλαδή κερντάς-λες λατσσές. Αμέν τζανάσα κατά Γραφή ότι αμαρέ ντιβεσέντε να μπορίνασα τι μπεκλεντίνας τι κερέλ ο Ντεβέλ εκ θαύμας για τι αβάς λατσσές ή για τι τζουβντιάς πιο μπουτ. Όμως σαρ ο Εζεκίας, μπορίνασα τι στηρίντιβας κο Ιεχωβά για βοήθεια. Μπορίνασα τι βακεράς λέσκε: «Μολίναβα-τουτ, Ιεχωβά, ντε-τουτ γκοντί, σε παρακαλώ, σαρ πφιρντόμ ανγκλά-τούτε με πίστη ντα σαστέ μι γκίσαρ». Τουμέν πακιάνα ότι ο Ιεχωβά κα αρακχαβέλ-τουμέν πάντα, ατζέ-ντα όταν ισινέν νασφαλέ;—Ψαλμός 41:3.

¹⁷ Καβά ισί εκ γιαβέρ τρόπος για τι μοιάζας κο Εζεκίας; Μπορεί κάτι τι αβέλ εμπόδιος κι σχέση σο τθεράσα ι Ιεχωβάσαρ ή μπορεί τι λελ αμένταρ χρόνος κατά υπηρεσία σο ντάσα κο Ιεχωβά. Για παράδειγμας, μπουτ τζενέ αντιβές συμπεριφερίντιβενα κο γιαβερά σαρ τι αβένας είδωλα. Εκτιμίνενα ι διασημόν ντα γιαβερέ τζενέν σο να τζανένα-λεν. Μπουτ τζενέ διαβάνενα ασακέ τζενένγκε ντα ντικχένα λένγκε φωτογραφίες για μπουτ σαάτια. Ή χρησιμοποιήνενα συχνά ο κοινωνικά δίκτυα ή γιαβερά εργαλεία για τι κερέν λάφι γιαβερέ τζενέντζαρ κο Ίντερνετ. Σίγουρα, μπορεί τι μπεϊντίνας τι χρησιμοποιήνας ασακέ εργαλεία για τι κεράς λάφι αμαρέ φαμιλιάσαρ ή αμαρέ λατσσέ αμαλέντζαρ. Όμως κα μπορίναας τι χασαράς μπουτ σαάτια κο κοινωνικά δίκτυα. Κα μπορίναας ατζέ-ντα τι αβάς υπερήφανοι άμα μπουτ τζενέ γραφίνενα ότι μπεϊντίνενα ο φωτογραφίες ή ο σχόλια σο τσσουντάμ κο Ίντερνετ. Ή άμα κα αγαβάας ότι μερικοί τσσιναντέ τι ντικχέν-λεν, μπορεί τι προσβαλίντιβαας-ντα. Μπορίνασα τι σικλιάς κατά παράδειγμας του απόστολου Παύλου, του Ακύλα ντα της Πρίσκιλλας. Πακιάνα τουμέν ότι βον νακχένας χρόνος κάθε ντιβές για τι σικλιόν σο-ντα κερένας ο τζενέ, ντα πιο μπουτ οντουλά σο να υπηρετίνενας ι Ιεχωβάς; Η Γραφή βακερέλα ότι ο Παύλος “ισινέ συνέχεια απασχολημέ κο λάφι” κι Ντεβλέσκο. Επίσης, η Πρίσκιλλα ντα ο Ακύλας χρησιμοποιήνενας πουμαρό χρόνος για τι κερέν ο έργος ντα τι εξηγίνεν «πιο σωστά ο ντρομ ι Ντεβλέσκο» κο γιαβερά. (Πράξεις 18:4, 5, 26) Μπορίνασα τι πουτσάς αμαρό νεαυτός: “Προσοχίναβα μα τι συμπεριφερίντιβαβ κο τζενέ σαρ είδωλα; Προσπαθίναβα μα τι νταβ μπουτ χρόνος πραγματέντε σο νανέ σημαντικά;”—Διαβάνεν Εφεσίους 5:15, 16.

18, 19. Σαρ μπορίνενα τι μοιάζεν κο Ιωσίας;

¹⁸ Ο Βασιλιάς Ιωσίας-ντα ασουνέλας ο εντολές ι Ιεχωβάσκε «σαρέ πι γκίσαρ». (2 Χρονικών 34:31) Ο Ιωσίας τθερέλας τον Εζεκία προπάππου. Όταν ο Ιωσίας ισινέ τερνό, «αρχισάλο τι ρόντελ ι  Ντεβλέσκε σο πακιάλας ο Δαβίδ». Ντα κάνα ισινέ 20 μπρεσένγκο, αρχισάλο τι νασκιαρέλ ο είδωλα κατά Ιούδας. (Διαβάνεν 2 Χρονικών 34:1-3) Ο Ιωσίας προσπαθίνελας μπουτ τι κερέλ χαρούμενος ι Ιεχωβάς, κάτι σο να κερένας ο πιο μπουτ βασιλιάδες του Ιούδα. Σοράν, εκ ντιβές, ο αρχιερέας αρακχλάς κο ναός ο βιβλίος σο τθερέλας ο Νόμος ι Ντεβλέσκο. Ανταβά μάλλον ισινέας ο βιβλίος σο γραφιντάας ο Μωυσής πι βαστέντζαρ! Όταν ο γραμματέας διαβαντάς-λες κο Ιωσίας, αγαντάς ότι έπρεπε τι κερέλ πιο μπουτ πράγματα για τι υπηρετίνελ ι Ιεχωβάς σαρέ πι γκίσαρ. Επίσης, βακερέλας γιαβερένγκε-ντα τι κερέν-λες ανταβά. Αντικάς, ο λαός «να τσσιναντάς τι ακολουθίνελ ι Ιεχωβάς» καζόμ τζουβντιόλας ο Ιωσίας.—2 Χρονικών 34:27, 33.

¹⁹ Άμα ισινέν τερνέ, μπορίνενα τι μοιάζεν κο Ιωσίας ντα τι σικλιόν ι Ιεχωβάς πιο λατσσές. Ο Ιωσίας μπορεί τι σικλιλό κατά Βασιλιάς Μανασσής, πι παππούσταρ σο μετανιωσάλο, ότι ο Ιεχωβά ισί έτοιμος τι συγχωρίνελ-αμέν. Τουμέν-ντα μπορίνενα τι σικλιόν κατά πιο μπαρέ τζενέ σο ισί τουμαρέ φαμιλιάτε ντα τουμαρέ εκκλησιάτε. Βον μπορίνενα τι βακερέν τουμένγκε ότι ο Ιεχωβά κερντάς λένγκε λατσσέ πράγματα. Επίσης, ντεν-τουμέν γκοντί σαρ νιωσάλο ο Ιωσίας όταν σικλιλό σο βακερένας ο Γραφές. Μανγκέλας μπουτ τι κερέλ χαρούμενος ι Ιεχωβάς ντα κερντάς αμέσως αλλαγές. Όταν διαβάνενα ι Γραφή, τουμέν-ντα μπορεί τι νιωθίνεν πιο αποφασισμέ τι ασουνέν ι Ιεχωβάς. Αντικάς, τουμαρί φιλία λέσαρ κα αβέλ πιο ζουρανί ντα κα αβέν πιο χαρούμενοι. Σοράν κα μανγκέν τι βακερέν γιαβερένγκε-ντα ι Ιεχωβάσκε. (Διαβάνεν 2 Χρονικών 34:18, 19) Όταν διαβάνενα ι Γραφή, μπορεί τι αρακχέν τρόπους για τι υπηρετίνεν ι Ντεβλές πιο λατσσές. Άμα κα αρακχέν ασακέ τρόπους, προσπαθίνεν τι κερέν ο πιο λατσσό σο μπορίνενα για τι κερέν ανταλά αλλαγές, σαρ κερντάς ο Ιωσίας-ντα.

20, 21. (α) Σαρ μοιάζενας ο σταρ βασιλιάδες σο ντικχλάμ ανταλέ μαθημάστε; (β) Σο κα ντικχάς κο γιαβέρ μάθημας;

²⁰ Σο μπορίνασα τι σικλιάς κατά σταρ βασιλιάδες του Ιούδα σο υπηρετίνενας ι Ιεχωβάς σαστέ πουμαρέ γκίσαρ; Οντουλά μουρσά ισινέ αποφασισμέ τι κερέν χαρούμενος ι Ιεχωβάς ντα τι ντεν-λες λατρεία σαρέ κο ντιβεσά σο τζουβντιόνας. Στηρίντιβενας λέστε όταν γκιλέ τι πολεμίνεν-λεν ζουρανέ ντουσμάνια. Ο πιο σημαντικός όμως ισινέ ότι υπηρετίνενας ι Ιεχωβάς επειδή μανγκένας-λες.

²¹ Παρόλο σο οντουλά σταρ βασιλιάδες ισινέ ατελείς ντα κερένας λάθη, ο Ιεχωβά ισινέ ευχαριστιμέ λέντζαρ. Ντικχλάς σο τθερένας πουμαρέ γκίστε ντα τζανέλας ότι μανγκένας-λες μπαγιά. Αμέν-ντα ισινάμ ατελείς ντα κεράσα λάθη. Αλλά ο Ιεχωβά κα αβέλ ευχαριστιμέ αμέντζαρ όταν ντικχέλα ότι υπηρετίνασα-λες σαστέ αμαρέ γκίσαρ. Κο γιαβέρ μάθημας κα ντικχάς σο μπορίνασα τι σικλιάς κατά λάθη σο κερντέ οντουλά βασιλιάδες.