1. Καβά σουκάρ ντρομ πουτάρντιβελας ι Ιουδαιόνγκε σο ισινέ αιχμάλωτοι;

 Ο ΙΟΥΔΑΙΟΙ ισινέ μπουτ χαρούμενοι. Ο Ιεχωβά Ντεβέλ «κερντάς ι Κυρός ι βασιλιάς ι Περσιάκο» τι ελευθερώνελ ι Ισραηλιτέν, σο ισινέ αιχμάλωτοι μπουτ μπρεσά κι Βαβυλώνα. Ο βασιλιάς βακερντάς ότι ο Ιουδαίοι μπορίνενας τι βουρτίνεν πουμαρέ τθεμέστε ντα τι “λατσσαρέν ο κχερ ι Ιεχωβάσκο, ι Ισραηλίσκε Ντεβλέσκο”. (Έσδρ. 1:1, 3) Σο σουκάρ ισινέ ανταβά! Μανγκέλας τι βακερέλ ότι ο Ιουδαίοι κα μπορίνενας τι ντεν πάλι λατρεία ι αληθινέ Ντεβλές κο τθεμ σο ντινάας-λεν.

2. Σο μπορισάλε τι κερέν ο Ιουδαίοι κάνα βουρτισάλε κι Ιερουσαλήμ;

² Κο 537 Π.Κ.Χ., ο πρώτοι Ιουδαίοι ερεσλέ κι Ιερουσαλήμ σο ισινέας η πο σημαντική πόλη κο νότιος βασίλειος κι Ιουδάσκο. Οντουλά Ιουδαίοι σο βουρτισάλεας πουμαρέ τθεμέστε ασταρντέ σουγκό μπουτί, ντα κο 536 Π.Κ.Χ. τσσουντέας ο θεμέλιος ι ναόσκο!

3. Καλά τζενέ γκιλέ κόντρα κο Ιουδαίοι, ντα σαρ;

³ Όμως, κάνα αρχισάλε τι λατσσαρέν ο ναός, μπουτ τζενέ τζάνας λέντζαρ κόντρα. Ο λαοί σο ισινέ ντονταλάι λένταρ “κερένας ι Ιουδαιόν τι χασαρέν πουμαρί ζορ ντα νταραβένας-λεν για τι τσσιναβέν ι μπουτί”. (Έσδρ. 4:4) Ο πράγματα όμως αβιλέ ατζέ πο μπέτι. Κο 522 Π.Κ.Χ., ο Αρταξέρξης αβιλό ο νεβό βασιλιάς ι Περσιάκο. * Αζομάν, ο ντουσμάνια αμντισάλε ότι ισινέ λένγκε βαστέστε τι ανέν «προβλήματα αντράλ κατά νόμοι» για τι  τσσιναβέν ντιπ ι μπουτί κο ναός. (Ψαλμ. 94:​20) Βακερντέ κο βασιλιάς Αρταξέρξης ότι ο Ιουδαίοι μανγκένας τι τζαν λέσαρ κόντρα. (Έσδρ. 4:​11-16) Ο βασιλιάς πακιαντάς λένγκε ψέματα ντα τσσιναντάς ο λατσσαριπέ ι ναόσκο. (Έσδρ. 4:​17-23) Ιτιρί ανταλέσταρ, ο Ιουδαίοι σο ανγκλέ ισινέας χαρούμενοι, μουκχλέ ι μπουτί κο μασκάρ.​—Έσδρ. 4:24.

4. Σο κερντάς ο Ιεχωβά κάνα ο ντουσμάνια ι Ιουδαιόνγκε βακερντέ λένγκε τι τσσιναβέν ο λατσσαριπέ ι ναόσκο; (Ησαΐας 55:11)

⁴ Ο τζενέ σο να υπηρετίνενας ι Ιεχωβάς ντα μερικά τζενέ κατά περσική κυβέρνηση μανγκένας τι τσσιναβέν ο λατσσαριπέ ι ναόσκο. Αλλά ο Ιεχωβά μανγκέλας ο Ιουδαίοι τι μπιτισκιαρέν ο ναός, ντα βοβ πάντα ατσσικιαρέλα πο λάφι. (Διαβάνεν Ησαΐας 55:​11) Τραμπιντάς εκχέ μπίνταρανε προφητής, ι Ζαχαριάς, ντα κερντάς-λες τι ντικχέλ οχτώ εντυπωσιακές φαντασίες, σο έπρεπε τι βακερέλ-λεν κο Ιουδαίοι για τι ντελ-λεν ζορ. Οντουλά φαντασίες βοηθιντέ ι Ιουδαιόν τι αγαβέν ότι δεν έπρεπε τι νταρέν πουμαρέ ντουσμανίνταρ, ντα ντινέ-λεν ι ζορ τι κερέν ι μπουτί σο μανγκλάς λένταρ ο Ιεχωβά. Κι πέμπτη φαντασία, ο Ζαχαρίας ντικχλάς εκ λυχνοστάτης ντα ντούι ζιτιλινά.

5. Σο κα ντικχάς ανταλέ μαθημάστε;

⁵ Σαρέ χασαράσα αμαρί ζορ μπάζιμα. Οτθάρ, κα κερέλ αμένγκε λατσσιπέ τι ανάς αμαρέ γκοντιάτε σαρ ντινάς ζορ ο Ιεχωβά ι Ισραηλιτέν αντράλ κατά πέμπτη φαντασία σο ντικχλάς ο Ζαχαρίας. Ανταγιά φαντασία κα βοηθίνελ-αμέν τι υπηρετίνας ι Ιεχωβάς πιστά κάνα ο τζενέ τζάνα αμέντζαρ κόντρα, κάνα αβέλα-πες εκ αλλαγή ντα κάνα βακέρντιβελα αμένγκε τι κεράς κάτι σο να αγαβάσα.

6. Σαρ ντινάς ζορ ι Ιουδαιόν η φαντασία σο ισί κο εδάφια Ζαχαρίας 4:​1-3; (Ντικχέν ι φωτογραφία κι ανγκλαϊνί σελίδα)

⁶ Διαβάνεν Ζαχαρίας 4:​1-3. Ανταγιά φαντασία ντινάς ζορ κο Ιουδαίοι για μα τι τσσιναβέν πουμαρί μπουτί ιτιρί κατά κόντρα σο τζάνας λέντζαρ. Σαρ; Ντικχλέν ότι ο λάδι σο τζάλας κο λυχνοστάτης να μπιτίνελας; Ντούι ζιτιλινά νικαβένας λάδι σο τσσορντιόλας εκχέ λεενίστε. Σοράν, ο λάδι τζάλας κο εφτά λυχνάρια σο τθερέλας ο λυχνοστάτης. Ανταβά λάδι ατσσικιαρέλας πφαμπαρντί ι γιακ κο λυχνάρια. Ο Ζαχαρίας πουτσλάς: «Σο μανγκένα τι σικαβέν ανταλά;» Ο άγγελος βακερντάς λέσκε ακαλά λάφια: «“Όχι ζουρανέ στρατόσαρ ούτε ζοριάσαρ, αλλά μι πνευμάσαρ”, βακερέλα ο Ιεχωβά σο κερέλα κουμάντος ι στρατόν». (Ζαχ. 4:4, 6) Ο λάδι κατά ζιτιλινά μανγκέλας τι σικαβέλ ο ζουρανό άγιος πνεύμας ι Ιεχωβάσκο, σο ποτές να μπιτίνελα. Η ζορ ι στρατόσκι σο τθερέλας η Περσική Αυτοκρατορία ισινέ μπουτ πο χουρντί κατά ζορ ι Ντεβλέσκε πνευμάσκι. Οντουλά σο κερένας μπουτί κο ναός τθερένας ι Ιεχωβάς πασέ πουμέντε, οτθάρ κα νταϊντίνενας σο-ντα κόντρα τζάνας λέντζαρ ντα κα μπιτισκιαρένας πουμαρί μπουτί. Σο μπαρί ζορ ντινάς-λεν ανταγιά φαντασία! Οντουβά σο τθερένας τι κερέν ο Ιουδαίοι ισινέ τι ντεν μπέσα κο Ιεχωβά ντα τι αρχίνεν πάλι ο λατσσαριπέ ι ναόσκο. Ντα ανταβά κερντέ, παρόλο σο ο βασιλιάς τσσιναντάας λένγκι μπουτί.

7. Καγιά αλλαγή αβιλί-πες σο λοκχιαρντάς χάνικ οντουλέν σο λατσσαρένας ο ναός;

⁷ Εκ ντιβές, αβιλί-πες εκ αλλαγή σο λοκχιαρντάς χάνικ οντουλέν σο λατσσαρένας ο ναός. Σο αβιλό-πες; Κο 520 Π.Κ.Χ., ο Δαρείος Α΄ ισινέ ο νεβό βασιλιάς ι Περσιάκο. Κο δεύτερος μπρες σο κερέλας κουμάντος, αρακχλάς ότι οντουλά σο τσσιναντέας ο λατσσαριπέ ι ναόσκο γκιλέας κόντρα κο νόμος. Οτθάρ, ο Δαρείος βακερντάς τι λατσσάρντιβελ ο ναός. (Έσδρ. 6:​1-3) Ανταβά αμπέρι ερεσέλας για τι ατσσόν σαρέ πουταρντέ μόσαρ. Αλλά να αβιλό-πες σάντε ανταβά. Ο  βασιλιάς βακερντάς κο γιαβερά τθεμά μα τι τζαν κόντρα ι Ιουδαιόντζαρ, αλλά τι ντεν-λεν λοβέ ντα γιαβερά πράγματα σο χρειαζίντιβενας για τι μπιτισκιαρέν ο λατσσαριπέ ι ναόσκο! (Έσδρ. 6:​7-12) Αντικάς, ο Ιουδαίοι μπιτισκιαρντέ ο λατσσαριπέ ι ναόσκο σταρ μπρεσά πο σοράν, κο 515 Π.Κ.Χ.​—Έσδρ. 6:15.

8. Σόσκε μπορίνενα τι αβέν μπίνταρανε κάνα ο γιαβερά τζάνα τουμέντζαρ κόντρα;

⁸ Αντιβές-ντα, ο ντουνιάς τζάλα κόντρα μπουτέ τζενέντζαρ σο υπηρετίνενα ι Ιεχωβάς. Για παράδειγμας, μερικοί τζουβντιόνα τθεμέντε σο να μουκχένα-λεν τι κερέν κάποια πράγματα ι Ιεχωβάσκε. Ασακέ τθεμέντε, μπέκιμ τι ασταρένα ι πφραλέν ντα τι “γκερένα-λεν ανγκλάλ οντουλέντε σο κυβερνίνενα ντα κο βασιλιάδες”, ντα αντικάς ο πφραλά βακερένα λένγκε σο πακιάσα. (Ματθ. 10:​17, 18) Μπάζιμα, εκ νεβί κυβέρνηση μπέκιμ λοκχιαρέλα ι πφραλέν. Ή εκ λατσσό δικαστής μπέκιμ λέλα εκ απόφαση σο ισί λατσσί ι Ιεχωβάσκε λαόσκε. Γιαβερά Μάρτυρες τζουβντιόνα εκχέ τθεμέστε σο ντένα λατρεία ι Ιεχωβάς ελεύθερα. Όμως, λένγκε τζενέ τζάνα λέντζαρ κόντρα ντα μανγκένα τι τσσιναβέν-λεν για μα τι υπηρετίνεν ι Ντεβλές. (Ματθ. 10:​32-36) Μπουτ φαρ, κάνα λένγκε τζενέ αγαβένα ότι σινανέ μαρένα-πες τι κερέν-λεν τι χασαρέν πουμαρί ζορ, τσσιναβένα τι τζαν λέντζαρ κόντρα. Ντα μπάζιμα τζενέ σο ανγκλέ τζάνας μπαρί κόντρα, σοράν αβιλέ Μάρτυρες. Κάνα τζάνα τουμέντζαρ κόντρα, μα μουκχέν-τουμέν! Τι αβέν μπίνταρανε. Τθερένα τουμέντζαρ ι Ιεχωβάς ντα λέσκο ζουρανό άγιος πνεύμας, οτθάρ να χρειαζίντιβελα τι νταρέν!

9. Σόσκε πφανγκιλό ο γκι μερικέ Ιουδαιόνγκο κάνα τσσουβντιλό ο θεμέλιος ι νεβέ ναόσκο;

⁹ Κάνα τσσουβντιλό ο θεμέλιος ι νεβέ ναόσκο, μερικοί πφουρέ Ιουδαίοι ροβένας. (Έσδρ. 3:​12) Ντικχλέας ο μπουτ σουκάρ ναός σο κερντάας ο Σολομών, ντα αμντίνενας ότι ανταβά νεβό ναός να ισινέ τίποτα ανγκλάλ κο πουρανό. (Αγγ. 2:2, 3) Οτθάρ, πφανγκιόλας λένγκο γκι. Η φαντασία ι Ζαχαριάσκι κα βοηθίνελας-λεν τι αρακχέν πάλι πουμαρί χαρά. Σαρ;

10. Σαρ βοηθιντέ ι Ιουδαιόν τι αρακχέν πάλι πουμαρί χαρά ο λάφια ι αγγελόσκε σο ισί κο εδάφια Ζαχαρίας 4:​8-10;

¹⁰ Διαβάνεν Ζαχαρίας 4:​8-10. Σο μανγκέλας τι βακερέλ ο άγγελος κάνα βακερντάς ότι ο Ιουδαίοι κα «χαιρίνεν ντα κα ντικχέν ο σολό ι μπαρέσαρ κο βας κι Ζοροβαβελίσκο» σο ισινέ  ο αρχηγός ι Ιουδαιόνγκο; Ο σολό ι μπαρέσαρ ισί εκ εργαλείος σο σικαβέλα άμα εκ πράγμας ισί ντιπ ίσιος. Ο λάφια ι αγγελόσκε ντινέ ι Ιουδαιόν τι αγαβέν ότι ο ναός κα λατσσάρντιβελας ντα κα αβέλας αντικάς σαρ μανγκέλας ο Ιεχωβά, παρόλο σο να ντικχίντιβελας αζόμ σουκάρ μερικέ τζενένγκε. Ο Ιεχωβά κα αβέλας ευχαριστιμέ ανταλέ ναόσαρ, σόσκε μα τι αβένας βον-ντα; Ο σημαντικός ι Ιεχωβάσκε ισινέ τι ντένας-λες λατρεία κο νεβό ναός αντικάς σαρ μανγκέλας βοβ. Άμα ο Ιουδαίοι κα κερένας-λες ανταβά ντα κα αβένας λατσσέ αμαλά ι Ιεχωβάσαρ, κα αρακχένας πάλι πουμαρί χαρά.

11. Σο δυσκολίνελα μπουτέ πφραλέν ντα πφενίν αντιβές;

¹¹ Μπουτ αμένταρ δυσκολίντιβασα κάνα αβένα-πες αλλαγές. Πφραλά ντα πφενιά σο ισινέ μπουτ βακίτι κι ειδική ολοχρόνια υπηρεσία λιντέ εκ γιαβέρ διορισμός. Γιαβερά πφουρίλιλε, οτθάρ έπρεπε τι μουκχέν εκ προνόμιος σο μπεϊντίνενας. Ισί λογικός τι πφανγκιόλ αμαρό γκι κάνα αβένα-πες ασακέ αλλαγές αμαρέ ζωγιάτε. Κι αρχή, μπορεί μα τι αγαβάσα ντιπ λατσσές ι απόφαση ή μα τι μπεϊντίνασα-λα. Μπέκιμ τι σικλιντίνασα ι πουρανέ ντιβεσένγκε. Ντα μπέκιμ τι χασαράσα αμαρί ζορ ντα τι αμντίνασα ότι ακανά ναστί κεράσα αζόμ μπουτ ι Ιεχωβάσκε. (Παρ. 24:​10) Σαρ βοηθίνελα-αμέν η φαντασία ι Ζαχαριάσκι τι ντας ο πο λατσσό σο αβέλα-πες αμαρέ Ντεβλέστε;

12. Σαρ βοηθίνελα-αμέν η φαντασία ι Ζαχαριάσκι τι ατσσάς χαρούμενοι κάνα αβένα-πες αλλαγές αμαρέ ζωγιάτε;

¹² Να κα αβέλ αμένγκε μπουτ πφαρί εκ αλλαγή άμα ντικχάσα ο πράγματα αντικάς σαρ ντικχέλα-λεν ο Ιεχωβά. Βοβ κερέλα μπουτ μπαρέ πράγματα αντιβές, ντα αμέν τθεράσα ο μπαρό προνόμιος τι κεράς μπουτί λέσαρ. (1 Κορ. 3:9) Αμαρέ διορισμοί μπέκιμ τι αλλάνεν, αλλά να κα αλλάνελ ο μανγκιπέ-ντα ι Ιεχωβάσκο αμένγκε. Οτθάρ, άμα κα αβέλ-πες εκ αλλαγή κι οργάνωση σο τθερέλα τι κερέλ τουμέντζαρ-ντα, μα χαλαβέν μπουτ σαάτι για τι σκεφτίνεν σόσκε αβιλί-πες η αλλαγή. Αντίς τι σικλιντίνεν ι “πουρανέ ντιβεσένγκε”, κερέν προσευχή ντα ρόντεν σο λατσσιπέ κα ανέλ ανταγιά αλλαγή. (Εκκλ. 7:​10) Αντίς τι σκεφτίνεν οντουλά σο ναστί κερένα ακανά, σκεφτίνεν σαρέ οντουλά σο μπορίνενα τι κερέν. Κατά φαντασία ι Ζαχαριάσκι, σικλιάσα καζόμ σημαντικός ισί τι ντικχάς ο πράγματα σαρ μανγκέλα ο Ιεχωβά. Αντικάς, κα ατσσάς χαρούμενοι ντα πιστοί ατζέ-ντα άμα αβένα-πες αλλαγές αμαρέ ζωγιάτε.

13. Σόσκε μπέκιμ μερικοί Ισραηλίτες πακιάνας ότι να ισινέ λατσσό τι λατσσαρέν ο ναός;

¹³ Ο βασιλιάς τσσιναντάας ο λατσσαριπέ ι ναόσκο. Όμως, ο αρχιερέας Ιησούς ντα ο αρχηγός Ζοροβάβελ, σο τραμπίντιλεας τι κερέν κουμάντος, «αρχισάλε τι λατσσαρέν ο κχερ ι Ντεβλέσκο». (Έσδρ. 5:1, 2) Μερικοί Ιουδαίοι μπέκιμ τι πακιάνας ότι να ισινέ λατσσί απόφαση. Ο λατσσαριπέ ι ναόσκο ναστί ατσσόλας γκεραντό κατά ντουσμάνια, σο κα κερένας σο νακχέλας λένγκε βαστένταρ για τι ανέν προβλήματα. Ο Ιησούς ντα ο Ζοροβάβελ μανγκένας τι ντικχέν ότι ο Ιεχωβά ισινέ πασέ λέντε. Ντα ντικχλέ-λες ανταβά. Σαρ;

14. Καλέ πραγμάσκε αβιλέ σίγουροι ο αρχιερέας Ιησούς ντα ο αρχηγός Ζοροβάβελ σαρ βακερένα ο εδάφια Ζαχαρίας 4:​12, 14;

¹⁴ Διαβάνεν Ζαχαρίας 4:​12, 14. Ατθέ, ο άγγελος σικαβέλα κο πιστός προφήτης ι Ντεβλέσκο ότι ο ντούι ζιτιλινά μανγκένα τι σικαβέν ι “ντουέ τζενέν σο τραμπίντιλε”, σο ισί ο Ιησούς ντα ο Ζοροβάβελ. Οντουλά ντούι μουρσά ισινέ σαρ τι “ατσσόνας πασέ κο Κύριος σαρέ ι πφουβιάκο”, κο Ιεχωβά. Σο μπαρό προνόμιος! Ο Ιεχωβά ντέλας λένγκε μπέσα. Οτθάρ, ο Ισραηλίτες μπορίνενας τι ντεν μπέσα σαρέ κο λάφια οντουλέ μουρσένγκε σόσκε ο Ιεχωβά τσσουντάας-λεν.

15. Σαρ κα σικαβάς ότι σεβάνασα οντουλά σο βακερέλα αμένγκε ο Ιεχωβά αντράλ πι Λαφίσταρ;

¹⁵ Αντιβές ο Ιεχωβά σικαβέλα πι λαόσκε σο τι κερέλ αντράλ πι Λαφίσταρ, κατά Αγία Γραφή. Ανταλέ ιερέ βιβλιόστε, βακερέλα αμένγκε σαρ τι ντας-λες λατρεία αντικάς σαρ μανγκέλα βοβ. Σαρ κα σικαβάς ότι σεβάνασα οντουλά σο βακερέλα ο Λάφι ι Ντεβλέσκο; Άμα κα διαβάνας-λες λατσσές ντα κα ντας αμαρέ σαατίσταρ για τι αγαβάς-λες. Πουτσέν-τουμέν: “Κάνα διαβάναβα ι Γραφή ή εκ έντυπος αμαρό, ατσσάβα για τι σκεφτίναβ λατσσές οντουλά σο διαβάναβα; Ρόνταβα τι αγαβάβ ο αλήθειες ι Γραφιάκε σο ισί δύσκολες; Ή μήπως σιγκιαράβα τι μπιτισκιαράβ ο διάβασμας;” (2 Πέτρ. 3:​16) Άμα ντάσα αμαρέ σαατίσταρ για τι σκεφτίνας οντουλά σο σικλιαρέλα-αμέν ο Ιεχωβά, κα μπορίνας τι ντας καν λέσκε λαφίντε ντα τι κεράς ο έργος.​—1 Τιμ. 4:​15, 16.

16. Σο κα βοηθίνελ-αμέν τι ντας καν άμα ναστί αγαβάσα λατσσές οντουβά σο βακερέλα ο «πιστός ντα φρόνιμος δούλος»;

¹⁶ Εκ γιαβέρ τρόπος σο σικαβέλα ο Ιεχωβά πι λαόσκε σο τι κερέλ ισί αντράλ κατά «πιστός ντα φρόνιμος δούλος». (Ματθ. 24:​45) Μπάζιμα, ανταβά δούλος μπέκιμ τι βακερέλα αμένγκε  τι κεράς κάτι σο ναστί αγαβάσα-λες λατσσές. Για παράδειγμας, μπέκιμ τι ντιντιόν-αμέν οδηγίες εκχέ φυσικέ καταστροφιάκε σο πακιάσα ότι να κα αβέλ-πες αμαρέ τθεμέστε. Ή μπέκιμ τι πακιάσα ότι να χρειαζίντιβελα τι αρακχαβάς-αμέν αζόμ μπουτ εκχέ νασφαλιμάσταρ καζόμ βακερέλα ο δούλος. Σο πρέπει τι κεράς άμα αμντίνασα ότι ο οδηγίες σο ντιντιόνα-αμέν νανέ γκοντιαβέρ; Μπορίνασα τι σκεφτίνας σο λατσσιπέ ντικχλέ ο Ισραηλίτες κάνα κερντέ οντουβά σο βακερντάς λένγκε ο Ιησούς ντα ο Ζοροβάβελ. Ντα μπορίνασα τι ανάς αμαρέ γκοντιάτε γιαβερά-ντα ιστορίες σο διαβαντάμ κι Γραφή. Ισινέ φαρ σο βακέρντιλο κο λαός κι Ντεβλέσκο τι κερέλ κάτι σο να ντικχίντιβελας γκοντιαβέρ αλλά οντουβά σωντάς-λεν.​—Κριτ. 7:7· 8:10.

17. Σαρ βοηθιντάς ι Ιουδαιόν η πέμπτη φαντασία ι Ζαχαριάσκι;

¹⁷ Η πέμπτη φαντασία ι Ζαχαριάσκι ισί χουρντί, αλλά βοηθιντάς ι Ιουδαιόν τι ντικχέν γιαβέρσοϊ πουμαρί μπουτί ντα πουμαρί λατρεία. Ντα κάνα κερντέ οντουλά σο σικλιλέ ανταλέ φαντασιάταρ, ντικχλέ ι Ιεχωβάσκο βας ντα καζόμ μπουτ μανγκέλας-λεν. Αντράλ πι ζουρανέ άγιε πνευμάσταρ, ο Ιεχωβά βοηθιντάς-λεν τι αρακχέν πάλι πουμαρί χαρά ντα μα τι τσσιναβέν πουμαρί μπουτί.​—Έσδρ. 6:16.

18. Σαρ κα βοηθίνελ-τουμέν η φαντασία ι Ζαχαριάσκι;

¹⁸ Η πέμπτη φαντασία ι Ζαχαριάσκι τθερέλα ι ζορ τι βοηθίνελ-τουμέν. Σαρ ντικχλάμ, μπορίνελα τι βοηθίνελ-τουμέν τι τθερέν ζορ κάνα ο γιαβερά τζάνα τουμέντζαρ κόντρα, χαρά κάνα αβένα-πες αλλαγές τουμαρέ ζωγιάτε ντα μπέσα για τι ντεν καν κάνα βακέρντιβελα τουμένγκε τι κερέν κάτι σο ναστί αγαβένα. Σο πρέπει τι κερέν κάνα τθερένα δυσκολίες τουμαρέ ζωγιάτε; Πρώτα, ντικχέν οντουλά σο ντικχλάς ο Ζαχαρίας, δηλαδή σαρέ ο πράγματα σο σικαβένα ότι ο Ιεχωβά πφαμπόλα πι λαόσκε. Σοράν, για τι κερέν οντουλά σο σικλιλέν, ντεν μπέσα κο Ιεχωβά ντα μα τσσιναβέν τι ντεν-λες λατρεία σαρέ τουμαρέ γκίσαρ. (Ματθ. 22:​37) Άμα κα κερέν-λες ανταβά, ο Ιεχωβά κα βοηθίνελ-τουμέν τι υπηρετίνεν-λες χαράσαρ για πάντα.​—Κολ. 1:​10, 11.