1, 2. Σο πρέπει τι κερέλ εκ τζενό πριν τι μπολντιόλ;

 Ο ΤΕΛΕΥΤΑΙΑ παντς μπρεσά, πο μπουτ από εκ εκατομμύριος τζενέ μπολντιλέ σαρ Μάρτυρες ι Ιεχωβάσκε. Μπουτ ανταλένταρ, σαρ ο μαθητής Τιμόθεος κο πρώτος αιώνας, σικλιλέ ι αλήθεια «χουρντιαρέλα μπερί». (2 Τιμ. 3:14, 15) Κάποιοι σικλιλέ ι Ιεχωβάσκε μπαρέ, ενώ γιαβερά κάνα ισινέ πφουρέ. Για παράδειγμας, εκ τζουβέλ σο κερέλας μελέτη κατά Αγία Γραφή ι Ιεχωβάσκε Μαρτυρέντζαρ μπολντιλί 97 μπρεσένγκι!

² Άμα κερένα μελέτη ή μπαριλέν εκχέ φαμιλιάτε σο τουμαρό ντατ ντα τουμαρί ντάι ισί Μάρτυρες, σκεφτίνενα τι μπολντιόν; Ανταβά ισί εκ μπουτ σουκάρ στόχος! Πριν όμως τι μπολντιόν, κα χρειαζίντιβελ τι αφιερώντιβεν κο Ιεχωβά. Ανταβά μάθημας κα εξηγίνελ σο μανγκέλα τι βακερέλ αφιέρωση. Κα βοηθίνελ-τουμέν επίσης τι αγαβέν σόσκε να υπαρχίντιβελα λόγος τι σακιντίνεν τι κερέν αφιέρωση, ντα τι μπολντιόν κάνα κα αβέν έτοιμοι ανταλέσκε.

ΣΟ ΙΣΙ ΑΦΙΕΡΩΣΗ;

3. Βακερέν μερικά παραδείγματα τζενένγκε κατά Γραφή σο ισινέ αφιερωμέ κο Ιεχωβά.

³ Κι Αγία Γραφή, αφιέρωση μανγκέλα τι βακερέλ ότι κάποιος ισί ξεχωρισμέ για εκ ιερός σκοπός. Ο Ισραηλίτες ισινέ εκ λαός αφιερωμέ κο Ιεχωβά. Αλλά κάποια τζενέ κατά λαός ισινέ αφιερωμέ κο Ιεχωβά εκχέ ξεχωριστέ τροπόσαρ. Για παράδειγμας, ο Ααρών ιρίλας «ο άγιος σημείος της αφιέρωσης»—εκ γυαλιστερή χρυσή πλάκα κο τουρμπάνι σο ιρίλας πι σορέστε, κο ανγκλαϊνό μέρος. Οντιά χρυσή πλάκα σικαβέλας ότι ο Ααρών ισινέ ξεχωρισμέ για τι υπηρετίνελ με εκ ειδικός προνόμιος—τι αβέλ ο αρχιερέας κο Ισραήλ. (Λευιτ. 8:9) Ο ναζηραίοι-ντα ισινέ αφιερωμέ κο Ιεχωβά με εκ ειδικός τρόπος. Ο λάφι «ναζηραίος», σο αβέλα κατά εβραϊκός λάφι ναζίρ, μανγκέλα τι βακερέλ «ξεχωρισμέ» ή «αφιερωμέ». Ο ναζηραίοι  έπρεπε τι τζουβντιόν αντικάς σαρ βακερένας ο εντολές σο ισινέ σάντε λένγκε, ντα υπαρχίντιβενας κο Μωσαϊκός Νόμος.—Αριθ. 6:2-8.

4. (α) Κάνα αφιερώντιβενα κο Ιεχωβά, καβά πράγμας αβέλα ο πο σημαντικός τουμαρέ ζωγιάτε; (β) Σο μανγκέλα τι βακερέλ τι “τσσιναβέν τι τζουβντιόν” τουμένγκε; (Ντικχέν ι φωτογραφία-ντα)

⁴ Κάνα αφιερώντιβενα κο Ιεχωβά, τραμπίνενα τι αβέν μαθητής ι Ιησού Χριστόσκο ντα κερένα ο θέλημας ι Ντεβλέσκο ο πο σημαντικός πράγμας τουμαρέ ζωγιάτε. Σο πρέπει τι κερέν για τι αφιερώντιβεν; Ο Ιησούς βακερντάς: «Άμα εκ τζενό μανγκέλα τι αβέλ παλά-μάντε, τι τσσιναβέλ τι τζουβντιόλ πέσκε». (Ματθ. 16:24) Ο πουρανό μπαλαμανό λάφι «ἀπαρνησάσθω ἑαυτὸν», σο μεταφράντιβελα «τι τσσιναβέλ τι τζουβντιόλ πέσκε», μπορεί επίσης τι μεταφράντιβελ «πρέπει τι βακερέλ όχι πι νεαυτόσκε». Κάνα κα αβέν αφιερωμέ υπηρέτες ι Ιεχωβάσκε, κα χρειαζίντιβελ τι βακερέν όχι σαρέ κο πράγματα σο να κερένα ι Ιεχωβάσκο γκι. (2 Κορ. 5:14, 15) Για παράδειγμας, κα βακερέν όχι κο «πράγματα σο κερέλα ο σώμας», σαρ ισί ο λουμνιπέ. (Γαλ. 5:19-21· 1 Κορ. 6:18) Μήπως ανταλά εντολές κα κερέν τουμαρί ζωή δύσκολη; Ανταβά να κα αβέλ-πες άμα μανγκένα ι Ιεχωβάς ντα ισινέν σίγουροι ότι λέσκε νόμοι ισί τουμαρέ λατσσιμάσκε. (Ψαλμ. 119:97· Ησ. 48:17, 18) Εκ πφραλ, ο Νίκολας, βακερέλα: «Μπορίνενα τι ντικχέν ο κανόνες ι Ιεχωβάσκε είτε σαρ ο κάγκελα εκχέ φυλακιάκε σο να μουκχένα-τουμέν τι κερέν σο-ντα μανγκένα είτε σαρ ο κάγκελα εκχέ κλουβίσκε σο τθερέλα αντρέ λιοντάρια, ντα ανταλά κάγκελα αρακχαβένα-τουμέν κατά κίνδυνος».

5. (α) Σαρ αφιερώντιβενα κο Ιεχωβά; (β) Σο διαφορά τθερέλα η αφιέρωση κατά μπολντιπέ; (Ντικχέν ι φωτογραφία-ντα)

⁵ Σαρ αφιερώντιβενα κο Ιεχωβά; Ντένα-λες τουμαρό λάφι αντράλ κατά προσευχή ότι κα ντεν λατρεία σάντε λέστε ντα ότι κα τσσουβέν λέσκο θέλημας κι πρώτη θέση τουμαρέ  ζωγιάτε. Ντένα τουμαρό λάφι κο Ιεχωβά ότι κα συνεχίνεν τι μανγκέν-λες “σαρέ τουμαρέ γκίσαρ ντα σαρέ τουμαρέ ψυχιάσαρ ντα σαρέ τουμαρέ γκοντιάσαρ ντα σαρέ τουμαρέ ζοριάσαρ”. (Μάρκ. 12:30) Κάνα κερένα τουμαρί αφιέρωση, ισινέν σάντε τουμέν ντα ο Ιεχωβά. Οκιά μπάνταρ, ο μπολντιπέ αβέλα-πες ανγκλάλ γιαβερέ τζενέντε, ντα σικαβέλα λένγκε ότι κερντέν αφιέρωση. Τουμαρί αφιέρωση ισί εκ ιερή υπόσχεση, ντα ο Ιεχωβά μπεκλεντίνελα τι τζουβντιόν αντικάς σαρ βακερντέν κι υπόσχεση σο ντινέν. Τουμέν-ντα μπεκλεντίνενα ο ίδιος πράγμας τουμαρέ νεαυτόσταρ.—Εκκλ. 5:4, 5.

ΣΟΣΚΕ ΤΙ ΑΦΙΕΡΩΝΤΙΒΕΝ ΚΟ ΙΕΧΩΒΑ;

6. Σο τσσίντελα εκχέ τζενές τι αφιερώντιβελ κο Ιεχωβά;

⁶ Ο πο σημαντικός λόγος για τι αφιερώντιβεν κο Ιεχωβά ισί ότι μανγκένα-λες. Τουμαρί αγάπη να βασίντιβελα σάντε οντουλέντε σο νιωθίνενα. Οκιά μπάνταρ, ισί ριζωμέ κο πράγματα σο “σικλιλέν λατσσές” ντα κο “πνευματικά πράγματα σο αγαντέν”—δηλαδή κο πράγματα σο σικλιλέν ι Ιεχωβάσκε ντα κερντέ τουμαρί αγάπη λέσκε τι μπαριόλ. (Κολ. 1:9) Καζόμ σικλιαρένα-τουμέν κατά Γραφή, ισινέν σίγουροι (1) ότι ο Ιεχωβά ισί πραγματικός, (2) ότι η Αγία Γραφή ισί λέσκο Λάφι ντα (3) ότι χρησιμοποιήνελα πι οργάνωση για τι κερέλ πο θέλημας.

7. Σο πρέπει τι κεράς πριν τι αφιερώντιβας κο Ντεβέλ;

⁷ Ο τζενέ σο αφιερώντιβενα κο Ιεχωβά πρέπει τι τζανέν ο βασικά πράγματα σο σικλιαρέλα ο Λάφι ι Ντεβλέσκο ντα τι τζουβντιόν αντικάς σαρ βακερένα λέσκε κανόνες. Κερένα ο πο λατσσό σο μπορίνενα για τι βακερέν γιαβερένγκε σο σικλιλέ. (Ματθ. 28:19, 20) Η αγάπη σο νιωθίνενα βον ι Ιεχωβάσκε ακανά  ισί μπαρί, ντα μανγκένα αντράλ πουμαρέ γκίσταρ τι ντεν λατρεία σάντε λέστε. Νιωθίνενα τουμέν-ντα αντικάς; Άμα μανγκένα ι Ιεχωβάς σαρέ τουμαρέ γκίσαρ, να κα κερέν ι αφιέρωση ούτε κα μπολντιόν απλώς για τι ντεν χαρά κο τζενό σο κερέλα-τουμέν μελέτη ή τουμαρέ νταντέστε ντα τουμαρέ νταγιάτε. Ούτε επειδή τουμαρέ αμαλά κερντέ-λες ανταβά.

8. Σαρ βοηθίνελα-τουμέν η εκτίμηση τι αφιερώντιβεν κο Ιεχωβά; (Ψαλμός 116:12-14)

⁸ Κάνα σκεφτίνενα σαρέ ο πράγματα σο κερντάς ο Ιεχωβά τουμένγκε, κα μανγκέν τι αφιερώνεν τουμαρί ζωή λέστε. (Διαβάνεν Ψαλμός 116:12-14) Η Γραφή τθερέλα δίκιος κάνα βακερέλα ότι ο Ιεχωβά ντέλα «σαρέ ο λατσσέ ντα τέλεια δώρα». (Ιακ. 1:17) Ο πο μπαρό κατά δώρα σο ντινάς ισί η θυσία πι Τσσαβέσκι, ι Ιησού Χριστόσκι. Σκεφτίνεν καζόμ σουκάρ ισί ανταβά δώρος! Χάρη κο λύτρος, μπορίνενα τι τθερέν εκ λατσσί φιλία ι Ιεχωβάσαρ. Ντα βοβ ντινάς-τουμέν ι ευκαιρία τι τζουβντιόν για πάντα. (1 Ιωάν. 4:9, 10, 19) Η αφιέρωση κο Ιεχωβά ισί εκ κατά πο λατσσέ τρόποι για τι σικαβέν ότι νιωθίνενα εκτίμηση για την πο μπαρί αγάπη σο σικάντιλι ποτές, ντα σαρέ ι γιαβερέ ευλογιένγκε σο ντινάς-τουμέν ο Ιεχωβά. (Δευτ. 16:17· 2 Κορ. 5:15) Μπορίνενα τι ντικχέν πο μπουτ πράγματα για την εκτίμηση ανταγιά κο βιβλίος Μπουτ Σουκάρ Ζωή για Πάντα!, μάθημας 46, σημείος 4. Οτθέ υπαρχίντιβελα ο βίντεος Ντεν Τουμαρέ Δώρα κο Ντεβέλ, σο ατσσικιαρέλα τριν λεπτά.

ΙΣΙΝΕΝ ΕΤΟΙΜΟΙ ΤΙ ΑΦΙΕΡΩΝΤΙΒΕΝ ΝΤΑ ΤΙ ΜΠΟΛΝΤΙΟΝ;

9. Σόσκε εκ τζενό δεν πρέπει τι πιέντιβελ για τι αφιερώντιβελ;

⁹ Μπέκιμ νιωθίνενα ότι να ισινέν έτοιμοι τι αφιερώντιβεν ντα τι μπολντιόν. Μπέκιμ χρειαζίντιβελα τι κερέν αλλαγές τουμαρέ ζωγιάτε για τι ακολουθίνεν σαρέ ο εντολές ι Ιεχωβάσκε. Ή μπέκιμ χρειαζίντιβενα πο μπουτ σαάτι για τι μπαριαρέν τουμαρί πίστη. (Κολ. 2:6, 7) Να κερένα σαρέ ο τζενέ ι ίδια πρόοδος, ούτε σαρέ ο τερνέ ισί έτοιμοι τι αφιερώντιβεν ντα τι μπολντιόν κι ίδια ηλικία. Προσπαθίνεν τι αγαβέν καλά αλλαγές πρέπει τι κερέν, ντα μα συγκρίνεν τουμαρί πρόοδος με την πρόοδος εκχέ γιαβερέ τζενέσκι.—Γαλ. 6:4, 5.

10. Σο μπορίνενα τι κερέν άμα κα αγαβέν ότι να ισινέν ατζέκ έτοιμοι τι αφιερώντιβεν ντα τι μπολντιόν; (Ντικχέν ο πλαίσιος-ντα « Οντουλένγκε σο Μπαριόνα κι Αλήθεια»)

¹⁰ Ατζέ-ντα άμα αγαβένα ότι να ισινέν έτοιμοι τι αφιερώντιβεν κο Ιεχωβά, συνεχίνεν τι τθερέν ανταβά στόχος. Προσευχίντιβεν τι ευλογίνελ ο Ιεχωβά τουμαρέ προσπάθειες για τι κερέν ο αλλαγές σο πρέπει τι κερέν. (Φιλιπ. 2:13· 3:16) Τι αβέν σίγουροι ότι βοβ κα ασουνέλ τουμαρί προσευχή ντα κα απαντίνελ.—1 Ιωάν. 5:14.

ΣΟΣΚΕ ΜΕΡΙΚΟΙ ΣΑΚΙΝΤΙΝΕΝΑ

11. Σαρ κα βοηθίνελ-αμέν ο Ιεχωβά τι ατσσάς πιστοί λέστε;

¹¹ Μερικά τζενέ σο ισί έτοιμα τι αφιερώντιβεν ντα τι μπολντιόν συνεχίνενα τι σακιντίνεν. Μπέκιμ πουτσένα-πες: “Σο κα αβέλ-πες άμα πο σοράν κα κεράβ εκ μπαρί αμαρτία ντα κα χαβ αποκοπή;” Άμα νταρένα ανταλέ πραγμάσταρ, τι αβέν σίγουροι ότι ο Ιεχωβά κα ντελ-τουμέν σο-ντα χρειαζίντιβενα για τι «τζουβντιόν τροπόσαρ σο ισί σωστός [λέσκε] για τι κερέν-λες τι χαιρίνελ σαρέ κο πράγματα». (Κολ. 1:10) Επίσης, κα ντελ-τουμέν ι ζορ τι κερέν ο σωστός. Ο Ντεβέλ βοηθιντάς μπουτέ τζενέν τι κερέν ο σωστός. (1 Κορ. 10:13) Άκ’ σόσκε νανέ μπουτ ο τζενέ σο χάνα αποκοπή. Ο Ιεχωβά βοηθίνελα πι υπηρετόν τι ατσσόν πιστοί.

12. Σο μπορίνασα τι κεράς για μα τι περάς σε εκ σοβαρή αμαρτία;

¹² Κάθε ατελής τζενό τζάλα κο πειρασμός  τι κερέλ λάθος πράγματα. (Ιακ. 1:14) Όμως, μπορίνενα τι τραμπίνεν σο κα κερέν κάνα κα τζαν κο πειρασμός. Τελικά, τουμαρέ βαστέστε ισί τι αποφασίνεν σαρ κα τζουβντιόν. Μερικά τζενέ βακερένα ότι να μπορίνασα τι κεράς κουμάντος ο πράγματα σο νιωθίνασα ντα κεράσα. Αλλά ανταβά ισί ψέμας. Μπορίνενα τι κερέν κουμάντος ο λάθος επιθυμίες σο τθερένα. Ατζέ-ντα άμα κα τζαν κο πειρασμός, μπορίνενα τι τραμπίνεν μα τι κερέν κάτι μπέτι. Για τι καταφερίνεν-λες ανταβά, τι προσευχίντιβεν κάθε ντιβές. Τι τθερέν εκ λατσσό πρόγραμμας για τι σικλιαρέν-τουμέν κατά Λάφι ι Ντεβλέσκο. Τι τζαν κο συναθροίσεις. Τι κερέν λάφι οντουλένγκε σο πακιάνα κο γιαβερά. Άμα κα κερέν ανταλά πράγματα συνέχεια, ανταβά κα ντελ-τουμέν ι ζορ τι τζουβντιόν αντικάς σαρ βακερντέν κι αφιέρωση σο κερντέν κο Ιεχωβά. Ντα μα μπιστρέν ποτές ότι ο Ιεχωβά κα βοηθίνελ-τουμέν τι κερέν-λες ανταβά.—Γαλ. 5:16.

13. Σόσκε ο Ιωσήφ ισί λατσσό παράδειγμας αμένγκε;

¹³ Άμα αποφασιντέν από πριν σο κα κερέν κάνα κα αβέλ ανγκλά-τουμέντε εκ πειρασμός, κα αβέλ πο εύκολος τι τζουβντιόν αντικάς σαρ βακερντέν κι αφιέρωση σο κερντέν. Η Γραφή βακερέλα αμένγκε τζενένγκε σο μάλλον κερντέ-λες ανταβά, παρόλο σο βον-ντα ισινέ ατελείς. Για παράδειγμας, η ρομνί ι Πετεφρίσκι προσπαθιντάς μπουτ φαρ τι κερέλ ι Ιωσηφίς τι σοβέλ λάσαρ. Αλλά βοβ ισινέ σίγουρος σο έπρεπε τι κερέλ. Η Γραφή βακερέλα αμένγκε ότι βοβ “να ασουνέλας-λα” ντα βακερντάς: «Σαρ κα μπορίναβας τι κεράβ ανταβά μπουτ μπέτι πράγμας ντα αντικάς τι τζαβ κόντρα κο Ντεβέλ;» (Γέν. 39:8-10) Ισί ξεκάθαρος ότι ο Ιωσήφ τζανέλας σο έπρεπε τι κερέλ πριν ατζέκ βόι τι προσπαθίνελ τι τσσουβέλ-λες κο πειρασμός. Οτθάρ, κάνα ο πειρασμός αβιλό, ισινέ πο εύκολος λέσκε τι κερέλ ο σωστός.

14. Σαρ μπορίνασα τι σικλιάς τι βακεράς όχι κι αμαρτία;

¹⁴ Σαρ μπορίνενα τι μοιάζεν κο Ιωσήφ ντα τι ατσσόν πιστοί κο Ιεχωβά κάνα κα αβέλ ανγκλά-τουμέντε εκ πειρασμός; Μπορίνενα τι αποφασίνεν ακανά σο κα κερέν άμα κα αβέλ εκ πειρασμός. Σικλιόν τι βακερέν αμέσως όχι κο πράγματα σο μισίνελα ο Ιεχωβά, ντα μα τσσουβέν-τουμέν ατζέ-ντα κι διαδικασία τι μπεσέν ντα τι σκεφτίνεν-λεν. (Ψαλμ. 97:10· 119:165) Ανταλέ τροπόσαρ, να κα αμαρτίνεν κάνα κα τζαν κο πειρασμός. Κα τζανέν  από πριν σο τι κερέν. Λιντέν ήδη τουμαρί απόφαση.

15. Σαρ μπορίνελα εκ τζενό τι σικαβέλ ότι “ρόντελα αντράλ πι γκίσαρ” τι αρακχέλ ι Ιεχωβάς; (Εβραίους 11:6)

¹⁵ Τουμέν μπέκιμ τζανένα ότι αρακχλέν ι αλήθεια ντα ότι μανγκένα τι υπηρετίνεν ι Ιεχωβάς σαρέ τουμαρέ γκίσαρ. Αλλά πάλι κάτι κερέλα-τουμέν τι σακιντίνεν τι αφιερώντιβεν ντα τι μπολντιόν. Μπορίνενα τι μοιάζεν κο βασιλιάς Δαβίδ, ντα τι μολίνεν ι Ιεχωβάς: «Ντικχ ντιπ αντρέ μάντε, Ντέβλα, ντα σίκλιουβ μο γκι. Ρόντε αντρέ μάντε ντα σίκλιουβ ο σκέψεις σο κερένα-μαν τι ανησυχίναβ. Ντικχ άμα ισί κάτι αντρέ μάντε σο τσσίντελα-μαν γκεραλέ ντρομέστε ντα γκερ-μαν κο ντρομ σο ατσσόλα για πάντα». (Ψαλμ. 139:23, 24) Ο Ιεχωβά ευλογίνελα οντουλέν σο «ρόντενα σαρέ πουμαρέ γκίσαρ τι αρακχέν-λες». Επειδή τουμέν κερένα προσπάθειες για τι πετυχίνεν ο στόχος σο τθερένα τι αφιερώντιβεν ντα τι μπολντιόν, ανταβά σικαβέλα κο Ιεχωβά ότι ρόντενα λέσκε.—Διαβάνεν Εβραίους 11:6.

ΣΥΝΕΧΙΝΕΝ ΤΙ ΤΖΑΝ ΠΑΣΕ ΚΟ ΙΕΧΩΒΑ

16, 17. Σαρ ταρτίνελα ο Ιεχωβά οντουλέν σο μπαριόνα κι αλήθεια; (Ιωάννης 6:44)

¹⁶ Ο Ιησούς βακερντάς ότι λέσκε μαθητέν ταρτίνελα-λεν πασέ πέστε ο Ιεχωβά. (Διαβάνεν Ιωάννης 6:44) Σκεφτίνεν καζόμ σουκάρ ισί ανταβά ντα σο μανγκέλα τι βακερέλ τουμένγκε. Ο Ιεχωβά ντικχέλα κάτι λατσσό κο κάθε τζενό σο ταρτίνελα πασέ πέστε. Ο Ιεχωβά “λέλα πέσκε” κάθε ασακέ τζενές, ντα ισί λέσκε σαρ πολύτιμος θησαυρός. (Δευτ. 7:6) Αντικάς νιωθίνελα τουμένγκε-ντα.

¹⁷ Μπέκιμ όμως τι αβέν τερνέ σο μπαριόνα κι αλήθεια. Μπέκιμ νιωθίνενα ότι απλώς ακολουθίνενα τουμαρέ νταντές ντα τουμαρέ νταγιά. Όμως, η Γραφή βακερέλα: «Τζαν πασέ κο Ντεβέλ, ντα βοβ κα αβέλ πασέ τουμέντε». (Ιακ. 4:8· 1 Χρον. 28:9) Κάνα τουμέν κερένα ο πρώτος βήμας για τι τζαν πασέ κο Ντεβέλ, βοβ αβέλα πασέ τουμέντε. Ο Ιεχωβά να ντικχέλα-τουμέν απλώς σαρ τι αβένας ο τσσαβό ι τάδε φαμιλιάκο. Ταρτίνελα ι κάθε εκχέ τζενές ξεχωριστά, εμ ι κάθε εκχές σο μπαριόλα κι αλήθεια. Κάνα εκ ασακό τζενό κερέλα ο πρώτος βήμας για τι τζαλ πασέ κο Ιεχωβά, Βοβ αβέλα πασέ λέστε, σαρ ντικχλάμ κο εδάφιος Ιακώβου 4:8.—Ντικχέν 2 Θεσσαλονικείς 2:13.

18. Σο κα ντικχάς κο γιαβέρ μάθημας; (Ψαλμός 40:8)

¹⁸ Κάνα αφιερώντιβενα κο Ιεχωβά ντα μπολντιόνα, μοιάζενα κο Ιησούς. Βοβ βακερντάς πι Νταντέσκε ότι κα κερέλας αντράλ πι γκίσταρ σο-ντα κα μανγκέλας λέσταρ. (Διαβάνεν Ψαλμός 40:8· Εβρ. 10:7) Κο γιαβέρ μάθημας, κα ντικχάς σο κα βοηθίνελ-τουμέν τι συνεχίνεν τι υπηρετίνεν ι Ιεχωβάς πιστά σοράν τουμαρέ μπολντιμάσταρ.