«Τι Κινές ι Αλήθεια ντα μα τι Μπικινές-λα Ποτές»
«Τι κινές ι αλήθεια ντα μα τι μπικινές-λα ποτές. Επίσης, τι κινές ι σοφία, ι διόρθωση ντα ι ικανότητα τι αγαβές».—ΠΑΡΟΙΜΙΕΣ 23:23.
ΥΜΝΟΙ: 37, 114
1, 2. (α) Καβά ισί ο πιο σημαντικός πράγμας τουμαρέ ζωγιάτε; (β) Καλά αλήθειες ισί αμένγκε σημαντικές, ντα σόσκε; (Ντικχ ο φωτογραφίες σο ισί κι αρχή)
ΚΑΒΑ ισί ο πιο σημαντικός πράγμας τουμαρέ ζωγιάτε; Σαρ λαός ι Ιεχωβάσκο, ο πιο σημαντικός πράγμας σο τθεράσα ισί αμαρί φιλία λέσαρ. Ποτές να κα μουκχάας-λα για τι λας κάτι γιαβέρ. Επίσης, εκτιμίνασα μπουτ ι αλήθεια ι Γραφιάκι, επειδή βοηθίνελα-αμέν τι αβάς αμαλά ι Ιεχωβάσαρ.—Κολοσσαείς 1:9, 10.
2 Ο Ιεχωβά ισί αμαρό Μπαρό Εκπαιδευτής, σο σικλιαρέλα-αμέν αντράλ πι Λαφίσταρ, κατά Αγία Γραφή, μπουτ αλήθειες σο ισί σημαντικές. Σικλιαρέλα-αμέν καζόμ σημαντικός ισί λέσκο ναβ ντα βακερέλα αμένγκε για το σουκάρ ιδιότητες σο τθερέλα. Βακερέλα αμένγκε ότι μανγκέλα-αμέν αζόμ μπουτ σο ντινάς πι αγαπημέ Τσσαβές αμένγκε. Ο Ιεχωβά σικλιαρέλα-αμέν για τη Μεσσιανική Βασιλεία. Ντέλα-αμέν ελπίδα για το μέλλον, είτε κο ουρανός ι χρισμέ τζενένγκε είτε κο Παράδεισος κι πφουβ “ι γιαβερέ μπρακένγκε”. (Ιωάννης 10:16) Ο Ιεχωβά σικλιαρέλα-αμέν σαρ πρέπει τι τζουβντιάς. Ανταλά αλήθειες ισί αμένγκε σαρ θησαυρός επειδή βοηθίνενα-αμέν τι πλησιάνας αμαρέ Δημιουργός ντα ντένα νόημας αμαρέ ζωγιάτε.
3. Μήπως ο Ιεχωβά μανγκέλα αμένταρ τι ντας λοβέ για τι σικλιάς ι αλήθεια;
3 Ο Ιεχωβά ισί εκ Ντεβέλ σο ντέλα αντράλ πι γκίσταρ. Ντινάς ατζέ-ντα πι Τσσαβές αμένγκε. Κάνα ο Ιεχωβά ντικχέλα ότι κάποιος ρόντελα ι αλήθεια, βοηθίνελα οντουλέ τζενές τι αρακχέλ-λα. Ποτές να κα μανγκέλας αμένταρ τι ντας λοβέ για τι σικλιάς ι αλήθεια. Εκ φαρ, εκ μουρς σο βακερένας λέσκε Σίμων μανγκέλας τι ντελ κο απόστολος Πέτρος λοβέ για τι λελ ι εξουσία τι ντελ άγιος πνεύμας κο γιαβερά. Ο Πέτρος εξηγιντάς λέσκε ότι ο τρόπος σο σκεφτίνελας ισινέ λάθος ντα βακερντάς: «Το ασήμι τι χασάρντιβελ γιεκ τούσαρ, σόσκε αμντισάλαν ότι ι λοβέντζαρ μπορίνεσα τι λες ο δώρος ι Ντεβλέσκο». (Πράξεις 8:18-20) Άρα, σο μανγκέλα τι βακερέλ τι “κινάς ι αλήθεια”;
ΣΟ ΜΑΝΓΚΕΛΑ ΤΙ ΒΑΚΕΡΕΛ ΤΙ “ΚΙΝΑΣ Ι ΑΛΗΘΕΙΑ”;
4. Σο κα σικλιάς ανταλέ μαθημάστε για την αλήθεια;
4 Διαβάνεν Παροιμίες 23:23. Χρειαζίντιβελα προσπάθεια για τι σικλιάς ι αλήθεια ι Γραφιάκι. Χρειαζίντιβελα τι μουκχάς γιαβερά πράγματα για τι λας-λα. Ντα αφού κα “κινάς ι αλήθεια”, ή γιαβέρτουλους κα σικλιάς ι αλήθεια, πρέπει τι προσοχίνας μα τι “μπικινάς-λα”, ή γιαβέρτουλους μα τι μουκχάς-λα. Σαρ “κινάσα” ι αλήθεια ι Γραφιάκι; Καζόμ κερέλα; Ο απαντήσεις ανταλέ ερωτησιέντε κα βοηθίνεν-αμέν τι εκτιμίνας ι αλήθεια ατζέ πιο μπουτ ντα τι αβάς πιο αποφασισμέ μα τι μουκχάς-λα ποτές. Κα αγαβάς σόσκε η αλήθεια ι Ιεχωβάσκι αξίνελα πιο μπουτ σαρέ κατά γιαβερά πράγματα.
5, 6. (α) Σαρ μπορίνασα τι κινάς ι αλήθεια χωρίς τι ντας λοβέ; Βακερέν εκ παράδειγμας. (β) Σαρ κερέλα αμένγκε λατσσιπέ η αλήθεια;
5 Ατζέ-ντα εκχέ πραγμάσκε σο μπορίνασα τι λας-λες χωρίς τι ποκινάς μπορεί τι χρειαζίντιβελα τι ντας κάτι. Ο εβραϊκός λάφι σο μεταφράντιβελα «κινάβα» κο εδάφιος Παροιμίες 23:23 μπορεί επίσης τι μανγκέλα τι βακερέλ «κεράβα κάτι μιρό». Ο ντούι-ντα λάφια σικαβένα ότι εκ τζενό κερέλα προσπάθεια ή ντέλα κάτι για τι λελ εκ πράγμας σο ισί σημαντικός λέσκε. Για τι αγαβάς σαρ κα μπορίναας τι κινάς ι αλήθεια, βακερέν ότι εκχέ αγοράτε μπορίνασα τι λας μπανάνες χωρίς τι ποκινάς. Μπορίνασα τι μπεκλεντίνας ότι ο μπανάνες κα αβέν αμαρέ τραπεζίστε κορκορέ; Όχι. Πρέπει τι τζας κι αγορά για τι λας-λεν. Άρα, παρόλο σο να χρειαζίντιβελα τι ντας λοβέ ι μπανανένγκε, πρέπει τι κεράς προσπάθεια για τι λας-λεν. Αντικάς με την αλήθεια-ντα, να χρειαζίντιβασα λοβέ για τι σικλιάς-λα, αλλά πρέπει τι κεράς προσπάθειες ντα θυσίες.
6 Διαβάνεν Ησαΐας 55:1-3. Ανταβά σο βακερντάς ο Ιεχωβά βοηθίνελα-αμέν τι αγαβάς σο μανγκέλα τι βακερέλ τι κινάς ι αλήθεια. Ανταλέ εδαφιόντε, ο Ιεχωβά μοιασκιαρέλα ο λάφια ι αληθειάκε ι πανίσαρ, ι τθουντέσαρ ντα ι μολιάσαρ. Σαρ ο σουρντό πανί λοκχιαρέλα εκχέ τζενές σο μερέλα πανίσκε, αντικάς η αλήθεια-ντα λοκχιαρέλα αμαρό γκι. Ντα σαρ ο τθουτ ντέλα ζορ εκχέ χουρντέστε, η αλήθεια ι Γραφιάκι κερέλα αμαρί φιλία ι Ιεχωβάσαρ πιο ζουρανί. Ο Ιεχωβά μοιασκιαρέλα πο λάφια ι μολιάσαρ-ντα. Σόσκε; Η Γραφή βακερέλα ότι η μολ ντέλα χαρά κο τζενέ. (Ψαλμός 104:15) Άρα, κάνα ο Ιεχωβά βακερέλα αμένγκε τι “κινάς μολ” σικαβέλα αμένγκε ότι κάνα κεράσα αμαρέ ζωγιάτε οντουλά σο βακερέλα, κα τθεράς χαρά. (Ψαλμός 19:8) Ο Ιεχωβά βακερέλα ανταλά λάφια για τι βοηθίνελ-αμέν τι αγαβάς καζόμ λατσσό ισί αμένγκε τι σικλιάς ι αλήθεια ντα τι ακολουθίνας-λα αμαρέ ζωγιάτε. Ακανά κα ντικχάς παντς πράγματα σο μπορεί τι χρειαζίντιβελ τι μουκχάς για τι κινάς ι αλήθεια.
ΤΟΥΜΕΝ, ΣΟ ΜΟΥΚΧΛΕΝ ΓΙΑ ΤΙ ΚΙΝΕΝ Ι ΑΛΗΘΕΙΑ;
7, 8. (α) Σόσκε χρειαζίντιβελα χρόνος για τι σικλιάς ι αλήθεια; (β) Σο θυσίες κερντάς εκ τερνί σο κερέλας μελέτη, ντα καβά ισινέ ο αποτέλεσμας;
7 Χρόνος. Χρειαζίντιβελα χρόνος για τι ασουνέλ εκ τζενό ο αμπέρια ι Βασιλειάκε, τι διαβάνελ ι Γραφή ντα ο έντυπα, τι κερέλ μελέτη, τι προετοιμάντιβελ αμαρέ συναθροισιένγκε ντα τι παρακολουθίνελ-λεν. Για τι κεράς σαρέ ανταλά πράγματα, πρέπει τι λας χρόνος γιαβερέ πραγματένταρ σο νανέ αζόμ σημαντικά. (Διαβάνεν Εφεσίους 5:15, 16 ντα υποσημείωση) Καζόμ χρόνος χρειαζίντιβασα για τι σικλιάς ο βασικές αλήθειες ι Γραφιάκε; Ανταβά ισί διαφορετικός ι κάθε τζενέσκε. Να υπαρχίντιβενα όρια οντουλέντε σο μπορίνασα τι σικλιάς για τη σοφία ι Ιεχωβάσκι, λέσκε ντρομέσκε ντα ι πραγματένγκε σο κερντάς. (Ρωμαίους 11:33) Η πρώτη Σκοπιά μοιασκιαρντάς ι αλήθεια με «εκ ταπεινός λουλουδάκι» ντα βακερντάς: «Μα τι ερεσέλ-τουμέν εκ λουλούδι. Άμα κα ερεσέλας σάντε εκ τανό, να κα υπαρχίντιβενας γιαβερά. Μα τσσιναβέν τι γκίντεν ντα τι ρόντεν ασακέ λουλούδια». Κα μπορίναας τι σκεφτίνας: “Καζόμ πράγματα σικλιλόμ με ι Ιεχωβάσκε;” Ατζέ-ντα άμα κα τζουβντιάς για πάντα, ποτές να κα τσσιναβάς τι σικλιάς πιο μπουτ ι Ιεχωβάσκε. Αλλά αντιβές, ισί σημαντικός τι χρησιμοποιήνας αμαρό χρόνος για τι σικλιάς καζόμ πιο μπουτ πράγματα μπορίνασα. Για τι ντικχάς ο παράδειγμας εκχέ τερνιάκο σο κερντάς-λες ανταβά.
Ισί σημαντικός τι χρησιμοποιήνας αμαρό χρόνος για τι σικλιάς καζόμ πιο μπουτ πράγματα μπορίνασα ι Ιεχωβάσκε
8 Εκ τερνί κατά Ιαπωνία, η Μάρικο, * (ντικχ ι υποσημείωση) γκιλί κο Ηνωμένες Πολιτείες για τι σπουδάνελ κι Νέα Υόρκη. Εκ ντιβές, εκ σκαπάνισσα βακερντάς λάκε ο λατσσέ αμπέρια λάκε κχερέστε. Η Μάρικο τθερέλας πιρί θρησκεία, αλλά αρχισάλι τι κερέλ μελέτη ι πφενιάσαρ. Μπεϊντίνελας οντουλά σο σικλιόλας αζόμ μπουτ, σο μανγκλάς κατά σκαπάνισσα τι κερέν μελέτη ντούι φαρ κι εβδομάδα. Παρόλο σο η Μάρικο ισινέ μπουτ απασχολημέ ι πραγματέντζαρ σο κερέλας κι σχολή ντα πι μπουτιάσαρ, αρχισάλι αμέσως τι τζαλ κο συναθροίσεις. Χαλαβέλας πιο χάνικ σαάτι κι διασκέδαση για τι τθερέλ πιο μπουτ χρόνος τι σικλιόλ ι αλήθεια. Επειδή κερντάς ανταλά θυσίες, πλησιαντάς ατζέ πιο μπουτ ι Ιεχωβάς ντα αντρέ σε εκ μπρες μπολντιλί. Σιοβ μάσεκ πιο σοράν, κο 2006, αρχισάλι ο σκαπανικός ντα συνεχίνελα-λες μέχρι αντιβές.
9, 10. (α) Σαρ επηρεάντιβελα αμαρί άποψη για το υλικά πράγματα κάνα σικλιάσα ι αλήθεια; (β) Σο μουκχλάς εκ τερνί, ντα σαρ νιωθίνελα ανταλέσκε;
9 Υλικά πράγματα. Για τι σικλιάς ι αλήθεια, μπορεί τι χρειαζίντιβελ τι μουκχάς εκ λατσσί μπουτί σο κα νικαβάς λάταρ Ματθαίος 4:18-20) Ανταβά να μανγκέλα τι βακερέλ ότι κάνα σικλιόνα ι αλήθεια πρέπει τι μουκχέν τουμαρί μπουτί. Εκ τζενό πρέπει τι κερέλ μπουτί ντα τι φροντίνελ πι φαμιλί. (1 Τιμόθεο 5:8) Όμως, κάνα σικλιόνα ι αλήθεια, αλλάνελα ο τρόπος σο ντικχένα ο υλικά πράγματα. Αγαβένα σο ισί πραγματικά σημαντικός τουμαρέ ζωγιάτε. Ο Ιησούς βακερντάς: «Μα γκίντεν τουμαρέ νεαυτόσκε θησαυρούς κι πφουβ». Αλλά βακερντάς: «Τι γκίντεν τουμαρέ νεαυτόσκε θησαυρούς κο ουρανός». (Ματθαίος 6:19, 20) Ανταβά κερντάς εκ τερνί, η Μαρία.
μπουτ λοβέ ή σο κα ανέλ αμένγκε επιτυχία ανταλέ ντουνιάστε. Για παράδειγμας, ο Πέτρος ντα ο Ανδρέας ισινέ ψαράδες, αλλά κάνα ο Ιησούς βακερντάς λένγκε τι αβέν λέσκε μαθητές, μουκχλέ πουμαρί μπουτί. (10 Η Μαρία μπεϊντίνελας τι κχελέλ γκολφ χουρντιαρέλα. Κο λύκειος, κχελέλας αζόμ λατσσές σο ντινέ-λα ι ευκαιρία τι σπουδάνελ πιο σοράν χωρίς τι ποκινέλ. Ο στόχος σο τθερέλας η Μαρία πι ζωγιάτε ισινέ τι αβέλ ο γκολφ λάκι μπουτί ντα τι νικαβέλ μπουτ λοβέ. Αζομάν όμως αρχισάλι μελέτη. Μπεϊντίνελας μπουτ οντουλά σο σικλιόλας ντα αρχισάλι τι κερέλ-λεν πι ζωγιάτε. Βόι βακερντάς: «Καζόμ πιο μπουτ μουκχάβας ο κανόνες ι Γραφιάκε τι αλλάνεν ο τρόπος σο σκεφτίναβας ντα τζουβντιάβας, αζόμ πιο ευτυχισμέ αβάβας». Η Μαρία αγαντάς ότι ισινέ δύσκολος κι ίδια στιγμή εμ τι τσσουβέλ πρώτα πι φιλία ι Ιεχωβάσαρ εμ τι τθερέλ επιτυχία ανταλέ ντουνιάστε. (Ματθαίος 6:24) Οτθάρ, αποφασιντάς τι μουκχέλ ο στόχος σο τθερέλας τι αβέλ ο γκολφ λάκι μπουτί για τι κερέλ κάτι πιο λατσσό. Αντιβές, ισί σκαπάνισσα ντα βακερέλα ότι τθερέλα «ι πιο ευτυχισμέ ντα πφερντί ζωή σο υπαρχίντιβελα».
Ο Ιησούς ντινάς πο λάφι ότι καζόμ-ντα πράγματα τι μουκχάς για τι τθεράς ι αλήθεια, κα λας παλάλ πιο μπουτ
11. Κάνα σικλιάσα ι αλήθεια, σο μπορεί τι αβέλ-πες κο σχέσεις αμαρέ αμαλέντζαρ ντα αμαρέ τζενέντζαρ;
11 Σχέσεις ι γιαβερέντζαρ. Κάνα αρχίνασα τι κεράς οντουλά σο σικλιάσα κατά Γραφή, ο σχέσεις αμαρέ αμαλέντζαρ ντα αμαρέ τζενέντζαρ μπορεί τι αλλάνεν. Ο Ιησούς βοηθιντάς-αμέν τι αγαβάς σόσκε μπορεί τι αβέλ-πες ανταβά κάνα προσευχίντιλο πι μαθητένγκε: «Τι λαφίσαρ άγιανε-λεν, σόσκε το λάφι ισί μπαγιά». (Ιωάννης 17:17· υποσημείωση) Ο λάφι «άγιανε-λεν» μπορεί τι μανγκέλα τι βακερέλ επίσης «ξεχώρινε-λεν». Κάνα αρχίνασα τι ακολουθίνας ι αλήθεια αμαρέ ζωγιάτε, ξεχωρίνασα κατά ντουνιάς επειδή κεράσα ο κανόνες ι Γραφιάκε. Παρόλο σο προσπαθίνασα τι τθεράς λατσσέ σχέσεις αμαρέ αμαλέντζαρ ντα αμαρέ τζενέντζαρ, κάποιοι μπορεί μα τι μανγκέν-αμέν σαρ ανγκλέ ντα μπορεί ατζέ-ντα τι τζαν αμέντζαρ κόντρα οντουλένγκε σο πακιάσα. Ανταβά να κερέλα αμένγκε εντύπωση. Ο Ιησούς βακερντάς: «Ο ντουσμάνια ι τζενέσκε κα αβέν αντράλ λέσκε φαμιλιάταρ». (Ματθαίος 10:36) Αλλά ο Ιησούς ντινάς πο λάφι ότι καζόμ-ντα πράγματα τι μουκχάς για τι τθεράς ι αλήθεια, κα λας παλάλ πιο μπουτ!—Διαβάνεν Μάρκος 10:28-30.
12. Σο μουκχλάς εκ Εβραίος για τι αβέλ κι αλήθεια;
12 Χουρντιαρέλα, εκ Εβραίος, ο Άαρον, σικλιλόας ότι δεν πρέπει τι βακερέλ ο ναβ ι Ντεβλέσκο. Αλλά μανγκέλας τι σικλιόλ ι αλήθεια ι Ντεβλέσκε. Εκ ντιβές, εκ Μάρτυρας σικαντάς λέσκε ότι, άμα κα τσσουβέλας φωνήεντα κο σταρ εβραϊκά σύμφωνα σο τθερέλα ο ναβ ι Ντεβλέσκο, κα μπορίνελας τι βακέρντιβελ «Ιεχωβά». Ο Άαρον ενθουσιασάλο σο σικλιλό-λες ανταβά ντα γκιλό κι συναγωγή για τι βακερέλ-λες κο παπάζια! Αμντίνελας ότι κα χαιρίνενας τι σικλιόν ι αλήθεια ι Ντεβλέσκε ναβέσκε, όμως να χαιρισάλε. Τσσουνγκιαρντέ-λες ντα φουρτιντέ-λες αβρί. Λέσκι φαμιλί-ντα γκιλί λέσαρ κόντρα. Όμως, να μουκχλάς ανταλά πράγματα τι τσσιναβέν-λες τι σικλιόλ πιο μπουτ πράγματα ι Ιεχωβάσκε. Ο Άαρον αβιλό Μάρτυρας ι Ιεχωβάσκο ντα υπηρετιντάς πιστά ι Ιεχωβάς σαρί πι ζωή. Αμέν-ντα μπορίνασα τι μπεκλεντίνας ότι ο σχέσεις σο τθεράσα ι γιαβερέντζαρ μπορεί τι αλλάνεν κάνα σικλιάσα ι αλήθεια.
13, 14. Σο αλλαγές πρέπει τι κεράς κο τρόπος σο σκεφτίνασα ντα κο πράγματα σο κεράσα κάνα σικλιάσα ι αλήθεια; Βακερέν εκ παράδειγμας.
13 Μαγαριμέ σκέψεις ντα πράγματα. Κάνα σικλιάσα ι αλήθεια ντα αρχίνασα τι κεράς οντουλά σο βακερέλα η Γραφή, πρέπει τι αβάς έτοιμοι τι κεράς αλλαγές κο τρόπος σο σκεφτίνασα ντα κεράσα κάποια πράγματα. Ο απόστολος Πέτρος γραφιντάς: «Σαρ τσσαβέ σο ντένα καν, μα επηρεάντιβεν κατά πράγματα σο μανγκένας αζομάν σο να τζανένας λέσκε». Σοράν βακερντάς: «Τι αβέν τουμέν-ντα άγιοι σαρέ κο πράγματα σο κερένα». (1 Πέτρου 1:14, 15) Κο πουρανέ μπρεσά, μπουτ τζενέ κι Κόρινθος κερένας λουμνικανέ πράγματα. Κον μπεσέλας οτθέ έπρεπε τι κερέλ μπαρέ αλλαγές για τι αβέλ πάκι κι Ιεχωβάσκε γιακχά. (1 Κορινθίους 6:9-11) Αντιβές, μπουτ τζενέ κερένα ασακέ αλλαγές κάνα σικλιόνα ι αλήθεια. Ο Πέτρος σικαντάς-λες ανταβά κάνα γραφιντάς: «Για μπουτ καιρός τουμέν κερένας οντουβά σο κερένα ο τζενέ κατά γιαβερά τθεμά, κερένας μπίλατζανε πράγματα ντα ο μπέτι πράγματα σο μανγκέλα μπουτ ο σώμας, ματιόνας, γλεντίνενας χωρίς όρια, τσσουβένας κόντρα κο πιπέ ντα πακιάνας ψεύτικε ντεβλέντε».—1 Πέτρου 4:3.
14 Για μπουτ μπρεσά, ο Ντέβιν ντα η Τζάσμιν ματιόνας. Παρόλο σο ο Ντέβιν ισινέ λατσσό λογιστής, ο πιπέ να μουκχέλας-λες τι ατσσόλ καέκ μπουτιάτε. Ντα σαρέ τζανένας ότι η Τζάσμιν χολιάνελας ντα χάλας-πες μπουτ. Εκ ντιβές σο ισινέ ματί, αρακχλάς κο ντρομ ντουέ ιεραποστολόν. Βακερντέ λάκε τι κερέν μελέτη. Αλλά κάνα γκιλέ λένγκε κχερέστε ι γιαβέρ εβδομάδα, εμ η Τζάσμιν εμ ο Ντέβιν ισινέ ματέ. Να μπεκλεντίνενας ότι ο ιεραπόστολοι κα ενδιαφερίντιβενας αζόμ μπουτ σο κα τζάνας λένγκε κχερέστε. Ο πράγματα όμως ισινέ διαφορετικά ι γιαβέρ φαρ. Η Τζάσμιν ντα ο Ντέβιν μανγκένας μπουτ τι σικλιόν ι αλήθεια ντα αρχισάλε σουγκό τι κερέν οντουλά σο σικλιόνας. Αντρέ σε τριν μάσεκ, τσσιναντέ ο πιπέ ντα σοράν παντρισάλε νόμιμα. Μπουτ τζενέ λένγκε γκαβέστε ντικχλέ ο αλλαγές σο κερντάς η Τζάσμιν ντα ο Ντέβιν, ντα αρχισάλε βον-ντα τι κερέν μελέτη.
15. Καγιά μπορεί τι αβέλ εκ κατά πιο δύσκολες αλλαγές σο χρειαζίντιβελα τι κεράς για την αλήθεια, ντα σόσκε;
15 Έθιμα ντα συνήθειες σο να μανγκέλα ο Ντεβέλ. Εκ κατά πιο δύσκολες αλλαγές σο πρέπει τι κεράς ισί τι μουκχάς ο έθιμα ντα ο συνήθειες σο να μανγκέλα ο Ιεχωβά. Μερικοί παρόλο σο σικλιόνα σαρ νιωθίνελα ο Ιεχωβά ανταλέ πραγματένγκε, ισί λένγκε δύσκολος τι Δευτερονόμιο 14:1) Άρα, σο μπορίνελα τι βοηθίνελ-αμέν τι κεράς ο αλλαγές σο χρειαζίντιβελα; Μπορίνασα τι σικλιάς κατά λατσσέ παραδείγματα ι τζενένγκε κο πουρανέ μπρεσά, σαρ ο πρώτοι Χριστιανοί κι Έφεσος, σο κερντέ αλλαγές κάνα σικλιλέ ι αλήθεια.
τσσιναβέν-λεν. Σκεφτίνενα σαρ κα αντιδράνελ λένγκι φαμιλί, ο τζενέ σο κερένα λέντζαρ μπουτί ή λένγκε αμαλά. Τζανένα ότι ι τζενένγκε ισί μπουτ σημαντικά μερικά έθιμα, σαρ ο πράγματα σο κερένα ι μουλένγκε. (16. Καγιά θυσία κερντέ κάποιοι κι Έφεσος;
16 Κο πουρανέ μπρεσά, μπουτ τζενέ κι Έφεσος ασχολίντιβενας με τη μαγεία. Σο κερντέ οντουλά τζενέ κάνα αβιλέ Χριστιανοί; Η Γραφή βακερέλα: «Μπουτ οντουλένταρ σο ασχολίντιβενας πραγματέντζαρ σο τθερένας τι κερέν με τη μαγεία γκιντιντέ πουμαρέ βιβλία ντα πφαμπαρντέ-λεν ανγκλάλ σαριλέντε. Ντα υπολογιντέ λένγκι αξία ντα αρακχλέ ότι κερένας 50.000 ασημένια νομίσματα. Αντικάς, ο λάφι ι Ιεχωβάσκο αβγατίντιβελας ντα αβέλας πιο ζουρανό αντράλ κατά Ιεχωβάσκι ζορ». (Πράξεις 19:19, 20) Οντουλά πιστοί Χριστιανοί ισινέ έτοιμοι τι μουκχέν πουμαρέ πααλίς βιβλία, ντα ο Ιεχωβά ευλογιντάς-λεν ανταλέσκε.
Τουμέν σο θυσίες κερντέν για τι σικλιόν ι αλήθεια;
17. (α) Καλά ισί μερικά πράγματα σο μπορεί τι μουκχλάμ για τι αβάς κι αλήθεια; (β) Καλέ ερωτησιέντε κα απαντίνας κο γιαβέρ μάθημας;
17 Τουμέν σο θυσίες κερντέν για τι σικλιόν ι αλήθεια; Σαρέ ντινάμ αμαρό χρόνος. Κάποιοι αμένταρ θυσιαντάμ ο ευκαιρίες σο τθεράας τι αβάς χουλανέ. Ντα ο σχέσεις σο τθεράας μερικέ τζενέντζαρ μπορεί τι αλλαξάλε. Μπουτ αμένταρ αλλαντάμ ο τρόπος σο σκεφτίναας ντα κεράας κάποια πράγματα ντα μουκχλάμ έθιμα ντα συνήθειες σο να μανγκέλα ο Ιεχωβά. Αλλά ισινάμ σίγουροι ότι η αλήθεια ι Γραφιάκι αξίνελα πιο μπουτ σαρέ οντουλένταρ σο μουκχλάμ. Η αλήθεια ι Γραφιάκι βοηθίνελα-αμέν τι τθεράς εκ λατσσί φιλία ι Ιεχωβάσαρ, σο ισί ο πιο σημαντικός πράγμας αμαρέ ζωγιάτε. Κάνα σκεφτίνασα σαρέ ο ευλογίες σο τθεράσα επειδή τζανάσα ι αλήθεια, ναστί αγαβάσα σόσκε κάποιος κα μανγκέλας τι “μπικινέλ-λα”. Σαρ κα μπορίνελας τι αβέλ-πες ανταβά; Ντα σαρ μπορίνασα μα τι κεράς ποτές εκ ασακό λάθος; Κα απαντίνας ανταλέ ερωτησιέντε κο γιαβέρ μάθημας.
^ παρ. 8 Μερικά ναβά ανταλέ μαθημάστε αλλαξάλε.