Σαρ μπορίνενα τι ντικχέν πο μπαρό λατσσιπέ κάνα σικλιαρένα-τουμέν κατά Γραφή; Ο σημεία σο ισί πο τελέ μπορεί τι βοηθίνεν-τουμέν τι αβέν πο συγκεντρωμέ κάνα σικλιαρένα-τουμέν.

• Τραμπίνεν εκ λατσσό τθαν. Άμα αβέλα-πες, τραμπίνεν εκ τθαν σο ισί πάκι ντα τθερέλα φως. Κα μπορίνενας τι μπεσέν εκχέ γραφειόστε, εκχέ τραπεζίστε ή τι αρακχέν εκ τθαν αβρί σο κα μπορίνενας πο εύκολα τι διαβάνεν.

• Αρακχέν εκ τθαν σο κα αβέν κορκορέ. Ο Ιησούς τραμπίνελας τι προσευχίντιβελ «ντιπ πρωί» εκχέ τθανέστε σο κα αβέλας «κορκορό». (Μάρκ. 1:​35) Άμα να αβέλα-πες τι ατσσόν ντιπ κορκορέ, μπορίνενα κάνα ισί τι διαβάνεν τι βακερέν τουμαρέ φαμιλιάκε ή κο τζενέ σο μπεσένα λέντζαρ μα τι τσσιναβέν-τουμέν.

• Ατσσόν συγκεντρωμέ. Άμα χρησιμοποιήνενα ο τηλέφωνος ή ο τάμπλετ για τι διαβάνεν, τσσουβέν-λες κο αθόρυβος ή κι λειτουργία πτήσης. Άμα κα ντεν-τουμέν γκοντί κάτι γιαβέρ σο χρειαζίντιβελα τι κερέν, ατσσικιαρέν εκ σημείωση για τι κερέν-λες πο σοράν. Άμα δυσκολίντιβενα τι ατσσόν συγκεντρωμέ, κερέν εκ χουρντό διάλειμμας για τι ιστίν ντα τι πφιρέν.