1. Σόσκε μπορίνασα τι σικλιάς κατά πφουρέ;

 ΣΑΡΕ χρειαζίντιβασα βοήθεια για τι λας σημαντικές αποφάσεις αμαρέ ζωγιάτε. Μπουτ φαρ, μπορίνασα τι λας ανταγιά βοήθεια κατά πρεσβύτεροι ντα γιαβερέ πφραλένταρ σο ισί ζουρανέ πνευματικά. Άμα ισί μπουτ πο μπαρέ αμένταρ, δεν πρέπει τι αμντίνας ότι λένγκε συμβουλές νανέ χρήσιμες αμένγκε αντιβές. Ο Ιεχωβά μανγκέλα τι σικλιάς κατά πφουρέ. Τζουβντιλέ πο μπουτ μπρεσά αμένταρ ντα αντικάς σικλιλέ κατά ζωή ντα αβιλέ σοφοί.—Ιώβ 12:12.

2. Σο κα ντικχάς ανταλέ μαθημάστε;

² Κο πουρανέ μπρεσά, ο Ιεχωβά χρησιμοποιήνελας πιστέ πφουρέν για τι ντεν ζορ ντα τι οδηγίνεν λέσκε λαός. Σκεφτίνεν ο παράδειγμας σο μουκχλέ ο Μωυσής, ο Δαβίδ ντα ο απόστολος Ιωάννης. Τζουβντιλέ διαφορετικέ μπρεσέντε, ντα λένγκε ζωές ισινέ διαφορετικές. Καζόμ ερεσένας κο τέλος πουμαρέ ζωγιάκο, ντινέ γκοντιαβέρ συμβουλές κο πο τερνέ. Ο κάθε εκ ανταλέ πιστέ πφουρένταρ βακερντάς καζόμ σημαντικός ισί τι ντας καν κο Ντεβέλ. Ο Ιεχωβά αρακχαντάς λένγκε γκοντιαβέρ λάφια αμένγκε αντιβές. Είτε ισινάμ τερνέ είτε πφουρέ, μπορίνασα τι βοηθίντιβας άμα κα ντικχάς λένγκε συμβουλές. (Ρωμ. 15:4· 2 Τιμ. 3:16) Ανταλέ μαθημάστε, κα ντικχάς ο τελευταία λάφια ανταλέ τρινέ πφουρένγκε ντα σο μπορίνασα τι σικλιάς οντουλένταρ σο βακερντέ.

«ΚΑ ΤΖΟΥΒΝΤΙΟΣ ΜΠΟΥΤ ΜΠΡΕΣΑ»

3. Καλέ τροπόντζαρ υπηρετιντάς ο Μωυσής;

³ Ο Μωυσής ισινέ ντιπ αφοσιωμέ κο Ιεχωβά. Υπηρετιντάς σαρ προφήτης, κριτής, διοικητής ντα ιστορικός. Σικλιλόας μπουτ πράγματα οντουλένταρ σο νακχλάς πι ζωγιάτε! Νικαντάς ο λαός Ισραήλ κατά Αίγυπτος, σο οτθέ ισινέ δούλοι, ντα ντικχλάς  πι γιακχίντζαρ μπουτ κατά θαύματα ι Ιεχωβάσκε. Ο Ιεχωβά χρησιμοποιηντάς-λες για τι γραφίνελ ο πρώτα παντς βιβλία ι Γραφιάκε, ο Ψαλμός 90, ντα μπέκιμ εμ ο Ψαλμός 91. Επίσης, μάλλον γραφιντάς εμ ο βιβλίος Ιώβ.

4. Κάστε ντινάς συμβουλή ο Μωυσής, ντα σόσκε;

⁴ Χάνικ πριν τι μερέλ, κάνα ισινέ 120 μπρεσένγκο, ο Μωυσής γκιντιντάς σαρέ ι Ισραηλιτέν για τι ανέλ λένγκε γκοντιάτε οντουλά σο ντικχλέας τι κερέλ λένγκε ο Ιεχωβά. Μερικοί οντουλένταρ σο ασουνένας-λες, κάνα ισινέ τερνέ, ντικχλέας ο μπουτ σημάδια ντα θαύματα σο κερντάς ο Ιεχωβά ντα σαρ τιμωριντάς ι Αιγυπτιόν. (Έξοδ. 7:3, 4) Νακχλέας κατά Ερυθρά Θάλασσα κάνα πουτάρντιλι κο ντούι ντα ντικχλέας σαρ καταστραφισάλο ι Φαραώσκο στρατός. (Έξοδ. 14:29-31) Κι έρημος, νιωσάλεας ότι ο Ιεχωβά αρακχαντάς-λεν. (Δευτ. 8:3, 4) Ακανά, σο ο λαός ισινέ έτοιμος τι τσσουβέλ-πες κο Υποσχεμέ Τθεμ, ο Μωυσής καπτιντάς ανταγιά τελευταία ευκαιρία για τι ντελ ζορ κο λαός. a

5. Καγιά σιγουριά ντινέ κο Ισραηλίτες ο τελευταία λάφια ι Μωυσίσκε σο ισί κο εδάφια Δευτερονόμιο 30:19, 20;

⁵ Σο βακερντάς ο Μωυσής; (Διαβάνεν Δευτερονόμιο 30:19, 20) Ο λαός Ισραήλ τθερέλας ι ευκαιρία τι τζουβντιόλ εκ σουκάρ μέλλον. Άμα κα τθερένας ι ευλογία ι Ιεχωβάσκι, ο Ισραηλίτες κα τζουβντιόνας μπουτ καιρός κο τθεμ σο ντινάας-λεν πο λάφι. Ντα οντουβά τθεμ ισινέ σουκάρ ντα νικαβέλας μπερεκέτι πράγματα! Ο Μωυσής, για τι σικαβέλ σαρ ισινέ οντουβά τθεμ, βακερντάς: «Τθεμ με μπαρέ ντα σουκάρ πόλεις σο να χτιντάν τούι, κχερέντζαρ πφερντέ σαβέ τι μανγκές πραγματέντζαρ σο να κερντάν μπουτί λένγκε τούι, με χαντζουντέ αυλάκια σο να χαντζουντάν τούι, με ρεζά ντα ζιτιλινά σο να φυτιντάν τούι».—Δευτ. 6:10, 11.

6. Σόσκε μουκχλάς ο Ντεβέλ γιαβερέ τθεμέντε τι λεν ι Ισραηλιτέν;

⁶ Επίσης, ο Μωυσής ντινάς κο Ισραηλίτες εκ προειδοποίηση. Για τι συνεχίνεν τι τζουβντιόν πουμαρέ τθεμέστε σο νικαβέλας μπερεκέτι πράγματα, έπρεπε τι ντεν καν κο συμβουλές κι Ιεχωβάσκε. Ο Μωυσής βακερντάς λένγκε τι ντεν καν ι Ιεχωβάς ντα “τι αβέν πασέ λέστε” για “τι τραμπίνεν ι ζωή”. Όμως, ο Ισραηλίτες μουκχλέ ι Ιεχωβάς. Οτθάρ, ο Ιεχωβά μουκχλάς κο Ασσύριοι ντα πο σοράν κο Βαβυλώνιοι τι γκερέν-λεν ντουρ λένγκε τθεμέσταρ.—2 Βασ. 17:6-8, 13, 14· 2 Χρον. 36:15-17, 20.

7. Σο σικλιάσα κατά λάφια ι Μωυσίσκε; (Ντικχέν ι φωτογραφία-ντα)

⁷ Σο σικλιάσα αμέν; Άμα ντάσα καν, κα τζουβντιάς για πάντα. Σαρ ο Ισραηλίτες ισινέ χάνικ πριν τι τσσουβέν-πες κο Υποσχεμέ Τθεμ, αντικάς αμέν-ντα ισινάμ χάνικ πριν τι τσσουβάς-αμέν κο νεβό ντουνιάς σο ο Ντεβέλ ντινάς πο λάφι τι ανέλ. Ατζεχάνικ, η πφουβ κα αβέλ πάλι παράδεισος. (Ησ. 35:1· Λουκ. 23:43) Ο Μπενγκ ντα λέσκε δαίμονες να κα αβέν οτθέ. (Αποκ. 20:2, 3) Να κα αβέλ η ψεύτικη θρησκεία, σο τσσίντελα ι τζενέν ντουρ κατά Ιεχωβά. (Αποκ. 17:16) Να κα αβέν ο κυβερνήσεις ι τζενένγκε σο ταλαιπωρίνενα οντουλέν σο κερένα-λεν κουμάντος. (Αποκ. 19:19, 20) Ο Ιεχωβά να κα μουκχέλ καεκχές τι ανέλ προβλήματα κο Παράδεισος. (Ψαλμ. 37:10, 11) Ο τζενέ σαρί κι πφουβ κα ντεν καν κο δίκαιοι νόμοι κι Ιεχωβάσκε, σο ενώνενα ι τζενέν ντα ανένα ειρήνη. Ντα σαρ αποτέλεσμας, σαρέ κα μανγκέν ντα κα ντεν μπέσα ο εκ κο γιαβέρ. (Ησ. 11:9) Μπεσάσα σαρ σαρ τι αβέν-πες ανταλά! Ντα άμα ντάσα καν ι Ιεχωβάς, κα τζουβντιάς κο παράδεισος κι πφουβ, όχι σάντε για χάνικ μπρεσά, αλλά για πάντα.—Ψαλμ. 37:29· Ιωάν. 3:16.

8. Σαρ βοηθιντάς εκχέ ιεραποστολός η υπόσχεση ότι κα τζουβντιάς για πάντα; (Ιούδα 20, 21)

 ⁸ Άμα τθεράσα συνέχεια αμαρέ γκοντιάτε ι υπόσχεση ι Ντεβλέσκι ότι κα τζουβντιάς για πάντα, κα μανγκάς τι ατσσάς πασέ λέστε σο-ντα δυσκολίες τι νακχάς. (Διαβάνεν Ιούδα 20, 21) Ανταγιά υπόσχεση μπορίνελα τι ντελ-αμέν ι ζορ τι νακχάς σο-ντα αδυναμίες τι τθεράσα. Εκ πφραλ σο ισινέ ιεραπόστολος κι Αφρική μπουτ μπρεσά βακερντάς ότι μπουτ φαρ νικιόλας λέσταρ τι κερέλ κάτι σο κα πφανγκέλας ι Ιεχωβάσκο γκι. Βοβ βακερντάς: «Αγαντόμ ότι μπέκιμ μα τι τζουβντιάβας για πάντα κο παράδεισος άμα να κα ασουνάβας ι Ιεχωβάς. Ανταβά κερντάς-μαν τι αβάβ πο αποφασισμέ τι νικίναβ ο πρόβλημας ντα τι μολίναβ ι Ιεχωβάς τι βοηθίνελ-μαν. Λέσκε βοηθειάσαρ, μπορισάλομ τι νικίναβ-λες».

«Ο ΠΡΑΓΜΑΤΑ ΚΑ ΤΖΑΝ ΛΑΤΣΣΕΣ ΤΙ ΖΩΓΙΑΤΕ»

9. Σο δοκιμασίες νακχαντάς ο Δαβίδ πι ζωγιάτε;

⁹ Ο Δαβίδ ισινέ λατσσό βασιλιάς. Ισινέ επίσης μουσικός, ποιητής, πολεμιστής ντα προφήτης. Νακχαντάς μπουτ δοκιμασίες. Για μερικά μπρεσά, έπρεπε τι γκεραβέλ-πες κατά βασιλιάς Σαούλ σόσκε βοβ μανγκέλας τι μουνταρέλ-λες. Αφού αβιλό βασιλιάς, ο Δαβίδ έπρεπε πάλι τι γκεραβέλ-πες για τι σώνελ πι ζωή κάνα λέσκο τσσαβό, ο Αβεσσαλώμ, προσπαθιντάς τι αβέλ βοβ βασιλιάς. Παρόλο σο ο Δαβίδ τθερέλας δυσκολίες ντα κερντάς μπαρέ λάθη, ατσσιλό πιστός κο Ντεβέλ μέχρι τι μερέλ. Ο Ιεχωβά βακερντάς ότι ισινέ “εκ μουρς αντικάς σαρ μανγκέλα λέσκο γκι”. Άρα αξίνελα τι ασουνάς ι συμβουλή ι Δαβιδίσκι!—Πράξ. 13:22· 1 Βασ. 15:5.

10. Σόσκε ο Δαβίδ ντινάς συμβουλή πι τσσαβέστε, κο Σολομώντας, σο κα αβέλας ο γιαβέρ βασιλιάς;

¹⁰ Ανέν τουμαρέ γκοντιάτε, για παράδειγμας, ι συμβουλή σο ντινάς ο Δαβίδ πι τσσαβέσκε, κο Σολομώντας, σο κα αβέλας ο γιαβέρ βασιλιάς κο Ισραήλ. Οντουλέ τερνές τραμπιντάας-λες ο Ιεχωβά για τι συνεχίνελ τι βοηθίνελ ι τζενέν τι ντεν πάκι λατρεία ντα τι χτίνελ εκ ναός σο κα ντέλας τιμή κο Ντεβέλ. (1 Χρον. 22:5) Ο Σολομών κα αντιμετωπίνελας μπαρέ δυσκολίες. Σο τθερέλας τι βακερέλ λέσκε ο Δαβίδ; Ας τι ντικχάς.

11. Καγιά σιγουριά ντινάς ο Δαβίδ κο Σολομώντας ντα σαρ νικίστιλε μπαγιά ανταλά λάφια, σαρ σικαβένα ο εδάφια 1 Βασιλέων 2:2, 3; (Ντικχέν ι φωτογραφία-ντα)

¹¹ Σο βακερντάς ο Δαβίδ; (Διαβάνεν 1 Βασιλέων 2:2, 3) Ο Δαβίδ βακερντάς πι τσσαβέσκε ότι, άμα κα ντέλας καν κο Ιεχωβά, ο πράγματα κα τζάνας λατσσές λέσκε ζωγιάτε. Ντα μπαγιά, για μπουτ μπρεσά, ο πράγματα κα τζάνας μπουτ λατσσές για τον Σολομώντα. (1 Χρον. 29:23-25) Χτιντάς ο μπουτ σουκάρ ναός, γραφιντάς μερικά βιβλία ι Γραφιάκε ντα μερικά λάφια σο βακερντάς ισί σε γιαβερά βιβλία ι Γραφιάκε. Λιντάς μπαρό νάμι κατά σοφία ντα κατά χουλανιπέ σο τθερέλας. (1 Βασ. 4:34) Αλλά σαρ βακερντάς ο Δαβίδ, ο πράγματα κα τζάνας λατσσές για τον Σολομώντα σάντε άμα κα ντέλας  καν ι Ιεχωβά Ντεβλές. Δυστυχώς, πο σοράν ο Σολομώντας αρχισάλο τι ντελ λατρεία γιαβερέ ντεβλέντε. Ο Ιεχωβά να ισινέ ευχαριστιμέ λέσαρ, ντα τσσιναντάς τι ντελ-λες ι σοφία σο χρειαζίντιβελας για τι κερέλ κουμάντος δίκαια ντα σωστά.—1 Βασ. 11:9, 10· 12:4.

12. Σο σικλιάσα κατά λάφια ι Δαβιδίσκε;

¹² Σο σικλιάσα αμέν; Άμα ντάσα καν, ο πράγματα κα τζαν λατσσές αμαρέ ζωγιάτε. (Ψαλμ. 1:1-3) Ο Ιεχωβά να ντινάς πο λάφι τι ντελ αμένγκε-ντα ο χουλανιπέ ντα ο μπαρό νάμι σαρ τθερέλας ο Σολομώντας. Αλλά άμα ντάσα καν αμαρέ Ντεβλές, βοβ κα ντελ-αμέν σοφία για τι λας σωστές αποφάσεις. (Παρ. 2:6, 7· Ιακ. 1:5) Λέσκε αρχές μπορίνενα τι βοηθίνεν-αμέν κάνα λάσα αποφάσεις ι μπουτιάκε, ι σχολειόσκε, ι λοβένγκε ντα σο κα κεράς για τι νακχάς λατσσές. Άμα κεράσα αμαρέ ζωγιάτε λέσκε συμβουλές, αρακχαβάσα ι φιλία σο τθεράσα λέσαρ ντα κα τζουβντιάς για πάντα. (Παρ. 2:10, 11) Κα κεράς λατσσέ αμαλέν ντα κα τθεράς ευτυχισμέ φαμιλί.

13. Σο βοηθιντάς την Κάρμεν τι τθερέλ πο λατσσί ζωή;

¹³ Η Κάρμεν, σο τζουβντιόλα κι Μοζαμβίκη, αμντίνελας ότι άμα κα τζάλας κο πανεπιστήμιος, κα τθερέλας πο λατσσί ζωή. Οτθάρ, γκιλί κο πανεπιστήμιος για τι σικλιόλ σαρ τι σχεδιάνελ κτίρια. «Μπεϊντίναβας μπουτ ανταλά σο σικλιάβας», γραφιντάς. «Αλλά οτθέ ντάβας μπουτ μι σαατίσταρ ντα μι ζοριάταρ. Τζάβας κι σχολή 7:30 κο πρωί ντα νασάβας 6:00 κο απόγευμας. Ισινέ δύσκολος τι τζαβ κο συναθροίσεις ντα μι φιλία ι Ιεχωβάσαρ αβιλί μπίζουρανι. Ντιπ αντρά-μάντε αγαβάβας ότι προσπαθίναβας τι υπηρετίναβ ντουέ κυριόν». (Ματθ. 6:24) Η Κάρμεν προσευχισάλι ανταλέσκε ντα ροντιντάς κο έντυπα αμαρέ. Βόι βακερντάς: «Αφού λιντόμ σωστές συμβουλές πφραλένταρ σο ισινέ ζουρανέ πνευματικά ντα μι νταγιάταρ, αποφασιντόμ τι τσσιναβάβ ο πανεπιστήμιος για τι υπηρετίναβ ι Ιεχωβάς ολοχρόνια. Ανταβά βοηθιντάς-μαν τι τραμπίναβ ο πο λατσσό μι ζωγιάτε, ντα να μετανιώναβα-λες».

14. Καβά σημαντικός πράγμας βακερντέ εμ ο Μωυσής εμ ο Δαβίδ;

¹⁴ Ο Μωυσής ντα ο Δαβίδ μανγκένας ι Ιεχωβάς ντα τζανένας καζόμ σημαντικός ισινέ τι ντεν-λες καν. Ο τελευταία λάφια σο βακερντέ τσσιντιντέ ι γιαβερέν τι μοιάζεν λέντε ντα τι ατσσόν πασέ κο Ιεχωβά Ντεβέλ. Επίσης, ο ντούι-ντα βακερντέ ότι ο Ιεχωβά κα τσσιναβέλας τι αβέλ ευχαριστιμέ οντουλέντζαρ σο  κα μουκχένας-λες, ντα κα χασαρένας ο ευλογίες σο βοβ ντινάς πο λάφι τι ντελ-λεν. Λένγκε συμβουλές τθερένα μπαρί αξία αμένγκε αντιβές. Μπουτ μπρεσά πο σοράν, εκ γιαβέρ υπηρέτης ι Ιεχωβάσκο σικαντάς καζόμ σημαντικός ισί τι ατσσάς πιστοί κο Ντεβέλ.

«ΤΙΠΟΤΑ ΝΑ ΝΤΕΛΑ-ΜΑΝ ΠΟ ΜΠΑΡΙ ΧΑΡΑ»

15. Σο ντικχλάς ο απόστολος Ιωάννης πι ζωγιάτε;

¹⁵ Ο Ιωάννης ισινέ αγαπημέ απόστολος ι Ιησού Χριστόσκο. (Ματθ. 10:2· Ιωάν. 19:26) Τζάλας παλάλ κο Ιησούς σαρέ ο μπρεσά σο κερέλας έργος, ντικχλάς λέσκε θαύματα ντα ατσσιλό πασέ λέστε δύσκολε ντιβεσέντε. Ντικχλάς πι γιακχίντζαρ τι μουνταρέν ι Ιησούς ντα ντικχλάς-λες πάλι σοράν κατά ανάσταση λέσκι. Επίσης ντικχλάς ι Χριστιανική κχανγκιρί τι αβγατίντιβελ, μέχρι σο ο λατσσέ αμπέρια μουτθάντιλε «σαρί κι δημιουργία σο ισί τελάλ κατά ουρανός».—Κολ. 1:23.

16. Καλά τζενέ βοηθίντιλε κατά επιστολές σο γραφιντάς ο Ιωάννης;

¹⁶ Κάνα ισινέ μπουτ πφουρό, ο Ιωάννης τθερέλας ο προνόμιος τι γραφίνελ εκ εντυπωσιακός βιβλίος, ι «Αποκάλυψη κατά Ιησούς Χριστός». (Αποκ. 1:1) Ατζέ, ο Ιωάννης γραφιντάς ο Ευαγγέλιος σο τθερέλα λέσκο ναβ. Γραφιντάς επίσης τριν επιστολές. Ι τρίτη επιστολή, γραφιντάς-λα εκχέ πιστέ πφραλέστε, κο Γάιος, σο ντικχέλας-λες σαρ αγαπημέ πνευματικός τσσαβό. (3 Ιωάν. 1) Αζομάν, πρέπει τι αβένας μπουτ πφραλά σο ο Ιωάννης ντικχέλας-λεν σαρ πνευματικά τσσαβέ λέσκε. Οντουλά σο γραφιντάς ανταβά πιστός μουρς ντένα ζορ σαρέ κο μαθητές κι Ιησούσκε μέχρι αντιβές.

17. Σαρ βακερέλα ο εδάφιος 3 Ιωάννη 4, σο ανέλα μπαρί χαρά;

¹⁷ Σο γραφιντάς ο Ιωάννης; (Διαβάνεν 3 Ιωάννη 4) Ο Ιωάννης γραφιντάς σο χαρά λέλας κάνα ο πφραλά ντένας καν ι Ντεβλές. Αζομάν σο ο Ιωάννης γραφιντάς ι τρίτη επιστολή λέσκι, μερικά τζενέ σικλιαρένας ψεύτικα λάφια ντα ανένας διχόνοια. Όμως, γιαβερά συνεχίνενας «τι πφιρέν κι αλήθεια». Ντένας καν κο Ιεχωβά ντα “πφιρένας σαρ βακερένα λέσκε εντολές”. (2 Ιωάν. 4, 6) Ανταλά πιστοί Χριστιανοί ανένας χαρά, όχι σάντε κο Ιωάννης, αλλά εμ κο Ιεχωβά.—Παρ. 27:11.

18. Σο σικλιάσα κατά λάφια ι Ιωαννίσκε;

¹⁸ Σο σικλιάσα αμέν; Η πίστη κο Ιεχωβά ανέλα χαρά. (1 Ιωάν. 5:3) Για παράδειγμας, ισινάμ χαρούμενοι επειδή τζανάσα ότι κεράσα ι Ιεχωβάσκο γκι τι χαιρίνελ. Βοβ χαιρίνελα κάνα ντικχέλα-αμέν μα τι περάς κο πειρασμοί κι ντουνιάσκε ντα τι ντας καν λέσκε εντολέντε. (Παρ. 23:15) Ο άγγελοι-ντα χαιρίνενα. (Λουκ.  15:10) Αμέν-ντα χαιρίνασα κάνα ντικχάσα αμαρέ πφραλέν ντα πφενίν τι ατσσόν πιστοί, ντα ατζέ πο μπουτ κάνα νακχένα δοκιμασίες ντα πειρασμοί. (2 Θεσ. 1:4) Πο σοράν, κάνα ανταβά ντουνιάς κα καταστραφίντιβελ, κα τθεράς χαρά σόσκε κα τζανάς ότι ατσσιλάμ πιστοί κο Ιεχωβά ατζέ-ντα εκχέ ντουνιάστε σο κερέλας κουμάντος ο Μπενγκ.

19. Σο βακερντάς εκ πφεν, η Ρέιτσελ, για το σικλιαριπέ ι αληθειάκο κο γιαβερά; (Ντικχέν ι φωτογραφία-ντα)

¹⁹ Τθεράσα μπαρί χαρά κάνα μουτθαβάσα ι αλήθεια γιαβερέντε. Η Ρέιτσελ, σο τζουβντιόλα κι Δομινικανή Δημοκρατία, νιωθίνελα ότι ισί μπαρό προνόμιος τι σικλιαρέλ ι τζενέν αμαρέ λατσσέ Ντεβλέσκε. Βοηθιντάς μπουτέ τζενέν τι υπηρετίνεν ι Ιεχωβάς. Βακερέλα: «Ναστί βακεράβα λαφίντζαρ καζόμ μπαρί χαρά τθεράβα κάνα ντικχάβα οντουλέν σο σικλιαράβα τι μανγκέν ι Ιεχωβάς, τι ντεν λέσκε μπέσα ντα τι αλλάνεν πουμαρί ζωή για τι κερέν-λες χαρούμενος. Ανταγιά χαρά ισί πο μπαρί σαρέ κατά προσπάθειες ντα κατά θυσίες σο μπέκιμ κερντόμ για τι σικλιαράβ-λεν».

ΝΤΙΚΧΕΝ ΛΑΤΣΣΙΠΕ ΚΑΤΑ ΤΕΛΕΥΤΑΙΑ ΛΑΦΙΑ ΣΟ ΒΑΚΕΡΝΤΕ ΜΕΡΙΚΑ ΠΙΣΤΑ ΜΟΥΡΣΑ

20. Καλέ πραγματέντε μοιάζασα κο Μωυσής, κο Δαβίδ ντα κο Ιωάννης;

²⁰ Ο Μωυσής, ο Δαβίδ ντα ο Ιωάννης τζουβντιλέ μπρεσέντε σο να ισινέ σαρ αμαρέ. Ντα ο τρόπος σο τζουβντιόνας ισινέ μπουτ διαφορετικός αμαρέσταρ. Αλλά μοιάζασα λέντζαρ μπουτέ πραγματέντε. Υπηρετίνενας ι αληθινέ Ντεβλές, σαρ αμέν. Σαρ βον, αντικάς αμέν-ντα προσευχίντιβασα κο Ιεχωβά, ντα ντάσα λέσκε μπέσα για τι βοηθίνελ-αμέν ντα για τι ντελ-αμέν συμβουλές. Ντα σαρ οντουλά μουρσά, αντικάς αμέν-ντα ισινάμ σίγουροι ότι ο Ιεχωβά ευλογίνελα μπουτ οντουλέν σο ντένα-λες καν.

21. Σαρ κα ευλογίνελ-αμέν ο Ιεχωβά άμα κεράσα οντουλά σο βακερντέ ο Μωυσής, ο Δαβίδ ντα ο Ιωάννης;

²¹ Οτθάρ, τι ντας προσοχή κο τελευταία λάφια οντουλέ πφουρένγκε ντα τι ντας καν κο εντολές κι Ιεχωβάσκε. Αζομάν, σίγουρα ο πράγματα κα τζαν λατσσές αμαρέ ζωγιάτε. Κα τθεράς ζωή ντα “κα τζουβντιάς μπουτ μπρεσά”, βα, για πάντα! (Δευτ. 30:20) Ντα κα τθεράς χαρά επειδή κα κεράς ο γκι αμαρέ λατσσέ Νταντέσκο, σο κα ευλογίνελ-αμέν αζόμ μπουτ σο να νακχέλα αμαρέ γκοντιάταρ.—Εφεσ. 3:20.