Τι Τθερέν Εμπιστοσύνη Αμαρέ Αρχηγόστε—Κο Χριστός
«Εκ τανό ισί τουμαρό Αρχηγός, ο Χριστός».—ΜΑΤΘΑΙΟΣ 23:10.
ΥΜΝΟΙ: 14, 30
1, 2. Καλά δυσκολίες τθερέλας ο Ιησούς του Ναυή κάνα μουλό ο Μωυσής;
Ο ΙΕΧΩΒΑ βακερντάς κο Ιησούς του Ναυή: «Ο Μωυσής μο υπηρέτης μουλό. Ακανά ίστι, νακχ ο Ιορδάνης, τούι ντα σαρό ανταβά λαός, ντα τζα κο τθεμ σο ντάβα-λεν». (Ιησούς του Ναυή 1:1, 2) Σο μπαρί αλλαγή ισινέ ανταγιά για τον Ιησού του Ναυή σο ισινέ υπηρέτης ι Μωυσίσκο σχεδόν 40 μπρεσά!
2 Ο Μωυσής ισινέ αρχηγός ι Ισραηλιτένγκο για μπουτ μπρεσά, αλλά ακανά ο Ιησούς του Ναυή κα καθοδηγίνελας-λεν. Οτθάρ, μπορεί τι σκεφτίνελας αν ο λαός κα δεχτίνελας-λες σαρ αρχηγός. (Δευτερονόμιο 34:8, 10-12) Εκ βιβλίος κερέλα λάφι για το εδάφια Ιησούς του Ναυή 1:1, 2 ντα βακερέλα ότι εκ κατά πιο δύσκολα ντα επικίνδυνα βακίτια εκχέ τθεμέσκε, εμ κο πουρανέ μπρεσά αλλά εμ αμαρέ ντιβεσέντε, ισί κάνα εκ γιαβέρ τζενό λέλα ι θέση ι αρχηγόσκι.
3, 4. Σαρ ευλογιντάς ο Ντεβέλ ι Ιησούς του Ναυή επειδή τθερέλας λέσκε εμπιστοσύνη, ντα σο μπορεί τι σκεφτίνας;
3 Ο Ιησούς του Ναυή τθερέλας λόγους για τι ανησυχίνελ. Ιησούς του Ναυή 1:9-11) Ο Ντεβέλ ευλογιντάς ι Ιησούς του Ναυή επειδή τθερέλας εμπιστοσύνη λέστε ντα χρησιμοποιηντάς εκχέ αγγελός για τι καθοδηγίνελ εμ λες εμ ι Ισραηλιτέν. Ισί λογικός τι σκεφτίνας ότι οντουβά άγγελος ισινέ ο Λάφι, ο πρώτος Τσσαβό ι Ντεβλέσκο.—Έξοδος 23:20-23· Ιωάννης 1:1.
Αλλά τθερέλας εμπιστοσύνη κο Ιεχωβά ντα ακολουθίνελας σουγκό λέσκε οδηγίες. (4 Ο Ιεχωβά βοηθιντάς ι Ισραηλιτέν τι συνηθίνεν κο αλλαγές σο αβιλέ-πες κάνα ο Ιησούς του Ναυή αβιλό λένγκο νεβό αρχηγός. Αμαρέ ντιβεσέντε-ντα, αβένα-πες μπερεκέτι μπαρέ αλλαγές. Μπορεί τι σκεφτίνας: “Καζόμ η οργάνωση ι Ντεβλέσκι τζάλα ανγκλάλ, τθεράσα λόγους τι τθεράς εμπιστοσύνη κο Ιησούς, αμαρέ διορισμέ Αρχηγόστε;” (Διαβάνεν Ματθαίος 23:10) Για τι απαντίνας ανταλέ ερωτησιάτε, κα ντικχάς σαρ καθοδηγίνελας ο Ιεχωβά πι λαός όταν αβένας-πες αλλαγές κο πουρανέ μπρεσά.
Ι ΝΤΕΒΛΕΣΚΟ ΛΑΟΣ ΟΔΗΓΙΝΤΙΒΕΛΑ ΚΟ ΥΠΟΣΧΕΜΕ ΤΘΕΜ
5. Καγιά εμπειρία σο να μπεκλεντίνελας τθερέλας ο Ιησούς του Ναυή πασέ κι Ιεριχώ; (Ντικχ ι φωτογραφία σο ισί κι αρχή)
5 Αφού νακχλό χάνικ καιρός οτθάρ μπερί σο ο Ισραηλίτες νακχλέ ο Ιορδάνης, ο Ιησούς του Ναυή τθερέλας εκ εμπειρία σο να μπεκλεντίνελας. Πασέ κι Ιεριχώ, ντικχλάς εκχέ μουρσές σο τθερέλας σπαθίς. Ο Ιησούς του Ναυή πουτσλάς ι μουρσές: «Ισινάν αμέντζαρ ή αμαρέ ντουσμανίντζαρ;» Ο Ιησούς του Ναυή σαστισάλο κάνα ο μουρς βακερντάς ότι ισινέ ο «αρχηγός κι Ιεχωβάσκο στρατός», εκ άγγελος σο ισινέ έτοιμος τι υπερασπίνελ ι Ντεβλέσκε λαός. (Διαβάνεν Ιησούς του Ναυή 5:13-15 ντα υποσημείωση) Παρόλο σο γιαβερά εδάφια βακερένα ότι ο Ιεχωβά κερέλας λάφι κατευθείαν κο Ιησούς του Ναυή, ο Ντεβέλ κερέλας λέσαρ λάφι αντράλ εκχέ αγγελόσταρ, σαρ κερντάας μπουτ φαρ πιο τζανγκλέ-ντα.—Έξοδος 3:2-4· Ιησούς του Ναυή 4:1, 15· 5:2, 9· Πράξεις 7:38· Γαλάτες 3:19.
6-8. (α) Σόσκε μερικές οδηγίες σο ντινάς ο άγγελος μπορεί μα τι ντικχίντιβενας λογικές; (β) Σαρ τζανάσα ότι ο οδηγίες ισινέ λατσσέ ντα αβιλέ κι σωστή στιγμή; (Ντικχ ι υποσημείωση-ντα)
6 Ο άγγελος βακερντάς κο Ιησούς του Ναυή ακριβώς σο έπρεπε τι κερέλ για τι νικίνελ ι Ιεριχώ. Κι αρχή, μερικές οδηγίες μπορεί μα τι ντικχίντιβενας μπουτ λατσσέ. Για παράδειγμας, ο άγγελος βακερντάς κο Ιησούς του Ναυή τι κερέν περιτομή σαρέ ο στρατιώτες. Άμα κα κερένας-λες ανταβά, να κα μπορίνενας τι πολεμίνεν για μερικά ντιβεσά. Ισινέ αζομάν η πιο λατσσί στιγμή για τι κερέν περιτομή οντουλά μουρσά;—Γένεση 34:24, 25· Ιησούς του Ναυή 5:2, 8.
7 Ο στρατιώτες μπορεί τι σκεφτίνενας: “Σαρ κα αρακχαβάς αμαρέ φαμιλιά άμα ο ντουσμάνια κα κερέν επίθεση αμαρέ στρατοπεδόστε;” Αλλά αζομάν αβιλό-πες κάτι σο να μπεκλεντίνενας! Ο μουρσά κατά Ιεριχώ αντίς τι κερέν τζένγκι ι Ισραηλιτέντζαρ, νταρασάλε λένταρ. Διαβάνασα: «Η Ιεριχώ ισινέ λατσσές πφαντί ιτιρί κατά Ισραηλίτες· καέκ να νικιόλας αβρί ντα καέκ να τζάλας αντρέ». (Ιησούς του Ναυή 6:1) Ανταλά αμπέρια πρέπει τι κερντέ ι Ισραηλιτέν τι τθερέν ατζέ πιο μπουτ εμπιστοσύνη κι Ντεβλέσκι καθοδηγία!
8 Ο άγγελος βακερντάς κο Ιησούς του Ναυή ότι ο Ισραηλίτες δεν έπρεπε τι κερέν επίθεση κι Ιεριχώ. Αλλά έπρεπε τι πφιρέν ντονταλάι κατά πόλη εκ φαρ κο ντιβές για σιοβ ντιβεσά ντα εφτά φαρ κο έβδομος ντιβές. Ο στρατιώτες μπορεί τι σκεφτιντέ: “Σινανέ χασαράσα αμαρό χρόνος ντα κχινιάσα!” Αλλά ο αρχηγός ι Ισραηλιτένγκο, ο Ιεχωβά, τζανέλας σο κερέλας! Επειδή ακολουθιντέ λέσκε οδηγίες, λένγκι πίστη αβιλί πιο ζουρανί ντα να χρειαζίντιλο τι πολεμίνεν ι στρατιωτέν σο ισινέ κι Ιεριχώ.Ιησούς του Ναυή 6:2-5· Εβραίους 11:30. * (Ντικχ ι υποσημείωση)
—9. Σόσκε πρέπει τι ακολουθίνας σαρέ ο οδηγίες σο λάσα κατά Ντεβλέσκι οργάνωση; Βακερέν εκ παράδειγμας.
9 Σο σικλιάσα ανταλέ ιστοριάταρ; Ισί φαρ σο η οργάνωση ι Ιεχωβάσκι κερέλα ο πράγματα εκχέ νεβέ τροπόσαρ, ντα αμέν μπορεί μα τι αγαβάς πάντα σόσκε κερέλα-λεν αντικάς. Για παράδειγμας, κι αρχή μπορεί μα τι πακιάας ότι ισινέ λατσσό τι χρησιμοποιήνας ηλεκτρονικές συσκευές κι προσωπική μελέτη, κο έργος ή κο συναθροίσεις. Αλλά ακανά μπορεί τι ντικχάσα σόσκε ισί λατσσό τι χρησιμοποιήνας-λεν άμα μπορίνασα. Κάνα ντικχάσα ο λατσσέ αποτελέσματα σο αβένα από ασακέ αλλαγές, αμαρί πίστη μπαριόλα ντα αβάσα πιο ενωμέ αμαρέ πφραλέντζαρ.
ΣΑΡ ΟΔΗΓΙΝΕΛΑΣ Ο ΧΡΙΣΤΟΣ Ι ΠΡΩΤΕ ΧΡΙΣΤΙΑΝΟΝ;
10. Κον ισινέ μπαγιά οντουβά σο κανονιντάς ο πράγματα για τι κερέλ ο κυβερνών σώμας κι Ιερουσαλήμ εκ σημαντική συνάθροιση;
10 Νακχλέ περίπου 13 μπρεσά από αζομάν σο αβιλό Χριστιανός ο Κορνήλιος, σο να κερντάας περιτομή. Όμως, μερικοί Ιουδαίοι Χριστιανοί συνεχίνενας τι βακερέν ότι κον μανγκέλας τι σώντιβελ, έπρεπε τι κερέλ περιτομή. (Πράξεις 15:1, 2) Κι Αντιόχεια, ο πφραλά τθερένας εκ διαφωνία οπράλ ανταλέστε. Οτθάρ, ο πρεσβύτεροι κανονιντέ τι τζαλ ο Παύλος κο κυβερνών σώμας σο ισινέ κι Ιερουσαλήμ για τι πουτσέλ ανταλέσκε. Αλλά κον ισινέ μπαγιά οντουβά σο κανονιντάς-λες ανταβά; Ο Παύλος βακερντάς: «Γκιλόμ σόσκε σικάντιλο μάνγκε ότι πρέπει τι τζαβ». Αγαβάσα ξεκάθαρα ότι ο Χριστός οδηγιντάς ο πράγματα για τι ντιντιόλ απάντηση ανταλέ ερωτησιάτε κατά κυβερνών σώμας.—Γαλάτες 2:1-3.
Ο Χριστός ισινέ ο Αρχηγός κι πρώτη Χριστιανική κχανγκιρί (Ντικχ ο παράγραφοι 10, 11)
11. (α) Σο συνεχίνενας τι πακιάν μερικοί Ιουδαίοι Χριστιανοί για την περιτομή; (β) Σαρ σικαντάς ο Παύλος ότι υποστηρίνελας ταπεινά ι πρεσβυτερόν κι Ιερουσαλήμ; (Ντικχ ι υποσημείωση-ντα)
11 Ο Χριστός βοηθιντάς ο κυβερνών σώμας τι αγαβέλ ξεκάθαρα ότι οντουλά σο να ισινέ Ιουδαίοι Χριστιανοί να χρειαζίντιβελας τι κερέν περιτομή. (Πράξεις 15:19, 20) Αλλά κάποια μπρεσά πιο σοράν, μπουτ Ιουδαίοι Χριστιανοί συνεχίνενας τι κερέν περιτομή πουμαρέ τσσαβέντε. Αζομάν, ο πρεσβύτεροι κι Ιερουσαλήμ ασουντέ ότι κάποια τζενέ βακερένας ότι ο Παύλος να σεβάνελας ο Μωσαϊκός Νόμος. Οτθάρ, ο πρεσβύτεροι μανγκλέ κατά Παύλος τι κερέλ κάτι σο κα σικαβέλας ότι σεβάνελας ο Νόμος. * (Ντικχ ι υποσημείωση) (Πράξεις 21:20-26) Βακερντέ λέσκε τι λελ σταρέ μουρσέν ντα τι γκερέλ-λεν κο ναός για τι ντικχέν ο γιαβερά ότι σεβάνελας ο Νόμος. Ο Παύλος κα μπορίνελας τι βακερέλ: “Ανταβά να τθερέλα νόημας! Σόσκε τι μανγκέν μάνταρ τι κεράβ-λες ανταβά; Ο πρόβλημας τθερένα-λες ο Ιουδαίοι Χριστιανοί σο να αγαβένα ότι να χρειαζίντιβελα τι κερέν περιτομή”. Αλλά ο Παύλος αγαντάς ότι ο πρεσβύτεροι μανγκένας τι αβέν σαρέ ο Χριστιανοί ενωμέ, οτθάρ ακολουθιντάς ταπεινά λένγκε οδηγίες. Όμως, μπορεί τι σκεφτίνασα σόσκε μουκχλάς ο Ιησούς τι απασχολίνελ ανταβά θέμας ι Χριστιανόν αζόμ μπουτ καιρός, παρόλο σο ο Μωσαϊκός Νόμος τσσινάντιλο κάνα μουλό ο Ιησούς.—Κολοσσαείς 2:13, 14.
12. Σόσκε μπορεί ο Χριστός τι μουκχλάς τι νακχέλ χρόνος πριν τι τακτοποιήνελ ο θέμας σο τθερέλας τι κερέλ με την περιτομή;
12 Μερικά τζενέ χρειαζίντιβενα χρόνος για τι δεχτίνεν εκ αλλαγή κο τρόπος σο αγαβάσα ο πράγματα. Ο Ιουδαίοι Χριστιανοί χρειαζίντιβενας χρόνος για τι δεχτίνεν ότι να ισινέ υποχρεωμέ τι ντεν καν κο Μωσαϊκός Νόμος. (Ιωάννης 16:12) Πακιάνας ότι η περιτομή σικαβέλας ότι εκ τζενό τθερέλας ξεχωριστή σχέση ι Ντεβλέσαρ. (Γένεση 17:9-12) Γιαβερά νταρένας ότι επειδή ισινέ διαφορετικοί κα τθερένας διωγμός κατά Ιουδαίοι. (Γαλάτες 6:12) Αλλά καζόμ νακχέλας ο καιρός, ο Χριστός ντινάς-λεν πιο μπουτ καθοδηγία αντράλ κατά επιστολές σο γραφιντάς ο Παύλος.—Ρωμαίους 2:28, 29· Γαλάτες 3:23-25.
Ο ΧΡΙΣΤΟΣ ΣΥΝΕΧΙΝΕΛΑ ΤΙ ΚΑΘΟΔΗΓΙΝΕΛ ΠΙ ΚΧΑΝΓΚΙΡΙ
13. Σο μπορίνελα τι βοηθίνελ-αμέν τι υποστηρίνας ι καθοδηγία ι Ιησούσκι αντιβές;
13 Αμαρέ ντιβεσέντε, ο Χριστός συνεχίνελα τι αβέλ ο Αρχηγός κι Χριστιανική κχανγκιρί. Οτθάρ, άμα η οργάνωση κερέλα εκ αλλαγή σο να αγαβένα, σκεφτίνεν σαρ καθοδηγίνελας ο Χριστός ι Ντεβλέσκε λαός κο πουρανέ μπρεσά. Εμ αζομάν σο τζουβντιόλας ο Ιησούς του Ναυή εμ αζομάν σο τζουβντιόνας ο απόστολοι, ο Χριστός ντέλας πάντα καθοδηγία με σοφία για τι αρακχαβέλ ι Ντεβλέσκε λαός, για τι κερέλ λένγκι πίστη πιο ζουρανί ντα για τι βοηθίνελ-λεν τι ατσσόν ενωμέ.—Εβραίους 13:8.
Η καθοδηγία σο ντέλα-αμέν αντιβές ο πιστός δούλος σικαβέλα ότι ο Ιησούς πφαμπόλα αμένγκε
14-16. Σαρ σικαβέλα η κατεύθυνση σο ντέλα-αμέν «ο πιστός ντα φρόνιμος δούλος» ότι ο Χριστός μανγκέλα τι βοηθίνελ-αμέν τι ατσσικιαράς αμαρί πίστη ζουρανί;
Ματθαίος 24:45) Ανταγιά καθοδηγία σικαβέλα ότι ο Ιησούς πφαμπόλα αμένγκε. Ο Μαρκ, σο τθερέλα σταρέ τσσαβέν, βακερέλα: «Ο Μπενγκ προσπαθίνελα τι κερέλ αμαρέ κχανγκιριά τι χασαρέν πουμαρί ζορ, οτθάρ τζάλα κόντρα αμαρέ φαμιλίντε. Ακανά σο ι φαμιλίνγκε σορέ τθερένα ι οδηγία τι κερέν φαμιλιάκι λατρεία κάθε εβδομάδα, αγαβένα ξεκάθαρα ότι πρέπει τι αρακχαβέν πουμαρέ φαμιλιά».
14 Αντιβές, «ο πιστός ντα φρόνιμος δούλος» ντέλα-αμέν ι καθοδηγία σο χρειαζίντιβασα ακριβώς κάνα χρειαζίντιβασα-λα. (15 Κάνα ντικχάσα σαρ καθοδηγίνελα-αμέν ο Χριστός, αγαβάσα ότι μανγκέλα τι βοηθίνελ-αμέν τι ατσσικιαράς αμαρί πίστη ζουρανί. Για παράδειγμας εκ πρεσβύτερος, ο Πάτρικ, βακερέλα: «Κι αρχή, μερικοί στεναχωρίνενας σο γκιντίντιβενας χουρντέ ομιλόντε για τι τζαν κο έργος κο σαββατοκύριακα». Αλλά βακερέλα ότι ανταγιά αλλαγή σικαβέλα καζόμ πφαμπόλα ο Ιησούς ι κάθε εκχέσκε κι κχανγκιρί. Για παράδειγμας, μερικά πφραλά ντα πφενιά σο ισί λατζανέ ή σο να τζάνας μπουτ κο έργος νιωθίνενα πιο μπουτ ότι ο γιαβερά εκτιμίνενα-λεν ντα χρειαζίντιβενα-λεν. Ανταβά κερντάς λένγκι πίστη πιο ζουρανί.
16 Επίσης, ο Χριστός βοηθίνελα-αμέν τι ατσσάς αφοσιωμέ κο έργος κι Ντεβλέσκο, σο ισί ο πιο σημαντικός έργος σο αβέλα-πες αντιβές κι πφουβ. (Διαβάνεν Μάρκος 13:10) Ο Ανδρέας, εκ νεβό πρεσβύτερος, προσπαθίνελα πάντα τι ακολουθίνελ σο-ντα νεβί κατεύθυνση ντέλα η οργάνωση ι Ιεχωβάσκι. Βοβ βακερέλα: «Ο τζενέ σο κερένα μπουτί κο γραφεία τμήματος μειωσάλε, ντα ανταβά ανέλα αμαρέ γκοντιάτε ότι πρέπει τι ντας αμαρέ δυνάμεις πρώτα κο έργος χωρίς τι χασαράς χρόνος».
ΣΑΡ ΜΠΟΡΙΝΑΣΑ ΤΙ ΥΠΟΣΤΗΡΙΝΑΣ Ι ΚΑΘΟΔΗΓΙΑ Ι ΧΡΙΣΤΟΣΚΙ;
17, 18. Σόσκε ισί λατσσό τι τθεράς αμαρέ γκοντιάτε σαρ βοηθίντιβασα επειδή δεχτίνασα ο αλλαγές σο αβένα-πες;
17 Η καθοδηγία σο λάσα κατά Ιησούς Χριστός, σο ισί αμαρό Βασιλιάς, κα βοηθίνελ-αμέν ακανά ντα κο μέλλον. Προσπαθίνεν τι τθερέν τουμαρέ γκοντιάτε σαρ βοηθισάλεν επειδή δεχτιντέν ο αλλαγές σο αβιλέ-πες ακανά τελευταία. Κι φαμιλιάκι λατρεία, κα μπορίνενας τι συζητίνεν σαρ βοηθισάλι τουμαρί φαμιλί κατά αλλαγές σο αβιλέ-πες κο συναθροίσεις ή κο τρόπος σο κεράσα ο έργος.
Βοηθίνενα τουμαρί φαμιλί ντα ι γιαβερέν τι δεχτίνεν ο αλλαγές σο αβένα-πες κι Ιεχωβάσκι οργάνωση; (Ντικχ ο παράγραφοι 17, 18)
18 Άμα τθεράσα αμαρέ γκοντιάτε ότι κάνα ακολουθίνασα ο οδηγίες σο ντέλα η οργάνωση ι Ιεχωβάσκι αβένα λατσσέ αποτελέσματα, κα αβέλ πιο εύκολος τι ακολουθίνας ο οδηγίες ντα τι αβάς χαρούμενοι. Για παράδειγμας, επειδή να τυπώνασα αζόμ μπουτ έντυπα σαρ κεράας ανγκλέ, χαλαβάσα πιο χάνικ λοβέ. Ντα επειδή χρησιμοποιήνασα ι νεβί τεχνολογία, μπορίνασα τι ντας πιο μπουτ τζενέντε ι ευκαιρία τι ασουνέν ο λατσσέ αμπέρια. Μπορίνασα τι χρησιμοποιήνας πιο μπουτ ο ηλεκτρονικές εκδόσεις, ο βίντεα ντα ο ηχογραφήσεις; Ανταβά ισί εκ τρόπος για τι υποστηρίνας ι Χριστός, σο μανγκέλα τι χρησιμοποιήνας γκοντιάσαρ ο υλικά πράγματα σο τθερέλα η οργάνωση.
19. Σόσκε πρέπει τι υποστηρίνας ι καθοδηγία ι Χριστόσκι;
19 Κάνα υποστηρίνασα ι καθοδηγία ι Χριστόσκι, βοηθίνασα αμαρέ πφραλέν τι τθερέν πιο ζουρανί πίστη ντα τι αβέν πιο ενωμέ. Ο Ανδρέας βακερέλα για το αλλαγές σο αβιλέ-πες ακανά τελευταία κο Μπέθελ σαρό κο ντουνιάς: «Ο μπουτ σουκάρ παράδειγμας οντουλένγκο σο νασλέ κατά Μπέθελ ντα δεχτιντέ ασακέ αλλαγές βοηθίνελα-μαν τι τθεράβ εμπιστοσύνη κι καθοδηγία κι Χριστόσκι ντα σεβασμός ανταλέ πφραλένγκε. Βον τσσίντενα γιεκ ι Ιεχωβάσκε αμαξάσαρ επειδή αρακχένα χαρά κο κάθε διορισμός σο λένα».
ΤΙ ΤΘΕΡΑΣ ΠΙΣΤΗ ΝΤΑ ΕΜΠΙΣΤΟΣΥΝΗ ΑΜΑΡΕ ΑΡΧΗΓΟΣΤΕ
20, 21. (α) Σόσκε μπορίνασα τι τθεράς εμπιστοσύνη κο Χριστός, αμαρέ Αρχηγόστε; (β) Καλέ ερωτησιάτε κα απαντίνας κο γιαβέρ μάθημας;
20 Ατζεχάνικ, αμαρό Αρχηγός, ο Ιησούς Χριστός, κα «ολοκληρώνελ πι νίκη» ντα κα «κερέλ εντυπωσιακά πράγματα». (Αποκάλυψη 6:2· Ψαλμός 45:4) Αλλά ατζέ-ντα ακανά προετοιμάνελα-αμέν για τη ζωή κο νεβό ντουνιάς ντα ι πραγματένγκε σο κα κεράς οτθέ, κάνα κα σικλιαράς ι αναστημέ τζενέν ντα κα βοηθίνας τι αβέλ η πφουβ παράδεισος.
21 Άμα τθεράσα εμπιστοσύνη αμαρέ Αρχηγόστε ντα Βασιλιάστε, σο-ντα τι αβέλ-πες, βοβ κα οδηγίνελ-αμέν κο νεβό ντουνιάς. (Διαβάνεν Ψαλμός 46:1-3) Αντιβές, ο αλλαγές μπορεί τι αβέν δύσκολες, ειδικά άμα επηρεάνενα-αμέν με τρόπους σο να μπεκλεντίνασα. Σαρ μπορίνασα τι ατσσικιαράς ι ειρήνη αμαρέ γκοντιάτε ντα ζουρανί πίστη κο Ιεχωβά κάνα αβένα-πες ασακέ αλλαγές; Κα απαντίνας ανταλέ ερωτησιάτε κο γιαβέρ μάθημας.
^ παρ. 8 Κο ερείπια σο ατσσιλέ κατά Ιεριχώ, ο αρχαιολόγοι αρακχλέ μπουτ γκιβά σο γκιντιντέας ο τζενέ αλλά να χαλέας-λεν. Ανταβά συμφωνίνελα ι Γραφιάσαρ σο βακερέλα ότι ο τζενέ κι Ιεριχώ να ατσσιλέ πφαντέ αντρέ κι πόλη μπουτ καιρός ντα ότι ο Ισραηλίτες δεν έπρεπε τι χαν ο γκιβά σο τθερέλας αντρέ η πόλη. Αζομάν ισινέ ο θερισμός, οτθάρ ισινέ η σωστή στιγμή για τι τσσουβέν-πες ο Ισραηλίτες οντουλέ τθεμέστε επειδή υπαρχίντιβενας μπουτ πράγματα τι χαν κο χωράφια αβριάλ κατά πόλη.—Ιησούς του Ναυή 5:10-12.
^ παρ. 11 Ντικχ ο πλαίσιος «Ο Παύλος Αντιμετωπίζει Ταπεινά μια Δοκιμασία» κι Σκοπιά 15 Μαρτίου 2003, σελίδα 24.