Ο ΙΣΡΑΗΛΙΤΕΣ μπεϊντίνενας μπουτ ο γκιλιά. Η Αγία Γραφή βακερέλα ότι μπουτ φορές ο τζενέ κχελένας όργανα ντα γκιλιαβένας γκιλιά. Κι Αγία Γραφή αρακχάσα άλι φαρ γκιλιά ή ύμνους. Για παράδειγμας ο Ψαλμοί, ο Άσμα Ασμάτων ντα ο Θρήνοι γραφίντιλε για τι γκιλιάντιβεν. Εκ βιβλίος σο βακερέλα σαρ ισινέ ζωή κο πουρανέ μπρεσά βακερέλα ότι η Γραφή σικαβέλα ξεκάθαρα ότι ο Ισραηλίτες χρησιμοποιήνενας ο γκιλιά μπουτέ πραγματέντε πουμαρέ ζωγιάτε.

Ο Ισραηλίτες χρησιμοποιήνενας ο γκιλιά πουμαρέ ζωγιάτε. Ο Ισραηλίτες κχελένας μουσικά όργανα ντα γκιλιαβένας για τι σικαβέν σαρ νιωθίνενα. (Ησ. 30:29) Ο τζουβλιά κχελένας ντεφίντζαρ ντα γκιλιαβένας χαράσαρ μπουτ φορές σαρ για παράδειγμας κάνα κάποιος αβέλας βασιλιάς, κάνα γιορτάνενας ή κάνα νικίνενας κο τζένγκι. a (Κριτ. 11:34· 1 Σαμ. 18:6, 7· 1 Βασ. 1:39, 40) Επίσης, ο Ισραηλίτες γκιλιαβένας γκιλιά για τι σικαβέν πουμαρί στεναχώρια κάνα μερέλας εκ τζενό. (2 Χρον. 35:25) Σίγουρα ο Εβραίοι τθερένας ο γκιλιά αντρέ πουμέντε.

Ο βασιλιάδες κο Ισραήλ μπεϊντίνενας ο γκιλιά. Ο βασιλιάς Σαούλ καλιντάς ι Δαβιδίς κο παλάτι ντα μανγκλάς λέσταρ τι κχελέλ λέσκε άρπα. (1 Σαμ. 16:18, 23) Πο σοράν κάνα ο Δαβίδ αβιλό βασιλιάς, λατσσαρντάς μουσικά όργανα σο να υπαρχίντιβενας μέχρι αζομάν. Γραφιντάς μπουτ σουκάρ ύμνους ντα οργανωντάς ι ορχήστρα σο κχελέλας κο ναός κι Ιεχωβάσκο. (2 Χρον. 7:6· Αμώς 6:5) Ο βασιλιάς Σολομών τθερέλας τζενέν σο γκιλιαβένας κο παλάτι.​—Εκκλ. 2:8.

Ο Ισραηλίτες χρησιμοποιήνενας ι μουσική για τι ντεν λατρεία κο Ιεχωβά. 4.000 τζενέ κχελένας μουσικά όργανα κο ναός κι Ιερουσαλήμ. (1 Χρον. 23:5) Κχελένας κύμβαλα, έγχορδα, άρπες ντα σάλπιγγες. (2 Χρον. 5:12) Αλλά να ισινέ σάντε ανταλά τζενέ σο ισινέ επαγγελματίες ντα ντένας λατρεία κο Ιεχωβά αντράλ κατά γκιλιά. Ντικχίντιβελα ότι μπουτ Ισραηλίτες γκιλιαβένας ο Ύμνοι των Αναβάσεων κάνα κερένας ταξίδι κι Ιερουσαλήμ για τι γιορτάνεν. (Ψαλμ. 120–134) Ντα σαρ βακερένα αμένγκε μερικά βιβλία ι Ιουδαιόνγκε, ο Ισραηλίτες γκιλιαβένας ο Ψαλμοί Χαλέλ b καζόμ χάνας ο Πάσχας.

Ο γκιλιά ισί ατζέκ ατζέκ σημαντικά ι Ντεβλέσκε λαόσκε. (Ιακ. 5:13) Γκιλιαβάσα κάνα ντάσα λατρεία. (Εφεσ. 5:19) Ο γκιλιά ανένα-αμέν πασέ αμαρέ πφραλέντζαρ ντα πφενίντζαρ. (Κολ. 3:16) Ντένα-αμέν ζορ κάνα νακχάσα δυσκολίες. (Πράξ. 16:25) Ο γκιλιά ισί εκ σουκάρ τρόπος τι σικαβάς αμαρί πίστη κο Ιεχωβά ντα αμαρί αγάπη λέσκε.