ΚΑΝΑ μανγκένα τι σικλιόν σο σαάτι ισί, σο κερένα; Μάλλον ντικχένα τουμαρέ σαατίστε. Βακερέν ότι ισί μία ώρα ντα 30 λεπτά μετά κατά δώδεκα κο μεσημέρι. Σο κα απαντίνενας τουμαρέ αμαλέσκε αν κα πουτσέλας-τουμέν: «Σο σαάτι ισί;»

Ανταβά τθερέλα τι κερέλ τουμαρέ τθεμέσαρ. Για παράδειγμας, μπορεί τι βακερέν: «Ισί 1:​30» ή «ισί 13:​30». Μερικέ τθεμέντε κα βακερένας ότι ο σαάτι ισί «δύο παρά μισή», δηλαδή 30 λεπτά πριν τι τζαλ δύο.

Σαρ βακερένας ο σαάτι κο πουρανέ μπρεσά; Να τθερένας σάντε εκ τρόπος. Ο Εβραϊκές Γραφές χρησιμοποιήνενα λάφια σαρ «πρωί», «μεσημέρι» ντα «κάνα αράτιβελας». (Γένεση 8:​11· 19:​27· 43:​16· 1 Βασιλέων 18:​26) Όμως, μπουτ φαρ η Αγία Γραφή χρησιμοποιήνελα πιο συγκεκριμέ λάφια.

Κο πουρανό Ισραήλ τσσουβένας φρουρούς, ειδικά ιράτ. Ο Ισραηλίτες χωρίνενας ι ιράτ σε τριν μέρη σο βακέρντιβενας «σκοπιές». (Ψαλμός 63:6) Ο εδάφιος Κριτές 7:​19 βακερέλα για τη «μασκαρινί σκοπιά». Κο μπρεσά κι Ιησούσκε, ο Ιουδαίοι χωρίνενας ι ιράτ σε σταρ σκοπιές, σαρ κερένας ο Έλληνες ντα ο Ρωμαίοι.

Ο Ευαγγέλια κερένα λάφι ανταλέ σκοπιένγκε μπουτ φαρ. Για παράδειγμας, «αρατί, κι τέταρτη σκοπιά» ο Ιησούς πφιρντάς οπράλ κο πανί ντα γκιλό κι βάρκα σο ισινέ λέσκε μαθητές. (Ματθαίος 14:​25) Εκ φαρ, ο Ιησούς βακερντάς ακαβά παράδειγμας: «Αν ο τζενό σο τθερέλα εκ κχερ τζανέλας καλέ σκοπιάτε κα αβέλας ο τσορ, κα ατσσόλας τζανγκαντό ντα να κα μουκχέλας τι πουτρέλ λέσκο κχερ».​—Ματθαίος 24:​43· υποσημείωση.

Ο Ιησούς κερντάς λάφι για το σταρ-ντα σκοπιές κάνα βακερντάς πι μαθητένγκε τι αβέν τζανγκαντέ, σόσκε «να τζανένα κάνα αβέλα ο κύριος ι κχερέσκο, είτε κάνα τελειώνελα ο ντιβές είτε μεσάνυχτα είτε πριν τι ντισιόλ είτε νωρίς το πρωί». (Μάρκος 13:​35· υποσημείωση) Η πρώτη ανταλέ σκοπιένταρ, «κάνα τελειώνελα ο ντιβές», αρχίνελας κάνα περέλας ο κχαμ ντα ατσσικιαρέλας περίπου μέχρι εννιά ιράτ. Η δεύτερη σκοπιά, «μεσάνυχτα», αρχίνελας περίπου εννιά ιράτ ντα ατσσικιαρέλας μέχρι περίπου δώδεκα. Η τρίτη σκοπιά, δηλαδή «πριν τι ντισιόλ» ή «κάνα μπασέλα ο μπασνό», αρχίνελας περίπου δώδεκα ντα ατσσικιαρέλας μέχρι περίπου τρεις το πρωί. Μάλλον ανταλέ σκοπιάτε μπασλό ο μπασνό ι ιράτ σο ασταρντέ ι Ιησούς. (Μάρκος 14:​72) Η τέταρτη σκοπιά, «νωρίς το πρωί», αρχίνελας περίπου τρεις το πρωί ντα ατσσικιαρέλας μέχρι τι νικιόλ ο κχαμ.

Άρα, παρόλο σο ο τζενέ αζομάν να τθερένας ο σαάτια σο τθεράσα αντιβές για τι ντικχέν σο σαάτι ισί, τθερένας εκ τρόπος για τι βακερέν ο σαάτι.