1, 2. (α) Σόσκε ο Αρμαγεδδώνας ισί λατσσό αμπέρι ι ντουνιάσκε; (β) Καλά ερωτήσεις κα ντικχάς ανταλέ μαθημάστε;

ΑΣΟΥΝΤΕΝ ι τζενέν τι χρησιμοποιήνεν ι λέξη «Αρμαγεδδώνας» για τι βακερέν ότι κα αβέλ εκ μπαρό τζένγκι με πυρηνικά όπλα ή εκ μπαρί καταστροφή κι πφουβ; Όμως οντουλά σο βακερέλα η Αγία Γραφή για τον Αρμαγεδδώνα ισί λατσσέ αμπέρια σο κα ανέν χαρά κο τζενέ! (Αποκ. 1:3) Ο Αρμαγεδδώνας να κα καταστραφίνελ ι ντουνιάς αλλά κα σώνελ-λες! Σαρ;

² Η Γραφή σικαβέλα ότι ο Αρμαγεδδώνας κα σώνελ ι ντουνιάς κάνα κα ντελ τέλος κι τζενένγκε κυβερνήσεις. Ανταβά τζένγκι κα σώνελ ι ντουνιάς επειδή κα νασκιαρέλ ι πφιρνέν ντα κα μουκχέλ τι τζουβντιόν σάντε ο δίκαιοι. Επίσης, κα σώνελ ι ντουνιάς επειδή να κα μουκχέλ τι καταστραφίντιβελ η πφουβ. (Αποκ. 11:​18) Για τι αγαβάς-λεν πιο λατσσές ανταλά, κα ντικχάς σταρ ερωτήσεις: Σο ισί ο Αρμαγεδδώνας; Σο κα αβέλ-πες χάνικ πριν τι αβέλ ο Αρμαγεδδώνας; Σαρ κα ατσσάς τζουβντέ αζομάν; Σαρ κα ατσσάς πιστοί καζόμ ερεσέλα ο Αρμαγεδδώνας;

3. (α) Σο μανγκέλα τι βακερέλ ο λάφι «Αρμαγεδδώνας»; (β) Σαρ σικαβένα ο εδάφια Αποκάλυψη 16:​14, 16 ότι ο Αρμαγεδδώνας νανέ εκ τθαν οπράλ κι πφουβ;

³ Διαβάνεν Αποκάλυψη 16:​14, 16. Ο λάφι «Αρμαγεδδώνας» ισί σάντε εκ φαρ κι Γραφή ντα αβέλα εκχέ λαφίσταρ κι εβραϊκή τσσιπ σο μανγκέλα τι βακερέλ «βες κι Μεγιδδώ». (Αποκ. 16:​16· υποσ.) Η Μεγιδδώ ισινέ εκ τθαν κο πουρανό Ισραήλ. (Ιησ. Ναυή 17:​11) Όμως, ο Αρμαγεδδώνας νανέ εκ τθαν οπράλ κι πφουβ. Τθερέλα τι κερέλ ι βακιτίσαρ σο ο «βασιλιάδες σαρέ ι πφουβιάκε» κα γκιντίντιβεν για τι τσσουβέν-λεν ι Ιεχωβάσαρ. (Αποκ. 16:​14) Αλλά ανταλέ μαθημάστε κα βακεράς ο λάφι «Αρμαγεδδώνας» για τι σικαβάς ο τζένγκι-ντα σο  κα αβέλ κάνα κα γκιντίντιβεν ανταλά βασιλιάδες. Σαρ τζανάσα ότι ο Αρμαγεδδώνας ισί εκ συμβολικός τθαν; Πρώτον, να υπαρχίντιβελα καέκ βες κι Μεγιδδώ. Δεύτερον, ο τθαν ντονταλάι κατά Μεγιδδώ ισί μπουτ χουρντό για τι ερεσέν ο «βασιλιάδες σο ισί σαρί κι πφουβ», λένγκε στρατοί ντα λένγκε όπλα. Τρίτον, σαρ κα ντικχάς πιο τελέ, ο Αρμαγεδδώνας κα αρχίνελ κάνα ο «βασιλιάδες» ι ντουνιάσκε κα τσσουβέν-λεν ι Ντεβλέσκε λαόσαρ, σο ισί σαρί κι πφουβ.

4. Σόσκε ο Ντεβέλ τσσουντάς πι μπαρέ τζενγκίσκε εκ ναβ σο τθερέλα σχέση με τη Μεγιδδώ;

⁴ Σόσκε ο Ιεχωβά τσσουντάς πι μπαρέ τζενγκίσκε εκ ναβ σο τθερέλα σχέση με τη Μεγιδδώ; Κι Μεγιδδώ ντα κι κοιλάδα της Ιεζραέλ, οτθέ πασέ, αβιλέ-πες μπουτ τζένγκια. Ισινέ φαρ σο ο Ιεχωβά βοηθιντάς πι λαός οντουλέ τζενγκίντε. Για παράδειγμας, «πασέ κο πανιά σο ισί κι Μεγιδδώ», ο Ντεβέλ ντινάς βοήθεια κο Ισραηλίτης κριτής Βαράκ τι νικίνελ εκχέ στρατός ι Χαναναιόνγκο σο κερέλας-λες κουμάντος ο Σισάρα. Ο Βαράκ ντα η προφήτισσα Δεββώρα βακερντέ ευχαριστώ ι Ιεχωβάσκε σο κερντάς θαύμας για τι νικίνεν. Γκιλιαντέ: «Κατά ουρανός πολεμιντέ ο τσεργανιά . . . τον Σισάρα. Η λεν Κισών λιντάς-λεν».​—Κριτ. 5:​19-21.

5. Καγιά μπαρί διαφορά κα τθερέλ ο Αρμαγεδδώνας κατά τζένγκι σο κερντάς ο Βαράκ;

⁵ Ο Βαράκ ντα η Δεββώρα τελειωντέ πουμαρί γκιλί ακαλέ λαφίντζαρ: «Αντικάς τι καταστραφίντιβεν σαρέ το ντουσμάνια, Ιεχωβά, αλλά οντουλά σο μανγκένα-τουτ τι αβέν σαρ ο κχαμ σο νικιόλα με δόξα». (Κριτ. 5:​31) Κο Αρμαγεδδώνας-ντα ο ντουσμάνια ι Ντεβλέσκε κα καταστραφίντιβεν, αλλά οντουλά σο μανγκένα ι Ντεβλές κα σώντιβεν. Όμως, ανταλά ντούι τζένγκια τθερένα εκ μπαρί διαφορά. Κο Αρμαγεδδώνας, ο υπηρέτες ι Ντεβλέσκε να κα πολεμίνεν. Να κα τθερέν ούτε όπλα! “Κα ατσσόν ήρεμοι ντα κα σικαβέν εμπιστοσύνη” κο Ιεχωβά ντα κο στρατοί σο τθερέλα κο ουρανός​—“ανταβά κα αβέλ λένγκι ζορ”.​—Ησ. 30:​15· Αποκ. 19:​11-15.

6. Σαρ μπορεί τι καταστραφίνελ ο Ντεβέλ πι ντουσμανίν κο Αρμαγεδδώνας;

⁶ Σαρ κα καταστραφίνελ ο Ντεβέλ πι ντουσμανίν κο Αρμαγεδδώνας; Μπορεί τι κερέλ-λες μπουτέ τροπόντζαρ. Για παράδειγμας, μπορεί τι χρησιμοποιήνελ ο σεισμοί, ο χαλάζι ντα ο κεραυνοί. (Ιώβ 38:​22, 23· Ιεζ. 38:​19-22) Μπορεί τι κερέλ πι ντουσμανίν τι τσσουβέν-λεν ο εκ ι γιαβερέσαρ. (2 Χρον. 20:​17, 22, 23) Μπορεί τι τσσουβέλ πι αγγελόν τι μουνταρέν ι πφιρνέν. (Ησ. 37:​36) Σο-ντα τι κερέλ ο Ντεβέλ, κα νικίνελ. Σαρέ λέσκε ντουσμάνια κα καταστραφίντιβεν, αλλά σαρέ ο δίκαιοι κα σώντιβεν.​—Παρ. 3:​25, 26.

7, 8. (α) Σο κα βακερέν ο αρχηγοί ι ντουνιάσκε σαρ βακερένα ο εδάφια 1 Θεσσαλονικείς 5:​1-6; (β) Σόσκε ανταβά ψέμας κα αβέλ επικίνδυνος;

⁷ Ο λάφι «ειρήνη ντα ασφάλεια» κα βακέρντιβελ πριν τι αβέλ ο «ντιβές ι Ιεχωβάσκο». (Διαβάνεν 1 Θεσσαλονικείς 5:​1-6) Κο εδάφιος 1 Θεσσαλονικείς 5:2, ο λάφι «ντιβές ι Ιεχωβάσκο» σικαβέλα ι «μπαρί στεναχώρια». (Αποκ. 7:​14) Σαρ κα αγαβάς ότι ανταγιά μπαρί στεναχώρια ισί μπουτ πασέ; Η Γραφή βακερέλα αμένγκε ότι ο αρχηγοί ι ντουνιάσκε κα βακερέν ο λάφι «ειρήνη ντα ασφάλεια», ντα ανταβά κα σικαβέλ ότι αρχίνελα η μπαρί στεναχώρια.

⁸ Σόσκε κα βακερέν ανταβά λάφι ο αρχηγοί ι ντουνιάσκε; Κα αβέν ο παπάζια-ντα γιεκ λέντζαρ; Μάλλον. Σο-ντα τι αβέλ-πες, ανταβά λάφι κα αβέλ ατζέκ εκ ψέμας ι δαιμονένγκο. Αλλά ανταβά ψέμας κα αβέλ μπουτ επικίνδυνος σόσκε κα κερέλ ι τζενέν τι αμντίνεν ότι ισί αρακχαντέ ακριβώς πριν τι αβέλ η πιο μπαρί στεναχώρια σο αβιλί-πες ποτές. Βα, «ξαφνική καταστροφή κα  αβέλ αμέσως οπρά-λέντε, σαρ ο ντουκχά ι μπιανιμάσκε σο τθερέλα εκ κχαμνί». Σο κα αβέλ-πες ι Ιεχωβάσκε πιστέ υπηρετόντζαρ; Παρόλο σο λένγκε-ντα κα αβέλ ξαφνικός ο ντιβές ι Ιεχωβάσκο, βον κα αβέν έτοιμοι.

9. Σαρ κα καταστραφίνελ ο Ντεβέλ ι Μπενγκέσκο ντουνιάς;

⁹ Ο Ιεχωβά να κα καταστραφίνελ αμέσως σαρέ ι Μπενγκέσκε ντουνιάς, σαρ κερντάς κο ντιβεσά κι Νωέσκε. Πρώτα κα καταστραφίνελ ι Μπαρέ Βαβυλωνά, σο ισί σαρέ ο ψεύτικες θρησκείες ι ντουνιάσκε. Ντα σοράν, κο Αρμαγεδδώνας, κα καταστραφίνελ οντουβά σο κα ατσσόλ κατά Μπενγκέσκο ντουνιάς, ντα γιεκ λέσαρ λέσκο πολιτικός, στρατιωτικός ντα εμπορικός σύστημας. Κα σικλιάς ακανά πιο μπουτ ανταλέ ντουέ πραγματένγκε.

10. Σόσκε κα καταστραφίνελ ο Ιεχωβά ι Μπαρέ Βαβυλωνά σαρ βακερένα ο εδάφια Αποκάλυψη 17:1, 6 ντα 18:24;

¹⁰ Η «τιμωρία σο κα τθερέλ η μπαρί λουμνί». (Διαβάνεν Αποκάλυψη 17:1, 6· 18:​24) Η Μπαρί Βαβυλώνα αντάς μπουτ μπαρί λατζ κο ναβ κι Ντεβλέσκο. Σικλιαρντάς κο τζενέ ψέματα ι Ντεβλέσκε. Σαρ εκ τζουβέλ σο τζάλα γιαβερέντζαρ, να ατσσιλί πιστή κο Ιεχωβά ντα τσσιντιντάς κατά αρχηγοί ι ντουνιάσκε. Χρησιμοποιηντάς πι ζορ για τι λελ ι τζενένγκε λοβέ. Ντα μουνταρντάς μπουτέ τζενέν, σο αντρέ οντουλέντε ισινέ υπηρέτες ι Ντεβλέσκε-ντα. (Αποκ. 19:2) Σαρ κα καταστραφίνελ ο Ιεχωβά ι Μπαρέ Βαβυλωνά;

11. Σο ισί ο «ντιπ λολό θηρίος», ντα σαρ κα κερέλ οντουβά σο μανγκέλα ο Ντεβέλ ι Μπαρέ Βαβυλωνάκε;

¹¹ Ο Ιεχωβά κα χρησιμοποιήνελ «ο 10 σινγκά» εκχέ “ντιπ λολέ θηριόσκε” για τι καταστραφίνελ “ι μπαρέ λουμνιά”. Ανταβά θηρίος μανγκέλα τι σικαβέλ ο Ηνωμένα Έθνη. Ο ντες σινγκά μανγκένα τι σικαβέν σαρέ ο κυβερνήσεις σο τσσίντενα κατά Ηνωμένα Έθνη. Κι Ντεβλέσκο βακίτι, ανταλά κυβερνήσεις κα τσσουβέν-λεν ι Μπαρέ Βαβυλωνάσαρ. «Κα κερέν-λα τι ατσσόλ κορκορί ντα νανγκί» κάνα κα λεν λάκο χουλανιπέ ντα κα σικαβέν σαριλένγκε λάκο πφιρνιπέ. (Αποκ. 17:3, 16) Ανταγιά καταστροφή κα αβέλ-πες  αζόμ σουγκό, σο κα ντικχίντιβελ σαρ τι αβιλίας αντρέ εκχέ ντιβεσέστε. Οντουλά σο τσσίντενας κατά Μπαρί Βαβυλώνα κα σαστίνεν, ντα ατζέ πιο μπουτ επειδή βόι βακερέλας μπαρικανές: «Μπεσάβα σαρ βασίλισσα, ντα να ισινόμ χήρα, ντα ποτές να κα ντικχάβ λύπη».​—Αποκ. 18:7, 8.

12. Σο να κα μουκχέλ ο Ιεχωβά τι κερέν ο τθεμά, ντα σόσκε;

¹² Ο Ντεβέλ να κα μουκχέλ τι καταστραφίνεν ο τθεμά λέσκε υπηρετόν. Βον ισί μπουτ περήφανοι σο τθερένα οπρά-πουμέντε λέσκο ναβ, ντα ντινέ καν ι εντολή τι νικιόν κατά Μπαρί Βαβυλώνα. (Πράξ. 15:​16, 17· Αποκ. 18:4) Επίσης, κερένα μπαρέ προσπάθειες για τι βοηθίνεν γιαβερέν-ντα τι νικιόν λάταρ. Οντουλέσκε, ο υπηρέτες ι Ιεχωβάσκε να κα “τιμωρίντιβεν βον-ντα λάσαρ”. Όμως, λένγκι πίστη κα δοκιμάντιβελ.

13. (α) Κον ισί ο Γωγ; (β) Σόσκε ο Γωγ κα τσσουβέλ-λεν ι Ντεβλέσκε λαόσαρ σαρ βακερένα ο εδάφια Ιεζεκιήλ 38:2, 8, 9;

¹³ Ο Γωγ κα τσσουβέλ-λεν ι Ντεβλέσκε λαόσαρ. (Διαβάνεν Ιεζεκιήλ 38:2, 8, 9) Αφού κα καταστραφίντιβεν σαρέ ο ψεύτικες θρησκείες, ο λαός ι Ντεβλέσκο κα αβέλ σαρ ο μόνος δέντρος σο νταϊντιντάς εκχέ μπαρέ μπαρμπαλιάτε. Ο Μπενγκ σίγουρα κα πφερντιόλ χολί. Κα σικαβέλ ανταγιά μπαρί χολί κάνα κα τσσουβέλ ι δαιμονέν τι χουχαβέν ι τθεμέν “μελαλέ λαφίντζαρ” για τι γκίντελ-λεν ντα τι κερέλ-λεν τι τζαν κόντρα ι Ιεχωβάσκε υπηρετόντζαρ. (Αποκ. 16:​13, 14) Ανταλά τθεμά σο κα αβέν γιεκ βακέρντιβενα «Γωγ κατά τθεμ Μαγώγ». Κάνα ο τθεμά κα τσσουβέν-λεν ι Ιεχωβάσκε λαόσαρ, ο Αρμαγεδδώνας κα αρχίνελ.​—Αποκ. 16:16.

14. Σο κα αγαβέλ ο Γωγ;

¹⁴ Ο Γωγ κα ντελ μπέσα κι «τζενένγκι ζορ», δηλαδή κι ζορ πι στρατόσκι. (2 Χρον. 32:8) Αμέν κα ντας μπέσα κο Ιεχωβά αμαρέ Ντεβλέστε, κάτι σο κα ντικχίντιβελ ντινιλιπέ κο γιακχά κι τθεμένγκε. Σόσκε; Επειδή η Μπαρί Βαβυλώνα ισινέ ζουρανί, αλλά λάκε ντεβλένγκι ζορ να σωντάς-λα κατά «θηρίος» ντα κατά «10 σινγκά»! (Αποκ. 17:​16) Οτθάρ, ο Γωγ κα μπεκλεντίνελ ότι κα νικίνελ εύκολα. «Σαρ σύννεφα σο ιτσσαρένα ι πφουβ»,  κα τσσουβέλ-λεν ι Ιεχωβάσκε λαόσαρ. (Ιεζ. 38:​16) Μπουτ σουγκό όμως ο Γωγ κα αγαβέλ ότι πελό κι παγίδα. Σαρ ο Φαραώ κι Ερυθρά Θάλασσα, αντικάς βοβ-ντα κα σικλιόλ ότι τσσουβέλα-λεν ι Ιεχωβάσαρ.​—Έξοδ. 14:​1-4· Ιεζ. 38:3, 4, 18, 21-23.

15. Σο κα κερέλ ο Χριστός κο Αρμαγεδδώνας;

¹⁵ Ο Χριστός ντα λέσκο στρατός κο ουρανός κα αρακχαβέν ι Ντεβλέσκε λαός ντα κα καταστραφίνεν ι τθεμέν ντα λένγκο στρατός. (Αποκ. 19:​11, 14, 15) Αλλά σο κα αβέλ-πες κο πιο μπαρό ντουσμάνι κι Ιεχωβάσκο, κο Μπενγκ, σο χουχαντάς ι τθεμέν ντα κερντάς-λεν τι πολεμίνεν κο Αρμαγεδδώνας; Ο Ιησούς κα τσσουβέλ λες ντα λέσκε δαιμονέν κι άβυσσος, σο οτθέ κα ατσσόν πφαντέ χίλια μπρεσά.​—Αποκ. 20:​1-3.

16. (α) Σαρ σικαβάσα ότι “τζανάσα ι Ντεβλές”; (β) Σο κα αβέλ-πες κο Αρμαγεδδώνας ι τζενένγκε σο τζανένα ι Ιεχωβάς;

¹⁶ Είτε ισινάμ μπουτ μπρεσά κι αλήθεια είτε όχι, για τι σώντιβας κο Αρμαγεδδώνας πρέπει τι σικαβάς ότι “τζανάσα ι Ντεβλές” ντα ότι “ντάσα καν κο λατσσέ αμπέρια αμαρέ Κυριόσκε ι Ιησούσκε”. (2 Θεσ. 1:​7-9) “Τζανάσα ι Ντεβλές” άμα τζανάσα σο μπεϊντίνελα, σο να μπεϊντίνελα ντα λέσκε κανόνες. Σικαβάσα επίσης ότι τζανάσα-λες άμα μανγκάσα-λες, ντάσα-λες καν ντα ισινάμ αφοσιωμέ σάντε λέστε. (1 Ιωάν. 2:​3-5· 5:3) Άμα κεράσα ανταλά πράγματα, κα τζανέλ-αμέν ο Ντεβέλ-ντα, σο μανγκέλα τι βακερέλ ότι κα τθεράς λέσκι ευλογία. (1 Κορ. 8:3) Ντα ο αποτέλεσμας κα αβέλ τι σώντιβας κο Αρμαγεδδώνας!

17. Σο μανγκέλα τι βακερέλ τι “ντας καν κο λατσσέ αμπέρια αμαρέ Κυριόσκε ι Ιησούσκε”;

¹⁷ Ο «λατσσέ αμπέρια αμαρέ Κυριόσκε ι Ιησούσκε» ισί σαρέ ο αλήθειες σο σικλιαρντάς ο Ιησούς, σαρ ισί γραμμέ κο Λάφι κι Ντεβλέσκο. Ντάσα καν κο λατσσέ αμπέρια κάνα κεράσα-λεν αμαρέ ζωγιάτε. Επίσης, ντάσα καν κάνα τσσουβάσα πρώτα ι Ντεβλέσκι Βασιλεία, τζουβντιάσα σαρ βακερένα ο δίκαιοι κανόνες ι Ντεβλέσκε ντα βακεράσα λέσκε Βασιλειάκε. (Ματθ. 6:​33· 24:​ 14) Ατζέκ εκ τρόπος σο ντάσα καν ισί κάνα υποστηρίνασα ι χρισμέ πφραλέν ι Χριστόσκε καζόμ κερένα πουμαρό σημαντικός έργος.​—Ματθ. 25:​31-40.

18. Σαρ κα σικαβέν ο χρισμέ πφραλά-ντα ι Χριστόσκε ο λατσσιπέ σο σικαβένα λένγκε ο “γιαβερά μπρακέ”;

¹⁸ Ο χρισμέ υπηρέτες ι Ντεβλέσκε κα τθερέν ατζεχάνικ ι ευκαιρία τι σικαβέν βον-ντα ο λατσσιπέ σο σικαβένα λένγκε ο “γιαβερά μπρακέ”. (Ιωάν. 10:​16) Σαρ; Πριν τι αρχίνελ ο Αρμαγεδδώνας, σαρέ ο 144.000 κα αβέν κο ουρανός σαρ πνεύματα σο ναστί μερένα. Αζομάν κα αβέν βον-ντα αντρέ κο στρατός σο κα καταστραφίνελ ι τθεμέν ντα κα αρακχαβέλ «εκ μπαρό πλήθος» ι Ιεχωβάσκε λαόσκο. (Αποκ. 2:​26, 27· 7:9, 10) Ο μπαρό πλήθος κα χαιρίνελ μπουτ σο τθερέλας ο προνόμιος τι υποστηρίνελ ι χρισμέ υπηρετόν ι Ιεχωβάσκε καζόμ ισινέ κι πφουβ!

19, 20. Παρόλο σο τθεράσα δοκιμασίες, σαρ κα ατσσάς πιστοί καζόμ ερεσέλα ο Αρμαγεδδώνας;

¹⁹ Ανταλέ δύσκολε τελευταίε ντιβεσέντε, μπουτ κατά Ιεχωβάσκο λαός τθερένα δοκιμασίες. Όμως, μπορίνασα τι νταϊντίνας με χαρά. (Ιακ. 1:​2-4) Κάτι σο βοηθίνελα-αμέν ισί ότι να τσσιναβάσα τι κεράς προσευχή αντράλ αμαρέ γκίσταρ. (Λουκ. 21:​36) Να ερεσέλα σάντε τι προσευχίντιβας αλλά πρέπει τι σικλιαράς-αμέν κάθε ντιβές ντα τι σκεφτίνας λατσσές σο βακερέλα ι Ντεβλέσκο Λάφι, εμ ο προφητείες σο βακέρντιλε ότι κα αβέν-πες αμαρέ ντιβεσέντε. (Ψαλμ. 77:​12) Άμα κεράσα ανταλά πράγματα ντα κεράσα ο πιο λατσσό κο έργος-ντα, αμαρί πίστη κα ατσσόλ ζουρανί ντα να κα τσσιναβάς τι μπεκλεντίνας ι λατσσέ ντιβεσένγκε σο κα αβέν!

²⁰ Σκεφτίνεν σο μπουτ κα χαιρίνεν κάνα η Μπαρί Βαβυλώνα κα καταστραφίντιβελ ντα κάνα ο Αρμαγεδδώνας κα τελειώνελ! Ντα ο πιο σημαντικός, ανέν τουμαρέ γκοντιάτε τουμαρί μπαρί χαρά κάνα σαρέ ο τζενέ κα σεβάνεν ο ναβ ι Ντεβλέσκο ντα ο δικαίωμας σο τθερέλα τι κυβερνίνελ! (Ιεζ. 38:​23) Βα, ο Αρμαγεδδώνας ισί λατσσό αμπέρι οντουλένγκε σο τζανένα ι Ντεβλές, ντένα καν λέσκε Τσσαβές ντα νταϊντίνενα μέχρι κο τέλος.​—Ματθ. 24:13.