1, 2. (α) Σαρ πρέπει τι ντικχάς ι πφουρέ πφραλέν ντα πφενίν σαρ βακερέλα ο εδάφιος Παροιμίες 16:​31; (β) Καλέ ερωτησιέντε κα απαντίνας ανταλέ μαθημάστε;

ΚΟ Αρκάνσας σο ισί κο ΗΠΑ, υπαρχίντιβελα εκ πάρκος σο κον τζάλα οτθέ μπορίνελα τι αρακχέλ τελέ κι πφουβ διαμάντια. Όμως, οντουλά διαμάντια να λένα-πες ντα να ντικχίντιβενα σουκάρ σόσκε καέκ να κερντάς μπουτί οπρά-λέντε. Οντουλέσκε, μπουτ τζενέ μπέκιμ μα τι αγαβένα καζόμ μπαρί αξία τθερένα ντα να ντένα σημασία ανταλέ θησαυρόντε.

² Αμαρέ πφουρέ πφραλά ντα πφενιά ισί σαρ ανταλά διαμάντια. Ισί εκ μπαρό θησαυρός. Ο Λάφι ι Ντεβλέσκο βακερέλα ότι ο παρνέ μπαλά ασακέ τζενένγκε ισί σαρ στεφάνι. (Διαβάνεν Παροιμίες 16:​31· 20:​29) Όμως, ισί εύκολος μα τι ντας σημασία ανταλέ θησαυρόντε. Ο πο τερνέ πφραλά σο αγαβένα ι αξία ι πφουρέ πφραλένγκι ντα πφενίνγκι μπορίνενα τι λεν κάτι πο λατσσό κατά χουλανιπέ. Ανταλέ μαθημάστε, κα απαντίνας τρινέ ερωτησιέντε: Σόσκε ντικχέλα ο Ιεχωβά σαρ θησαυρός ι πφουρέ πφραλέν ντα πφενίν; Σόσκε ο πφουρέ πφραλά ντα πφενιά ισί σημαντικοί αντρέ κι οργάνωση κι Ιεχωβάσκι; Σαρ κα βοηθίντιβας καζόμ πο λατσσές αβέλα-πες λένγκε παραδειγμάσταρ;

3. Σόσκε τθερένα μπαρί αξία ι Ιεχωβάσκε ο πφουρέ πφραλά ντα πφενιά σαρ βακερένα ο εδάφια Ψαλμός 92:​12-15;

³ Ο πφουρέ πφραλά ντα πφενιά τθερένα μπαρί αξία ι Ιεχωβά Ντεβλέσκε. Ντικχέλα σο τζενέ ισί μπαγιά αντρέ πουμέντε. Τζανέλα λένγκε σουκάρ ιδιότητες ντα ισί πολύτιμες λέσκε. Αβέλα λέσκο γκι κάνα ντικχέλα ι πφουρέ πφραλέν ντα πφενίν τι βακερέν κο πο τερνέ οντουλά σο σικλιλέ σαρέ ο μπρεσά  σο υπηρετίνενα πιστά ι Ιεχωβάς. (Ιώβ 12:​12· Παρ. 1:​1-4) Ο Ιεχωβά εκτιμίνελα μπουτ λένγκι υπομονή-ντα. (Μαλ. 3:​16) Πουμαρέ ζωγιάτε τθερένας προβλήματα, αλλά να τσσιναντέ τι αβέν πιστοί κο Ιεχωβά. Λένγκι ελπίδα οντουλένγκε σο κα αβέν-πες ανγκλ’ αμέντε αβιλί πο ζουρανί οτθάρ μπερί σο σικλιλέ ι αλήθεια. Ντα ο Ιεχωβά μανγκέλα-λεν σόσκε να τσσιναντέ τι βακερέν λέσκε ναβέσκε «ατζέ-ντα κο πφουρίματα».​—Διαβάνεν Ψαλμός 92:​12-15.

4. Σο μπορίνελα τι ντελ ζορ αμαρέ πφουρέ πφραλέν ντα πφενίν;

⁴ Άμα ισινέν πφουρέ, μολίνασα-τουμέν τι αβέν σίγουροι ότι ο Ιεχωβά ντέλα-πες γκοντί ο έργος σο κερντέν ανγκλέ. (Εβρ. 6:​10) Βακερντέν ο λατσσέ αμπέρια σαρέ τουμαρέ γκίσαρ, ντα ανταβά ντέλα χαρά κο γκι αμαρέ Νταντέσκο, κι Ιεχωβάσκο. Νταϊντιντέν προβλήματα, σο μερικά λένταρ αντέ τουμένγκε μπαρί ντουκχ. Ντινέν καν οντουλέντε σο βακερένα ο δίκαιοι κανόνες ι Γραφιάκε, κερντέν πιστά σημαντικά μπουτιά κι οργάνωση κι Ιεχωβάσκι ντα σικλιαρντέν γιαβερέν. Κερένας σο νακχέλας τουμαρέ βαστένταρ για τι κερέν ο μπουτ αλλαγές σο κερέλα η οργάνωση ι Ιεχωβάσκι. Βοηθίνενας ντα ντένας ζορ οντουλέν σο υπηρετίνενας ι Ιεχωβάς ολοχρόνια. Ο Ιεχωβά Ντεβέλ μανγκέλα-τουμέν μπουτ σο ισινέν αφοσιωμέ λέστε. Ντέλα πο λάφι ότι «να κα μουκχέλ οντουλέν σο ισί αφοσιωμέ λέστε»! (Ψαλμ. 37:​28) Βακερέλα τουμένγκε: «Ατζέ-ντα κάνα κα παρνιόν τουμαρέ μπαλά με να κα τσσιναβάβ τι βάνταβ-τουμέν». (Ησ. 46:4) Οτθάρ, μα αμντίνεν ότι, επειδή πφουρίλιλεν, τσσιναντέν τι αβέν σημαντικοί κι οργάνωση κι Ιεχωβάσκι. Τθερένα μπαρί αξία!

5. Σο πρέπει τι ντεν-πες γκοντί ο πφουρέ πφραλά ντα πφενιά;

⁵ Ο πφουρέ τθερένα μπουτ πράγματα τι ντεν. Παρόλο σο μπέκιμ μα τι τθερένα ι ζορ σο τθερένας κάνα ισινέ τερνέ, σικλιλέ μπουτ πράγματα σαρέ ανταλά μπρεσά. Ο Ιεχωβά να κα τσσιναβέλ τι χρησιμοποιήνελ-λεν μπουτέ τροπόντζαρ, σαρ σικαβένα ο παραδείγματα σο κα ντικχάς κατά πουρανέ μπρεσά ντα αμαρέ ντιβεσένταρ.

6, 7. Βακερέν παραδείγματα πφουρέ τζενένγκε σο ευλογισάλε επειδή ισινέ αφοσιωμέ κο Ιεχωβά.

⁶ Κι Αγία Γραφή, αρακχάσα λατσσέ παραδείγματα πιστέ τζενένγκε σο να τσσιναντέ  τι υπηρετίνεν ι Ιεχωβάς κο πφουρίματα. Για παράδειγμας, ο Μωυσής ισινέ πασέ 80 μπρεσένγκο κάνα αβιλό προφήτης ντα τραμπιντάς-λες ο Ιεχωβά τι κερέλ κουμάντος ο λαός Ισραήλ. Ντικχίντιβελα ότι ο Ιεχωβά μουκχλάς ι Δανιηλίς τι αβέλ προφήτης ατζέ-ντα κάνα ισινέ πο μπουτ από 90 μπρεσένγκο. Ντα ο απόστολος Ιωάννης ντικχίντιβελα ότι ισινέ πο μπουτ από 90 μπρεσένγκο κάνα γραφιντάς ι Ντεβλέσκε πνευμάσαρ ο βιβλίος Αποκάλυψη.

⁷ Μπουτέ γιαβερέ πιστέ τζενέν να τζανένας-λεν ο γιαβερά ντα μπέκιμ μα τι ντένας-λεν σημασία. Ο Ιεχωβά όμως ντικχέλας-λεν ντα ευλογιντάς-λεν σόσκε ατσσιλέ αφοσιωμέ λέστε. Για παράδειγμας, η Γραφή κερέλα μπουτ χάνικ λάφι ι Συμεωνίσκε σο ισινέ «δίκαιος ντα σεβάνελας ι Ντεβλές», αλλά ο Ιεχωβά τζανέλας κον ισινέ ντα ντινάς-λες ο προνόμιος τι ντικχέλ ι χουρντέ Ιησούς ντα τι βακερέλ σο κα αβέλας-πες ι χουρντέσαρ ντα λέσκε νταγιάσαρ. (Λουκ. 2:​22, 25-35) Ανέν τουμαρέ γκοντιάτε ι Αννά-ντα, σο ισινέ εκ χήρα προφήτισσα. Ισινέ 84 μπρεσένγκι, αλλά «να λειπίνελας ποτές κατά ναός». Τζάλας σαρέ κο συναθροίσεις, σαρ τι βακεράας, ντα ευλογισάλι μπουτ ανταλέσκε κάνα ντικχλάς βόι-ντα ι χουρντέ Ιησούς. Εμ ο Συμεών εμ η Άννα τθερένας μπαρί αξία ι Ιεχωβάσκε.​—Λουκ. 2:​36-38.

8, 9. Σο κερντάς εκ πφεν κι οργάνωση κι Ιεχωβάσκι κάνα μουλό λάκο ρομ;

⁸ Αμαρέ ντιβεσέντε, μπουτ πφουρέ πφραλά ντα πφενιά ισί μπουτ λατσσέ παραδείγματα ι πο τερνένγκε. Σκεφτίνεν ι πφενιά Λόις Ντίντουρ. Ισινέ σάντε 21 μπρεσένγκι κάνα αβιλί ειδική σκαπάνισσα κο Καναδάς. Σοράν ανταλέσταρ, ισινέ πι ρομέσαρ, τον Τζον, σο κερέλας μπουτ μπρεσά ο έργος τθαν τθανέστε σαρ επίσκοπος. Σοράν, υπηρετιντέ κο Μπέθελ κο Καναδάς 20 μπρεσά ντα πο μπουτ. Κάνα η Λόις ισινέ 58 μπρεσένγκι, βακερντέ λένγκε τι τζαν τι υπηρετίνεν κι Ουκρανία. Σο κα κερένας; Μήπως κα βακερένας ότι ισινέ μπουτ μπαρέ για τι υπηρετίνεν γιαβερέ τθεμέστε; Λιντέ ο διορισμός, ντα ο Τζον διορισάλο κι Επιτροπή του Τμήματος οτθέ. Σοράν από εφτά μπρεσά, ο Τζον μουλό αλλά η Λόις αποφασιντάς τι ατσσόλ πι διορισμόστε. Ακανά, σο ισί 81 μπρεσένγκι, συνεχίνελα τι υπηρετίνελ πιστά ι Ιεχωβάς κι φαμιλί Μπέθελ κι Ουκρανία, ντα σαρέ μανγκένα-λα μπουτ.

⁹ Πφενίν σαρ η Λόις μπέκιμ μα τι ντένα-λεν σημασία ο γιαβερά αζόμ μπουτ καζόμ ντένας-λεν κάνα τζουβντιόλας λένγκο ρομ. Αλλά ισί μπουτ σημαντικές. Ι Ιεχωβάσκε, τθερένα μπαρί αξία ο πφενιά σο βοηθίνενας πουμαρέ ρομές μπουτ μπρεσά ντα ακανά να τσσιναβένα τι υπηρετίνεν-λες πιστά. (1 Τιμ. 5:3) Επίσης, ανταλά πφενιά ντένα μπουτ μπαρί ζορ κο πο τερνέ.

10. Καβά μπουτ σουκάρ παράδειγμας μουκχλάς ο Τόνι;

¹⁰ Ο πφουρέ πφραλά ντα πφενιά σο τζουβντιόνα κο γηροκομεία ή σο ναστί νικιόνα πουμαρέ κχερέσταρ ισί βον-ντα εκ θησαυρός. Για παράδειγμας, εκ πφραλ σο βακερένα λέσκε Τόνι τζουβντιόλα ακανά εκχέ γηροκομειόστε. Μπολντιλό κι Πενσυλβανία  σο ισί κο ΗΠΑ κο Αύγουστος 1942, κάνα ισινέ 20 μπρεσένγκο. Χάνικ σοράν λέσκε μπολντιμάσταρ, βακερντέ λέσκε τι τζαλ κο στρατός. Επειδή να μανγκλάς τι τζαλ, τσσουντέ-λες κι φυλακή ντούι επκάς μπρεσά. Γιεκ πι ρομνιάσαρ, ι Χιλντάσαρ, μπαριαρντέ ντουέ τσσαβέν κι αλήθεια. Σαρέ ανταλά μπρεσά, ο Τόνι υπηρετιντάς τρινέ κχανγκιρίντε σαρ προεδρεύων επίσκοπος (ακανά βακέρντιβελα συντονιστής του πρεσβυτερίου) ντα σαρ επίσκοπος συνέλευσης. Επίσης, τζάλας τι κερέλ συναθροίσεις ντα μελέτες εκχέ φυλακιάτε. Ακανά, σο ισί 98 μπρεσένγκο, ο Τόνι να τσσιναβέλα τι κερέλ ο πο λατσσό ι Ιεχωβάσκε. Συνεχίνελα ο πο λατσσό για τι υπηρετίνελ ι Ιεχωβάς γιεκ ι πφραλέντζαρ ντα ι πφενίντζαρ πι κχανγκιριάτε!

11. Σαρ μπορίνασα τι σικαβάς ότι τθερένα αμένγκε μπαρί αξία ο πφουρέ σο τζουβντιόνα κο γηροκομεία ή σο ναστί νικιόνα πουμαρέ κχερέσταρ;

¹¹ Σαρ μπορίνασα τι σικαβάς αμαρό σεβασμός κο πφουρέ πφραλά ντα πφενιά σο τζουβντιόνα κο γηροκομεία ή σο ναστί νικιόνα πουμαρέ κχερέσταρ; Ο πρεσβύτεροι μπορίνενα τι βοηθίνεν-λεν τι τσσουβέν-πες κο συναθροίσεις ντα τι κερέν έργος κάνα ανταβά αβέλα-πες. Κα σικαβάς λένγκε ότι τθεράσα-λεν αμαρέ γκοντιάτε άμα τζάσα τι ντικχάς-λεν ή άμα κεράσα λέντζαρ παρέα κατά Ίντερνετ. Ατζέ πο μπουτ, μανγκάσα τι τθεράς αμαρέ γκοντιάτε ι πφουρέ πφραλέν ντα πφενίν σο μπέκιμ τι ισί εκχέ γηροκομειόστε ντουρ πουμαρέ πουρανέ κχανγκιριάταρ. Πρέπει τι αβάς προσεκτικοί για μα τι μπιστράς ανταλέ πφουρέν. Μερικοί λένταρ μπέκιμ τι δυσκολίντιβενα τι κερέν λάφι πουμαρέ νεαυτόσκε ή μπέκιμ τι αμντίνενα ότι νανέ σωστός τι κερέν-λες ανταβά. Αλλά κα λας μπαρί ζορ άμα ντάσα αμαρέ σαατίσταρ για τι κεράς λένγκε ερωτήσεις ντα τι ασουνάς-λεν κάνα πουτρένα αμένγκε καζόμ σουκάρ πράγματα κερντέ κι Ιεχωβάσκι οργάνωση.

12. Σο μπορίνασα τι αρακχάς αμαρέ κχανγκιριάτε-ντα;

¹² Αλλά αμαρέ κχανγκιριάτε-ντα, ισί παραδείγματα πιστέ πφραλένγκε ντα πφενίνγκε σο μπέκιμ να τζανάας. Εκ πφεν σο βακερένα λάκε Χάριετ υπηρετιντάς πιστά ι Ιεχωβάς μπουτ μπρεσά κι κχανγκιρί Νιου Τζέρσι κο ΗΠΑ. Σοράν, γκιλί τι μπεσέλ πι τσσαγιάτε. Ο πφραλά κι νεβί κχανγκιρί σο γκιλί ντινέ πουμαρέ σαατίσταρ για τι σικλιόν-λα ντα αγαντέ ότι ισινέ εκ θησαυρός. Η Χάριετ ντινάς-λεν ζορ κάνα βακερντάς λένγκε ιστορίες κατά βακίτι σο σικλιλί ι αλήθεια περίπου κο 1925. Αζομάν, πάντα λέλας παλά-πέστε πι οδοντόβουρτσα κάνα νικιόλας κο έργος σόσκε μπέκιμ τι τσσουβένας-λα κι φυλακή. Ντα κο 1933 τσσουντέ-λα ντούι φαρ κι φυλακή, ντα ι κάθε φαρ μπεσλί εκ εβδομάδα αντρέ. Λάκο ρομ σο να ισινέ Μάρτυρας βοηθίνελας-λα ντα αρακχαβέλας πουμαρέ τρινέ χουρντέν. Σίγουρα, αξίνελα τι σεβάνας ασακέ πιστέ πφουρέν σαρ η Χάριετ!

13. Σο σικλιλάμ οντουλένγκε σο τθερένα τι κερέν ο πφουρέ πφραλά ντα πφενιά αντρέ κι οργάνωση κι Ιεχωβάσκι;

¹³ Αμαρέ πφουρέ πφραλά ντα πφενιά, ισί μπουτ σημαντικοί κι Ιεχωβάσκι οργάνωση. Ντικχλέ σαρ ευλογιντάς ο Ιεχωβά εμ πι οργάνωση αλλά εμ λεν μπουτέ τροπόντζαρ. Σικλιλέ μπουτ πράγματα κατά λάθη σο κερντέ. Τι ντικχέν-λεν σαρ εκ τθαν σο “λέσταρ αβέλα η σοφία” ντα τι σικλιόν λένταρ. (Παρ. 18:4) Άμα κα ντεν τουμαρέ σαατίσταρ για τι σικλιόν-λεν, τουμαρί πίστη κα μπαριόλ ντα κα σικλιόν μπουτ πράγματα λένταρ!

14. Σο βακερέλα ι πο τερνένγκε ο εδάφιος Δευτερονόμιο 32:7;

¹⁴ Τι μανγκέν τι κερέν λάφι ι πφουρέντζαρ. (Διαβάνεν Δευτερονόμιο 32:7) Ισί μπαγιά ότι ναστί ντικχένα λατσσές, ναστί πφιρένα σουγκό ντα ναστί κερένα λάφι σουκάρ  τροπόσαρ, αλλά πουμαρέ γκίστε ισί τερνέ ντα κερντέ «λατσσό ναβ» κο Ιεχωβά. (Εκκλ. 7:1) Τι ντεν-τουμέν γκοντί σόσκε τθερένα αξία ι Ιεχωβάσκε. Μα τσσιναβέν τι σικαβέν λένγκε σεβασμός. Τι αβέν σαρ ο Ελισαιέ, σο να μανγκέλας τι μουκχέλ ι Ηλιάς ο τελευταίος ντιβές σο ισινέ γιεκ. Ο Ελισαιέ βακερντάς τριν φαρ: «Να κα μουκχάβ-τουτ».​—2 Βασ. 2:2, 4, 6.

15. Καλά ερωτήσεις κα μπορίναας τι κεράς ι πφουρέ πφραλένγκε ντα πφενίνγκε;

¹⁵ Τι σικαβέν ότι πφαμπόνα ι πφουρέ πφραλένγκε ντα πφενίνγκε κάνα μανγκένα λένταρ λατσσιμάσαρ τι πουτρέν τουμένγκε πουμαρό γκι. (Παρ. 1:5· 20:5· 1 Τιμ. 5:1, 2) Κερέν λένγκε ερωτήσεις σαρ ακαλά: «Κάνα ισινάνας πο τερνό, σο κερντάς-τουτ τι αβές σίγουρος ότι αρακχλάν ι αλήθεια;» «Σαρ βοηθιντέ-τουτ ο πράγματα σο νακχλάν τι αβές πο πασέ κο Ιεχωβά;» «Σο βοηθιντάς-τουτ τι ατσσός χαρούμενος κι υπηρεσία κι Ιεχωβάσκι;» (1 Τιμ. 6:​6-8) Σοράν, ασουνέν-λεν καζόμ κα πουτρέν τουμένγκε πουμαρί ιστορία.

16. Σαρ βοηθίντιβελα εμ ο πφουρό πφραλ εμ ο πο τερνό κάνα κερένα λάφι ο εκ ι γιαβερέσαρ;

¹⁶ Κάνα εκ πφουρό ντα εκ πο τερνό πφραλ κερένα λάφι ο εκ ι γιαβερέσαρ, βοηθίντιβενα ο ντούι-ντα. (Ρωμ. 1:​12) Τουμέν σο ισινέν πο τερνέ κα αβέν ατζέ πο σίγουροι ότι ο Ιεχωβά αρακχαβέλα πι υπηρετόν, ντα ο πφουρό πφραλ κα νιωθίνελ ότι μανγκένα-λες. Κα χαιρίνελ τι βακερέλ τουμένγκε σαρ ευλογιντάς-λες ο Ιεχωβά.

17. Σόσκε μπορίνασα τι βακεράς ότι ο πφουρέ πφραλά ντα πφενιά αβένα πο σουκάρ καζόμ νακχένα ο μπρεσά;

¹⁷ Καζόμ νακχένα ο μπρεσά, ο πο μπουτ φαρ ο σουκαριπέ χασάρντιβελα, αλλά οντουλά σο ισί αφοσιωμέ κο Ιεχωβά αβένα πο σουκάρ λέσκε γιακχίντε κάθε μπρες σο νακχέλα. (1 Θεσ. 1:2, 3) Σόσκε; Επειδή σαρέ ο μπρεσά σο νακχλέ, μουκχλέ ο πνεύμας ι Ντεβλέσκο τι σικλιαρέλ-λεν ντα τι βοηθίνελ-λεν τι τθερέν σουκάρ ιδιότητες. Καζόμ πο μπουτ σικλιάσα αμαρέ πφουρέ πφραλέν ντα πφενίν, σεβάνασα-λεν ντα σικλιάσα λένταρ, αζόμ πο μπουτ κα ντικχάς ότι ισί εκ θησαυρός!

18. Σο κα ντικχάς κο γιαβέρ μάθημας;

¹⁸ Η κχανγκιρί αβέλα πο ζουρανί, όχι σάντε κάνα ο πο τερνέ εκτιμίνενα ι πφουρέν, αλλά κάνα ο πφουρέ-ντα εκτιμίνενα ι πο τερνέν. Κο γιαβέρ μάθημας, κα ντικχάς σαρ μπορίνενα ο πφουρέ πφραλά ντα πφενιά τι σικαβέν ότι ισί σημαντικοί ο πο τερνέ κι κχανγκιρί.