1, 2. (α) Σαρ ο Μάρτυρες του Ιεχωβά ισί διαφορετικοί κατά γιαβερά θρησκείες; (β) Σο κα σικλιάς ανταλέ μαθημάστε ντα κο γιαβέρ μάθημας;

Ο ΤΖΕΝΕ μπουτ φαρ πουτσένα τους Μάρτυρες του Ιεχωβά: «Κον ισί τουμαρό αρχηγός;» Σκεφτίνενα-λες ανταβά επειδή μπουτ θρησκείες τθερένα εκχέ μουρσές ή εκχέ τζουβλιά σαρ αρχηγός για τι οδηγίνελ-λεν. Όμως, αμέν ισινάμ περήφανοι σο να οδηγίνελα-αμέν εκ ατελής τζενό. Οντουβά σο οδηγίνελα-αμέν ισί ο Ιησούς Χριστός! Ντα ντέλα καν πι Νταντέστε, Οντουλέστε σο οδηγίνελα-λες, κο Ιεχωβά.—Ματθαίος 23:10.

² Επίσης, ισί εκ ομάδα τζενένγκι, «ο πιστός ντα φρόνιμος δούλος», σο ντέλα οδηγίες κι Ντεβλέσκο λαός κι πφουβ αντιβές. (Ματθαίος 24:45) Αλλά σαρ τζανάσα ότι ο Ιεχωβά ισί οντουβά σο οδηγίνελα-αμέν αντράλ πι Τσσαβέσταρ; Κα ντικχάς τριν λόγους σο μπορίνασα τι αβάς σίγουροι ότι αβέλα-πες ανταβά. Ντα παρόλο σο ο Ιεχωβά χρησιμοποιήνελα συγκεκριμέ τζενέν για τι οδηγίνελ πι λαός, κα αγαβάς ξεκάθαρα ότι ο Ιεχωβά ισινέ ντα συνεχίνελα τι αβέλ μπαγιά Οντουβά σο οδηγίνελα πι λαός.—Ησαΐας 58:11.

3. Σο ντέλας δύναμη κο Μωυσής για τι οδηγίνελ ι Ισραηλιτέν;

³ Ο άγιος πνεύμας ντέλας δύναμη οντουλέντε σο ντινάς εξουσία ο Ντεβέλ. Ο Ντεβέλ τραμπιντάς ι Μωυσής για τι οδηγίνελ ι Ισραηλιτέν. Σο βοηθιντάς-λες τι κερέλ οντουβά σημαντικός  διορισμός; Ο Ιεχωβά ντινάς κο Μωυσής «πο άγιος πνεύμας». (Διαβάνεν Ησαΐας 63:11-14) Άρα ο Ιεχωβά ισινέ οντουβά σο οδηγίνελας πι λαός, επειδή λέσκο πνεύμας βοηθίνελας ι Μωυσής.

4. Σο σικαβέλας ότι ο Μωυσής τθερέλας ο πνεύμας ι Ντεβλέσκο; (Ντικχ ι φωτογραφία σο ισί κι αρχή.)

⁴ Μπορίνενας ο τζενέ τι ντικχέν ότι ο Μωυσής τθερέλας ο πνεύμας ι Ντεβλέσκο; Βα! Ο άγιος πνεύμας ι Ιεχωβάσκο ντινάς κο Μωυσής ι δύναμη τι κερέλ θαύματα ντα τι βακερέλ ι Ντεβλέσκε ναβέσκε κο Φαραώ, σο ισινέ ο ζουρανό βασιλιάς κι Αίγυπτος. (Έξοδος 7:1-3) Επίσης, ο άγιος πνεύμας βοηθιντάς ι Μωυσής τι οδηγίνελ με υπομονή ντα αγάπη ι λαός. Βοβ να ισινέ άγριος ντα εγωιστής, σαρ ισινέ ο τζενέ σο οδηγίνενας ι γιαβερέ λαόν! (Έξοδος 5:2, 6-9) Ντικχίντιβελας ξεκάθαρα ότι ο Ιεχωβά τραμπιντάας ι Μωυσής για τι οδηγίνελ λέσκε λαός.

5. Καλέ γιαβερέ τζενέντε ντινάς ο Ιεχωβά ο άγιος πνεύμας για τι οδηγίνεν λέσκε λαός;

⁵ Καλέ γιαβερέ τζενέντε ντινάς ο Ιεχωβά ο άγιος πνεύμας για τι οδηγίνεν λέσκε λαός; Η Γραφή βακερέλα: «Ο Ιησούς, ο τσσαβό του Ναυή, ισινέ πφερντό με πνεύμας σοφίας». (Δευτερονόμιο 34:9) «Ο πνεύμας ι Ιεχωβάσκο αβιλό οπράλ κο Γεδεών». (Κριτές 6:34) Ντα «ο πνεύμας ι Ιεχωβάσκο αρχισάλο τι ντελ δύναμη κο Δαβίδ». (1 Σαμουήλ 16:13) Σαρέ οντουλά μουρσά στηρίντιβενας κο πνεύμας κι Ντεβλέσκο για τι βοηθίνελ-λεν τι κερέν πράγματα σο να κα μπορίνενας τι κερέν πουμαρέ ζοριάσαρ. (Ιησούς του Ναυή 11:16, 17· Κριτές 7:7, 22· 1 Σαμουήλ 17:37, 50) Ο Ιεχωβά ξεκάθαρα ισινέ οντουβά σο ντινάς-λεν ι δύναμη τι κερέν μπαρέ πράγματα, οτθάρ σάντε βοβ αξίνελας τι λελ ι δόξα.

6. Σόσκε ο Ντεβέλ μανγκέλας πι λαόσταρ τι σεβάνελ οντουλέν σο οδηγίνενας-λες;

⁶ Σο έπρεπε τι κερέν ο Ισραηλίτες όταν ντικχλέ ότι ο άγιος πνεύμας ι Ντεβλέσκο ντινάας δύναμη κο Μωυσής, κο Ιησούς του Ναυή, κο Γεδεών ντα κο Δαβίδ; Έπρεπε τι σεβάνεν-λεν. Όταν ο λαός κερντάς παράπονα κο Μωυσής, ντικχέν σο πουτσλάς-λεν ο Ιεχωβά: «Καζόμ κα συνεχίνελ ανταβά λαός μα τι τθερέλ μάνγκε σεβασμός;» (Αριθμοί 14:2, 11) Ντικχίντιβελας ξεκάθαρα ότι ο Ιεχωβά τραμπιντάας οντουλέ μουρσέν για τι οδηγίνεν λέσκε λαός. Όταν ο λαός ντέλας-λεν καν, κι πραγματικότητα μουκχέλας ι Ιεχωβάς τι οδηγίνελ-λες.

7. Σαρ ο άγγελοι βοηθιντέ ι Μωυσής;

⁷ Ο άγγελοι βοηθίνενας ι τζενέν σο ντινάς-λεν εξουσία ο Ντεβέλ. (Διαβάνεν Εβραίους 1:7, 14) Ο Ντεβέλ χρησιμοποιηντάς αγγελόν για τι οδηγίνεν ι Μωυσής. Πρώτα, εκ άγγελος “σικάντιλο λέσκε κο θάμνος” ντα ντινάς-λες ο διορισμός τι ελευθερώνελ ντα τι οδηγίνελ ι Ισραηλιτέν. (Πράξεις 7:35) Δεύτερον, ο Ντεβέλ χρησιμοποιηντάς αγγελόν τι ντεν κο Μωυσής ο Νόμος για τι σικλιαρέλ ι Ισραηλιτέν. (Γαλάτες 3:19) Τρίτον, ο Ιεχωβά βακερντάς λέσκε: «Γκερ ι λαός οντουλέ τθεμέστε σο βακερντόμ τούκε. Ντικχ! Μο άγγελος κα τζαλ ανγκλά-τούταρ». (Έξοδος 32:34) Η Γραφή  να βακερέλα ότι ο Ισραηλίτες ντικχλέ εκχέ αγγελός τι κερέλ οντουλά πράγματα. Όμως, ο τρόπος σο σικλιαρέλας ντα οδηγίνελας ο Μωυσής ι λαός σικαβέλας ξεκάθαρα ότι βοηθίνενας-λες ο άγγελοι.

8. Σαρ βοηθιντέ ο άγγελοι τον Ιησού του Ναυή ντα τον Εζεκία;

⁸ Καλέ γιαβερέ τζενέν βοηθιντέ ο άγγελοι; Η Γραφή βακερέλα ότι ο «άρχοντας κο στρατός κι Ιεχωβάσκο», εκ άγγελος, βοηθιντάς τον Ιησού του Ναυή τι νικίνελ τους Χαναναίους. (Ιησούς του Ναυή 5:13-15· 6:2, 21) Σοράν, κάνα ο Βασιλιάς Εζεκίας οδηγίνελας ι Ντεβλέσκε λαός, ο μπαρό στρατός σο τθερένας ο Ασσύριοι ισινέ έτοιμος τι καταστραφίνελ ι Ιερουσαλήμ. Σε εκ ιράτ, «ο άγγελος ι Ιεχωβάσκο νικίστιλο ντα μουνταρντάς 185.000 μουρσέν».—2 Βασιλέων 19:35.

9. Παρόλο σο ισινέ ατελείς ο τζενέ σο ντινάς-λεν εξουσία ο Ντεβέλ, σο έπρεπε τι κερέν ο Ισραηλίτες;

⁹ Ο άγγελοι ισί τέλειοι. Όμως, ο μουρσά σο βοηθίντιβενας κατά άγγελοι να ισινέ. Για παράδειγμας, εκ φαρ ο Μωυσής να ντινάς δόξα κο Ιεχωβά. (Αριθμοί 20:12) Ο Ιησούς του Ναυή να μανγκλάς κατά Ντεβέλ τι βακερέλ λέσκε σο τι κερέλ όταν ο Γαβαωνίτες μανγκλέ τι κερέν εκ συμφωνία λέσαρ. (Ιησούς του Ναυή 9:14, 15) Ο Εζεκίας για χάνικ καιρός αβιλό μπαρικανό. (2 Χρονικών 32:25, 26) Παρόλο σο ισινέ ατελείς οντουλά μουρσά, ο Ισραηλίτες έπρεπε τι ακολουθίνεν-λεν. Ο Ισραηλίτες μπορίνενας τι ντικχέν ότι ο Ιεχωβά χρησιμοποιήνελας ι αγγελόν για τι στηρίνελ οντουλέ μουρσέν. Ο Ιεχωβά ξεκάθαρα ισινέ οντουβά σο οδηγίνελας πι λαός.

10. Σαρ ο Μωυσής οδηγίντιβελας κατά Ντεβλέσκο Νόμος;

¹⁰ Ο Λάφι ι Ντεβλέσκο οδηγίνελας ι τζενέν σο ντινάς-λεν εξουσία ο Ντεβέλ. Η Γραφή βακερέλα ότι ο Νόμος σο ντιντιλό κο Ισραήλ ισινέ “ο Νόμος του Μωυσή”. (1 Βασιλέων 2:3) Όμως, η Γραφή σικαβέλα ξεκάθαρα ότι ο Ιεχωβά ισινέ οντουβά σο ντινάς ο Νόμος κο Ισραήλ. Ντα ο Μωυσής έπρεπε βοβ-ντα τι ντελ καν κο Νόμος. (2 Χρονικών 34:14) Για παράδειγμας, αφού ο Ιεχωβά βακερντάς λέσκε τι κερέλ ι σκηνή της μαρτυρίας, «ο Μωυσής κερντάς σαρέ οντουλά σο βακερντάς λέσκε ο Ιεχωβά. Κερντάς ακριβώς οντουλά σο βακερντάς λέσκε».—Έξοδος 40:1-16.

11, 12. (α) Σο έπρεπε τι κερέλ ο Ιησούς του Ναυή ντα ο βασιλιάδες σο κυβερνίνενας ι Ντεβλέσκε λαός; (β) Σαρ ο Λάφι ι Ντεβλέσκο οδηγίνελας ι μουρσέν σο κυβερνίνενας;

¹¹ Ο Ιησούς του Ναυή τθερέλας εκ κομμάτι κατά Ντεβλέσκο Λάφι όταν αρχισάλο τι οδηγίνελ ι Ισραηλιτέν, ντα ο Ιεχωβά βακερντάς λέσκε: “Πρέπει τι διαβάνες-λες ντα τι σκεφτίνες-λες πρωί ντα αρατί, για τι προσπαθίνες τι κερές σαρέ οντουλά σο ισί γραμμέ λέστε”. (Ιησούς του Ναυή 1:8) Ο βασιλιάδες σο κυβερνίνενας πιο σοράν ι Ντεβλέσκε λαός έπρεπε βον-ντα τι διαβάνεν ο Νόμος κάθε ντιβές, τι κερέν εκ αντίγραφος ντα τι ντεν καν “σαρέ κο λάφια ντα κο εντολές σο ισινέ αντρέ κο Νόμος, ντα τι κερέν-λεν πουμαρέ ζωγιάτε”.—Διαβάνεν Δευτερονόμιο 17:18-20.

¹² Σαρ οδηγίνελας ο Λάφι ι Ντεβλέσκο ι μουρσέν σο κυβερνίνενας ι λαός; Σκεφτίνεν ο παράδειγμας του Βασιλιά Ιωσία. Αφού αρακχλέ ο Νόμος του Μωυσή, ο γραμματέας λέσκο αρχισάλο τι διαβάνελ-λες λέσκε. * (Ντικχ ι υποσημείωση.) «Όταν ασουντάς ο βασιλιάς ο λάφια σο ισινέ αντρέ κο βιβλίος του Νόμου, πφαραντάς πο σέα». Αζομάν ο Λάφι ι Ντεβλέσκο ντινάς κο Ιωσίας ι δύναμη τι καταστραφίνελ σαρέ ο είδωλα σο ισινέ λέσκε τθεμέστε ντα τι κανονίνελ τι αβέλ-πες ο πιο μπαρό Πάσχας  σο αβιλό-πες ποτές. (2 Βασιλέων 22:11· 23:1-23) Επειδή ο Ιωσίας ντα γιαβερά πιστά τζενέ σο οδηγίνενας ι Ισραηλιτέν ακολουθιντέ ο Λάφι ι Ντεβλέσκο, κερντέ αντράλ πουμαρέ γκίσταρ αλλαγές κο τρόπος σο οδηγίνενας ι Ντεβλέσκε λαός. Οντουλά αλλαγές βοηθιντέ ι Ντεβλέσκε λαός τι ντεν-Λες καν.

13. Σαρ ισινέ διαφορετικοί ο τζενέ σο οδηγίνενας ι Ντεβλέσκε λαός οντουλένταρ σο οδηγίνενας ι γιαβερέ λαόν;

¹³ Ο τζενέ σο κυβερνίνενας ι γιαβερέ λαόν οδηγίντιβενας κατά σοφία σο τθερένας ο ατελείς τζενέ. Για παράδειγμας, σαρέ ο Χαναναίοι, εμ ο κυβερνήτες εμ ο λαός, κερένας μπουτ μπέτι πράγματα. Τζάνας πουμαρέ τσσαβέντζαρ, σοβένας μουρσά μουρσέντζαρ ντα τζουβλιά τζουβλίντζαρ, τζάνας με ζώα, θυσιάνενας πουμαρέ τσσαβέν κο είδωλα ντα πακιάνας ψεύτικε ντεβλέντε. (Λευιτικό 18:6, 21-25) Επίσης ο τζενέ σο κυβερνίνενας τους Βαβυλώνιους ντα τους Αιγύπτιους να τθερένας αζόμ λατσσέ νόμους για την καθαριότητα καζόμ τθερέλας ο λαός ι Ντεβλέσκο. (Αριθμοί 19:13) Όμως ο Ισραηλίτες μπορίνενας τι ντικχέν σαρ ο πιστά τζενέ σο οδηγίνενας-λεν βοηθίνενας-λεν τι ατσσόν πάκι κι λατρεία κι Ντεβλέσκι, τι αβέν πάκι κο σώμας ντα μα τι κερέν λουμνικανέ πράγματα. Ο Ιεχωβά ξεκάθαρα ισινέ οντουβά σο οδηγίνελας-λεν.

14. Σόσκε τιμωριντάς ο Ιεχωβά μερικέ τζενέν σο οδηγίνενας λέσκε λαός;

¹⁴ Να ακολουθίνενας σαρέ ο βασιλιάδες σο κυβερνίνενας ι Ντεβλέσκε λαός ο οδηγίες ι Ντεβλέσκε. Οντουλά βασιλιάδες σο να ισινέ πιστοί να μανγκένας τι οδηγίνελ-λεν ο άγιος πνεύμας ι Ντεβλέσκο, λέσκε άγγελοι ντα λέσκο Λάφι. Μερικές φορές ο Ιεχωβά τιμωρίνελας-λεν ή τσσουβέλας γιαβερέ τζενέν τι οδηγίνεν ι λαός. (1 Σαμουήλ 13:13, 14) Πιο σοράν, ο Ιεχωβά διοριντάς κάποιον σο κα οδηγίνελας λέσκε λαός με τέλειος τρόπος.

15. (α) Σαρ σικαντέ ο προφήτες ότι αβέλας κάποιος για τι οδηγίνελ ι Ντεβλέσκε λαός με τέλειος τρόπος; (β) Κον ισινέ οντουβά σο κα οδηγίνελας ι Ντεβλέσκε λαός με τέλειος τρόπος;

¹⁵ Για μπουτ μπρεσά, ο Ιεχωβά βακερέλας ότι κα διορίνελας κάποιον για τι οδηγίνελ λέσκε λαός με τέλειος τρόπος. Για παράδειγμας, ο Μωυσής βακερντάς κο Ισραηλίτες: «Ο Ιεχωβά τουμαρό Ντεβέλ κα ανέλ τουμένγκε εκχέ προφητής τουμαρέ πφραλένταρ σαρ ισινόμ με. Λες πρέπει τι ασουνέν». (Δευτερονόμιο 18:15) Ο Ησαΐας βακερντάς ότι Οντουβά κα “οδηγίνελας-λεν ντα κα ντέλας-λεν εντολές”. (Ησαΐας 55:4) Ντα ο Δανιήλ γραφιντάς για τον Χριστό, σο κα αβέλας «Αρχηγός». (Δανιήλ 9:25) Τελικά ο Ιησούς Χριστός βακερντάς ότι βοβ ισινέ ο «Αρχηγός» σο κα οδηγίνελας ι Ντεβλέσκε λαός. (Διαβάνεν Ματθαίος 23:10) Ο μαθητές ι Ιησούσκε ακολουθιντέ-λες αντράλ πουμαρέ γκίσταρ ντα πακιάνας ότι ο Ιεχωβά τραμπιντάς-λες. (Ιωάννης 6:68, 69) Σαρ αβιλέ σίγουροι ότι ο Ιησούς Χριστός ισινέ οντουβά σο κα χρησιμοποιήνελας ο Ιεχωβά για τι οδηγίνελ λέσκε λαός;

16. Σαρ σικάντιλο ότι ο άγιος πνεύμας ντέλας δύναμη κο Ιησούς;

¹⁶ Ο άγιος πνεύμας ντέλας δύναμη κο Ιησούς. Όταν ο Ιησούς μπολντιλό, ο Ιωάννης ντικχλάς «τι πουτάρντιβελ ο ουρανός κο μασκάρ ντα ο πνεύμας τι γουλίλ οπρά-λέστε σαρ εκ περιστέρι». Σοράν, «ο πνεύμας κερντάς-λες τι τζαλ κι έρημος». (Μάρκος 1:10-12) Αζομάν σο ισινέ ο Ιησούς κι πφουβ ντα κερέλας λάφι  ι Ντεβλέσκε, ο άγιος πνεύμας ι Ντεβλέσκο ντινάς-λες ι δύναμη τι σικλιαρέλ ι τζενέν ντα τι κερέλ θαύματα. (Πράξεις 10:38) Επίσης, ο άγιος πνεύμας βοηθιντάς ι Ιησούς τι σικαβέλ ιδιότητες σαρ ισί η αγάπη, η χαρά ντα η ζουρανί πίστη. (Ιωάννης 15:9· Εβραίους 12:2) Καέκ γιαβέρ να τθερέλας αζόμ μπουτ αποδείξεις ότι τθερέλας ο άγιος πνεύμας ι Ντεβλέσκο. Ντικχίντιβελας ξεκάθαρα ότι ο Ιεχωβά τραμπιντάας ι Ιησούς για τι οδηγίνελ λέσκε λαός.

17. Σο κερντέ ο άγγελοι για τι βοηθίνεν ι Ιησούς;

¹⁷ Άγγελοι βοηθιντέ ι Ιησούς. Χάνικ ντιβεσά αφού μπολντιλό ο Ιησούς, «αβιλέ άγγελοι ντα αρχισάλε τι υπηρετίνεν-λες». (Ματθαίος 4:11) Χάνικ σαάτια πριν τι μερέλ, «εκ άγγελος κατά ουρανός σικάντιλο λέσκε ντα ντινάς-λες ζορ». (Λουκάς 22:43) Ο Ιησούς τζανέλας ότι, κάνα κα τθερέλας ανάγκη, ο Ιεχωβά κα μπουτσσαβέλας αγγελόν για τι βοηθίνεν-λες.—Ματθαίος 26:53.

18, 19. Σαρ ο Λάφι ι Ντεβλέσκο οδηγίνελας ι Ιησούσκι ζωή ντα οντουλά σο σικλιαρέλας;

¹⁸ Ο Λάφι ι Ντεβλέσκο οδηγίνελας ι Ιησούς. Οτθάρ μπερί σο αρχισάλο τι κερέλ λάφι ι Ντεβλέσκε μέχρι σο μουλό οπράλ καστέστε, ο Ιησούς μουκχέλας τι οδηγίνεν-λες ο Γραφές. Ατζέ-ντα όταν μερέλας, βακερέλας προφητείες για τον Μεσσία. (Ματθαίος 4:4· 27:46· Λουκάς 23:46) Αλλά ο παπάζια σο οδηγίνενας ι λαός αζομάν ισινέ μπουτ διαφορετικά κατά Ιησούς. Βον τραμπιντέ μα τι ασουνέν ο Λάφι ι Ντεβλέσκο όταν να συμφωνίνελας ι πραγματέντζαρ σο σικλιαρένας. Ο Ιησούς χρησιμοποιηντάς λένγκε ακαλά λάφια κατά Γραφή: «Ανταβά λαός δοξάνελα-μαν πι μόσαρ, αλλά ο γκι λέσκο ισί μπουτ ντουρ μάνταρ. Σινανέ ντένα-μαν λατρεία, επειδή σικλιαρένα ο εντολές ι τζενένγκε». (Ματθαίος 15:7-9) Ο Ιεχωβά να κα μπορίνελας ποτές τι τραμπίνελ τζενέν σο να ακολουθίνενα λέσκο Λάφι για τι οδηγίνεν λέσκε λαός.

 ¹⁹ Επίσης, ο Ιησούς χρησιμοποιήνελας ο Λάφι ι Ντεβλέσκο όταν σικλιαρέλας ι γιαβερέν. Όταν ο παπάζια προσπαθίνενας τι πφαριαρέν-λες, να χρησιμοποιήνελας πι σοφία ή οντουλά σο τζανέλας για τι απαντίνελ λένγκε. Αντίθετα, σικλιαρέλας ι τζενέν κατά Γραφές. (Ματθαίος 22:33-40) Επίσης, ο Ιησούς κα μπορίνελας τι κερέλ ι γιαβερέν τι ατσσόν πουταρντέ μόσαρ άμα κα βακερέλας λένγκε ιστορίες πι ζωγιάκε κο ουρανός ή για το τρόπος σο κερντιλό ο σύμπαν. Όμως επειδή μανγκέλας ι Ντεβλέσκο Λάφι, μπεϊντίνελας μπουτ τι βακερέλ-λες κο γιαβερά, ντα “κερέλας λένγκε γκοντιά τι αγαβέν οντουλά σο μανγκένα τι βακερέν ο Γραφές”.—Λουκάς 24:32, 45.

20. (α) Σαρ ο Ιησούς δοξάνελας ι Ιεχωβάς; (β) Σαρ ισινέ διαφορετικός ο Ιησούς κατά Ηρώδης Αγρίππας Α΄;

²⁰ Παρόλο σο ο τζενέ σο ασουνένας ι Ιησούς σαστίνενας όταν κερέλας λάφι, βοβ πάντα ντέλας ι δόξα πι Δασκαλόστε, κο Ιεχωβά. (Λουκάς 4:22) Όταν εκ χουλανό τζενό προσπαθιντάς τι ντελ δόξα κο Ιησούς ντα βακερντάς ότι ισινέ ο “Λατσσό Δάσκαλος”, ο Ιησούς ισινέ ταπεινός ντα βακερντάς: «Σόσκε βακερέσα ότι ισινόμ λατσσό; Καέκ νανέ λατσσό εκτός κατά Ντεβέλ». (Μάρκος 10:17, 18) Όμως ο Ηρώδης Αγρίππας Α΄, σο αβιλό βασιλιάς κι Ιουδαία περίπου οχτώ μπρεσά πιο σοράν, ισινέ μπουτ διαφορετικός κατά Ιησούς. Εκ φαρ, ο Ηρώδης ιριντάς ο μπουτ πααλίς βασιλικά σέα για εκ σημαντικός ντιβές. Όταν ο τζενέ ντικχλέ-λες ντα ασουντέ-λες, ντινέ βίκος: «Φωνή Ντεβλέσκι ντα όχι τζενέσκι!» Ο Ηρώδης μπεϊντιντάς σο ισαρένας-λες. Αλλά σο αβιλό-πες μετά; «Αμέσως ο άγγελος ι Ιεχωβάσκο τιμωριντάς-λες, επειδή να ντινάς ι δόξα κο Ντεβέλ, ντα χαλέ-λες ο κερμέ ντα μουλό». (Πράξεις 12:21-23) Ντικχίντιβελας ξεκάθαρα ότι ο Ιεχωβά να τραμπιντάας τον Ηρώδη για τι οδηγίνελ ι λαός. Όμως, ο Ιησούς σικαντάς με αποδείξεις ότι ο Ντεβέλ τραμπιντάας-λες, ντα συνέχεια δοξάνελας ι Ιεχωβάς, σο ισινέ Οντουβά σο οδηγίνελας πι λαός.

21. Σο κα ντικχάς κο γιαβέρ μάθημας;

²¹ Ο Ιεχωβά να μανγκέλας τι οδηγίνελ ο Ιησούς λέσκε λαός σάντε χάνικ μπρεσά. Αφού αναστισάλο, ο Ιησούς βακερντάς πι μαθητένγκε: «Σαρί η εξουσία κο ουρανός ντα κι πφουβ ντιντιλί μάντε». Επίσης βακερντάς: «Ντα με ισινόμ τουμέντζαρ σαρέ ο ντιβεσά μέχρι τι αβέλ ο τέλος ανταλέ ντουνιάσκο». (Ματθαίος 28:18-20) Αλλά σαρ μπορίνελα ο Ιησούς τι οδηγίνελ ι Ντεβλέσκε λαός κι πφουβ αφού ισί κο ουρανός ντα ναστί ντικχάσα-λες; Κας κα χρησιμοποιήνελας ο Ιεχωβά για τι λελ ι εξουσία ι Ιησούσκι κι πφουβ; Ντα σαρ κα μπορίνενας ο Χριστιανοί τι αγαβέν κον ισί ο τζενέ σο ντινάς-λεν εξουσία ο Ντεβέλ; Κο γιαβέρ μάθημας κα ντικχάς ο απαντήσεις ανταλέ ερωτησιέντε.