Ο Ιεχωβά σίγουρα μανγκέλα ντούι τζενέ σο παντρίνενα τι αβέν ευτυχισμέ ντα τι τθερέν λατσσί σχέση ο εκ ι γιαβερέσαρ για πάντα. (Ματθ. 19:​4-6) Άμα μανγκένα τι παντρίνεν, σαρ μπορίνενα τι αρακχέν εκχέ λατσσέ ρομές ή ρομνιά; Επειδή ο Ιεχωβά ισί Οντουβά σο κερντάς-αμέν, τζανέλα σο χρειαζίντιβελα τι κεράς για τι αβάς ευτυχισμέ αμαρέ μπιαβέστε. Οτθάρ, άμα κα κερέν τουμαρέ ζωγιάτε ο αρχές σο ντινάς-αμέν, κα αβέν μπαγιά ευτυχισμέ. Ντικχέν μερικές αρχές ανταλένταρ.

Πρώτα, πρέπει τι αγαβάς ακαβά πράγμας αμαρέ νεαυτόσκε: «Ο γκι μπορίνελα τι χουχαβέλ-αμέν πιο μπουτ σαρέ κατά γιαβερά πράγματα, ντα κάνα ισί απελπισμέ μπορίνελα τι κερέλ τα πάντα». (Ιερ. 17:9) Κάνα ντούι τζενέ σο μανγκένα τι παντρίνεν κα νικιόν ραντεβού, μπορεί μπουτ σουγκό τι αρχίνεν τι μανγκέν ο εκ ι γιαβερές. Κάνα κα αβέλ-πες ανταβά, κα δυσκολίντιβεν τι λεν γκοντιαβέρ αποφάσεις. Ο τζενέ σο λένα ι απόφαση τι παντρίνεν επειδή σκεφτίνενα σάντε οντουλά σο νιωθίνενα ο εκ ι γιαβερέσκε, μπουτ φαρ κο τέλος πληγώντιβενα. (Παρ. 28:​26) Οντουλέσκε, νανέ γκοντιαβέρ ντούι τζενέ τι βακερέν οντουλά σο τθερένα ντιπ αντρέ πουμαρέ γκίστε ή τι ντεν πουμαρό λάφι ο εκ κο γιαβέρ πριν τι σικλιόν λατσσές ο εκ ι γιαβερές.

Ο εδάφιος Παροιμίες 22:3 βακερέλα: «Ο τζενό σο ντικχέλα ανγκλάλ αγαβέλα ο κίνδυνος ντα γκεραβέλα-πες, αλλά οντουλά σο να τζανένα μπουτ πράγματα συνεχίνενα πουμαρό ντρομ ντα τθερένα συνέπειες». Σόσκε ισί επικίνδυνος τι αρακχέλ κάποιος ρομές ή ρομνιά αντράλ κατά Ίντερνετ; Δυστυχώς μερικοί αρακχλέ κο Ίντερνετ τζενέν σο να τζανένας-λεν, νικίστιλε λέντζαρ ραντεβού ντα σοράν αγαντέ ότι οντουβά τζενό χουχαβέλας-λεν. Επίσης, μερικά γκεραλέ τζενέ κερντέ ψεύτικους λογαριασμούς για τι χουχαβέν αθώε τζενέν ντα τι τσορέν λοβέ λένταρ. Μπάζιμα, ασακέ γκεραλέ τζενέ βακερένας σινανέ ότι ισινέ Μάρτυρες.

Σκεφτίνεν ατζέκ εκ κίνδυνος. Μερικά προγράμματα κο Ίντερνετ χρησιμοποιήνενα μαθηματικούς υπολογισμούς σο σικαβένα χάι άμα εκ τζενό ταιριάνελα ι γιαβερέσαρ. Αλλά τίποτα να σικαβέλα ότι ανταβά ισί μπαγιά. Κα αβέλας μπαρό ντινιλιπέ τι ντας μπέσα κο προγράμματα σο ισί κερντέ τζενένταρ για τι λας εκ αζόμ σημαντική απόφαση σαρ ισί ο μπιαβ. Καέκ πρόγραμμας κο Ίντερνετ νανέ σαρ ο αρχές ι Γραφιάκε.​—Παρ. 1:7· 3:​5-7.

Εκ αρχή σο ισί κο εδάφιος Παροιμίες 14:​15 βακερέλα: «Οντουβά σο να τσσινέλα λέσκι γκοντί πακιάλα σαρέ ο λάφια, αλλά ο τζενό σο  ντικχέλα ανγκλάλ σκεφτίνελα λατσσές πο κάθε βήμας». Προτού τι αποφασίνεν τι παντρίνεν εκχέ τζενέσαρ, πρέπει τι σικλιόν-λες λατσσές. Αλλά ανταβά μπορεί τι αβέλ δύσκολος τι κερέν-λες αντράλ κατά Ίντερνετ. Ατζέ-ντα άμα ντικχένα ο προφίλ ο εκ ι γιαβερέσκο ντα κερένα λάφι λέσαρ μπουτ σαάτια κο μηνύματα, μπορίνενα τι βακερέν μπαγιά ότι τζανένα οντουλέ τζενές; Μερικοί σο πακιάνας ότι αρακχλέας ι αληθινή αγάπη σαστισάλε οντουλένταρ σο σικλιλέ κάνα τελικά ντικχλέ πασάλ οντουλέ τζενές.

Ο ψαλμωδός βακερντάς: «Να κεράβα παρέα τζενέντζαρ σο χουχαβένα ι γιαβερέν, ντα νασάβα οντουλένταρ σο γκεραβένα σο τζενέ ισί». (Ψαλμ. 26:4) Μπουτ τζενέ πακιάνα ότι ισί φυσιολογικός τι βακερέν ψέματα κο προφίλ σο τθερένα κο Ίντερνετ για τι μπεϊντίνεν-λεν πιο μπουτ τζενέ. Μπορεί μα τι βακερένα σο τζενέ ισί ή απλώς μα τι σικαβένα-λες κάνα κερένα λάφι ι γιαβερέντζαρ αντράλ κατά μηνύματα. Παρόλο σο μερικά τζενέ μπορεί τι βακερένα ότι ισί Μάρτυρες ι Ιεχωβάσκε, ισί μπαγιά μπολντέ Χριστιανοί; Ισί πνευματικά τζενέ; Ισί λατσσέ αμαλά ι Ιεχωβάσαρ; Σεβάνενα-λεν ο γιαβερά κι κχανγκιρί; Ή μήπως νανέ αζόμ λατσσό παράδειγμας; Ή ατζέ χειρότερα, μήπως ισί «μπέτι παρέες»; (1 Κορ. 15:​33· 2 Τιμ. 2:​20, 21) Ισί ελεύθεροι τι παντρίνεν σαρ βακερένα ο αρχές ι Γραφιάκε; Ανταλά ισί πράγματα σο πρέπει τι σικλιόν, αλλά ισί δύσκολος τι σικλιόν-λεν χωρίς τι βακερέν-λεν τουμένγκε γιαβερά Μάρτυρες σο τζανένα λατσσές ι τζενές. (Παρ. 15:​22) Ντα σίγουρα, εκ αφοσιωμέ υπηρέτης ι Ιεχωβάσκο ούτε σο κα νακχέλας λέσκε γκοντιάταρ τι τσσουβέλ-πες «τελάλ κατά ίδιος ζυγός οντουλέντζαρ σο νανέ πιστοί».​—2 Κορ. 6:​14· 1 Κορ. 7:39.

Επειδή ισί μπουτ επικίνδυνος τι νικιόλ εκ τζενό ραντεβού αντράλ κατά Ίντερνετ, ισί γιαβερά πιο λατσσέ τρόποι για τι ντικχές ντα τι γνωρίνες εκχέ τζενές σο μπορεί τι παντρίνες λέσαρ. Κατέ μπορίνενα τι αρακχέν εκχέ τζενές σο μπέκιμ τι παντρίνεν λέσαρ; Κάνα μουκχένα ι τζενέν τι γκιντίντιβεν γιαβερέ τζενέντζαρ, ο Μάρτυρες ι Ιεχωβάσκε μπορίνενα τι γνωρίντιβεν ο εκ ι γιαβερέσαρ κο συναθροίσεις, κο συνελεύσεις ντα γιαβερτθέ.

Κάνα ναστί γκιντίντιβασα γιαβερέ τζενέντζαρ, σαρ αβιλό-πες ι νασφαλιμάσαρ ι Κορωνοϊόσκο, ντικχάσα ο συναθροίσεις αντράλ κατά Ίντερνετ, σο οτθέ μπορεί τι γνωρίντιβεν μπουτέ πφραλέντζαρ ντα πφενίντζαρ σο ισί μπίπαντριμε. Μπορίνενα τι ασουνέν λένγκε ομιλίες ντα λένγκε απαντήσεις σο ντένα αντράλ πουμαρέ γκίσταρ για τι σικαβέν πουμαρί πίστη. (1 Τιμ. 6:​11, 12) Μπορίνενα επίσης τι κερέν παρέα σε εκ δωματιάκι κο Zoom σοράν κατά συνάθροιση. Κο παρέες σο κερένα γιαβερέ Μαρτυρέντζαρ αντράλ κατά Ίντερνετ, μπορίνενα τι ντικχέν σαρ συμπεριφερίντιβελα κο γιαβερά ο τζενό σο μπεϊντίνενα. Αντικάς, μπορίνενα τι αγαβέν σο τζενό ισί μπαγιά. (1 Πέτρ. 3:4) Σιγά σιγά, καζόμ γνωρίντιβενα πιο λατσσές, μπορίνενα τι ντικχέν άμα τθερένα ο ίδιους στόχους ντα άμα κα αβέν λατσσό ζευγάρι.

Κάνα ο μπίπαντριμε χρησιμοποιήνενα ο αρχές ι Γραφιάκε για τι αρακχέν εκχέ τζενές για τι παντρίνεν, κα τθερέν εκ ευτυχισμέ μπιαβ σαρ βακερέλα ακαγιά παροιμία: «Οντουβά [ή οντιά] σο αρακχέλα λατσσέ ρομνιά [ή ρομές] αρακχέλα λατσσιπέ ντα τθερέλα ι ευλογία ι Ιεχωβάσκι».​—Παρ. 18:22.