Εκ κατά μπουτ πράγματα σο κερένας ο Λευίτες σο να υπηρετίνενας σαρ ιερείς, ισινέ τι υπηρετίνεν σαρ ασκέρια. Βον λένας διαταγές κατά διοικητής ι ναόσκο. Ο Ιουδαίος συγγραφέας Φίλων βακερέλα σο μπουτί κερένας οντουλά ασκέρια: «Μερικοί λένταρ [κατά Λευίτες] αρακχαβένα ο πόρτες σο γκερένα κο ναός, γιαβερά ισί ανγκλάλ κο αγιαστήριος για τι αβέν σίγουροι ότι να κα τσσουβέλ-πες αντρέ, ατζέ-ντα κατά λάθος, καέκ τζενό σο δεν πρέπει. Γιαβερά πφιρένα ντονταλάι κατά ναός για τι αρακχαβέν-λες, μερικοί κερένα-λες ανταβά ντισάρα ντα μερικοί αρατί».

Ο Σάνχεδριν μπορίνελας τι μανγκέλ βοήθεια ανταλέ ασκερίνταρ. Σάντε ανταλέ Ιουδαιόν μουκχένας ο Ρωμαίοι τι τθερέν όπλα.

Εκ σπουδαγμέ τζενό σο ασχολίντιβελα ι Γραφιάσαρ, ο Γιόαχιμ Γερεμίας, βακερέλα ότι «ο λάφια σο βακερντάς ο Ιησούς κάνα γκιλέ τι ασταρέν-λες, δηλαδή ότι κάθε ντιβές σικλιαρέλας αλλά να ασταρντέ-λες κάνα σικλιαρέλας κο ναός (Ματθ. 26:​55), τθερένα ατζέ πιο μπαρό νόημας άμα οντουλά σο γκιλέ τι ασταρέν-λες ισινέ ο ασκέρια ι Ναόσκε». Ανταβά σπουδαγμέ τζενό πακιάλα ότι ισινέ ασκέρια ι ναόσκε οντουλά-ντα σο μπουτσσάντιλε τι ασταρέν ι Ιησούς εκ γιαβέρ φαρ. (Ιωάν. 7:​32, 45, 46) Σοράν, ο Σάνχεδριν μπουτσσαντάς κο ναός ι διοικητής ντα μερικέ ασκερίν για τι ανέν λένγκε ι αποστολόν. Ντα μάλλον ο ασκέρια ι ναόσκε ισινέ οντουλά σο νικαντέας ζορίσαρ ι Παυλός αβρί κατά ναός.​—Πράξ. 4:​1-3· 5:​17-27· 21:​27-30.