1, 2. Σόσκε ισί σημαντικός τι ενθαρρύνας ι γιαβερέν;

Η ΚΡΙΣΤΙΝΑ, σο ισί 18 μπρεσένγκι, βακερέλα: «Μο ντατ ντα μι ντάι σχεδόν ποτές να ενθαρρύνενα-μαν, αλλά συνέχεια κατηγορίνενα-μαν. Λένγκε λάφια μουνταρένα-μαν. Βακερένα ότι κεράβα σαρ μαξίμι, ότι να κα τσσουβάβ ποτές γκοντί ντα ότι ισινόμ τθουλί. Μπουτ φαρ ροβάβα, ντα να ντέλα μο γκι τι κεράβ λέντζαρ λάφι. Νιωθίναβα άχρηστη». ^[1] (Ντικχ ι σημείωση.) Η ζωή μπορεί τι αβέλ μπουτ δύσκολη όταν ο γιαβερά να ενθαρρύνενα-αμέν!

² Οκιά μπάνταρ όμως, σκεφτίνεν καζόμ μπουτ μπορίνασα τι βοηθίνας ι γιαβερέν όταν ενθαρρύνασα-λεν. Ο Ρουμπέν βακερέλα: «Για μπουτ μπρεσά πακιάβας ότι ισινόμας άχρηστος. Αλλά εκ φαρ γκιλόμ για έργος εκχέ πρεσβυτερόσαρ σο αγαντάς ότι να ισινόμας λατσσές. Ασουντάς-μαν με προσοχή όταν πουταρντόμ λέσκε μο γκι. Σοράν, αντάς μι γκοντιάτε ο λατσσέ πράγματα σο κεράβα. Ντα βακερντάς μάνγκε ο λάφια ι Ιησούσκε​—ότι ο κάθε εκ αμένταρ τθερέλα πιο μπαρί αξία κατά τσιρικλέ. Ανάβα μπουτ φαρ μι γκοντιάτε ανταβά εδάφιος, ντα κάθε φορά αγγίνελα-μαν. Ο λάφια οντουλέ πρεσβυτερόσκε βοηθιντέ-μαν μπουτ».​—Ματθαίος 10:31.

3. (α) Σο βακερντάς ο απόστολος Παύλος για την ενθάρρυνση σο ντάσα κο γιαβερά; (β) Σο κα ντικχάς ανταλέ μαθημάστε;

 ³ Η Αγία Γραφή βακερέλα ότι πρέπει τι ενθαρρύνας συχνά ο εκ ι γιαβερές. Ο απόστολος Παύλος γραφιντάς κο Εβραίους Χριστιανούς: «Σαρέ τουμέν, πφραλάλεν, προσοχίνεν μα τι αβέλ τουμαρό γκι πφιρνό ντα χωρίς πίστη, ντα αντικάς τι νασέν ντουρ κατά αληθινός Ντεβέλ· αλλά τι ενθαρρύνεν ο εκ ι γιαβερές κάθε ντιβές». Ο Παύλος εξηγιντάς σόσκε: «Για μα τι χουχάντιβελ καέκ τουμένταρ κατά αμαρτία ντα τι συνηθίνελ τι κερέλ-λα». (Εβραίους 3:​12, 13) Σκεφτίνεν καζόμ σουκάρ νιωσάλεν όταν κάποιος ενθαρρυντάς-τουμέν. Άρα, σόσκε πρέπει τι ενθαρρύνας αμαρέ πφραλέν; Σο μπορίνασα τι σικλιάς κατά τρόπος σο ενθαρρύνελας ο Ιεχωβά, ο Ιησούς ντα ο Παύλος ι γιαβερέν; Ντα σαρ μπορίνασα τι ενθαρρύνας ο εκ ι γιαβερές; Για τι ντικχάς ανταλά ερωτήσεις.

4. Κον χρειαζίντιβελα ενθάρρυνση; Σόσκε ο πιο μπουτ τζενέ αντιβές να ενθαρρύνενα ι γιαβερέν;

⁴ Σαρέ χρειαζίντιβασα ενθάρρυνση. Ντα ατζέ πιο μπουτ ενθάρρυνση χρειαζίντιβενα ο τσσαβέ πουμαρέ νταντένταρ ντα πουμαρέ νταΐνταρ. Εκ δάσκαλος σο βακερένα λέσκε Τίμοθι Έβανς εξηγιντάς ότι ο τσσαβέ «χρειαζίντιβενα ενθάρρυνση σαρ ο φυτά χρειαζίντιβενα πανί». Επίσης βακερντάς: «Όταν λένα ενθάρρυνση, ο τσσαβέ νιωθίνενα ότι τθερένα αξία ντα ότι εκτιμίνενα-λεν». Όμως, επειδή τζουβντιάσα κο «τελευταία ντιβεσά», μπουτ τζενέ ισί εγωιστές ντα να σικαβένα «αγάπη» ο εκ ι γιαβερέσκε. (2 Τιμόθεο 3:​1-5) Μερικά νταντά ντα νταγιά να ενθαρρύνενα πουμαρέ τσσαβέν επειδή λένγκε νταντά ντα λένγκε νταγιά να ενθαρρυντέας-λεν ποτές. Ο μπαρέ-ντα χρειαζίντιβενα ενθάρρυνση, αλλά μπουτ φαρ ανταβά να αβέλα-πες. Για παράδειγμας, μπουτ τζενέ κερένα παράπονα ότι ποτές να ισαρντέ-λεν λένγκε μπουτιάτε.

5. Σαρ μπορίνασα τι ενθαρρύνας ι γιαβερέν;

⁵ Μπορίνασα τι ενθαρρύνας ι γιαβερέν όταν ισαράσα-λεν για κάτι σο κερντέ λατσσές. Επίσης, για τι ενθαρρύνας ι γιαβερέν μπορίνασα τι βακεράς λένγκε ότι τθερένα λατσσέ ιδιότητες ή τι ντας-λεν κουράγιος όταν ισί στεναχωριμέ ή απογοητευμέ. (1 Θεσσαλονικείς 5:​14) Επειδή ισινάμ συχνά αμαρέ πφραλέντζαρ ντα αμαρέ πφενίντζαρ, τθεράσα μπουτ ευκαιρίες τι βακεράς λένγκε κάτι σο κα ενθαρρύνελ-λεν. (Διαβάνεν Εκκλησιαστής 4:9, 10) Οτθάρ, πουτσέν τουμαρό νεαυτός: “Βακεράβα ι γιαβερένγκε σόσκε μανγκάβα-λεν ντα εκτιμίναβα-λεν; Κεράβα-λες ανταβά κάθε φορά σο τθεράβα ι ευκαιρία;” Σκεφτίνεν σο βακερέλα η Γραφή: «Καζόμ λατσσό ισί ο λάφι σο βακέρντιβελα κι σωστή στιγμή!»​—Παροιμίες 15:23.

6. Σόσκε μανγκέλα ο Σατανάς τι κερέλ ι Ντεβλέσκε λαός τι χασαρέλ πο κουράγιος; Βακερέν εκ παράδειγμας σο σικαβέλα σαρ προσπαθιντάς τι κερέλ-λες ανταβά.

⁶ Ο εδάφιος Παροιμίες 24:​10 βακερέλα: «Άμα χασαρντάν το κουράγιος κο ντιβές σο ισινάν στεναχωριμέ, να κα τθερές μπουτ ζορ». Ο Σατανάς τζανέλα ότι, άμα κα κερέλ-αμέν τι χασαράς αμαρό κουράγιος, κα κερέλ-αμέν τι χασαράς αμαρί σχέση-ντα ι Ιεχωβάσαρ. Προσπαθιντάς τι κερέλ-λες ανταβά με τον Ιώβ όταν αντάς λέσκε μπαρέ προβλήματα. Αλλά οντιά παγίδα  σο τσσουντάς ο Σατανάς να τθερέλας επιτυχία. Ο Ιώβ ατσσιλό πιστός κο Ιεχωβά. (Ιώβ 2:3· 22:3· 27:5) Αμέν-ντα μπορίνασα τι τζας κόντρα κο Σατανάς ντα αντικάς κα αβάς σίγουροι ότι να κα τθερέλ επιτυχία. Άμα κα συνεχίνας τι ενθαρρύνας αμαρί φαμιλί ντα αμαρέ πφραλέν ντα πφενίν αντρέ κι εκκλησία, κα μπορίνας τι βοηθίνας ο εκ ι γιαβερές τι αβάς χαρούμενοι ντα τι ατσσάς πασέ κο Ιεχωβά.

7, 8. (α) Σαρ ενθαρρυντάς ο Ιεχωβά ι τζενέν; (β) Σαρ μπορίνενα ο νταντά ντα ο νταγιά τι μοιάζεν κο Ιεχωβά; (Ντικχ ι φωτογραφία σο ισί κι αρχή.)

⁷ Ο Ιεχωβά ενθαρρύνελα ι τζενέν. Ο ψαλμωδός γραφιντάς: «Ο Ιεχωβά ισί πασέ οντουλέντε σο τθερένα πφανγκό γκι· ντα σώνελα οντουλέν σο ισί μπουτ στεναχωριμέ». (Ψαλμός 34:​18) Όταν ο προφήτης Ιερεμίας νταρασάλο ντα χασαρντάς πο κουράγιος, ο Ιεχωβά ντινάς πο λάφι ότι κα βοηθίνελ-λες. (Ιερεμίας 1:​6-10) Ο Ιεχωβά μπουτσσαντάς εκχέ αγγελός για τι ντελ δύναμη κο προφήτης Δανιήλ σο ισινέ πφουρό. Οντουβά άγγελος βακερντάς κο Δανιήλ ότι “τθερέλα μπαρί αξία”. (Δανιήλ 10:8, 11, 18, 19) Κα μπορίνενας τουμέν-ντα τι ενθαρρύνεν τουμαρέ πφραλέν ντα τουμαρέ πφενίν, σαρ για παράδειγμας οντουλέν σο ισί σκαπανείς ντα ι πφουρέν σο να μπορίνενα τι κερέν ο πράγματα σο κερένας πριν;

⁸ Παρόλο σο ο Ιεχωβά ντα ο Ιησούς ισινέ μαζί μπουτ μπρεσά, ο Ιεχωβά τζανέλας ότι έπρεπε τι ενθαρρύνελ πι Τσσαβές, ι Ιησούς, ατθέ κι πφουβ. Ο Ιησούς ασουντάς πι Νταντές τι κερέλ λάφι κατά ουρανός όταν αρχισάλο τι κερέλ ο έργος ντα κο τελευταίος μπρες σο ισινέ κι πφουβ. Σε ντούι περιπτώσεις ο Ιεχωβά βακερντάς: «Ακαβά ισί μο Τσσαβό σο μανγκάβα-λες μπουτ, ντα ισινόμ ευχαριστιμέ λέσαρ». (Ματθαίος 3:​17· 17:5) Ο Ιησούς σίγουρα ενθαρρυσάλο μπουτ όταν ασουντάς πι Νταντές τι βακερέλ ότι μανγκέλας-λες ντα ότι ισινέ περήφανος λέσκε. Σοράν, ι τελευταία ιράτ πριν τι μερέλ, ο Ιησούς ανησυχίνελας μπουτ. Ο Ιεχωβά ενθαρρυντάς-λες όταν μπουτσσαντάς εκχέ αγγελός για τι ντελ-λες δύναμη ντα τι παρηγορίνελ-λες. (Λουκάς 22:​43) Νταντάλεν ντα νταγιάλεν, μπορίνενα τι μοιάζεν κο Ιεχωβά όταν ενθαρρύνενα συχνά τουμαρέ τσσαβέν. Τι ισαρέν-λεν όταν κερένα κάτι λατσσές. Ντα όταν νακχένα δυσκολίες κο σχολείος, κερέν ο πιο λατσσό σο μπορίνενα για τι ντεν-λεν δύναμη ντα τι βοηθίνεν-λεν τι νταϊντίνεν.

9. Σο σικλιαρέλα-αμέν ο τρόπος σο συμπεριφερίντιβελας ο Ιησούς πι μαθητέντε;

⁹ Ο Ιησούς επίσης ισί εκ λατσσό παράδειγμας για τι μοιάζας λέστε. Ι τελευταία ιράτ πριν τι μερέλ, ο Ιησούς τθοντάς ο πιντρέ πι μαθητένγκε ντα βακερντάς λένγκε καζόμ σημαντικός ισί τι αβέν ταπεινοί. Αλλά βον ισινέ υπερήφανοι ντα ο κάθε εκ λένταρ βακερέλας ότι ισί ο πιο μπαρό, ντα ο Πέτρος ισαρντάς-πες ότι να κα μουκχέλας ποτές ι Ιησούς. (Λουκάς 22:​24, 33, 34) Όμως, ο Ιησούς να κολλισάλο λένγκε λαθίντε. Ισαρντάς-λεν σο ατσσιλέας πιστοί λέστε. Ντινάς-λεν πο λάφι ότι κα κερένας πιο μπαρέ πράγματα λέσταρ, ντα βακερντάς λένγκε ότι ο Ιεχωβά μανγκέλας-λεν. (Λουκάς 22:​28· Ιωάννης 14:​12· 16:​27) Μπορίνασα τι πουτσάς αμαρό νεαυτός:  “Μοιάζαβα με κο Ιησούς ντα ισαράβα ι γιαβερέν για το λατσσέ ιδιότητες σο τθερένα, αντί τι ντικχάβ σάντε λένγκε λάθη;”

10, 11. Σαρ ενθαρρυντάς ο Παύλος πι πφραλέν, ντα σο ισινέ έτοιμος τι κερέλ;

¹⁰ Ο απόστολος Παύλος μπουτ φαρ βακερέλας λατσσέ πράγματα πι πφραλένγκε. Για μπουτ μπρεσά κερέλας ταξίδια μερικέ πφραλέντζαρ ντα τζανέλας-λεν μπουτ λατσσές, αλλά αντί τι γραφίνελ για το λάθη σο κερένας, ισαρέλας-λεν. Για παράδειγμας, ο Παύλος βακερντάς ότι ο Τιμόθεος ισινέ “ο αγαπημέ ντα πιστός τσσαβό λέσκο” σο υπηρετίνενας γιεκ ι Κυριός ντα ισινέ σίγουρος ότι ο Τιμόθεος κα φροντίνελας ο ανάγκες ι γιαβερένγκε. (1 Κορινθίους 4:​17· Φιλιππησίους 2:​19, 20) Ο Παύλος βακερντάς ι Χριστιανόνγκε σο ισινέ κι Κόρινθος ότι ο Τίτος “ισινέ λέσκο αμάλ ντα προσπαθίνελας μπουτ για το ανάγκες σο τθερένας βον”. (2 Κορινθίους 8:​23) Σίγουρα ο Τιμόθεος ντα ο Τίτος ενθαρρυσάλε όταν σικλιλέ σο άποψη τθερέλας λένγκε ο Παύλος!

¹¹ Ο Παύλος ντα εκ αμάλ λέσκο, ο Βαρνάβας, τσσουντέ πουμαρί ζωή σε κίνδυνος για τι ενθαρρύνεν πουμαρέ πφραλέν. Για παράδειγμας, ο ντούι-ντα τζανένας ότι μπουτ τζενέ κο Λύστρα μανγκένας τι μουνταρέν-λεν. Παρ’ όλα αυτά, γκιλέ πάλι οτθέ για τι ενθαρρύνεν ι νεβέ μαθητέν ντα για τι βοηθίνεν-λεν τι ατσσόν πιστοί κο Ιεχωβά. (Πράξεις 14:​19-22) Σοράν, κι Έφεσος, ο Παύλος κινδυνίνελας από εκ ομάδα νευριασμέ τζενέντζαρ, αλλά μπεσλό μπερεκέτι για τι ενθαρρύνελ πι πφραλέν. Ο εδάφια Πράξεις 20:1, 2 βακερένα: «Ο Παύλος μπουτσσαντάς τι ντεν βίκος ι μαθητέν, ντα αφού ενθαρρυντάς-λεν ντα χαιρετιντάς-λεν, νασλό για τη Μακεδονία. Αφού νακχλό οντουλέ τθανένταρ ντα ενθαρρυντάς μπουτέ λαφίντζαρ οντουλέν σο ισινέ οτθέ, αβιλό κι Ελλάδα».

12. Σόσκε ισί λατσσό αμένγκε τι τζας κο συναθροίσεις;

¹² Ο Ιεχωβά μανγκέλα ο πιο λατσσό αμένγκε. Οτθάρ βακερέλα αμένγκε τι γκιντίντιβας αμαρέ πφραλέντζαρ μπουτ φαρ. Αμαρέ συναθροισιέντε, σικλιάσα λέσκε ντα ενθαρρύνασα ο εκ ι γιαβερές. (1 Κορινθίους 14:​31· διαβάνεν Εβραίους 10:​24, 25) Η Κριστίνα, σο βακερντάμ λάκε κι αρχή ανταλέ μαθημάστε, βακερέλα: «Οντουβά σο μπεϊντίναβα πιο μπουτ κο συναθροίσεις ισί η αγάπη ντα η ενθάρρυνση σο λάβα οτθέ. Μερικές φορές να ισινόμ λατσσές όταν ερεσάβα κι Αίθουσα Βασιλείας. Αλλά αζομάν αβένα μάνγκε πφενιά, ντένα-μαν αγκάλι ντα βακερένα μάνγκε ότι ισινόμ σουκάρ. Επίσης, βακερένα μάνγκε ότι μανγκένα-μαν ντα ότι χαιρίνενα σο ντικχένα μι πνευματική πρόοδος. Η ενθάρρυνση σο ντένα-μαν κερέλα-μαν τι νιωθίναβ μπουτ πιο λατσσές!» Καζόμ σημαντικός ισί σαριλένγκε τι ενθαρρύνας ι γιαβερέν!​—Ρωμαίους 1:​11, 12.

13. Σόσκε ατζέ-ντα ο πφραλά σο υπηρετίνενα ι Ιεχωβάς μπουτ μπρεσά χρειαζίντιβενα ενθάρρυνση;

¹³ Ατζέ-ντα ο πφραλά σο υπηρετίνενα ι Ιεχωβάς μπουτ μπρεσά χρειαζίντιβενα ενθάρρυνση. Σκεφτίνεν τον Ιησού του Ναυή. Χάνικ πριν τι τσσουβέν-πες ο Ισραηλίτες κο Υποσχεμέ Τθεμ, ο Ιεχωβά τραμπιντάς τον Ιησού του Ναυή τι οδηγίνελ-λεν. Όμως, ο Ιεχωβά βακερντάς κο Μωυσής τι ενθαρρύνελ-λες, παρόλο σο υπηρετίνελας ο Ιησούς του Ναυή μπουτ μπρεσά ι Ιεχωβάς. Ο Ιεχωβά βακερντάς: «Τσσουβ υπεύθυνος τον Ιησού, ενθάρρυνε-λες ντα ντε-λες δύναμη, επειδή βοβ κα τζαλ ανγκλάλ ανταλέ λαόσταρ ντα κα βοηθίνελ-λες τι λελ για κληρονομιά ακαβά τθεμ σο κα ντικχές». (Δευτερονόμιο 3:​27, 28) Ο Ιησούς του Ναυή χρειαζίντιβελας ενθάρρυνση επειδή πιο σοράν ο λαός κα  κερέλας μπουτ τζένγκια ντα κα χασαρέλας τουλάχιστον εκχέστε. (Ιησούς του Ναυή 7:​1-9) Αντιβές, αμέν μπορίνασα τι ντας ενθάρρυνση κο πρεσβύτεροι ντα κο επίσκοποι περιοχής, σο μαρένα-πες για τι φροντίνεν ι Ντεβλέσκε λαός. (Διαβάνεν 1 Θεσσαλονικείς 5:​12, 13) Εκ επίσκοπος περιοχής βακερντάς: «Μερικές φορές αμαρέ πφραλά ντένα-αμέν εκ γράμμας για τι ευχαριστίνεν-αμέν ντα τι βακερέν αμένγκε καζόμ μπουτ μπεϊντιντέ ι επίσκεψη σο κερντάμ λένγκε εκκλησιάτε. Γκεραβάσα ανταλά γράμματα ντα διαβάνασα-λεν κάνα να νιωθίνασα λατσσές. Πραγματικά λάσα μπαρί ενθάρρυνση».

14. Καλά παραδείγματα σικαβένα ότι ισί λατσσό τι ισαράς ι γιαβερέν όταν ντάσα-λεν συμβουλή;

¹⁴ Εκ φαρ, ο απόστολος Παύλος έπρεπε τι ντελ συμβουλή κο πφραλά σο μπεσένας κι Κόρινθος. Όταν ασουντέ ανταγιά συμβουλή, ο Παύλος ισαρντάς-λεν. (2 Κορινθίους 7:​8-11) Σίγουρα λέσκε λάφια ενθαρρυντέ-λεν τι συνεχίνεν τι κερέν ο σωστός. Αντιβές, ο πρεσβύτεροι ντα οντουλά σο τθερένα τσσαβέν μπορίνενα τι μοιάζεν κο Παύλος. Ο Αντρέας, σο τθερέλα ντουέ τσσαβέν, βακερέλα: «Η ενθάρρυνση βοηθίνελα ι τσσαβέν τι πλησιάνεν ι Ντεβλές ντα τι χρησιμοποιήνεν πιο σωστά πουμαρί γκοντί. Όταν ενθαρρύνασα-λεν, ο συμβουλές ατσσόνα πιο εύκολα λένγκε γκοντιάτε. Αμαρέ τσσαβέ, παρόλο σο τζανένα καβά ισί ο σωστός, σικλιόνα τι κερέν-λες πουμαρέ ζωγιάτε όταν ενθαρρύνασα-λεν συνέχεια».

15. Κάβα ισί εκ τρόπος σο μπορίνασα τι ενθαρρύνας ι γιαβερέν;

¹⁵ Τι βακερέν τουμαρέ πφραλένγκε ντα τουμαρέ πφενίνγκε καζόμ μπουτ εκτιμίνενα λένγκε προσπάθειες ντα λένγκε λατσσέ ιδιότητες. (2 Χρονικών 16:9· Ιώβ 1:8) Άμα κεράσα-λες ανταβά, κα μοιάζας κο Ιεχωβά ντα κο Ιησούς. Βον εκτιμίνενα μπουτ σαρέ οντουλά σο κεράσα λένγκε, ατζέ-ντα άμα ναστί κεράσα σαρέ οντουλά σο κα μανγκάας τι κεράς. (Διαβάνεν Λουκάς 21:​1-4· 2 Κορινθίους 8:​12) Για παράδειγμας, τζανάσα ότι ο πφουρέ κερένα μπαρί προσπάθεια για τι αβέν κο συναθροίσεις ντα τι νικιόν κο έργος. Αμέν ενθαρρύνασα-λεν ντα ισαράσα-λεν σαρέ οντουλένγκε σο κερένα;

16. Κάνα μπορίνασα τι ενθαρρύνας ι γιαβερέν;

¹⁶ Τι ενθαρρύνεν ι γιαβερέν καζόμ πιο συχνά μπορίνενα. Όταν ντικχένα κάτι σο κερέλα λατσσές κάποιος, τι ισαρέν-λες. Όταν ο Παύλος ντα ο Βαρνάβας ισινέ κι  Αντιόχεια κι Πισιδία, οντουλά σο κερένας κουμάντος κι συναγωγή βακερντέ λένγκε: «Πφραλάλεν, άμα τθερένα τι βακερέν κάτι για τι ενθαρρύνεν ι τζενέν, βακερέν-λες». Ο Παύλος χρησιμοποιηντάς ανταγιά ευκαιρία για τι ενθαρρύνελ ι τζενέν. (Πράξεις 13:​13-16, 42-44) Όταν ενθαρρύνασα ι γιαβερέν, ο γιαβερά-ντα κα ενθαρρύνεν-αμέν.​—Λουκάς 6:38.

17. Καβά ισί ο πιο λατσσό τρόπος για τι ισαράς ι γιαβερέν;

¹⁷ Τι αβέν συγκεκριμέ. Όταν ο Ιησούς ισαρντάς ι Χριστιανόν κο Θυάτειρα, ισινέ συγκεκριμέ ντα εξηγιντάς λένγκε σο κερντέας λατσσές. (Διαβάνεν Αποκάλυψη 2:​18, 19) Σαρ μπορίνασα τι μοιάζας λέστε; Μπορίνασα τι ισαράς εκχέ νταγιά σο μπαριαρέλα πι τσσαβέν κορκορί παρόλο σο τθερέλα δυσκολίες. Ή άμα τθερένα τσσαβέν, μπορίνενα τι ισαρέν-λεν σο κερένα προσπάθειες τι υπηρετίνεν ι Ιεχωβάς. Εξηγίνεν λένγκε σο λατσσέ πράγματα παρατηριντέν οπρά-λέντε. Άμα ισινάμ συγκεκριμέ όταν ενθαρρύνασα ι γιαβερέν, κα τζανέν ότι πακιάσα οντουλά σο βακεράσα λένγκε.

18, 19. Σαρ μπορίνασα τι βοηθίνας ο εκ ι γιαβερές τι ατσσάς πασέ κο Ιεχωβά;

¹⁸ Ο Ιεχωβά βακερντάς κο Μωυσής τι ενθαρρύνελ ντα τι ντελ ζορ κο Ιησούς του Ναυή. Σίγουρα, αμαρέ ντιβεσέντε ο Ιεχωβά να κα κερέλ αμέντζαρ λάφι για τι βακερέλ αμένγκε τι ενθαρρύνας εκχέ συγκεκριμέ τζενές. Όμως, χαιρίνελα όταν ντικχέλα ο προσπάθειες σο κεράσα τι ενθαρρύνας ι γιαβερέν αμαρέ λαφίντζαρ. (Παροιμίες 19:​17· Εβραίους 12:​12) Για παράδειγμας, όταν εκ πφραλ κερέλα εκ δημόσια ομιλία αμαρέ εκκλησιάτε, μπορίνασα τι βακεράς λέσκε σο μπεϊντιντάμ κατά ομιλία. Μπορεί οντουλέντζαρ σο βακερντάς τι βοηθιντάς-αμέν σε εκ πρόβλημας σο τθεράας ή τι αγαβάς πιο λατσσές εκ συγκεκριμέ εδάφιος. Εκ πφεν γραφιντάς εκχέ πφραλέστε σο κερντάς εκ ομιλία: «Παρόλο σο κερντάμ λάφι για χάνικ, αγαντάν ο βάρος σο τθεράβας μι γκίστε ντα ντινάν-μαν κουράγιος τι συνεχίναβ. Μανγκάβα τι τζανές ότι το λατσσέ λάφια, εμ κατά βήμας εμ πασάλ, ισινέ εκ δώρος κατά Ιεχωβά».

¹⁹ Κα μπορίνας τι βοηθίνας ο εκ ι γιαβερές τι ατσσάς πασέ κο Ιεχωβά άμα κα κεράς αμαρέ ζωγιάτε ι συμβουλή σο βακερντάς ο Παύλος: «Τι ενθαρρύνεν ο εκ ι γιαβερές ντα τι μπαριαρέν ο εκ ι γιαβερέσκι πίστη, σαρ κερένα-λες». (1 Θεσσαλονικείς 5:​11) Άμα «ενθαρρύνασα ο εκ ι γιαβερές κάθε ντιβές», κα κεράς ι Ιεχωβάς μπουτ χαρούμενος!