Χουρντιαρέλα μανγκάβα μπουτ ι φύση. Τζάας μπουτ φαρ μι φαμιλιάσαρ κο σουκάρ δάση ντα κο σουκάρ λίμνες αμαρέ τθεμέστε, κι πόλη Γίβεσκιλε σο ισί κι κεντρική Φινλανδία. Επίσης, μανγκάβα μπουτ ο ζώα. Κάνα ισινόμας χουρντό, μανγκάβας τι αγκαλιάναβ σαρέ ι ματσκέν ντα ι τζουκλέν σο ντικχάβας! Καζόμ μπαριάβας, να μπεϊντίναβας ιτς σο συμπεριφερίντιβενας μπέτι κο ζώα. Σοράν, τσσουντόμ-μαν εκχέ οργανωσιάτε σο αρακχαβέλας ο ζώα, ντα οτθέ σικλιλόμ γιαβερέ-ντα τζενέν σο πακιάνας οντουλά σο πακιάβας με-ντα.

Κεράας σαβέ τι μανγκές πράγματα για τι αρακχαβάς ο ζώα. Μαράας-αμέν τι νακχαβάς γιαβερένγκε-ντα οντουλά σο πακιάας ντα γκιντίντιβαας σαρέ γιεκ κο ντρομά για τι κεράς παράπονα ντα τζάας κόντρα κο μαγαζιά σο μπικινένας γούνες ντα κο εργαστήρια σο κερένας πειράματα οπράλ κο ζώα. Κερντάμας εκ νεβί οργάνωση-ντα σο κα αρακχαβέλας ο ζώα. Επειδή κεράας-λες ανταβά μπέτι τροπόσαρ, τθεράας μπουτ φαρ προβλήματα ι ασκερίντζαρ. Ασταρντέ-μαν ντα γκερντέ-μαν κο δικαστήριος μπουτ φαρ.

Εκτός οντουλένταρ σο αβένας-πες κο ζώα, τθεράβας μι γκοντιάτε ο προβλήματα-ντα σο υπαρχίντιβενας σαρό κο ντουνιάς. Οτθάρ, τσσουντόμ-μαν μπουτέ οργανωσιέντε, σαρ ισί η Διεθνής Αμνηστία ντα η Γκρίνπις (Greenpeace). Κεράβας σο νακχέλας μι βαστένταρ για τι βοηθίναβ κο πράγματα σο κερένας οντουλά οργανώσεις. Βοηθίναβας ι τσορορέν, οντουλέν σο να τθερένας τι χαν ντα γιαβερέ ταλαιπωριμέ τζενέν.

Όμως, καζόμ τζάλας, αγαντόμ ότι ναστί αλλάναβας ι ντουνιάς. Παρόλο σο οντουλά οργανώσεις μπορισάλε τι νασκιαρέν μερικά χουρντέ προβλήματα, ο μπαρέ προβλήματα αβένας χειρότερα. Αγαβάβας ότι ο ντουνιάς πφερντιλόας γκεραλιπέ ντα καεκχές να χάλας-λες ανάγκη σο αβέλας-πες. Νιωθίναβας ότι να τθεράβας ι ζορ τι κεράβ κάτι.

Επειδή τσσουβάβας μι γκίστε σο ναστί κεράβας τίποτα, αρχισάλομ τι σκεφτίναβ ι Ντεβλές ντα ι Γραφή. Ανγκλέ, κεράβας μελέτη ι Ιεχωβάσκε Μαρτυρέντζαρ. Παρόλο σο ισινέ λατσσέ μάντζαρ ντα σικαβένας ότι πφαμπόνας μάνγκε, να ισινόμας έτοιμος τι αλλάναβ ο τρόπος σο τζουβντιάβας. Ακανά όμως ο πράγματα ισινέ διαφορετικά.

Λιντόμ ι Γραφή ντα διαβαντόμ-λα. Ανταβά κοβλιαρντάς ι ντουκχ σο τθεράβας αντρέ μι γκίστε. Αρακχλόμ μπουτ εδάφια αντρέ κι Γραφή σο σικαβένα ότι πρέπει τι αβάς λατσσέ με το ζώα. Για παράδειγμας, ο εδάφιος Παροιμίες 12:10 βακερέλα ότι «ο λατσσό τζενό ντουκχάλα για το ζώα σο τθερέλα». (Υπόμνημα εις τας Παροιμίας, Ηρ. Παπαδημητρίου και Νικ. Π. Βασιλειάδη) Επίσης, αγαντόμ ότι να ανέλα ο Ντεβέλ ο προβλήματα σο ισί σαρό κο ντουνιάς. Οκιά μπάνταρ, αμαρέ προβλήματα αβιλέ χειρότερα σόσκε ο πιο μπουτ τζενέ να κερένα οντουβά σο μανγκέλα ο Ντεβέλ. Κερντάς μάνγκε μπαρί εντύπωση κάνα σικλιλόμ καζόμ μπουτ μανγκέλα-αμέν ο Ιεχωβά ντα καζόμ υπομονή κερέλα αμέντζαρ.—Ψαλμός 103:8-14.

Αζομάν, αρακχλόμ εκ κουπόνι ι βιβλιόσκε Τι Διδάσκει Πράγματι η Αγία Γραφή; ντα μπουτσσαντόμ-λες. Μπουτ σουγκό, εκ αντρόγυνος σο ισινέ Μάρτυρες αβιλέ μι κχερέστε ντα πουτσλέ-μαν άμα μανγκάβας τι κεράβ μελέτη. Μανγκλόμ τι κεράβ μελέτη ντα αρχισάλομ τι τζαβ κο συναθροίσεις κι Αίθουσα Βασιλείας. Αντικάς, οντουλά σο σικλιάβας κατά Γραφή γκιλέ μι γκίστε.

Η Γραφή βοηθιντάς-μαν τι κεράβ μπουτ αλλαγές. Τσσιναντόμ ι τσιγάρα ντα ο πιπέ. Αλλαξάλομ αβριάλ ντα σικλιλόμ μα τι κεράβ λάφι μπέτι. Επίσης, αλλαντόμ ο τρόπος σο σκεφτίναβας οντουλένγκε σο κερένα κουμάντος. (Ρωμαίους 13:1) Ντα τσσιναντόμ τι κεράβ μπίλατζανε πράγματα, σαρ ισινόμας σικλό τι κεράβ μι ζωγιάτε.

Ο πιο δύσκολος μάνγκε ισινέ τι νασάβ κατά οργανώσεις σο αρακχαβένας ο ζώα ντα ι τζενέν. Να ισινέ κάτι σο αβιλό-πες αντρέ εκχέ ντιβεσέστε. Κι αρχή, αμντίναβας ότι κα προδόναβας-λεν άμα κα νασάβας. Όμως, αγαντόμ ότι σάντε η Βασιλεία ι Ντεβλέσκι ντέλα μπαγιά ελπίδα. Μανγκλόμ τι κεράβ σο νακχέλα μι βαστένταρ για τι βακεράβ ανταλέ Βασιλειάκε ντα τι βοηθίναβ γιαβερέν τι σικλιόν λάκε.—Ματθαίος 6:33.

Ανγκλέ, πακιάβας ότι ο τζενέ ισινέ είτε λατσσέ είτε γκεραλέ ντα ισινόμας έτοιμος τι τσσουβάβ-λεν οντουλέντζαρ σο πακιάβας ότι ισινέ γκεραλέ. Αλλά χάρη κι Γραφή, τσσιναντόμ τι τθεράβ μπαρό μίσος γιαβερένγκε. Οκιά μπάνταρ, μαράβα-μαν τι μανγκάβ σαρέ ι τζενέν σαρ ο Ιησούς. (Ματθαίος 5:44) Εκ κατά πράγματα σο κεράβα για τι σικαβάβ ανταγιά αγάπη ισί ότι βακεράβα ο λατσσέ αμπέρια ι Ντεβλέσκε Βασιλειάκε. Αβέλα μο γκι σο ντικχάβα ότι ανταβά έργος ανέλα ειρήνη ντα ευτυχία ντα ντέλα μπαγιά ελπίδα.

Τθεράβα ειρήνη μι γκοντιάτε ακανά σο μουκχλόμ ο πράγματα κο βαστά κι Ιεχωβάσκε. Ισινόμ σίγουρος ότι βοβ, αφού ισί Οντουβά σο κερντάς-λεν σαρέ, να κα μουκχέλ για πάντα τι συμπεριφερίντιβεν μπέτι κο ζώα ντα κο τζενέ ούτε κα μουκχέλ τι καταστραφίντιβελ αμαρί μπουτ σουκάρ πφουβ. Αλλά, αντράλ πι Βασιλειάταρ, μπουτ σουγκό κα λατσσαρέλ σαρό ο ζιάνι σο αβιλό-πες. (Ησαΐας 11:1-9) Ντέλα-μαν μπαρί χαρά, όχι σάντε σο σικλιλόμ-λεν σαρέ ανταλά, αλλά σο βοηθίναβα-ντα γιαβερέν τι πακιάν-λεν ανταλά. Τσσιναντόμ τι τθεράβ μι γκοντιάτε ότι πρέπει τι αλλάναβ ι ντουνιάς.