Κατά 2018, ο περιοδικά σο ντάσα κο τζενέ κερένα λάφι σάντε εκχέ θεμάσκε. Σαρέ ανταλά περιοδικά ισί αντρέ κο Εργαλεία για τι Σικλιαράς. Άρα, μπορίνασα τι σικαβάς-λεν ντα τι ντας-λεν κο έργος. Μπορίνασα επίσης τι τθεράς χάνικ περιοδικά αμέντζαρ κάνα κεράσα εκ ταξίδι ή κάνα κεράσα αμαρέ ψώνια. Ο περιοδικά να κερντιλέ για τι κεράς μελέτη ι τζενέντζαρ, αλλά μπορίνενα τι «τζανγκαβέν» εκχέ τζενές για τι μανγκέλ τι σικλιόλ ι Ντεβλέσκε.

Άμα κα πουτρέν εκ συζήτηση, σικαβέν εκ εδάφιος ντα βακερέν ο θέμας εκχέ περιοδικόσκο σο μπεϊντίνελα ο τζενό. Για παράδειγμας, άμα τθερέλα φαμιλί ή άμα τθερέλα στεναχώρια ή άγχος κα μπορίνενας τι βακερέν: «Διαβαντόμ ακανά τελευταία εκ σουκάρ άρθρος σο κερέλα λάφι ανταλέ θεμάσκε. Μανγκέσα τι σικαβάβ-λες τούκε;» Άμα κα αγαβέν ότι μανγκέλα τι σικλιόλ πιο μπουτ, μπορίνενα ατζέ-ντα κατά πρώτη φαρ είτε τι ντεν-λες ο περιοδικός είτε τι μπουτσσαβέν-λες αντράλ κατά Ίντερνετ. Παρόλο σο αμαρό στόχος νανέ τι ντας έντυπα, ο περιοδικά μπορίνενα τι βοηθίνεν-αμέν τι αρακχάς ι τζενέν σο μανγκένα τι κερέν πουμαρέ ζωγιάτε οντουλά σο σικλιόνα.​—Πρ 13:48.