Μήπως ισινέν 23 μέχρι 65 μπρεσένγκε ντα ισινέν κι ολοχρόνια υπηρεσία; Τθερένα λατσσί υγεία, ντα μπορίνενα τι τζαν οτθέ σο η ανάγκη ισί πιο μπαρί; Άμα απαντιντέν βα ανταλέ ερωτησιέντε, νακχλό τουμαρέ γκοντιάταρ τι κερέν αίτηση για τι νακχέν ι Σχολή για Ευαγγελιστές της Βασιλείας; Από αζομάν σο αβιλί η πρώτη τάξη, κερντέ αίτηση χιλιάδες αντρόγυνα ντα μπίπαντριμε πφραλά ντα πφενιά. Όμως, χρειαζίντιβασα ατζέ πιο μπουτ πφραλέν σο ισί μπίπαντριμε. Βακερέν κο Ιεχωβά τι κερέλ-τουμέν τι μανγκέν ατζέ πιο μπουτ τι κερέν λέσκο γκι ντα τι μοιάζεν λέσκε Τσσαβέστε. (Ψλ 40:8· Ματ 20:​28· Εβρ 10:7) Σοράν, σκεφτίνεν άμα τθερένα υποχρεώσεις, σαρ για παράδειγμας κι φαμιλί, κι μπουτί ή άμα μανγκένα λοβέ γιαβερένγκε. Κερέν ο αλλαγές σο χρειαζίντιβενα για τι μπορίνεν τι κερέν ι αίτηση.

Καλά πράγματα τθερένα ι ευκαιρία τι κερέν κι Ιεχωβάσκι υπηρεσία οντουλά σο νακχένα ι σχολή; Μερικά πφραλά μπουτσσάντιβενα τθανέντε σο κερένα λάφι γιαβέρ τσσιπ ή τσσουβένα-λεν κο σταντ μπαρέ τθεμέντε. Γιαβερά πφραλά υπηρετίνενα πιο σοράν σαρ αναπληρωτές επίσκοποι περιοχής, επίσκοποι περιοχής ή ιεραπόστολοι. Καζόμ σκεφτίνενα ο ευκαιρίες σο κα τθερέν κι Ιεχωβάσκι υπηρεσία, μανγκάσα αντράλ αμαρέ γκίσταρ τι αβέν τουμέν-ντα σαρ ο προφήτης Ησαΐας σο βακερντάς: «Ακατέ ισινόμ! Μπούτσσαβ-μαν!»​—Ησ 6:8.

ΝΤΙΚΧΕΝ Ο ΒΙΝΤΕΟΣ ΙΕΡΑΠΟΣΤΟΛΟΙ​—ΚΕΡΕΝΑ Ο ΕΡΓΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ τραμπίντιβενα ο ιεραπόστολοι;

• Καγιά λατσσί μπουτί κερένα ο ιεραπόστολοι κο έργος;

• Καλά ευλογίες τθερένα οντουλά σο υπηρετίνενα σαρ ιεραπόστολοι;