Η αποκοπή αρακχαβέλα ι κχανγκιρί ντα διορθώνελα ι τζενέν σο αμαρτιντέ ντα να μετανιωσάλε. (1Κο 5:6, 11) Κάνα υποστηρίνασα ι διόρθωση ι Ιεχωβάσκι, σικαβάσα αγάπη. Αλλά σαρ αβέλα-πες ανταβά αφού κάνα χάλα αποκοπή εκ τζενό ανέλα ντουκχ εμ λέσκε φαμιλιάτε αλλά εμ κο πφραλά σο ισινέ κι δικαστική επιτροπή;

Ο πιο σημαντικός αμένγκε ισί τι σικαβάς ότι μανγκάσα ι Ιεχωβάσκο ναβ ντα οντουλά σο βακερέλα τι κεράς για τι αβάς πάκι λέσκε γιακχίντε. (1Πε 1:​14-16) Σικαβάσα επίσης αγάπη ι τζενέσκε σο χαλάς αποκοπή. Η ζουρανί διόρθωση, παρόλο σο ντουκχαβέλα, ανέλα «ειρηνικός καρπός σο ισί η δικαιοσύνη». (Εβρ 12:5, 6, 11) Άμα κεράσα παρέα εκχέ τζενέσαρ σο ισί αποκομμέ ή εκχέσαρ σο μανγκλάς κορκορό τι νασέλ κατά κχανγκιρί, να μουκχάσα ι Ιεχωβάς τι διορθώνελ-λες αντικάς σαρ μανγκέλα βοβ. Τι ντεν-τουμέν γκοντί ότι ο Ιεχωβά διορθώνελα πι λαός «ακριβώς καζόμ χρειαζίντιβελα». (Ιερ 30:​11) Να χασαράσα αμαρί ελπίδα ότι οντουβά τζενό κα βουρτίνελ αμαρέ Νταντέστε σο συγχωρίνελα. Καζόμ κεράσα-λες ανταβά, υποστηρίνασα ι Ιεχωβάσκι διόρθωση ντα να μουκχάσα αμαρό πνευματικός πρόγραμμας.​—Ησ 1:​16-18· 55:7.

ΝΤΙΚΧΕΝ Ο ΒΙΝΤΕΟΣ ΑΤΣΣΟΝ ΑΦΟΣΙΩΜΕ ΣΑΣΤΕ ΓΚΙΣΑΡ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καζόμ ντουκχάλα εκ ντατ ντα εκ ντάι κάνα ντικχέλα πι τσσαβές τι μουκχέλ ι Ιεχωβάς;

• Σαρ μπορίνελα η κχανγκιρί τι βοηθίνελ ι πιστέ τζενέν σο ισί κι φαμιλί;

• Καγιά ιστορία ι Γραφιάκι σικλιαρέλα-αμέν ότι πρέπει τι αβάς αφοσιωμέ κο Ιεχωβά πιο μπουτ αμαρέ φαμιλιάταρ;

• Σαρ σικαβάσα ότι ισινάμ αφοσιωμέ κο Ιεχωβά πιο μπουτ αμαρέ φαμιλιάταρ;