Κι Τρίτη 11 Απριλίου, κα αβέν κι Ανάμνηση μπουτ Χριστιανοί σο ισί αδρανείς. Τθάβντενας κο αγώνας για τι τζουβντιόν, αλλά τσσιναντέ τι κερέν-λες ανταβά για διάφορους λόγους. Ο βιβλιάριος Επιστρέψτε στον Ιεχωβά βακερέλα καλά ισί μερικοί λόγοι. (Εβρ 12:1) Όμως, ο αδρανείς συνεχίνενα τι τθερέν αξία ι Ιεχωβάσκε, σόσκε κιντάς-λεν πι Τσσαβέσκε ρατέσαρ. (Πρ 20:28· 1Πε 1:18, 19) Σαρ μπορίνασα τι βοηθίνας-λεν τι βουρτίνεν κι εκκλησία;

Ο πρεσβύτεροι κι εκκλησία ρόντενα για τι αρακχέν ντα τι βοηθίνεν ι Χριστιανόν σο ισί αδρανείς, σαρ εκ τσομπάνης ρόντελα μπουτ λατσσές ι μπρακένγκε σο νασλέ κατά μαντρίν. (Λου 15:4-7) Ανταβά σικαβέλα ο λατσσό αρακχαϊπέ ι Ιεχωβάσκο. (Ιερ 23:3, 4) Σαρέ αμέν μπορίνασα τι ενθαρρύνας ασακέ τζενέν, όχι σάντε ο πρεσβύτεροι. Όταν προσπαθίνασα τι σικαβάς αγάπη ντα τι αγαβάς σαρ νιωθίνενα, κεράσα ι Ιεχωβάς τι χαιρίνελ ντα λάσα μπουτ ευλογίες. (Παρ 19:17· Πρ 20:35) Οτθάρ, σκεφτίνεν κας μπορίνενα τι ενθαρρύνεν, ντα κερέν-λες ανταβά καζόμ πιο σουγκό αβέλα-πες!

ΝΤΙΚΧΕΝ Ο ΒΙΝΤΕΟΣ ΝΑ ΕΝΘΑΡΡΥΝΕΤΕ ΤΟΥΣ ΑΔΡΑΝΕΙΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σο κερντάς η Άμπι όταν αρακχλάς εκχέ τζουβλιά σο ισινέ Μάρτυρας ντα να τζανέλας-λα;

• Σόσκε πρέπει τι τζας κο πρεσβύτεροι άμα σκεφτίνασα τι βοηθίνας εκχέ τζενές σο ισί αδρανής;

• Σαρ προετοιμαντάς-πες η Άμπι για τι τζαλ κι Λόρα ι δεύτερη φαρ;

• Σαρ σικαντάς η Άμπι υπομονή ντα αγάπη όταν προσπαθίνελας τι ενθαρρύνελ ι Λορά;

• Σο μπορίνασα τι σικλιάς κατά παραβολή ι Ιησούσκι σο ισί κο εδάφια Λουκάς 15:8-10;

• Καλά ευλογίες αβιλέ επειδή ο πφραλά προσπαθιντέ τι βοηθίνεν ι Λορά;