Ανταλέ μπρεσέσταρ κα τθεράς πιο μπουτ χρόνος για τι ετοιμάνας-αμέν για την Ανάμνηση. Όταν η Ανάμνηση περέλα από Δευτέρα μέχρι Παρασκευή, να κα αβέλ-πες η Συνάθροιση Ζωή ντα Έργος κι εβδομάδα σο ισί η Ανάμνηση. Όταν η Ανάμνηση περέλα Σάββατος ή Κυριακή, να κα αβέλ-πες η δημόσια ομιλία ντα ο Μάθημας ι Σκοπιάκο. Κα χρησιμοποιήνεν ανταβά χρόνος σο κερδίνενα ι πιο λατσσέ τροπόσαρ; Αντικάς σαρ αβέλας-πες κο πρώτος αιώνας, πρέπει τι κανονίντιβεν κάποια πράγματα ανταλέ σημαντικέ συναθροισιάκε. (Λου 22:​7-13· km 3/15 1) Αλλά σαρέ αμέν πρέπει τι ετοιμάνας αμαρό γκι. Σαρ μπορίνασα τι κεράς-λες ανταβά;

• Σκεφτίνεν καζόμ σημαντικός ισί τι τζας κι Ανάμνηση.​—1Κο 11:​23-26

• Σκεφτίνεν με προσευχή σαρ τζάλα τουμαρί σχέση ι Ιεχωβάσαρ.​—1Κο 11:​27-29· 2Κο 13:5

• Διαβάνεν ντα σκεφτίνεν λατσσές πράγματα κατά Γραφή σο σικαβένα καζόμ σημαντική ισί η Ανάμνηση.​—Ιωα 3:​16· 15:13

Κάποιοι ευαγγελιζόμενοι διαβάνενα ντα σκεφτίνενα λατσσές ο εδάφια για την Ανάμνηση σο υπαρχίντιβενα κο βιβλιάριος Τι Ρόντας κι Γραφή Κάθε Ντιβές. Γιαβερά διαβάνενα ο εδάφια σο ισί κο πίνακας πιο τελέ. Επίσης, γιαβερά πφραλά διαβάνενα θέματα κατά Σκοπιά σο τθερένα τι κερέν με την Ανάμνηση ντα με την αγάπη σο σικαντάς αμένγκε ο Ιεχωβά ντα ο Ιησούς. Καβά-ντα πρόγραμμας κα τραμπίνεν για τι κερέν προσωπική μελέτη, μακάρι τι ανέλ-τουμέν ατζέ πιο πασέ κο Ιεχωβά ντα λέσκε Τσσαβέστε.