ΣΟΣΚΕ ΙΣΙ ΣΗΜΑΝΤΙΚΟΣ: Για τι τθερέν ι ευλογία ι Ιεχωβάσκι, οντουλά σο κερένα μελέτη πρέπει τι αφιερώνεν πουμαρί ζωή λέστε ντα τι μπολντιόν. (1Πε 3:21) Σοράν, ο Ιεχωβά κα αρακχαβέλ οντουλέν σο τζουβντιόνα σαρ βακερντέ κι αφιέρωση σο κερντέ. (Ψλ 91:1, 2) Εκ Χριστιανός αφιερώντιβελα κο Ιεχωβά—όχι τζενέντε, εκχέ μπουτιάτε ή σε εκ οργάνωση. Οτθάρ, οντουλά σο κερένα μελέτη χρειαζίντιβελα τι μπαριαρέν πουμαρί αγάπη ντα πουμαρί εκτίμηση ι Ντεβλέσκε.—Ρω 14:7, 8.

ΣΟ ΤΙ ΚΕΡΕΝ:

• Κι μελέτη, τι συζητίνεν σο σικαβένα ι Ιεχωβάσκε οντουλά σο διαβάνενα. Τι βακερέν οντουλέσκε σο κερένα-λες μελέτη ότι ισί μπουτ σημαντικός τι διαβάνελ κάθε ντιβές ι Γραφή ντα τι κερέλ «συνέχεια» προσευχή κο Ιεχωβά.—1Θε 5:17· Ιακ 4:8

• Τι βακερέν κο τζενό σο κερένα-λες μελέτη ότι ο πνευματικοί στόχοι σο ισί λατσσό τι τσσουβέλ ισί η αφιέρωση ντα ο μπολιπέ. Επίσης, βοηθίνεν-λες τι τσσουβέλ γιαβερά-ντα στόχους ντα τι κερέλ-λεν, σαρ για παράδειγμας τι ντελ απαντήσεις κο συναθροίσεις ή τι βακερέλ ο λατσσέ αμπέρια κο γείτονες ντα κο τζενέ σο κερέλα λέντζαρ μπουτί. Τι τθερέν τουμαρέ γκοντιάτε ότι ο Ιεχωβά να μανγκέλα τι υπηρετίνελ-λες ζορίσαρ καέκ τζενό. Η αφιέρωση ισί προσωπική απόφαση.—Δευ 30:19, 20

• Τι βοηθίνεν οντουλές σο κερένα-λες μελέτη τι αγαβέλ καζόμ σημαντικός ισί τι κερέλ ο απαραίτητες αλλαγές για τι ευχαριστίνελ ι Ιεχωβάς ντα για τι μπορίνελ τι μπολντιόλ. (Παρ 27:11) Επειδή μερικές ιδιότητες ντα χούγια μπορεί τι αβέν ριζωμέ αντρά-λέστε, οτθάρ εκ τζενό σο κερέλα μελέτη μπορεί τι μανγκέλα συνέχεια βοήθεια για τι νασκιαρέλ οπρά-πέσταρ ο πουρανό χαρακτήρας ντα τι ιρίλ ο νεβό. (Εφ 4:22-24) Συζητίνεν γιεκ λέσαρ ο θέματα «Η Αγία Γραφή Αλλάζει Ζωές» σο ισί κι Σκοπιά

• Βακερέν λέσκε καζόμ χαρούμενοι ισινέν επειδή υπηρετίνενα ι Ιεχωβάς. —Ησ 48:17, 18