Σόσκε ντικχλάς παλάλ η ρομνί του Λωτ ενώ νασέλας κατά Σόδομα; Η Αγία Γραφή να βακερέλα αμένγκε. (Γε 19:​17, 26) Ο λάφια σο ισί πιο οπρέ ντα πιο τελέ κατά προειδοποίηση ι Ιησούσκι σικαβένα ότι οντιά τζουβέλ μανγκέλας μπουτ ο πράγματα σο μουκχλάας παλά-πέστε. (Λου 17:​31, 32) Σαρ μπορίνασα αμέν μα τι χασαράς ι ευλογία ι Ντεβλέσκι, σαρ χασαρντάς-λα η ρομνί του Λωτ; Δεν πρέπει τι μουκχάς ο ανέσεις σο ανένα ο υλικά πράγματα τι αβέν κι πρώτη θέση αμαρέ ζωγιάτε. (Ματ 6:​33) Ο Ιησούς σικλιαρντάς ότι “ναστί υπηρετίνασα σαρ δούλοι ι Ντεβλές ντα ο Χουλανιπέ”. (Ματ 6:​24) Αλλά σο κα κεράς άμα αγαντάμ ότι, αμαρέ ζωγιάτε, ο υλικά πράγματα αρχίνενα τι τσσουβέν κι νάκρη ο πνευματικά πράγματα; Μπορίνασα τι προσευχίντιβας κο Ιεχωβά για τι μανγκάς λέσταρ τι βοηθίνελ-αμέν τι αγαβάς σο αλλαγές χρειαζίντιβελα τι κεράς ντα τι μανγκάς λέσταρ θάρρος ντα ζορ για τι κεράς-λεν.

ΑΠΑΝΤΙΝΕΝ ΚΟ ΕΡΩΤΗΣΕΙΣ ΣΟ ΒΑΣΙΝΤΙΒΕΝΑ ΚΟ ΤΡΙΝ ΔΙΑΦΟΡΕΤΙΚΑ ΜΕΡΗ ΣΟ ΤΘΕΡΕΛΑ Ο ΒΙΝΤΕΟΣ ΜΕ ΘΕΜΑΣ ΝΑ ΘΥΜΑΣΤΕ ΤΗ ΓΥΝΑΙΚΑ ΤΟΥ ΛΩΤ:

• Σαρ επηρεασάλε ο σκέψεις, ο λάφια ντα ο πράγματα σο κερέλας η Γκλόρια κατά πίεση σο τθερέλας τι νικαβέλ πιο μπουτ λοβέ;

• Σόσκε βακεράσα ότι η ρομνί του Λωτ ισί εκ παράδειγμας σο μπορίνελα τι προειδοποιήνελ-αμέν αντιβές;

• Σαρ βοηθισάλε ο Τζόι ντα λέσκι φαμιλί κάνα κερντέ πουμαρέ ζωγιάτε ο αρχές ι Γραφιάκε;

• Σαρ επηρεασάλι η πνευματικότητα ι Αννάκι κατά παρέες σο τθερέλας κι μπουτί;

• Σόσκε χρειαζίντιβασα θάρρος άμα πιένενα-αμέν τι τσσουβάς ο λοβέ πρώτα αμαρέ ζωγιάτε;

• Σαρ τσσουντέ πάλι κι πρώτη θέση ο πνευματικά πράγματα ο Μπράιαν ντα η Γκλόρια;

• Καλά αρχές ι Γραφιάκε αρακχλέν ανταλέ βιντεόστε;