Κι επιστολή σο γραφιντάς ο απόστολος Παύλος ι Ντεβλέσκε πνευμάσαρ κο Τίτος, βακερέλα ότι ο τερνέ μουρσά, σαρ ο Τίτος-ντα, έπρεπε τι κερέν ο πιο λατσσό σο μπορίνενας για τι αβέν “λατσσέ παραδείγματα σαρέ κατά πράξεις σο κερένας”. (Τιτ 2:6, 7) Πιο τελέ κο ίδιος κεφάλαιος, σικαντάς ότι ο λαός ι Ιεχωβάσκο αβιλό πάκι για τι “κερέλ λατσσέ πράξεις αντράλ πι γκίσταρ”. (Τιτ 2:​14) Εκ ανταλένταρ ισί τι βακερέλ ντα τι σικλιαρέλ ο λατσσέ αμπέρια ι Ντεβλέσκε Βασιλειάκε. Άμα ισινέν τερνέ, μπορίνενα τι χρησιμοποιήνεν τουμαρί ζορ λατσσέ τροπόσαρ ντα αντικάς τι υπηρετίνεν σαρ βοηθητικοί ή τακτικοί σκαπανείς;​—Παρ 20:29.

Άμα μανγκένα τι υπηρετίνεν σαρ σκαπανέας, τσσουβέν σε εκ σειράς ο πράγματα για τι μπορίνεν τι αβέν. (Λου 14:​28-30) Για παράδειγμας, σαρ κα νικαβέν-λεν πέρα με το έξοδα κάνα κα αβέν σκαπανέας; Σαρ κα νικαβέν ο σαάτια σο πρέπει; Κερέν λάφι ι Ιεχωβάσαρ ανταλένγκε αντράλ κατά προσευχή. (Ψλ 37:5) Συζητίνεν οντουλά σο σκεφτίνενα τουμαρέ νταντέσαρ, τουμαρέ νταγιάσαρ ντα με σκαπανείς σο ντένα-λεν πέρα. Σοράν κερέν ο πράγματα σο χρειαζίντιβελα για τι πετυχίνεν τουμαρό στόχος. Σίγουρα ο Ιεχωβά κα ευλογίνελ ο προσπάθειες σο κερένα αντράλ τουμαρέ γκίσταρ κι υπηρεσία λέσκι!

ΝΤΙΚΧΕΝ Ο ΒΙΝΤΕΟΣ ΝΕΑΡΟΙ ΠΟΥ ΤΙΜΟΥΝ ΤΟΝ ΙΕΧΩΒΑ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά δυσκολίες νακχαντέ μερικοί για τι υπηρετίνεν σαρ σκαπανείς, ντα σαρ νακχαντέ-λεν;

• Σαρ μπορίνενα ο νταντά ντα ο νταγιά τι βοηθίνεν πουμαρέ τσσαβέν τι αβέν τακτικοί σκαπανείς;

• Σόσκε ισί σημαντικός τι τθεράς πρόγραμμας για το έργος;

• Σαρ μπορίνενα ο πφραλά κι κχανγκιρί τι ντεν θάρρος ντα τι βοηθίνεν οντουλέν σο ισί σκαπανείς;

• Καλά ευλογίες τθερένα οντουλά σο υπηρετίνενα σαρ σκαπανείς;