ΣΟΣΚΕ ΙΣΙ ΣΗΜΑΝΤΙΚΟΣ: Ο τζενέ πρέπει τι σικλιόν ο κανόνες ι Ιεχωβάσκε ντα τι κερέν-λεν πουμαρέ ζωγιάτε για τι μπορίνεν τι ντεν-λες λατρεία με το σωστός τρόπος. (Ησ 2:3, 4) Ο βιβλίος «Αγάπη του Θεού», σο ισί ο δεύτερος βιβλίος σο χρησιμοποιήνασα για τι κεράς ι τζενέντζαρ μελέτη κατά Αγία Γραφή, βοηθίνελα οντουλέν σο κεράσα-λεν μελέτη τι αγαβέν σαρ ο κανόνες ι Ντεβλέσκε επηρεάνενα λένγκι ζωή. (Εβρ 5:14) Κάνα σικλιαράσα-λεν, πρέπει τι προσπαθίνας τι ερεσάς λένγκε γκίστε για τι κερέν αλλαγές επειδή μανγκένα ι Ιεχωβάς. —Ρω 6:17.

ΣΟ ΤΙ ΚΕΡΕΝ:

• Τι προετοιμάντιβεν λατσσές ντα τι τθερέν τουμαρέ γκοντιάτε ο ανάγκες σο τθερέλα ο τζενό σο κερένα-λες μελέτη. Τι κερέν ερωτήσεις σο κα βοηθίνεν-τουμέν τι αγαβέν σο σκεφτίνελα ντα σαρ αισθάντιβελα οντουλένγκε σο διαβάνελα. —Παρ 20:5· be 259

• Χρησιμοποιήνεν ο πλαίσια σο τθερέλα ο βιβλίος για τι βοηθίνεν-λες τι αγαβέλ καμπόρ σημαντικός ισί τι κερέλ πι ζωγιάτε ο κανόνες ι Γραφιάκε

• Βοηθίνεν-λες τι σκεφτίνελ λογικά σαρ κα αποφασίνελ για πράγματα σο τθερένα τι κερέν με τη συνείδηση, αλλά μα αποφασίνεν τουμέν λέσκε.—Γα 6:5

• Χωρίς τι προσβαλίνεν-λες, προσπαθίνεν τι αγαβέν άμα ο τζενό σο κερένα-λες μελέτη χρειαζίντιβελα βοήθεια για τι κερέλ πι ζωγιάτε ο κανόνες ι Γραφιάκε. Βοηθίνεν-λες με σουκάρ τρόπος τι κερέλ αλλαγές επειδή μανγκέλα ι Ιεχωβάς.—Παρ 27:11· Ιωα 14:31