Άμα ισινέν τερνέ Χριστιανοί ή κερένα μελέτη, τθερένα τουμαρέ γκοντιάτε τι ερεσέν κο μπολντιπέ; Σόσκε πρέπει τι μανγκέν τι μπολντιόν; Η αφιέρωση ντα ο μπολντιπέ ισί ο πρώτα πράγματα σο ανένα εκχέ τζενές μπουτ πασέ κο Ιεχωβά. (Ψλ 91:1) Ντα μπορίνενα τι βοηθίνεν-τουμέν τι σώντιβεν. (1Πε 3:​21) Σαρ κα μπαριαρέν τουμαρί πίστη για τι ερεσέν κο μπολντιπέ;

Τι σικαβέν τουμαρέ νεαυτόσκε ότι ανταγιά ισί η αλήθεια. Κάνα να ισινέν σίγουροι μερικέ πραγματένγκε, τι ρόντεν κορκορέ λένγκε. (Ρω 12:2) Τι αγαβέν καλά αλλαγές πρέπει τι κερέν ντα τι κερέν-λεν επειδή μανγκένα τι ντεν χαρά ι Ιεχωβάς. (Παρ 27:​11· Εφ 4:​23, 24) Τι μανγκέν πάντα λέσκι βοήθεια αντράλ κατά προσευχή. Τι αβέν σίγουροι ότι ο Ιεχωβά κα ντελ-τουμέν ζορ ντα κα βοηθίνελ-τουμέν πι ζουρανέ άγιε πνευμάσαρ. (1Πε 5:​10, 11) Τουμαρέ προσπάθειες αξίνενα μπουτ. Κάνα υπηρετίνασα ι Ιεχωβάς, τθεράσα ι πιο λατσσί ζωή!​—Ψλ 16:11.

ΝΤΙΚΧΕΝ Ο ΒΙΝΤΕΟΣ Ο ΝΤΡΟΜ ΣΟ ΓΚΕΡΕΛΑ ΚΟ ΜΠΟΛΝΤΙΠΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά εμπόδια νακχαντέ μερικά τζενέ για τι μπολντιόν;

• Σαρ κα μπαριαρέν τουμαρί πίστη για τι αφιερώντιβεν κο Ιεχωβά;

• Σόσκε μερικά τζενέ μανγκλέ τι κερέν οντουλά σο χρειαζίντιβελα για τι ερεσέν κο μπολντιπέ;

• Καλά ευλογίες τθερένα οντουλά σο τραμπίνενα τι υπηρετίνεν ι Ιεχωβάς;

• Σο ισί η αφιέρωση ντα ο μπολντιπέ;