Ι Ιεχωβάσκε, ισί μπουτ σημαντικός ο λάφι σο ντένα ο ρομ ντα η ρομνί πουμαρέ μπιαβέστε. Βακερντάς ότι πρέπει τι αβέν πασέ ο εκ ι γιαβερέσαρ. (Ματ 19:5, 6) Υπαρχίντιβενα μπουτ λατσσέ μπιαβά αντρέ κι Ντεβλέσκο λαός. Αλλά καέκ μπιαβ νανέ τέλειος​—σαρέ τθερένα προβλήματα. Όμως δεν πρέπει τι νακχέλ αμαρέ γκοντιάταρ οντουβά σο πακιάλα ο ντουνιάς, ότι ο πιο λατσσό ισί τι χωρίνας ή τι λας διαζύγιος άμα τθεράσα προβλήματα κο μπιαβ. Σαρ μπορίνενα ο παντριμέ Χριστιανοί τι αρακχαβέν πουμαρό μπιαβ;

Ντικχέν παντς σημαντικά πράγματα.

1. Μα κερέν καμάκι ντα μα διασκεδάνεν λουμνικανέ πραγματέντζαρ σόσκε αντικάς αρακχαβένα τουμαρό γκι ντα τουμαρό μπιαβ.​—Ματ 5:​28· 2Πε 2:14.

2. Τι αβέν πιο λατσσέ αμαλά ι Ντεβλέσαρ ντα τι μανγκέν ατζέ πιο μπουτ τι κερέν λέσκο γκι τουμαρέ μπιαβέσαρ.​—Ψλ 97:10.

3. Τι ιρίν ο νεβό χαρακτήρας ντα κερέν χουρντέ πράγματα σο σικαβένα λατσσιπέ για τι κερέν ι ζωή τουμαρέ ρομέσκι ή τουμαρέ ρομνιάκι πιο εύκολη.​—Κολ 3:​8-10, 12-14.

4. Τι πουτρέν τουμαρό γκι ο εκ κο γιαβέρ ντα τι κερέν λάφι με σεβασμός.​—Κολ 4:6.

5. Τι ικανοποιήνεν ο σεξουαλικές ανάγκες τουμαρέ ρομέσκε ή τουμαρέ ρομνιάκε λατσσιμάσαρ ντα μανγκιμάσαρ.​—1Κο 7:3, 4· 10:24.

Κάνα ο Χριστιανοί σεβάνενα πουμαρό μπιαβ, σεβάνενα Οντουλές-ντα σο κερντάς ο πρώτος μπιαβ, ι Ιεχωβάς.

ΝΤΙΚΧΕΝ Ο ΒΙΝΤΕΟΣ ΠΡΕΠΕΙ ΤΙ «ΤΘΑΒΝΤΑΣ ΜΕ ΥΠΟΜΟΝΗ»​—ΤΙ ΝΤΕΝ ΚΑΝ ΚΟ ΚΑΝΟΝΕΣ ΣΟ ΤΘΕΡΕΛΑ Ο ΑΓΩΝΑΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Ατζέ-ντα άμα εκ μπιαβ κι αρχή τζάλα λατσσές, καλά ζόρια μπορεί τι αβέν;

• Σαρ μπορίνενα ο αρχές ι Γραφιάκε τι βοηθίνεν οντουλέν σο νιωθίνενα ότι να τθερένα αγάπη πουμαρέ μπιαβέστε;

• Καλά νόμοι ντινάς ο Ιεχωβά ι μπιαβέσκε;

• Για τι αβέλ εκ μπιαβ λατσσό, σο πρέπει τι κερέλ εμ ο ρομ εμ η ρομνί;