Σόσκε μπεϊντίνασα αζόμ μπουτ αμαρέ συνελεύσεις; Σαρ κο πουρανό Ισραήλ, ο συνελεύσεις αμαρέ ντιβεσέντε ντένα-αμέν ι ευκαιρία τι ντας λατρεία ι Ιεχωβάς γιεκ αμαρέ χιλιάδες πφραλέντζαρ. Σικλιάσα μπουτ λατσσέ πράγματα σο βοηθίνενα-αμέν τι ατσσάς πασέ κο Ιεχωβά. Ισί επίσης μπουτ σουκάρ ο σαάτι σο νακχάσα αμαρέ αμαλέντζαρ ντα αμαρέ φαμιλιάσαρ. Επειδή εκτιμίνασα αντράλ αμαρέ γκίσταρ ι τρινέ ντιβεσένγκι συνέλευση να μανγκάσα τι χασαράς ούτε εκ ντιβές.

Κάνα ντιντιόλα-αμέν η ευκαιρία τι αβάς γιεκ αμαρέ πφραλέντζαρ, νανέ λατσσό τι σκεφτίνας σάντε σο κα λας αλλά σαρ κα σικαβάς αμαρί αγάπη ι γιαβερένγκε. (Γα 6:​10· Εβρ 10:​24, 25) Κάνα ασταράσα ι πόρτα για τι νακχέν αμαρέ πφραλά ή κάνα ατσσικιαράσα σάντε ο θέσεις σο κα χρειαζίντιβας, σικαβάσα ότι ντικχάσα ο λατσσιπέ ι γιαβερένγκο. (Φλπ 2:3, 4) Κο συνελεύσεις, τθεράσα ι σουκάρ ευκαιρία τι κεράς νεβέ αμαλέν. Πριν ντα σοράν κατά πρόγραμμας ντα κο διάλειμμας κο μεσημέρι, μπορίνασα τι τσσουβάς στόχος τι σικλιάς εκχέ τζενές σο να τζανάσα. (2Κο 6:​13) Ο αμαλά σο κεράσα ασακέ τθανέντε μπορίνενα τι ατσσόν για πάντα! Ο πιο σημαντικός ισί ότι, καζόμ ο γιαβερά ντικχένα-αμέν τι σικαβάς αμαρί αγάπη οντουλέντζαρ σο κεράσα, μπορεί τι μανγκέν τι υπηρετίνεν βον-ντα ι Ιεχωβάς αμέντζαρ.​—Ιωα 13:35.

ΝΤΙΚΧΕΝ Ο ΒΙΝΤΕΟΣ ΔΙΕΘΝΕΙΣ ΣΥΝΕΛΕΥΣΕΙΣ «Η ΑΓΑΠΗ ΠΟΤΕΣ ΝΑ ΧΑΣΑΡΝΤΙΒΕΛΑ»! ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ ντικχλέ ι αγάπη ο τζενέ σο γκιλέ κο διεθνείς συνελεύσεις κο 2019;

• Σόσκε σαστίνασα κάνα ντικχάσα καζόμ ενωμέ ντα αγαπημέ ισί οντουλά σο ισί αντρέ κι Ιεχωβάσκο λαός;

• Σο βακερντέ ο πφραλά κατά Κυβερνών Σώμας για την αγάπη;

• Σαρ σικάντιλι η Χριστιανική αγάπη κι Γερμανία ντα κι Νότια Κορέα;

• Καλέ πραγμάσκε πρέπει τι αβάς αποφασισμέ;