Για τι αβέν αμαλά ι Ιεχωβάσκε ο τζενέ σο κερένα-λεν μελέτη, πρέπει τι τραμπίνεν λατσσέ παρέες. (Ψλ 15:1, 4) Ο λατσσέ παρέες κα βοηθίνεν-λεν τι κερέν ο σωστός.​—Παρ 13:​20· lff μάθημας 48.

Κάνα βοηθίνενα τουμαρέ μελέτες μα τι κερέν μπέτι παρέες, τι πφαμπόν λένγκε ντα τι αγαβέν-λεν. Μπέκιμ ισί λένγκε πφαρό τι τσσιναβέν τι κερέν παρέες πουμαρέ αμαλέντζαρ σο ισί κο ντουνιάς. Οτθάρ, τι σικαβέν ότι πφαμπόνα λένγκε μπαγιά σο-ντα σαάτι τι αβέλ όχι σάντε κάνα κερένα-λεν μελέτη. Κα μπορίνενας τι κερέν-λες ανταβά άμα κα μπουτσσαβέν λένγκε εκ μήνυμας, άμα κα λεν-λεν εκ τηλέφωνος ή άμα κα τζαν τι ντικχέν σαρ ισί. Καζόμ ο τζενέ κερένα πουμαρί φιλία ι Ντεβλέσαρ πο ζουρανί, μπορίνενα τι λεν-λεν τουμαρέ παρεέντε σο κερένα ι Ντεβλέσκε λαόσαρ. Αντικάς κα ντικχέν πουμαρέ γιακχίντζαρ ότι ο λατσσίματα σο λένα ισί πο μπουτ οντουλένταρ σο χασαρένα. (Μαρ 10:​29, 30) Αλλά τουμέν-ντα κα νιωθίνεν χαρά καζόμ κα ντικχέν ι Ιεχωβάσκι φαμιλί τι μπαριόλ.

ΝΤΙΚΧΕΝ Ο ΒΙΝΤΕΟΣ ΒΟΗΘΙΝΕΝ ΟΝΤΟΥΛΕΝ ΣΟ ΚΕΡΕΝΑ-ΛΕΝ ΜΕΛΕΤΗ ΜΑ ΤΙ ΚΕΡΕΝ ΜΠΕΤΙ ΠΑΡΕΕΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά ισί ο μπέτι παρέες;​—1Κο 15:33

• Σαρ αμντίνελας η Τζέιντ ότι κα αβέλας η παρέα ι πφραλέντζαρ;

• Σαρ βοηθιντάς η Νίτα ι τζενιά τι μουκχέλ ο μπέτι παρέες ντα τι κερέλ λατσσέ παρέες;