Ο Λάφι ι Ντεβλέσκο μπορίνελα τι αλλάνελ αμαρί ζωή. (Εβρ 4:​12) Όμως, για τι ντικχάς λατσσιπέ κατά οδηγίες ντα κατά συμβουλές σο ντέλα-αμέν, χρειαζίντιβελα τι αβάς σίγουροι ότι ισί μπαγιά «ο λάφι ι Ντεβλέσκο». (1Θε 2:​13) Σαρ κα πακιάς ατζέ πο μπουτ κι Αγία Γραφή;

Διαβάνεν εκ κομμάτι κατά Γραφή κάθε ντιβές. Καζόμ κα διαβάνεν, ρόντεν αποδείξεις ότι ο Ιεχωβά ισί Οντουβά σο γραφιντάς-λα. Για παράδειγμας, ντικχέν ο συμβουλές σο ισί κο βιβλίος Παροιμίες ντα ντεν σημασία σαρ βοηθίνενα-αμέν αμαρέ μπρεσέντε-ντα.​—Παρ 13:​20· 14:30.

Αρχίνεν τι σικλιαρέν-τουμέν αχόρτ κατά Γραφή. Σικλιόν λατσσές ο αποδείξεις σο σικαβένα ότι η Γραφή ισί γραμμέ ι Ντεβλέσκε πνευμάσαρ. Ρόντεν κο Οδηγός Έρευνας για τους Μάρτυρες του Ιεχωβά, κο θέμας «Αγία Γραφή» ντα σοράν «Θεόπνευστη». Επίσης, για τι αβέν σίγουροι ότι ο λάφια ι Γραφιάκε να αλλαξάλε, μπορίνενα τι ντικχέν οντουλά σο βακέρντιβενα κο Παράρτημας Α3 κι Μετάφραση Νέου Κόσμου.

ΝΤΙΚΧΕΝ Ο ΒΙΝΤΕΟΣ ΣΟΣΚΕ ΠΑΚΙΑΣΑ . . . ΚΟ ΛΑΦΙ ΚΙ ΝΤΕΒΛΕΣΚΟ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ σικάντιβελα οντουλέσταρ σο αρακχλέ κο ντουβάρι εκχέ ναόσκο κο Καρνάκ, κι Αίγυπτος, ότι ο Λάφι ι Ντεβλέσκο ισί μπαγιά;

  Τι απάντηση

• Σαρ τζανάσα ότι να αλλαξάλε ο λάφια ι Γραφιάκε;

  Τι απάντηση

• Αφού τζανένα ότι η Γραφή υπαρχίντιβελα μέχρι αντιβές, σαρ ανταβά κερέλα-τουμέν σίγουρους ότι ισί ο Λάφι ι Ντεβλέσκο;​—Διαβάνεν Ησαΐας 40:8

  Τι απάντηση