Πρέπει τι ποτίνας ο σπόροι της αλήθειας σο φυτίνασα. (1Κο 3:6) Όταν αρακχάσα εκχέ τζενές σο μανγκέλα τι ασουνέλ, ισί λατσσό τι κεράς λέσκε εκ ερώτηση σο κα συζητίνας κι γιαβέρ φαρ. Ανταβά κα κερέλ ι τζενές τι μπεκλεντίνελ αμένγκε τι τζας πάλι ντα κα κερέλ πιο εύκολη αμαρί προετοιμασία για την επανεπίσκεψη. Όταν κα τζας, μπορίνασα τι βακεράς λέσκε ότι ξαναβιλάμ για τι απαντίνας κι ερώτηση σο κερντάμας ι γιαβέρ φαρ.

• Όταν ετοιμάνενα εκ παρουσίαση πριν τι τζαν κχερ κχερέστε, τι ετοιμάνεν εκ ερώτηση-ντα σο κα απαντίνεν-λα κι επανεπίσκεψη. Μπορεί τι αβέλ εκ ερώτηση σο κα απαντίντιβελ κατά έντυπος σο κα ντεν ή εκ ερώτηση σο κα απαντίντιβελ κατά έντυπος σο τθερένα τουμαρέ γκοντιάτε τι ντεν για τι αρχίνεν εκ μελέτη.

• Χάνικ πριν τι τελειώνεν τουμαρί συζήτηση εκχέ τζενέσαρ σο μανγκλάς τι ασουνέλ, τι βακερέν λέσκε ότι μανγκένα τι συζητίνεν πάλι λέσαρ, ντα σοράν τι κερέν ι ερώτηση σο ετοιμαντέν. Άμα αβέλα-πες, πουτσέν-λες σαρ μπορίνενα τι αρακχέν-λες πάλι, για παράδειγμας κο τηλέφωνος.

• Άμα κα βακερέν ότι κα τζαν πάλι εκ συγκεκριμέ σαάτι, τι ατσικιαρέν τουμαρό λάφι ντα τι τζαν αζομάν σο βακερντέν λέσκε.—Ματ 5:37.