Σικαβάσα ότι αγαβάσα ι γιαβερέν κάνα ντικχάσα λένγκε ανάγκες, σο ισί σημαντικός λένγκε ντα σο τθερένα πουμαρέ γκίστε ντα πουμαρέ γκοντιάτε. Ο γιαβερά νιωθίνενα άμα κεράσα-λες ανταβά. Άμα μανγκάσα μπαγιά τι βοηθίνας ι γιαβερέν, ανταβά κα κερέλ-αμέν τι αγαβάς-λεν. Κάνα αγαβάσα ι γιαβερέν κο έργος, μοιάζασα κο Ιεχωβά σο πφαμπόλα ι τζενένγκε ντα αντικάς ο τζενέ τζάνα πασέ λέστε.​—Φλπ 2:4.

Να σικαβάσα ότι αγαβάσα ι γιαβερέν σάντε για τι σικλιαράς πιο λατσσές. Σικαβάσα ότι αγαβάσα-λεν ι τροπόσαρ σο ασουνάσα ντα κεράσα λάφι αλλά εμ αμαρέ συμπεριφοράσαρ, κατά χειρονομίες ντα κατά εκφράσεις αμαρέ μόσκε. Αγαβάσα ι γιαβερέν κάνα πφαμπάσα λένγκε μπαγιά. Ντάσα σημασία κο πράγματα σο μπεϊντίνενα, οντουλέντε σο πακιάνα ντα κο πράγματα σο νακχένα πουμαρέ ζωγιάτε. Βακεράσα λένγκε σουκάρ λάφια για τι βοηθίνας-λεν, αλλά να τσσουβάσα-λεν ζορίσαρ τι αλλάνεν. Κάνα ο γιαβερά μουκχένα-αμέν τι βοηθίνας-λεν, μπαριαράσα αμαρί χαρά κο έργος.

ΝΤΙΚΧΕΝ Ο ΒΙΝΤΕΟΣ ΤΙ ΤΘΕΡΕΝ Ι ΧΑΡΑ ΣΟ ΑΒΕΛΑ ΚΑΝΑ ΚΕΡΑΣΑ ΜΑΘΗΤΕΝ​—ΤΙ ΣΙΚΛΙΑΡΕΝ ΠΙΟ ΛΑΤΣΣΕΣ ​—ΤΙ ΑΓΑΒΕΝ Ι ΓΙΑΒΕΡΕΝ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Κάνα η Τζέιντ να γκιλί πι σαατίστε, σαρ σικαντάς η Νίτα ότι αγαβέλας-λα;

• Κάνα η Τζέιντ βακερντάς κι Νίτα ότι ισινέ αγχωμέ ντα ότι να ντέλας λάκο γκι τι κερέλ μελέτη, σαρ σικαντάς η Νίτα ότι αγαβέλας-λα;

• Κάνα η Τζέιντ βακερντάς κι Νίτα ότι να τσσουβέλα πο πράγματα εκχέ σειράστε, σαρ σικαντάς η Νίτα ότι αγαβέλας-λα;