Αβέλα μπουτ μπουτί για τι ετοιμάντιβελ ο θέμας «Σαρ τι Κεράς Συζητήσεις» ντα άλι πφραλά ντα πφενιά βοηθίντιβενα μπουτ ανταλέσταρ. Όμως, επειδή ο πράγματα κο κάθε τθεμ ισί γιαβέρσοϊ, ο πφραλά μπορίνενα τι αλλάνεν ο λάφια σο κα βακερέν ή τι κερέν λάφι εκχέ γιαβερέ θεμάσκε σο ταρτίνελα ι τζενέν λένγκε τθεμέσκε. Σαρέ πρέπει τι ντεν καν κο οδηγίες σο ντιντιόνα κο εκστρατείες. Οντουβά σο μανγκάσα τι κεράς ισί τι μουτθαβάς ο λατσσέ αμπέρια ι Βασιλειάκε, σαρ μανγκλάς αμένταρ ο Ιησούς.​—Ματ 24:14.

Κο ομιλίες, ο πφραλά ντα ο πφενιά πρέπει τι κερέν λάφι αντράλ κατά θέμας σο τθεράσα κο «Σαρ τι Κεράς Συζητήσεις», σο ισί κο Πρόγραμμας ι Συναθροισιάκε Ζωή ντα Έργος. Όμως, μπορίνενα τι τραμπίνεν εκ γιαβέρ ερώτηση κι αρχή, εδάφιος ή ερώτηση κο τέλος, για τι ταρτίνεν ι τζενέν πουμαρέ τθεμέστε, εκτός άμα ισί οδηγία μα τι αβέλ-πες ανταβά. Ανταγιά ισί εκ αλλαγή σο αβιλί κι οδηγία σο ισινέ κι σελίδα 8 κο πρόγραμμας ι συναθροισιάκε κο Ιούνιος 2020.