29 Ιουλίου–4 Αυγούστου
ΨΑΛΜΟΣ 69
Ύμνος 13 ντα Προσευχή | Χάνικ Λάφια κι Αρχή (1 λεπτός)
1. Σαρ Νικίστιλε Μπαγιά κο Ιησούς ο Πράγματα σο Βακέρντιλεας κο Ψαλμός 69
(10 λεπτά)
Μπουτ τζενέ μισιντέ ι Ιησούς σινανέ (Ψλ 69:4· Ιωα 15:24, 25· w11-G 15/8 σ. 11 ¶17)
Ο Ιησούς τθερέλας αγάπη για το κχερ ι Ιεχωβάσκο (Ψλ 69:9· Ιωα 2:13-17· w10-G 15/12 σ. 8 ¶7, 8)
Ο Ιησούς νιωσάλο μπαρί ντουκχ αντρέ πι γκίστε, ντα ντινέ-λες τι πιλ μολ ναμιμέ κερκέ τσαργίντζαρ (Ψλ 69:20, 21· Ματ 27:34· Λου 22:44· Ιωα 19:34· g95-G 22/10 σ. 31 ¶4· it-1-G 727)
ΣΚΕΦΤΙΝΕΝ: Σόσκε ο Ιεχωβά κερντάς τι γραφίντιβεν προφητείες για το Μεσσίας κο Εβραϊκές Γραφές;
2. Διαμάντια Κατά Αγία Γραφή
(10 λεπτά)
-
Ψλ 69:30, 31—Σαρ μπορίνενα ανταλά εδάφια τι βοηθίνεν-αμέν τι κεράς πο λατσσέ αμαρέ προσευχές; (w99-G 15/1 σ. 18 ¶11)
-
Καλά διαμάντια αρακχλέν κο διάβασμας κατά Αγία Γραφή ανταγιά εβδομάδα;
3. Διάβασμας Κατά Αγία Γραφή
(4 λεπτά) Ματ 9:1-13 (th σημείος 2)
4. Κερέν Υπομονή—Σο Κερντάς ο Ιησούς
(7 λεπτά) Συζήτηση. Ντικχέν ο ΒΙΝΤΕΟΣ ντα σοράν συζητίνεν κατά lmd μάθημας 8 σημεία 1, 2.
5. Κερέν Υπομονή—Μοιάζεν κο Ιησούς
(8 λεπτά) Συζήτηση κατά lmd μάθημας 8 σημεία 3-5 ντα «Ντικχέν Ακαλά-ντα».
Ύμνος 134
6. Ανάγκες σο Τθερέλα Αμαρί Κχανγκιρί
(5 λεπτά)
7. Συμβουλές για τι Τθερέλ Επιτυχία η Φαμιλιάκι Λατρεία
(10 λεπτά) Συζήτηση.
Κο Ιανουάριος 2009, η Μελέτη Βιβλίου Εκκλησίας αβιλί εκ με τη Σχολή Θεοκρατικής Διακονίας ντα με τη Συνάθροιση Υπηρεσίας σε εκ συνάθροιση αντρέ κι εβδομάδα. Αντικάς, ο φαμιλιά τθερένα εκ ντιβές κάθε εβδομάδα για τι κερέν φαμιλιάκι λατρεία τροπόσαρ σο κα βοηθίντιβεν σαρέ. Μπουτ τζενέ σικαντέ πουμαρί εκτίμηση για τη διευθέτηση ανταγιά, σο βοηθίνελα-λεν τι κερέν πο ζουρανί πουμαρί φιλία ι Ιεχωβάσαρ ντα τι αβέν πο πασέ σαρ φαμιλί.—Δευ 6:6, 7.
Καλά συμβουλές μπορίνενα τι βοηθίνεν ι μουρσέν κι φαμιλί τι κερέν πουμαρί Φαμιλιάκι Λατρεία τροπόσαρ σο κα βοηθίντιβεν σαρέ;
-
Τι κερέν-λα τακτικά. Άμα αβέλα-πες, τσσουβέν συγκεκριμέ σαάτι για τι κερέν ι φαμιλιάκι λατρεία κάθε εβδομάδα. Τι αβέν έτοιμοι τι κερέν τουμαρί φαμιλιάκι λατρεία εκ γιαβέρ ντιβές άμα κα τυχίνελ κάτι σο να μπεκλεντίνενα
-
Τι προετοιμάντιβεν. Τι λεν ι γνώμη τουμαρέ ρομνιάκι ντα μπάζιμα τι μανγκέν ιδέες τουμαρέ τσσαβένταρ. Να χρειαζίντιβελα τι ντεν μπουτ σαάτι για τι προετοιμάντιβεν, ειδικά άμα τουμαρί φαμιλί μπεϊντίνελα τι κερέλ περίπου ο ίδια πράγματα κι φαμιλιάκι λατρεία κάθε εβδομάδα
-
Τι κερέν-λα ανάλογα με το ανάγκες τουμαρέ φαμιλιάκε. Καζόμ μπαριόνα τουμαρέ τσσαβέ, λένγκε ανάγκες ντα λένγκε ικανότητες αλλάνενα. Τουμαρί φαμιλιάκι λατρεία πρέπει τι βοηθίνελ ι κάθε εκχές τι κερέλ πι φιλία ι Ντεβλέσαρ πο ζουρανί
-
Τι προσπαθίνεν τι κερέν τουμαρί φαμιλί τι νακχέλ σουκάρ. Άμα ισί λατσσό ο καιρός, μπάζιμα κα μπορίνενας τι διαβάνεν κάπου αβρί. Τι κερέν διαλείμματα άμα χρειαζίντιβελα. Παρόλο σο πρέπει τι συζητίνεν ο δυσκολίες σο νακχέλα τουμαρί φαμιλί, ι φαμιλιάκι λατρεία δεν πρέπει τι ντικχέν-λα σαρ ευκαιρία για τι κρίνεν τουμαρέ τσσαβέν ή τι διορθώνεν-λεν
-
Τι κερέν διάφορα πράγματα. Για παράδειγμας, μπορίνενα τι ετοιμάνεν εκ μέρος σο κα ντικχέν κι γιαβέρ συνάθροιση, τι ντικχέν ντα τι συζητίνεν εκ βίντεος κατά jw.org ή τι κερέν πρόβες για το έργος. Παρόλο σο η Φαμιλιάκι Λατρεία πο μπουτ πρέπει τι αβέλ με συζήτηση, σαρέ κι φαμιλί κα μπορίνενας επίσης τι λεν χρόνος κατά φαμιλιάκι λατρεία για τι σικλιαρέν-πες κορκορέ κατά Γραφή
Συζητίνεν ι ερώτηση:
-
Σαρ προσπαθιντέν τουμέν τι κερέν ανταλά συμβουλές κι φαμιλιάκι λατρεία;
8. Σικλιαριπέ ι Γραφιάκο κι Κχανγκιρί
(30 λεπτά) lff μάθημας 36
