ΣΟΣΚΕ ΙΣΙ ΣΗΜΑΝΤΙΚΟΣ: Σαρ αβέλα-πες με το πιο μπουτ εργαλεία, ο κοινωνικά δίκτυα μπορίνενα είτε τι βοηθίνεν-αμέν είτε τι κερέν αμένγκε κακός. Μερικοί Χριστιανοί τραμπίνενα μα τι τθερέν κοινωνικά δίκτυα. Γιαβερά Χριστιανοί χρησιμοποιήνενα-λεν για τι κερέν λάφι πουμαρέ φαμιλιάσαρ ή πουμαρέ αμαλέντζαρ. Ο Μπενγκ όμως μανγκέλα τι χρησιμοποιήνας-λεν με λάθος τρόπος, ντα ανταβά κα μπορίνελας τι χαλαβέλ αμαρό λατσσό ναβ ντα αμαρί φιλία ι Ιεχωβάσαρ. Σαρ ο Ιησούς, αντικάς αμέν-ντα μπορίνασα τι χρησιμοποιήνας ο αρχές σο ισί κο Λάφι κι Ντεβλέσκο για τι αγαβάς ο κίνδυνοι ντα τι νασάς ντουρ λένταρ.​—Λου 4:4, 8, 12.

ΠΑΓΙΔΕΣ ΣΟ ΠΡΕΠΕΙ ΤΙ ΝΑΣΑΣ ΛΕΝΤΑΡ:

• Μα τι χρησιμοποιήνας μπουτ ο κοινωνικά δίκτυα. Άμα ασχολίντιβασα μπουτ σαάτια με το κοινωνικά δίκτυα κα τσορέν αμένταρ ο σημαντικός χρόνος σο χρειαζίντιβασα για τι κεράς ο πράγματα ι Ντεβλέσκε

  Αρχές ι Γραφιάκε: Εφ 5:​15, 16· Φλπ 1:10

• Μα τι παρακολουθίνας πράγματα σο νανέ σωστά. Άμα ντικχάσα μπέτι φωτογραφίες μπορεί τι περάς κι παγίδα τι κολλίνας με την πορνογραφία ή τι κεράς ανηθικότητα. Άμα διαβάνασα κατά Ίντερνετ πράγματα σο γραφιντέ αποστάτες, μπορεί τι χασαράς αμαρί πίστη

  Αρχές ι Γραφιάκε: Ματ 5:​28· Φλπ 4:8

• Μα τι γραφίνας σχόλια ή τι βάντας φωτογραφίες σο ισί μπέτι. Επειδή αμαρό γκι μπορίνελα τι χουχαβέλ-αμέν, μπορεί κάποιος τι περέλ κο πειρασμός τι γραφίνελ σχόλια κο κοινωνικά δίκτυα ή τι βάντελ φωτογραφίες σο ισί μπέτι. Αλλά ανταβά κα μπορίνελας τι χαλαβέλ λέσκο λατσσό ναβ ή τι κερέλ-λες τι χασαρέλ πι πίστη

  Αρχές ι Γραφιάκε: Ρω 14:​13· Εφ 4:29

ΝΤΙΚΧΕΝ Ο ΒΙΝΤΕΟΣ ΧΡΗΣΙΜΟΠΟΙΕΙΣ ΕΞΥΠΝΑ ΤΑ ΚΟΙΝΩΝΙΚΑ ΔΙΚΤΥΑ; ΝΤΑ ΣΟΡΑΝ ΝΤΙΚΧΕΝ ΣΑΡ ΤΙ ΝΑΣΕΝ ΝΤΟΥΡ ΚΑΤΑ ΠΡΑΓΜΑΤΑ ΣΟ ΙΣΙ ΠΙΟ ΤΕΛΕ: