Αμέν ο ατελείς τζενέ ουσαράσα συνέχεια για τι κεράς κουμάντος οντουλά σο μανγκέλα αμαρό γκι. Άμα να κα κεράς-λες ανταβά κα μπορίναας τι χασαράς ι Ιεχωβάσκι ευλογία. Για παράδειγμας, ισί τζενέ σο μανγκένα ο χαμπέ, ο σέα ντα ο κχερ πο μπουτ κατά Ντεβέλ. Γιαβερά κερένα λουμνικανέ πράγματα ντα αντικάς τζάνα κόντρα κο κανόνες κι Ντεβλέσκε. (Ρω 1:​26, 27) Ντα μπουτ τερνέ κερένα γκεραλέ πράγματα για τι μπεϊντίνεν-λεν οντουλά σο πιένενα-λεν.​—Εξ 23:2.

Σαρ κα κεράς κουμάντος αμαρό γκι; Πρέπει τι κεράς ο πο λατσσό για τι αβέλ ο γκι ι Ιεχωβάσκο. (Ματ 4:4) Ατζέ, πρέπει τι μολίνας ι Ιεχωβάς για τι βοηθίνελ-αμέν τι κεράς κουμάντος οντουλά σο μανγκέλα αμαρό γκι. Σόσκε; Επειδή βοβ τζανέλα σο ισί ο πο λατσσό αμένγκε ντα τζανέλα σαρ τι ντελ-αμέν ο σωστά πράγματα σο μανγκάσα.​—Ψλ 145:16.

ΝΤΙΚΧΕΝ Ο ΒΙΝΤΕΟΣ ΜΑ ΜΟΥΚΧ ΤΙ ΖΩΗ ΤΙ ΝΑΣΕΛ ΣΑΡ ΚΑΝΤΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σόσκε μερικά τζενέ πίνα τσιγάρα;

• Σο ζιάνι μπορεί τι κερέλ τούκε η τσιγάρα;

• Σόσκε κερέλα ζιάνι η τσιγάρα, η ηλεκτρονική τσιγάρα ή ο ναργιλές;​—2Κο 7:1

• Σαρ μπορίνεσα τι βακερές όχι κι τσιγάρα ή άμα πίσα τι τσσιναβές-λα;