Καζόμ ο τέλος ανταλέ ντουνιάσκο ερεσέλα, μπεκλεντίνασα ότι ο δυσκολίες, η τρομοκρατία ντα ο τζένγκια κα αβέν πο μπουτ. (Απ 6:4) Σαρ κα προετοιμάντιβας ι δυσκολιένγκε σο κα αβέν;

• Ατσσόν πασέ κο Ιεχωβά: Αρακχέν αρχές ντα ιστορίες κατά Γραφή σο μπαριαρένα τουμαρί μπέσα κο Ιεχωβά ντα λέσκε οργανωσιάτε ντα βοηθίνενα-τουμέν τι ατσσόν ουδέτεροι. (Παρ 12:5· jr σ. 125, 126 ¶23, 24, κο μπαλαμανές) Ακανά ισί ο βακίτι τι αβάς πο λατσσέ αμαλά ι πφραλέντζαρ ντα ι πφενίντζαρ αντρέ κι κχανγκιρί.​—1Πε 4:7, 8

• Κερέν πράγματα τουμέν-ντα: Σκεφτίνεν πο τζανγκλέ σο κα κερέν για τι ατσσόν αρακχαντέ άμα ναστί νασένα τουμαρέ κχερέσταρ ντα γκεραβέν χάνικ πράγματα σο κα χρειαζίντιβεν αζομάν. Τι τθερέν τουμαρέ γκοντιάτε σο κα κερέν άμα κα χρειαζίντιβελ τι νασέν τουμαρέ κχερέσταρ. Ντικχέν σο τθερένα κο βαλίτσες ι πραγματέντζαρ σο κα χρειαζίντιβεν ντα τσσουβέν αντρέ πράγματα σαρ ισί γάντια, μάσκες ντα λοβέ. Τι τθερέν ο στοιχεία ι πρεσβυτερόνγκε για τι κερέν λέντζαρ λάφι ντα τι αβέν σίγουροι ότι βον-ντα τθερένα τουμαρέ στοιχεία για τι κερέν τουμέντζαρ λάφι.​—Ησ 32:2· g17.5 3-7, κο μπαλαμανές

Κο δυσκολίες, μα τσσιναβέν τι ντεν λατρεία κο Ιεχωβά αντράλ κατά προσευχή, κατά σικλιαριπέ ι Γραφιάκο ντα κατά συναθροίσεις. (Φλπ 1:​10) Μα τζαν εκ ακάρινγκ εκ οκόρινγκ εκτός άμα πρέπει τι νασέν οτθάρ σο μπεσένα. (Ματ 10:​16) Ντεν κο γιαβερά τουμαρέ χαμπιματένταρ ντα σο γιαβέρ τθερένα.​—Ρω 12:13.

ΝΤΙΚΧΕΝ Ο ΒΙΝΤΕΟΣ ΙΣΙΝΕΝ ΕΤΟΙΜΟΙ ΑΜΑ ΚΑ ΑΒΕΛ-ΠΕΣ ΕΚ ΚΑΤΑΣΤΡΟΦΗ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σαρ βοηθίνελα-αμέν ο Ιεχωβά κάνα αβένα-πες καταστροφές;

• Σο μπορίνασα τι κεράς αμέν για τι προετοιμάντιβας;

• Σαρ μπορίνασα τι βοηθίνας γιαβερέν σο νακχλέ εκ φυσική καταστροφή;