Σο ισί η ηχογραφιμέ Αγία Γραφή; Ισί η νεβί Μετάφραση Νέου Κόσμου ηχογραφιμέ ντα σιγά σιγά νικιόλα ατζέ πο μπουτ τσσιμπέντε. Εκ κατά μπουτ σουκάρ πράγματα σο τθερέλα ισί ότι χρησιμοποιήντιβενα διαφορετικές φωνές ι κάθε τζενέσκε σο ισί κι Γραφή. Ο λάφια διαβάντιβενα σωστά ντα ερ γκίσαρ για τι ντιντιόλ ντιπ ο νόημας ι Γραφιάκο.

Σαρ βοηθίντιβενα μερικά τζενέ κατά ηχογραφιμέ Αγία Γραφή; Μπουτ τζενέ σο ασουνένα τακτικά ο ηχογραφήσεις ι Γραφιάκε ντικχένα σαρ ο Λάφι ι Ντεβλέσκο αβέλα πραγματικός λένγκε. Νιωθίνενα ότι κάνα ασουνένα διαφορετικές φωνές ι κάθε τζενέσκε σο ισί κι Γραφή, μπορίνενα τι ανέν πουμαρέ γκοντιάτε πο εύκολα ο πράγματα σο αβιλέ-πες ντα αγαβένα πο λατσσές οντουλά σο ισί γραμμέ. (Παρ 4:5) Επίσης, μπουτ τζενέ αγαντέ ότι ανταλά ηχογραφήσεις λοκχιαρένα λένγκο γκι κάνα τθερένα άγχος.​—Ψλ 94:19.

Κάνα ασουνάσα εκχέ τζενές τι διαβάνελ ο Λάφι ι Ντεβλέσκο, ανταβά μπορίνελα τι επηρεάνελ μπουτ αμαρί ζωή. (2Χρ 34:​19-21) Άμα η ηχογραφιμέ Αγία Γραφή ισί, σαρί ή εκ μέρος λάκο, εκχέ τσσιμπάτε σο αγαβένα, κα μπορίνενας τι τσσουβέν-λα κο πνευματικός πρόγραμμας σο τθερένα για τι ασουνέν-λα τακτικά;

ΝΤΙΚΧΕΝ Ο ΒΙΝΤΕΟΣ ΣΑΡ ΝΙΚΙΟΛΑ Η ΗΧΟΓΡΑΦΙΜΕ ΑΓΙΑ ΓΡΑΦΗ​—ΧΟΥΡΝΤΟ ΒΙΝΤΕΟΣ ΝΤΑ ΣΟΡΑΝ ΑΠΑΝΤΙΝΕΝ ΚΙ ΕΡΩΤΗΣΗ:

Σο κερέλα τουμένγκε εντύπωση κο τρόπος σο νικιόλα η ηχογραφιμέ Αγία Γραφή;