Ο Δαβίδ νικιντάς ι Γολιαθίς σόσκε ντέλας μπέσα κο Ιεχωβά. (1Σα 17:​45) Ο Ιεχωβά μανγκέλα τι βοηθίνελ πι ζοριάσαρ σαρέ πι υπηρετόν. (2Χρ 16:9) Σαρ μπορίνασα αμέν τι ντας μπέσα κι βοήθεια κι Ιεχωβάσκι ντα μα τι ντας μπέσα οντουλέντε σο τζανάσα αμέν; Ντικχέν τριν τρόπους:

• Τι προσευχίντιβεν μπουτ φαρ. Μα προσευχίντιβεν σάντε για τι συγχωρίνελ-τουμέν ο Ιεχωβά κάνα κερένα εκ λάθος, αλλά για τι ντελ-τουμέν ι ζορ-ντα κάνα αβέλα τουμένγκε τι κερέν κάτι μπίλατσσο. (Ματ 6:​12, 13) Μα προσευχίντιβεν σάντε για τι ευλογίνελ ο Ιεχωβά ο αποφάσεις σο λιντέν, αλλά εμ για τι μανγκέν λέσταρ τι οδηγίνελ-τουμέν ντα τι ντελ-τουμέν σοφία πριν τι λεν αποφάσεις.​—Ιακ 1:5

• Τι τθερέν εκ πρόγραμμας για τι διαβάνεν ι Γραφή ντα τι σικλιαρέν-τουμέν λάταρ. Διαβάνεν κάθε ντιβές ο Λάφι ι Ντεβλέσκο. (Ψλ 1:2) Σκεφτίνεν παραδείγματα τζενένγκε κατά Γραφή, ντα κερέν οντουλά σο σικλιόνα λένταρ. (Ιακ 1:​23-25) Προετοιμάνεν-τουμέν ι εργόσκε ντα μα ντεν μπέσα οντουλέντε σο τζανένα τουμέν. Διαβάνεν πο τζανγκλέ ι συναθροισιένγκε για τι βοηθίντιβεν πο μπουτ

• Τι κερέν μπουτί γιεκ ι Ιεχωβάσκε οργανωσιάσαρ. Σικλιόν ο πο νεβέ οδηγίες ι οργανωσιάκε, ντα κερέν-λεν χωρίς τι χασαρέν σαάτι. (Αρ 9:​17) Ασουνέν ι πρεσβυτερόν κάνα ντένα συμβουλές ντα οδηγίες.​—Εβρ 13:17

ΝΤΙΚΧΕΝ Ο ΒΙΝΤΕΟΣ ΜΑ ΝΤΑΡΕΝ ΚΑΤΑ ΔΙΩΓΜΟΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλέ πραγματένταρ νταρένας ο πφραλά ντα ο πφενιά;

• Σο βοηθιντάς-λεν τι νακχαβέν πουμαρί νταρ;