ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Σαρ τι Χρησιμοποιήνας ο Βίντεα ι Γραφιάκε Μαθηματένγκε
Τθεράσα σταρ βίντεα σο σικαβένα ι Γραφιάκε μαθηματένγκε ντα μπορίνασα τι χρησιμοποιήνας-λεν κο έργος. Σόσκε κερντιλό ο κάθε εκ ανταλέ βιντεόνταρ;
-
Σόσκε Αξίνελα τι Κερέν Μελέτη Κατά Αγία Γραφή;—Μπαρό Βίντεος κερντιλό για τι βοηθίνελ ι τζενέν τι μανγκέν πο μπουτ ι Γραφή σο-ντα θρησκεία τι αβέν. Τσσίντελα οντουλέν σο κα ντικχέν-λες τι ρόντεν αντρέ κι Γραφή για τι λεν απαντήσεις κο μπαρέ ερωτήσεις κι ζωγιάκε. Ντα ντέλα-λεν χάνικ τι αγαβέν οντουλά σο βακερέλα η Γραφή. Σικαβέλα σαρ μπορίνελα εκ τζενό τι αρχίνελ μελέτη.
-
Σόσκε Αξίνελα τι Κερέν Μελέτη Κατά Αγία Γραφή; (χουρντό βίντεος) ισί σαρ ο μπαρό βίντεος αλλά ισί μπουτ πο χουρντό. Μπορεί τι τθερέλ πο λατσσέ αποτελέσματα τθεμέντε σο ο τζενέ να τθερένα μπουτ σαάτι για τι κερέν λάφι.
-
Σαρ Αβέλα-πες η Μελέτη Κατά Αγία Γραφή; κερντιλό για τι ταρτίνελ ο ενδιαφέρον ι τζενένγκο κο δωρεάν μαθήματα κι Γραφιάκε ντα ντέλα απαντήσεις μερικέ ερωτησιέντε σο μπορεί τι τθερέν ο τζενέ ανταλέσκε σαρ για παράδειγμας, σαρ μπορίνενα τι μανγκέν εκ μελέτη κατά Γραφή.
-
Καλωσορίνασα-τουμέν κο Μαθήματα κι Γραφιάκε κερντιλό για τι σικαβάς-λες κο τζενέ σο κεράσα-λεν μελέτη. Παρόλο σο ο βίντεος ισί κι σελίδα ντούι κο βιβλίος Μπουτ Σουκάρ Ζωή για Πάντα!, μπορίνασα τι σικαβάς-λες κο τζενέ κάνα κεράσα λάφι κατά βιβλιάριος-ντα Μπουτ Σουκάρ Ζωή για Πάντα! Βακερέλα χάνικ λαφίντζαρ σο τθερέλα αντρέ ο βιβλίος ντα σο μπορίνελα τι μπεκλεντίνελ ο τζενό κατά συζητήσεις σο κα κερέλ.
Παρόλο σο ο κάθε βίντεος ισί κερντό εκχέ συγκεκριμέ σκοπόσκε, μπορίνασα τι σικαβάς ή τι μπουτσσαβάς κο τζενέ εκ ανταλένταρ κάνα χρειαζίντιβελα. Ισί λατσσό ο ευαγγελιζόμενοι τι σικλιόν ανταλά βίντεα μπουτ λατσσές ντα τι χρησιμοποιήνεν-λεν κο έργος.