Η Ανάμνηση ισί εκ λατσσί ευκαιρία για τι σκεφτίνας ο ευλογίες σο κα αβέν ανγκλ’ αμέντε επειδή τθεράσα ο λύτρος. Εκ ευλογία οντουλένταρ ισί η ανάσταση. Ο Ιεχωβά ποτές να μανγκέλας τι μερέν ο τζενέ. Οτθάρ, εκ κατά πιο μπέτι συναισθήματα σο τθεράσα ισί ι ντουκχ επειδή μερέλα αμένταρ εκ τζενό σο μανγκάσα. (1Κο 15:26) Ο Ιησούς ντουκχασάλο όταν ντικχλάς πι μαθητέν τι στεναχωρίντιβεν μπουτ επειδή μουλό ο Λάζαρος. (Ιωα 11:33-35) Αφού ο Ιησούς κερέλα ακριβώς ο πράγματα σο κερέλα ο Ντατ λέσκο, ισινάμ σίγουροι ότι ο Ιεχωβά-ντα ντουκχάλα όταν ντικχέλα-αμέν τι στεναχωρίντιβας επειδή μουλέ μερικά τζενέ σο μανγκάσα. (Ιωα 14:7) Ο Ιεχωβά μπεκλεντίνελα σαρ σαρ τι αβέλ ο σαάτι σο κα αναστίνελ ι τζενέν σο υπηρετίνενας-λες, σαρ μπεκλεντίνασα αμέν-ντα.—Ιώβ 14:14, 15.

Αφού ο Ιεχωβά μανγκέλα τι αβέν σαρέ ο πράγματα με εκ σειράς, ισί λογικός τι πακιάς ότι η ανάσταση-ντα κα αβέλ-πες με εκ σειράς. (1Κο 14:33, 40) Αντίς τι γκιντίντιβας για τι κεράς κηδείες, μπορεί τι γκιντίντιβας για τι καλωσορίνας ι τζενέν σο αναστισάλε. Ανένα τουμαρέ γκοντιάτε ι ανάσταση; Κερένα-λες ανταβά ατζέ πιο μπουτ όταν ισινέν στεναχωριμέ; (2Κο 4:17, 18) Ευχαριστίνενα ι Ιεχωβάς επειδή ντινάς ο λύτρος ντα σικαντάς κατά Γραφή ότι ο μουλέ κα τζουβντιόν πάλι;—Κολ 3:15.

• Καλέ τουμαρέ αμαλένταρ ντα τουμαρέ τζενένταρ μπεκλεντίνενα τι ντικχέν πιο μπουτ;

• Καλέ τζενέν κατά Αγία Γραφή μανγκένα τι ντικχέν πιο μπουτ;